إشَعْيا 26:3 - الكتاب المقدس بالعربي الدارجي هنا تشاد

³ يَا رَبّ! لِلنَّادُمْ الثَّابِتْ، إِنْتَ تِجِيبْ السَّلَامْ أَشَانْ هُو يِتْوَكَّلْ عَلَيْك.

إشَعْيا 26:3 Referenca të Kryqëzuara

فِلِبِّي 4:7

وَ اللّٰهْ يَنْطِيكُو سَلَامَهْ الْفَايِتْ فِكِرْ النَّاسْ. وَ خَلِّي سَلَامْ اللّٰهْ يَحْفَضْ قُلُوبْكُو وَ أَفْكَارْكُو وَ تَقْعُدُوا ثَابْتِينْ فِي الْمَسِيحْ عِيسَى.

يُوحَنَّا 16:33

أَنَا قُلْت لَيْكُو كُلَّ الْكَلَامْ دَا، أَشَانْ تَلْقَوْا السَّلَامْ بَيِّ أَنَا. أَكِيدْ، فِي الدُّنْيَا إِنْتُو تَتْعَبَوْا. لَاكِنْ شِدُّوا حَيْلكُو أَشَانْ أَنَا أَنَّصَرْت فِي الدُّنْيَا.»

يُوحَنَّا 14:27

«نِخَلِّيكُو بِسَلَامْ. نَنْطِيكُو سَلَامْ هَنَايِ. أَنَا نَنْطِيكُو مَا مِثِلْ نَاسْ الدُّنْيَا يَنْطُوكُو. مَا تِبَرْجُلُوا وَ مَا تَخَافَوْا.

زَبُور 9:10

الْيَعَرْفُوا أُسْمَكْ يِتْوَكَّلَوْا عَلَيْك أَشَانْ إِنْتَ مَا تَابَى الْيِفَتُّشُوكْ، يَا اللّٰهْ!

رَوْمَا 5:1

وَ خَلَاصْ، بِقِينَا صَالِحِينْ بِسَبَبْ الْإِيمَانْ وَ أَشَانْ دَا بِرَبِّنَا عِيسَى الْمَسِيحْ، أَنِحْنَ قَاعِدِينْ بِالسَّلَامْ مَعَ اللّٰهْ.

إشَعْيا 31:1

الْعَذَابْ لِلنَّاسْ الْيَنْزُلُوا فِي مَصِرْ لِلْفَزَعْ وَ يِنْتَكْلُوا عَلَيْ الْخَيْل وَ يِتْوَكَّلَوْا عَلَيْ عَرَبَاتْ الْحَرِبْ أَشَانْ هُمَّنْ كَتِيرِينْ وَ يِتْوَكَّلَوْا عَلَيْ سِيَادْ الْخَيْل أَشَانْ هُمَّنْ عِنْدُهُمْ قُدْرَةْ. وَ لَاكِنْ النَّاسْ دَوْل مَا عِنْدُهُمْ فِكِرْ فِي قُدُّوسْ إِسْرَائِيلْ وَ هُمَّنْ مَا يِفَتُّشُوا اللّٰهْ.

مِيخا 5:5

وَ هُو ذَاتَهْ يِجِيبْ السَّلَامْ. وَكِتْ عَسْكَرْ بَلَدْ أَشُورْ يَهْجُمُوا بَلَدْنَا وَ يَدْخُلُوا فِي قُصُورْنَا، أَنِحْنَ نِقَوُّمُوا ضِدُّهُمْ سَبْعَةْ كُبَارَاتْ وَ تَمَانَةْ شُيُوخْ شَعَبْ.

2 أخبار 16:8

اللِّيبِيِّينْ وَ الْحَبَشِيِّينْ هُمَّنْ عَسْكَرْ شُدَادْ وَ جَوْا بِعَرَبَاتْ الْحَرِبْ وَ سِيَادْ خَيْل كَتِيرِينْ مَرَّةْ وَاحِدْ. وَ بَيْدَا كُلَ، اللّٰهْ سَلَّمَاهُمْ لَيْك فِي إِيدَكْ وَكِتْ إِنْتَ أَتْوَكَّلْت عَلَيَّهْ.

2 أخبار 13:18

وَ فِي الْوَكِتْ دَا، عَسْكَرْ مَمْلَكَةْ إِسْرَائِيلْ أَنْهَزَمَوْا. وَ عَسْكَرْ مَمْلَكَةْ يَهُوذَا كَمَانْ أَنَّصَرَوْا أَشَانْ هُمَّنْ أَتْوَكَّلَوْا عَلَيْ اللّٰهْ رَبّ جُدُودْهُمْ.

1 أخبار 5:20

وَ فِي وَكْت الْحَرْبَةْ دِي، هُمَّنْ كَوْرَكَوْا لِلرَّبّ لِيَفْزَعْهُمْ أَشَانْ هُمَّنْ مُتَوَكِّلِينْ عَلَيَّهْ. وَ هُو قِبِلْ سُؤَالْهُمْ وَ نَصَرَاهُمْ فِي بَنِي هَاجَرْ وَ النَّاسْ الْمَعَاهُمْ.

إشَعْيا 48:2

يِنَادُوكُو نَاسْ الْمَدِينَةْ الْمُقَدَّسَةْ الْمُتَوَكِّلِينْ عَلَيْ إِلٰـهْ بَنِي إِسْرَائِيلْ وَ هُو أُسْمَهْ اللّٰهْ الْقَادِرْ.

إشَعْيا 50:1

وَ دَاهُو اللّٰهْ قَالْ: «صَحِيحْ أَنَا طَرَدْت أَمُّكُو. وَيْن مَكْتُوبْ الطَّلَاقْ؟ وَ لِيَاتُو أَنَا بِعْتُكُو لِنِكَفِّي دَيْنِي؟ أَعَرْفُوا! بِسَبَبْ خَطَاكُو بَسْ، بَاعَوْكُو وَ بِسَبَبْ عِصْيَانْكُو، طَلَّقَوْا أَمُّكُو.

زَبُور 119:165

فِيَّهْ سَلَامْ كَتِيرْ لِلْيِحِبُّوا تَوْرَاتَكْ وَ مَا فِي شَيّءْ الْيِتَرْتِعْهُمْ.

إشَعْيا 12:2

دَاهُو الْإِلٰـهْ الْمُنَجِّي! أَنَا أَتْوَكَّلْت عَلَيَّهْ وَ بَتَّانْ مَا نَخَافْ. أَشَانْ قُدُرْتِي وَ قُوِّتِي، هُو اللّٰهْ وَ هُو بَسْ النَّجَّانِي.»

إشَعْيا 26:12

يَا اللّٰهْ، إِنْتَ بَسْ ثَبَّتّْ لَيْنَا السَّلَامْ أَشَانْ كُلَّ أَعْمَالْنَا، إِنْتَ بَسْ تِحَقِّقْهُمْ لَيْنَا.

إشَعْيا 27:5

كَنْ يِدَوْرُوا يِسَوُّونِي مَلْجَئْهُمْ، خَلِّي يِسَوُّوا مَعَايِ سَلَامْ أَيْوَى، يِسَوُّوا مَعَايِ سَلَامْ.

إشَعْيا 32:18

وَ شَعَبِي يَقْعُدُوا فِي بَكَانْ هَنَا سَلَامْ فِي بُيُوتْ أَمِينِينْ وَ هَادِيِينْ وَ بَكَانْ هَنَا جُمَّةْ.

إشَعْيا 42:6

«أَنَا اللّٰهْ نَادَيْتَكْ لِلْعَدَالَةْ وَ كَرَبْت إِيدَكْ. أَنَا حَفَضْتَكْ وَ ثَبَّتَّكْ لِنِسَوِّيكْ تَبْقَى مُعَاهَدَةْ لِلشَّعَبْ وَ نُورْ لِلْأُمَمْ.

إشَعْيا 42:19

يَاتُو عَمْيَانْ بَلَا عَبْدِي؟ وَ يَاتُو طَرْشَانْ مِثِلْ رَسُولِي النِّرَسِّلَهْ! يَاتُو عَمْيَانْ مِثِلْ الْأَنَا عَزَلْتَهْ وَ عَمْيَانْ مِثِلْ عَبْدِي أَنَا اللّٰهْ؟

إشَعْيا 49:8

وَ دَاهُو اللّٰهْ قَالْ: «فِي وَكِتْ الْمُنَاسِبْ، أَنَا رَدَّيْت لَيْك وَ فِي يَوْم النَّجَاةْ، أَنَا فَزَعْتَكْ. أَنَا حَفَضْتَكْ لِتَبْقَى مُعَاهَدَةْ لِلشَّعَبْ وَ لِتِجَدِّدْ الْبَلَدْ وَ تِقَسِّمْ الْأَرْض الْخَرْبَانَةْ مِثِلْ وَرَثَةْ

إشَعْيا 66:12

وَ دَاهُو اللّٰهْ قَالْ: «أَنَا نَنْطِي السَّلَامْ لِمَدِينَةْ الْقُدُسْ مِثِلْ أَلْمِي الْبَحَرْ. وَ نِجِيبْ لَيْهَا مَجْد الْأُمَمْ مِثِلْ وَادِي الْجَارِي. وَ يِرَضُّعُوكُو وَ يِشِيلُوكُو فِي حُضُونْهُمْ وَ يِدَادُلُوكُو فِي الرِّكَبُّهُمْ.

دَنْيال 3:17

وَ لَاكِنْ، يَا الْمَلِكْ، إِلٰـهْنَا الْأَنِحْنَ قَاعِدِينْ نَعَبُدُوهْ يَقْدَرْ يِنَجِّينَا مِنْ النَّارْ أَمْ لَهِيبْ الشَّدِيدَةْ وَ مِنْ إِيدَكْ إِنْتَ كُلَ.

دَنْيال 3:28

وَ نَبُوخَدْنَصَرْ قَالْ: «بَارَكْ اللّٰهْ إِلٰـهْ شَدْرَاكْ وَ مِشَاكْ وَ عَبْد الْنَغُو الرَّسَّلْ مَلَكَهْ أَشَانْ يِنَجِّي عَبِيدَهْ الْهُمَّنْ أَتْوَكَّلَوْا عَلَيَّهْ. وَ خَالَفَوْا أَمْرِي أَنَا الْمَلِكْ وَ قَصَّدَوْا بِالْمَوْت كُلَ أَخَيْر لَيْهُمْ مِنْ يَعَبُدُوا وَ يَسْجُدُوا لِإِلٰـهْ آخَرْ الْمَا إِلٰـهُّمْ.

دَنْيال 6:23

وَ فِي الْبَكَانْ دَا، الْمَلِكْ فِرِحْ فَرْحَةْ شَدِيدَةْ وَ أَمَرْ يَمُرْقُوا دَنْيَالْ مِنْ النُّقْرَةْ. وَ وَكِتْ مَرَقَوْا دَنْيَالْ مِنْ النُّقْرَةْ، مَا شَافَوْا فَوْقَهْ أَيِّ جِرَاحْ أَشَانْ هُو آمَنْ بِإِلٰـهَهْ.

زَبُور 125:1

الْيِتْوَكَّلَوْا عَلَيْ اللّٰهْ، هُمَّنْ مِثِلْ جَبَلْ صَهْيُون الْمَا يِلْحَرَّكْ وَ قَاعِدْ إِلَى الْأَبَدْ.

إشَعْيا 32:17

نَتِيجَةْ الْعَدَالَةْ تَبْقَى السَّلَامْ وَ الْعَدَالَةْ تِجِيبْ الْهُدُوءْ وَ الْأَمِنْ الدَّايِمْ.

إشَعْيا 50:10

يَاتُو مِنْكُو يَخَافْ مِنْ اللّٰهْ وَ يَسْمَعْ كَلَامْ عَبْدَهْ؟ أَيِّ نَادُمْ الْيَمْشِي فِي الضَّلَامْ بَلَا ضَيّ، خَلِّي يِتْوَكَّلْ عَلَيْ اللّٰهْ وَ يِنْتَكِلْ عَلَيْ إِلٰـهَهْ.

إرْمِيا 39:18

وَ أَكِيدْ أَنَا نِنَجِّيكْ. إِنْتَ مَا تُمُوتْ فِي الْحَرِبْ وَ تِعِيشْ وَ تَبْقَى فَرْحَانْ أَشَانْ لِقِيتْ الْحَيَاةْ وَ دَا بِسَبَبْ إِنْتَ أَتْوَكَّلْت عَلَيِّ.“›» وَ دَا كَلَامْ اللّٰهْ.