إشَعْيا 24:22 - الكتاب المقدس بالعربي الدارجي هنا تشاد

²² وَ يِلِمُّوهُمْ وَ يَكُرْبُوهُمْ مَسَاجِينْ فِي النُّقْرَةْ. وَ يِقَفُّلُوهُمْ فِي السِّجِنْ وَ بَعَدْ مُدَّةْ طَوِيلَةْ، يِعَاقُبُوهُمْ.

إشَعْيا 24:22 Referenca të Kryqëzuara

زَكَرِيَّا 9:11

وَ اللّٰهْ قَالْ: «بِسَبَبْ مُعَاهَدَتِي السَّوَّيْتهَا مَعَاكُو بِدَمّ الضَّحَايَا، أَنَا نَمْرُقْ مَسَاجِينْكُو مِنْ السِّجِنْ الْبِقِي لَيْهُمْ مِثِلْ نُقْرَةْ بَلَا أَلْمِي.

إشَعْيا 42:22

دَاهُو الشَّعَبْ دَوْل نَهَبَوْهُمْ وَ كَسَبَوْهُمْ! وَ فِي الشَّرَكْ، رَمَوْهُمْ وَ فِي النُّقَارْ دَسَّوْهُمْ وَ فِي السُّجُونْ، دَخَّلَوْهُمْ. مِثِلْ كَسِيبَةْ، كَرَبَوْهُمْ وَ مَا فِي نَادُمْ الْيِنَجِّيهُمْ. وَ نَهَبَوْهُمْ وَ مَا فِي نَادُمْ الْيُقُولْ: «قَبُّلُوهُمْ!»

حِزْقِيال 38:8

وَ بَعَدْ أَيَّامْ وَ فِي آخِرْ الْوَكِتْ، تِنَظِّمْ دَيْشَكْ وَ تَهْجِمْ بَلَدْ إِسْرَائِيلْ. زَمَانْ، شَعَبْهَا نِجَوْا مِنْ الْحَرِبْ وَ هَسَّعْ، قَبَّلَوْا كَتِيرِينْ مِنْ بَيْن الشُّعُوبْ وَ جَوْا لَمَّوْا فِي جِبَالْ إِسْرَائِيلْ الْخَرْبَانِينْ مِنْ مُدَّةْ طَوِيلَةْ. وَ هَسَّعْ كُلُّهُمْ سَاكْنِينْ بِأَمَانْ.

إشَعْيا 24:17

خَوْف وَ نُقْرَةْ وَ شَرَكْ لَيْكُو إِنْتُو، يَا سُكَّانْ الْأَرْض!

إشَعْيا 10:4

مَا فَضَّلْ إِلَّا تِدَنْقُرُوا مَعَ الْمَسَاجِينْ وَ تَقَعَوْا مَعَ الْمَيْتِينْ. وَ بَيْدَا كُلَ، زَعَلْ اللّٰهْ مَا يَقِيفْ وَ إِيدَهْ قَاعِدَةْ مَرْفُوعَةْ لِلْعِقَابْ.

إشَعْيا 2:19

خَلِّي يَدْخُلُوا فِي كَرَاكِيرْ الْجِبَالْ وَ يِلَّبَّدَوْا فِي النُّقَارْ مِنْ خَوْف اللّٰهْ الشَّدِيدْ وَ نُورْ مَجْدَهْ وَكِتْ يُقُمّ يِرَجِّفْ الْأَرْض.

رُؤية 20:2

وَ هُو كَرَبْ الْغُولْ وَ جَنْزَرَهْ أَشَانْ يَقْعُدْ مُجَنْزَرْ مُدَّةْ أَلِفْ سَنَةْ. وَ الْغُولْ، هُو الدَّابِي الْقَاعِدْ مِنْ زَمَانْ وَ هُو بَسْ إِبْلِيسْ وَ الشَّيْطَانْ.

زَكَرِيَّا 9:12

يَا الْمَسَاجِينْ الْعِنْدُكُو عَشَمْ، قَبُّلُوا فِي الْبَكَانْ الْقَوِي. هَسَّعْ نِخَبِّرْكُو كَدَرْ نِكَفِّيكُو تَعَبْكُو مَرَّتَيْن.