إشَعْيا 24:6 - الكتاب المقدس بالعربي الدارجي هنا تشاد

⁶ وَ سُكَّانْ الْأَرْض يِلْعَاقَبَوْا بِسَبَبْ خَطَاهُمْ وَ فِي شَانْ دَا بَسْ، اللَّعَنَةْ تَلْحَقْ الْأَرْض. وَ بَيْدَا، سُكَّانْ الْأَرْض يَحْرَقَوْا وَ يِفَضُّلُوا مِنْهُمْ شِيَّةْ بَسْ.

إشَعْيا 24:6 Referenca të Kryqëzuara

مَلاخِـي 4:1

وَ اللّٰهْ الْقَادِرْ قَالْ: «دَاهُو الْيَوْم دَا جَايِ حَامِي مِثِلْ الْفُرُنْ. وَ كُلَّ الْمُسْتَكْبِرِينْ وَ الْعَاصِيِينْ يَبْقَوْا مِثِلْ الْقَشّ. وَ الْيَوْم الْجَايِ دَا يَحْرِقْهُمْ وَ لَا يِخَلِّي لَيْهُمْ عِرِقْ وَ لَا فِرِعْ.

مَتَّى 7:14

وَ لَاكِنْ الدَّرِبْ الْيِوَدِّي النَّاسْ لِلْحَيَاةْ، هُو قَاسِي بِلْحَيْن وَ بَابَهْ ضَيِّقْ مَرَّةْ وَاحِدْ. وَ نَاسْ شِيَّةْ بَسْ يَمْشُوا عَلَيَّهْ.

رَوْمَا 9:27

وَ لَاكِنْ فِي بَنِي إِسْرَائِيلْ النَّبِي إِشَعْيَا حَجَّى بِحِسّ عَالِي وَ قَالْ: <كَنْ بَنِي إِسْرَائِيلْ بِقَوْا كَتِيرِينْ مِثِلْ رَمْلَةْ هَنَا خَشُمْ الْبَحَرْ كُلَ، شِيَّةْ مِنْهُمْ بَسْ يَنْجَوْا.

مَلاخِـي 4:6

وَ هُو يِجِيبْ السَّلَامْ بَيْن الْأَبَّهَاتْ وَ عِيَالْهُمْ وَ بَيْن الْعِيَالْ وَ أَبَّهَاتْهُمْ. وَ مِثِلْ دَا، مَا نَجِي نِدَمِّرْ الْبَلَدْ.»

لاوِيِّين 26:22

وَ نِقَوِّمْ ضِدُّكُو حَيْوَانَاتْ الْكَدَادَةْ الْيَاكُلُوا عِيَالْكُو وَ يِكَمُّلُوا بَهَايِمْكُو وَ يِسَوُّوكُو شِيَّةْ وَ دُرُوبْكُو يَبْقَوْا فَاضِيِينْ.

2 بُطْرُس 3:10

وَ لَابُدَّ يَوْم اللّٰهْ يَجِي بِغَفْلَةْ مِثِلْ جَيَّةْ السَّرَّاقْ. وَ عَجَلَةْ كَيْ حَرَكَةْ شَدِيدَةْ تِنْسَمِعْ وَ السَّمَاوَاتْ يَبْقَوْا مَا فِيهُمْ وَ النُّجُومْ يِنْحَرْقُوا. وَ الْأَرْض وَ كُلَّ شَيّءْ الْيِسَوُّوهْ فَوْقهَا يِنْكَشِفْ.

مَلاخِـي 3:9

وَ بَيْدَا، إِنْتُو قَاعِدِينْ تِحِتْ اللَّعَنَةْ أَشَانْ غَشَّيْتُونِي أَنَا، إِنْتُو كُلَّ الْأُمَّةْ.

مَلاخِـي 2:2

وَ كَنْ مَا تَسْمَعَوْنِي وَ لَا تِذَّكَّرَوْنِي فِي قُلُوبْكُو لِتِمَجُّدُوا أُسْمِي، أَنَا نَلْعَنْكُو وَ نَجْعَلْ بَرَكَاتْكُو لَعَنَةْ. أَيْوَى، نَجْعَلْ بَرَكَاتْكُو لَعَنَةْ أَشَانْ إِنْتُو مَا كَرَّمْتُونِي فِي قُلُوبْكُو. وَ دَا، اللّٰهْ الْقَادِرْ بَسْ قَالَهْ.

حِزْقِيال 5:3

وَ لَاكِنْ شِيلْ شِيَّةْ مِنْ الصُّوفْ دَا وَ صُرَّهْ فِي خَلَقَكْ.

إشَعْيا 1:31

الرَّاجِلْ الشَّدِيدْ يَبْقَى مِثِلْ قَشّ وَ عَمَلَهْ يَبْقَى مِثِلْ شَرَارَةْ. هُو وَ عَمَلَهْ يَحْرَقَوْا سَوَا وَ مَا فِي نَادُمْ الْيَكْتُلْ النَّارْ مِنْهُمْ.»

تَثْنِية 28:62

كَنْ أَوَّلْ إِنْتُو كَتِيرِينْ مِثِلْ نُجُومْ السَّمَاءْ كُلَ، خَلَاصْ تِفَضُّلُوا شِيَّةْ أَشَانْ مَا سِمِعْتُوا كَلَامْ اللّٰهْ إِلٰـهْكُو.

تَثْنِية 4:27

وَ اللّٰهْ يِشَتِّتْكُو فِي لُبّ الْأُمَمْ وَ تِفَضِّلْ مِنْكُو أُمَّةْ صَغَيْرَةْ بَسْ فِي لُبّ الْأُمَمْ الْاللّٰهْ يِوَدِّيكُو فِي بَكَانْهُمْ.

مَتَّى 27:25

وَ النَّاسْ كُلُّهُمْ رَدَّوْا لَيَّهْ وَ قَالَوْا: «خَلِّي دِمِّتَهْ تَقَعْ فِي رَاسْنَا وَ فِي رَاسْ عِيَالْنَا!»

إشَعْيا 5:24

فِي شَانْ دَا، هُمَّنْ يَبْقَوْا مِثِلْ قَشّ التَّاكُلَهْ النَّارْ وَ مِثِلْ عَقَيْق الْيِوَدِّرْ فِي أَمْ بَلْبَالَةْ. وَ عُرُوقْهُمْ يِعَفُّنُوا وَ نُوَّارْهُمْ يَبْقَوْا مِثِلْ عَجَاجْ. أَشَانْ هُمَّنْ مَا طَبَّقَوْا تَوْرَاةْ اللّٰهْ الْقَادِرْ وَ حَقَرَوْا كَلَامْ قُدُّوسْ إِسْرَائِيلْ.

إشَعْيا 9:19

مِنْ شِدَّةْ غَضَبْ اللّٰهْ الْقَادِرْ، الْبَلَدْ تَحْرَقْ وَ الشَّعَبْ يَبْقَوْا حَطَبْ النَّارْ وَ مَا فِي نَادُمْ الْيِحِنّ فِي أَخُوهْ.

إشَعْيا 34:5

وَ اللّٰهْ قَالْ: «فِي السَّمَاوَاتْ، سَيْفِي رَوْيَانْ بِالْغَضَبْ وَ دَاهُو يَنْزِلْ ضِدّ بَلَدْ أَدَوْم، ضِدّ الشَّعَبْ الْأَنَا خَصَّصْتُهُمْ لِلدَّمَارْ.»

إشَعْيا 43:28

وَ أَنَا مَا شَرَّفْت كُبَارَاتَكْ هَنَا الْبَكَانْ الْمُقَدَّسْ وَ يَعْقُوبْ، خَصَّصْتَكْ لِلدَّمَارْ وَ إِسْرَائِيلْ، عَاقَبْتَكْ بِالْمُعْيَارْ.»

إرْمِيا 5:14

وَ فِي شَانْ هُمَّنْ قَالَوْا الْكَلَامْ دَا، دَاهُو اللّٰهْ الْإِلٰـهْ الْقَادِرْ قَالْ: «يَا إِرْمِيَا، كَلَامِي الْفِي خَشْمَكْ دَا، نِسَوِّيهْ مِثِلْ نَارْ. وَ الشَّعَبْ دَوْل نِسَوِّيهُمْ حَطَبْ وَ النَّارْ تَاكُلْهُمْ.

2 مُلوك 24:12

وَ خَلَاصْ، يُيَكِينْ مَلِكْ مَمْلَكَةْ يَهُوذَا مَرَقْ ضِدّ مَلِكْ بَابِلْ وَ شَالْ مَعَ أَمَّهْ وَ مَسَائِيلَهْ وَ كُبَارَاتَهْ وَ خَدَّامِينَهْ. وَ مَلِكْ بَابِلْ كَرَبَهْ وَ وَدَّاهْ مَسْجُونْ وَ دَا فِي السَّنَةْ التَّامْنَةْ هَنَا حُكْمَهْ.

2 مُلوك 25:12

وَ لَاكِنْ كَبِيرْ الْحُرَّاسْ خَلَّى وَاحِدِينْ مِنْ مَسَاكِينْ الْبَلَدْ لِيَحَرْتُوا الْعِنَبْ وَ الزِّرَاعَةْ.

إشَعْيا 1:9

وَ كَنْ اللّٰهْ الْقَادِرْ مَا خَلَّى لَيْنَا نَاسْ شِيَّةْ النِّجَوْا، أَنِحْنَ نِدَّمَّرَوْا مِثِلْ نَاسْ سَدُومْ وَ نَهْلَكَوْا مِثِلْ نَاسْ عَمُورَةْ.

إرْمِيا 12:4

لَحَدِّي مَتَى الْأَرْض تَحْزَنْ وَ يَيْبَسْ كُلَّ قَشّ الْكَدَادَةْ؟ وَ الْحَيْوَانَاتْ وَ الطُّيُورْ يَبْقَوْا مَا فِيهُمْ وَ دَا بِسَبَبْ فَسَالَةْ سُكَّانْهَا الْيُقُولُوا: «هُو مَا يَعَرِفْ مُسْتَقْبَلْنَا.»