إشَعْيا 26:10 - الكتاب المقدس بالعربي الدارجي هنا تشاد

¹⁰ لَاكِنْ كَنْ يِحِنُّوا فِي الْعَاصِي، هُو مَا يِلْعَلَّمْ الْعَدَالَةْ. فِي بَلَدْ الْحَقّ كُلَ، هُو يِسَوِّي الْفَسَالَةْ وَ مَا يِشِيفْ عَظَمَةْ اللّٰهْ.

إشَعْيا 26:10 Referenca të Kryqëzuara

هُوشَع 11:7

شَعَبِي أَنْرَبَطَوْا فِي كُفُرْهُمْ. نَادَوْهُمْ لِيِشِيفُوا عَلَيِّ فَوْق وَ لَاكِنْ وَاحِدْ مِنْهُمْ كُلَ مَا رَفَعْ رَاسَهْ.»

رُؤية 2:21

أَنَا أَنْطَيْتهَا فُرْصَةْ لِتُتُوبْ مِنْ ذُنُوبْهَا لَاكِنْ هِي أَبَتْ مَا تَابَتْ مِنْ الزِّنَى.

مِيخا 2:10

يَلَّا قُمُّوا أَمْشُوا! الْبَلَدْ دِي بَتَّانْ مَا عِنْدَهَا لَيْكُو رَاحَةْ أَشَانْ بِنَجَاسِتْكُو، جِبْتُوا فَوْقهَا الدَّمَارْ وَ دَا دَمَارْ كَامِلْ مَرَّةْ وَاحِدْ!

إرْمِيا 2:7

«وَ اللّٰهْ قَالْ بَتَّانْ: ‹أَنَا جِبْتُكُو فِي الْبَلَدْ الْخَضْرَةْ أَشَانْ تُدُوقُوا إِنْتَاجْهَا وَ تَفْرَحَوْا بِجَمَالْهَا. وَ لَاكِنْ وَكِتْ دَخَلْتُوا فَوْقهَا، نَجَّسْتُوا بَلَدِي وَ أَرْضِي الْأَنْطَيْتهَا لَيْكُو وَرَثَةْ، حَرَّمْتُوهَا.

جامِعة 3:16

وَ دَاهُو بَتَّانْ الشَّيّءْ الْأَنَا شِفْتَهْ فِي الْأَرْض. فِي بَكَانْ الْعَدَالَةْ، الظُّلُمْ قَاعِدْ! وَ فِي بَكَانْ الشَّرِيعَةْ، الظُّلُمْ قَاعِدْ!

أمْثال 1:32

أَيِّ جَاهِلْ كَنْ يَابَى لُوَامْتِي، يُمُوتْ وَ أَيِّ مَطْمُوسْ كَنْ مَا يِهِمّ بَيِّ، يِوَدِّرْ.

زَبُور 106:43

عِدَّةْ مَرَّاتْ، اللّٰهْ نَجَّاهُمْ وَ لَاكِنْ هُمَّنْ عِصَوْا بِشَوْرِتْهُمْ وَ قَعَدَوْا دَايْماً فِي الْخَطَا.

تَثْنِية 32:15

وَ بَنِي إِسْرَائِيلْ سِمْنَوْا وَ عِصَوْا. أَيْوَى، هُمَّنْ سِمْنَوْا وَ قَرْقَطَوْا وَ تِخْنَوْا. وَ خَلَاصْ أَبَوْا اللّٰهْ الْخَلَقَاهُمْ وَ حَقَرَوْا مَلْجَئْهُمْ وَ مُنَجِّيهُمْ.

خُروج 9:34

وَكِتْ الْمَلِكْ شَافْ الْمَطَرَةْ وَ الْبَرَدْ وَ الدَّقْدَاقْ وَقَفَوْا، هُو مَعَ خَدَّامِينَهْ سَوَّوْا بَتَّانْ نَفْس الذَّنِبْ مِثِلْ أَوَّلْ وَ قَوَّوْا رُوسَيْهُمْ زِيَادَةْ.

خُروج 8:15

وَ لَاكِنْ وَكِتْ الْمَلِكْ شَافْ كَدَرْ هُو أَنْحَلَّ خَلَاصْ، بَتَّانْ قَمَّ سَوَّى رَاسْ قَوِي وَ أَبَى مَا سِمِعْ كَلَامْ مُوسَى وَ هَارُونْ مِثِلْ اللّٰهْ قَالَهْ.

هُوشَع 13:6

أَنَا سَرَّحْتُكُو فِي مَرْعَى عَدِيلْ وَ إِنْتُو رِوِيتُوا وَ شِبِعْتُوا. وَ مِنْ شِبِعْتُوا، الْإِسْتِكْبَارْ دَخَلْ فِي قُلُوبْكُو وَ بَيْدَا، إِنْتُو نِسِيتُونِي.

هُوشَع 9:3

نَاسْ أَفْرَايِمْ مَا يَسْكُنُوا بَتَّانْ فِي بَلَدْ اللّٰهْ. هُمَّنْ يِقَبُّلُوا مَصِرْ وَ فِي بَلَدْ أَشُورْ كُلَ، يَاكُلُوا أَكِلْ نِجِسْ.

إرْمِيا 31:23

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «بَعَدْ نِقَبِّلْهُمْ مِنْ الْغُرْبَةْ وَ نِثَبِّتْهُمْ فِي بَلَدْ يَهُوذَا وَ مُدُنْهَا، هُمَّنْ يِحَجُّوا بِالْكَلَامْ دَا بَتَّانْ وَ يُقُولُوا: ‹خَلِّي اللّٰهْ يِبَارِكَكْ، يَا صَهْيُون الْجَبَلْ الْمُقَدَّسْ، يَا مَسْكَنْ الْعَدَالَةْ!›

إشَعْيا 27:13

وَ فِي الْيَوْم دَا، يَضُرْبُوا الْبُوقْ الْكَبِيرْ. وَ خَلَاصْ، يَجُوا الْوَدَّرَوْا فِي بَلَدْ أَشُورْ وَ الْمُشَتَّتِينْ فِي بَلَدْ مَصِرْ. وَ هُمَّنْ يَسْجُدُوا قِدَّامْ اللّٰهْ فِي الْجَبَلْ الْمُقَدَّسْ، فِي مَدِينَةْ الْقُدُسْ.

إشَعْيا 24:5

وَ الْأَرْض، سُكَّانْهَا يِنَجُّسُوهَا أَشَانْ هُمَّنْ مَا طَبَّقَوْا الْوَصَايَا وَ خَالَفَوْا الْقَوَانِينْ وَ قَطَعَوْا الْمُعَاهَدَةْ الدَّايْمَةْ.

إشَعْيا 5:12

الْجِقِنْدِيَّةْ وَ أَمْ سِبَيْبَةْ وَ التَّنْبَلْ وَ الصُّفَّارَةْ، هُمَّنْ دَوْل يِشَجُّعُوا سَكَرْهُمْ. لَاكِنْ النَّاسْ دَوْل، مَا قَاعِدِينْ يِفَكُّرُوا فِي عَمَلْ اللّٰهْ وَ لَا يِشِيفُوا شَيّءْ السَّوَّتَهْ إِيدَهْ.

إشَعْيا 2:10

يَا النَّاسْ أَدْخُلُوا فِي كَرَاكِيرْ الْجِبَالْ وَ أَلَّبَّدَوْا فِي النُّقَارْ بَعِيدْ مِنْ خَوْف اللّٰهْ الشَّدِيدْ وَ نُورْ مَجْدَهْ.

زَبُور 143:10

عَلِّمْنِي لِنِسَوِّي نِيّتَكْ أَشَانْ إِنْتَ إِلٰـهِي. خَلِّي رُوحَكْ الْعَدِيلْ يِوَدِّينِي فِي أَرْض مُسْتَوِيَةْ!

1 صَمُوِيل 15:17

وَ صَمُوِيلْ قَالْ: «إِنْتَ تَعَرِفْ نَفْسَكْ كَدَرْ إِنْتَ مَا تِسَاوِي شَيّءْ وَ لَاكِنْ هَسَّعْ بِقِيتْ كَبِيرْ فِي قَبَايِلْ بَنِي إِسْرَائِيلْ. وَ اللّٰهْ بَسْ مَسَحَكْ وَ دَرَّجَكْ فَوْقهُمْ مَلِكْ.

إشَعْيا 32:6

أَشَانْ الْمَطْمُوسْ يُقُولْ كَلَامْ شَيْن وَ فِي قَلْبَهْ يُضُمّ الشَّرّ. هُو يِسَوِّي الْفَسَالَةْ وَ يَكْفُرْ وَ يَكْدِبْ فِي اللّٰهْ. وَ يَمْنَعْ الْأَكِلْ لِلْجِيعَانْ وَ الْأَلْمِي لِلْعَطْشَانْ.

مَتَّى 4:5

وَ إِبْلِيسْ وَدَّاهْ فِي مَدِينَةْ الْقُدُسْ وَ خَطَّاهْ فِي بَكَانْ عَالِي فِي رَاسْ بَيْت اللّٰهْ.

خُروج 9:30

وَ لَاكِنْ أَنَا نَعَرِفْ كَدَرْ إِنْتَ وَ خَدَّامِينَكْ لِسَّاعْكُو مَا خَايْفِينْ مِنْ اللّٰهْ إِلٰـهْنَا.»

زَبُور 69:27

خَلِّيهُمْ يَقَعَوْا مِنْ خَطَا فِي خَطَا وَ مَا يَلْقَوْا دَرِبْ يَدْخُلُوا فِي عَدَالْتَكْ.

إشَعْيا 32:7

الْغَشَّاشْ عَمَلَهْ فَسِلْ. هُو يِخَطِّطْ الْفَسَالَةْ لِيِدَمِّرْ الْمَسَاكِينْ بِكَلَامْ كِدِبْ وَكِتْ يِدَافُعُوا لِحُقُوقْهُمْ.

2 مُلوك 13:6

وَ لَاكِنْ بَيْدَا كُلَ، نَاسْ مَمْلَكَةْ إِسْرَائِيلْ مَا خَلَّوْا مِنْهُمْ الذُّنُوبْ اللَّزَّاهُمْ فَوْقهُمْ يَرُبَعَامْ وَ عَايِلْتَهْ. وَ هُمَّنْ قَعَدَوْا فِي ذُنُوبْهُمْ حَتَّى خَلَّوْا فِي السَّامِرَةْ الْعُودْ الْغَزَّوْه لِعِبَادَةْ إِلٰـهَةْ أَشِيرَةْ.

جامِعة 8:11

الْعِقَابْ مَا يِنَّفَّذْ عَجَلَةْ فِي الْعَمَلْ الْفَسِلْ. وَ بَيْدَا، قَلْب الْإِنْسَانْ فِي دَاخِلَهْ مَلَانْ بِنِيَّةْ هَنَا سَوِّيِّنْ الْفَسَالَةْ.

إشَعْيا 1:21

كِكَّيْف الْمَدِينَةْ الْأَمِينَةْ بِقَتْ شَرْمُوطَةْ؟ أَوَّلْ هِي مَلَانَةْ بِالْعَدَالَةْ. أَيْوَى، أَوَّلْ الْعَدَالَةْ سَاكْنَةْ فَوْقهَا لَاكِنْ هَسَّعْ سَاكْنِينْ فَوْقهَا كَتَّالِينْ دِمَمْ.