إشَعْيا 26:19 - الكتاب المقدس بالعربي الدارجي هنا تشاد

¹⁹ يَا اللّٰهْ! خَلِّي مَيْتِينَكْ يَحْيَوْا وَ جَنَازَاتْهُمْ يَبْعَثَوْا. قُمُّوا وَ زَغْرُطُوا، يَا إِنْتُو السَّاكْنِينْ فِي لُبّ الْأَرْض! أَشَانْ اللّٰهْ يِنَزِّلْ النُّورْ مِثِلْ الْكَرَنْج وَ بَيَّهْ الْمَيْتِينْ يَبْعَثَوْا.

إشَعْيا 26:19 Referenca të Kryqëzuara

دَنْيال 12:2

وَ كَتِيرِينْ مِنْ النَّاسْ الْمَيْتِينْ يَبْعَثَوْا وَ وَاحِدِينْ مِنْهُمْ يَلْقَوْا الْحَيَاةْ الْأَبَدِيَّةْ وَ وَاحِدِينْ يَلْقَوْا الْعَيْب وَ الْإِهَانَةْ إِلَى الْأَبَدْ.

أفَسُس 5:14

وَ أَيِّ شَيّءْ الْيِنْشَافْ يِنْعَرِفْ بِالصَّحِيحْ. أَشَانْ دَا، نُقُولُوا: «يَا النَّايِمْ، قُمّ فَوْق! قُمّ مِنْ أُسْط الْمَيْتِينْ وَ الْمَسِيحْ يِضَوِّي نُورَهْ فَوْقَكْ.»

مَتَّى 27:52

وَ الْقُبُورْ أَنْفَتَحَوْا وَ مِنْ الصَّالِحِينْ الْمَيْتِينْ، كَتِيرِينْ بَعَثَوْا.

هُوشَع 13:14

هَلْ نِنَجِّيهُمْ مِنْ الْقَبُرْ؟ هَلْ نَفْدَاهُمْ مِنْ الْمَوْت؟ يَا الْمَوْت، وَيْن وَبَاكْ؟ يَا الْقَبُرْ، وَيْن خَرَابَكْ؟ بَتَّانْ مَا نِشِيفْهُمْ بِعَيْن الرَّحْمَةْ.

هُوشَع 6:2

بَعَدْ يَوْمَيْن، هُو يَنْطِينَا الْحَيَاةْ. أَيْوَى، فِي الْيَوْم التَّالِتْ، يِقَوِّمْنَا وَ نِعِيشُوا قِدَّامَهْ.

زَبُور 71:20

إِنْتَ وَصَّفْتِنِي عِدَّةْ مَرَّاتْ الضِّيقَةْ وَ الْمَصَايِبْ. وَ لَاكِنْ بَعَدْ دَا، تَنْطِينِي الْحَيَاةْ وَ تَمْرُقْنِي مِنْ خَطَرْ الْمَوْت.

إشَعْيا 25:8

وَ بَيْدَا، اللّٰهْ الرَّبّ يِدَمِّرْ الْمَوْت إِلَى الْأَبَدْ وَ يُقُشّ دُمُوعْ كُلَّ الْوُجُوهْ وَ يِوَدِّرْ عَيْب شَعَبَهْ فِي كُلَّ الْأَرْض. دَا كَلَامْ اللّٰهْ الْهُو قَالَهْ.

فِلِبِّي 3:21

وَ بِقُدُرْتَهْ الْعَظِيمَةْ الْيُخُطّ بَيْهَا كُلَّ شَيّءْ تِحِتْ حُكْمَهْ، هُو يَجِي يِغَيِّرْ جِسِمْنَا الضَّعِيفْ وَ يَجْعَلَهْ مِثِلْ جِسْمَهْ هُو الْمَجِيدْ.

زَكَرِيَّا 8:12

هَسَّعْ نَزْرَعْ السَّلَامْ وَ جِنَيْنَةْ الْعِنَبْ تَلْدَ وَ الْأَرْض تَنْطِي إِنْتَاجْهَا وَ السَّمَاءْ تِنَزِّلْ مَطَرْ. وَ نَنْطِي كُلَّ الشَّيّءْ دَا مِثِلْ وَرَثَةْ لِلْفَضَّلَوْا مِنْ الشَّعَبْ.

1 كُرُنْتُس 15:20

لَاكِنْ بِالصَّحِيحْ، الْمَسِيحْ بَعَثْ مِنْ أُسْط الْمَيْتِينْ. وَ بَيْدَا، هُو يَضْمَنْ كَدَرْ الْمَيْتِينْ يَبْعَثَوْا.

هُوشَع 14:5

أَنَا نَبْقَى مِثِلْ مَطَرْ لِبَنِي إِسْرَائِيلْ وَ هُمَّنْ يِنَوُّرُوا مِثِلْ السِّتَّيْب. يِدِسُّوا عُرُوقْهُمْ مِثِلْ شَدَرْ لُبْنَانْ

فِلِبِّي 3:10

وَ نِجَاهِدْ أَشَانْ نَعَرِفْ الْمَسِيحْ تَمَامْ وَ نِعِيشْ بِقُدْرَةْ بُعَاثَهْ وَ نِشَارِكْ مَعَايَهْ فِي تَعَبَهْ. وَ نِدَوْر نَبْقَى مِثِلْ هُو بِقِي فِي مَوْتَهْ

زَبُور 22:15

وَ خَشْمِي يِبِسْ كَرّ مِثِلْ الطِّينَةْ وَ لِسَانِي مَا يَقْدَرْ يِحَجِّي وَ لِتُرَابْ الْمَوْت، إِنْتَ وَدَّيْتنِي.

تَثْنِية 33:28

بَنِي إِسْرَائِيلْ يَسْكُنُوا بِأَمَانْ وَ ذُرِّيَّةْ يَعْقُوبْ يَقْعُدُوا وِحَيْدهُمْ فِي بَلَدْ الْقَمَحْ وَ الْخَمَرْ الْجَدِيدْ وَ السَّمَاءْ يِنَزِّلْ الْكَرَنْج.

أعمال الرُسُل 24:15

أَنَا كُلَ مُؤمِنْ بِاللّٰهْ. وَ مِثِلْهُمْ نَرْجَى بِعَشَمْ الْبُعَاثْ. وَ نَعَرِفْ اللّٰهْ يَبْعَثْ كُلَّ النَّاسْ، النَّاسْ الْعَدِيلِينْ وَ النَّاسْ الْمَا عَدِيلِينْ.

إشَعْيا 51:17

قُمِّي! قُمِّي فَوْق، يَا مَدِينَةْ الْقُدُسْ! قُمِّي، إِنْتِ الشِّرِبْتِ مِنْ كَاسْ غَضَبْ اللّٰهْ الْفِي إِيدَهْ. دَا الْكَاسْ الْيِلِفّ الرَّاسْ وَ إِنْتِ شِرِبْتِيهْ لَحَدِّي كَمَّلْتِيهْ.

تَثْنِية 33:13

وَ فِي ذُرِّيَّةْ يُوسُفْ، هُو قَالْ: اللّٰهْ يِبَارِكْ بَلَدْهُمْ وَ يَلْقَوْا الرَّحْمَةْ بِالْمَطَرَةْ التَّنْزِلْ مِنْ السَّمَاءْ وَ الْكَرَنْج وَ عُيُونْ أَلْمِي الْيَطْلَعَوْا مِنْ الْأَرْض.

تَثْنِية 32:2

وَ خَلِّي تَعْلِيمِي يِسِيلْ مِثِلْ أَلْمِي الْمَطَرْ وَ كَلَامِي يَنْزِلْ مِثِلْ كَرَنْج وَ مِثِلْ هَدَبْ أَلْمِي فِي الْخَضَارْ وَ مِثِلْ مَطَرْ فِي الْقَشّ.

مَتَّى 27:58

وَ مَشَى لِبِلَاطُسْ وَ سَأَلَهْ جَنَازَةْ عِيسَى وَ بِلَاطُسْ أَوْرَى عَسْكَرَهْ يَنْطُوهَا لَيَّهْ.

زَبُور 110:3

وَ بِنِيِّتْهُمْ، كُلَّ شَعَبَكْ يَقِيفُوا مَعَاكْ وَكِتْ تِجَهِّزْ عَسْكَرَكْ فِي الْجِبَالْ الْمُقَدَّسِينْ. وَ الشَّبَابْ يَجُوا لَيْك كَتِيرِينْ وَ يِرَارُوا قِدَّامَكْ مِثِلْ كَرَنْج الْفَجُرْ.

أيُّوب 29:19

نَبْقَى مِثِلْ شَدَرَةْ الْعُرُوقْهَا رَوْيَانِينْ أَلْمِي وَ بِلَيْل، التَّلَجْ يَنْزِلْ فِي فُرُوعِي.

1 صَمُوِيل 2:6

اللّٰهْ يِمُوِّتْ الْإِنْسَانْ وَ يِحَيِّيهْ وَ يِنَزِّلَهْ فِي الْقَبُرْ وَ يِقَوِّمَهْ مِنَّهْ.

زَبُور 22:29

كُلَّ الْغَنِيِّينْ الْفِي الْأَرْض يَاكُلُوا وَ يَسْجُدُوا قِدَّامَهْ وَ كُلَّ الْمَاشِينْ لِلْقُبُورْ وَ الضَّعِيفِينْ وَ الْمَا عِنْدُهُمْ قُدْرَةْ يَرْكَعَوْا قِدَّامَهْ.

إشَعْيا 18:4

أَشَانْ دَاهُو اللّٰهْ قَالْ لَيِّ: «مِنْ بَكَانِي، أَنَا نِشِيفْ وَ نَقْعُدْ سَاكِتْ مِثِلْ الْحَرَّايْ الشَّدِيدَةْ فِي النَّهَارْ وَ مِثِلْ سَحَابَايِةْ الْكَرَنْج فِي حَمُو وَكِتْ الْقَطِعْ.»

أيُّوب 14:8

حَتَّى كَانْ عُرُوقْهَا طَوَّلَوْا فِي الْأَرْض وَ دُنْبُرْهَا مَاتْ فِي التُّرَابْ كُلَ،

زَبُور 88:11

فِي الْقَبُرْ يِحَجُّوا بِرَحْمَتَكْ وَلَّا؟ وَ فِي الْهَلَاكْ يِحَجُّوا بِصِدْقَكْ وَلَّا؟