إشَعْيا 24:8 - الكتاب المقدس بالعربي الدارجي هنا تشاد

⁸ وَ حِسّ التَّنَابِلْ الْحَلُو يَقِيفْ وَ عَايِطْ الْفَرْحَانِينْ يِكَمِّلْ وَ ضَرِبِينْ الْجِقِنْدِيَّةْ الْحَلُو كُلَ يَقِيفْ.

إشَعْيا 24:8 Referenca të Kryqëzuara

هُوشَع 2:11

وَ نِوَقِّفْ فَرَحْهَا هَنَا أَيِّ عِيدْ وَ هَنَا أَوَّلْ يَوْم فِي كُلِّ شَهَرْ وَ هَنَا كُلِّ يَوْم سَبْت وَ هَنَا كُلِّ عَازُومَةْ.

رُؤية 18:22

يَا بَابِلْ، حِسّ الْجِقِنْدِيَّةْ وَ الْفَنَّانْ وَ الصُّفَّارَةْ وَ الْبُرُنْجِي أَبَداً مَا يِنْسَمْعُوا فَوْقكِ بَتَّانْ. وَ مَا فِي أَيِّ أُسْطَى هَنَا أَيِّ خِدْمَةْ يِنْلَقِي فَوْقكِ بَتَّانْ. وَ حَرَكَةْ الطَّاحُونَةْ أَبَداً مَا تِنْسَمِعْ فَوْقكِ بَتَّانْ.

حِزْقِيال 26:13

وَ أَنَا نِوَقِّفْ حَرَكَةْ غِنَيْكِ وَ حِسّ جِقِنْدِيَّاتْكِ كُلَ مَا يِنْسَمِعْ بَتَّانْ.

إرْمِيا 7:34

وَ فِي حِلَّالْ بَلَدْ يَهُوذَا وَ شَوَارِعْ مَدِينَةْ الْقُدُسْ، أَنَا نِوَقِّفْ كُلَّ الزَّغْرَاطْ وَ الرَّقْرَاقْ وَ غِنَيْ الْعُرْسَانْ. أَشَانْ الْبَلَدْ دِي تَخْرَبْ.»

إرْمِيا 25:10

وَ أَنَا نِوَقِّفْ كُلَّ الزَّغْرَاطْ وَ الرَّقْرَاقْ وَ غِنَيْ الْعَرُوسْ وَ حِسّ الْمُرْحَاكَةْ وَ ضَيّ الْفَانُوسْ.

إرْمِيا 16:9

أَشَانْ أَنَا اللّٰهْ الْقَادِرْ إِلٰـهْ بَنِي إِسْرَائِيلْ قُلْت: ‹فِي الْبَلَدْ دِي، فِي الْأَيَّامْ دَوْل وَ قِدَّامْ عُيُونْكُو، أَكِيدْ أَنَا نِوَقِّفْ أَيِّ غِنَيْ هَنَا سُرُورْ وَ فَرَحْ وَ رَقْرَاقْ الْعَرِيسْ وَ زَغْرَاطْ الْعَرُوسْ.›»

إشَعْيا 5:12

الْجِقِنْدِيَّةْ وَ أَمْ سِبَيْبَةْ وَ التَّنْبَلْ وَ الصُّفَّارَةْ، هُمَّنْ دَوْل يِشَجُّعُوا سَكَرْهُمْ. لَاكِنْ النَّاسْ دَوْل، مَا قَاعِدِينْ يِفَكُّرُوا فِي عَمَلْ اللّٰهْ وَ لَا يِشِيفُوا شَيّءْ السَّوَّتَهْ إِيدَهْ.

أيُّوب 30:31

أَنَا بِقِيتْ مِثِلْ جِقِنْدِيَّةْ غِنَيْ الْحِزِنْ وَ صُفَّارَةْ حِسّ الْبَكَّايِينْ.

زَبُور 137:2

فِي شَدَرْ الْبَكَانْ دَا، عَلَّقْنَا جِقِنْدِيَّاتْنَا.

إشَعْيا 5:14

وَ فِي شَانْ دَا، الْهَاوِيَةْ تِوَسِّعْ حَلْقُومْهَا وَ خَشُمْهَا، تَفْتَحَهْ وَسِيعْ بَلَا حَدّ. وَ يَنْزُلُوا فَوْقهَا الْعِنْدُهُمْ شَرَفْ وَ كَتِيرِينْ مِنْ نَاسْ الْحِلَّةْ وَ حَرَكَتْهُمْ هَنَا الْفَرْحَةْ كُلَ تَنْزِلْ مَعَاهُمْ.

إشَعْيا 16:10

وَ الْفَرْحَةْ وَ السُّرُورْ بِقَوْا مَا فِيهُمْ وَ فِي جِنَيْنَاتْ الْعِنَبْ، مَا فِي زَغْرَاطْ وَ لَا فَرْحَةْ. وَ الْيَقْطَعْ الْعِنَبْ مَا يَعَصِرَهْ فِي الْعَصَّارَةْ وَ غِنَيْ الْفَرَحْ بِقِي مَا فِيهْ.

مَراثِي إرْمِيا 5:14

وَ الشُّيُوخْ مَا مَشَوْا لِلْمَجْلَسْ وَ الشَّبَابْ خَلَّوْا غِنَيْهُمْ.

حِزْقِيال 28:13

وَ إِنْتَ قَاعِدْ فِي عَدِنْ جِنَيْنَةْ اللّٰهْ. وَ لُبَاسَكْ مُجَمَّلْ بِكُلَّ نَفَرْ هَنَا الْحُجَارْ الْغَالِيِّينْ مِثِلْ الْعَقِيقْ الْأَحْمَرْ وَ الْيَاقُوتْ الْأَصْفَرْ وَ الْمَاسّ وَ الزَّبَرْجَدْ وَ الْعَقِيقْ الْأَبْيَضْ وَ الْخَرَزْ وَ الْيَاقُوتْ الْأَخْضَرْ وَ الْمَرَجَانْ وَ الزُّمُرُّدْ. وَ بِدَهَبْ، دَقَّوْا لَيْك خَوَاتِمْ وَ سُوَارْ الْجَهَّزَوْهُمْ مِنْ يَوْم خَلَقَوْك.

أيُّوب 3:7

أَيْوَى، خَلِّي اللَّيْلَةْ دِي تَبْقَى عَاقْرَةْ وَ مَا يُكُونْ فَوْقهَا فَرَحْ جَيَّةْ الْمَوْلُودْ.

عَمُوس 6:7

وَ أَشَانْ دَا، هَسَّعْ تَبْقَوْا أَوَّلْ نَاسْ الْيَكُرْبُوهُمْ وَ يِوَدُّوهُمْ فِي الْغُرْبَةْ. وَ الرَّاحَةْ الْإِنْتُو عَايْشِينْ فَوْقهَا دِي كُلَ تَبْقَى مَا فِيهَا.