إشَعْيا 24:15 - الكتاب المقدس بالعربي الدارجي هنا تشاد

¹⁵ مَجُّدُوا اللّٰهْ فِي الصَّبَاحْ! مَجُّدُوا أُسُمْ اللّٰهْ إِلٰـهْ بَنِي إِسْرَائِيلْ فِي جَزَايِرْ الْبَحَرْ!

إشَعْيا 24:15 Referenca të Kryqëzuara

مَلاخِـي 1:11

«مِنْ بَكَانْ طَلُوعْ الْحَرَّايْ لَحَدِّي بَكَانْ وَقُوعْهَا، أُسْمِي كَبِيرْ فِي أُسْط الْأُمَمْ. وَ فِي أَيِّ بَكَانْ، يِحَرُّقُوا لَيِّ بَخُورْ وَ يِجِيبُوا ضَحِيَّةْ طَاهِرَةْ أَشَانْ أُسْمِي كَبِيرْ فِي أُسْط الْأُمَمْ. وَ دَا، اللّٰهْ الْقَادِرْ بَسْ قَالَهْ.

إشَعْيا 60:9

سُكَّانْ خَشُمْ الْبَحَرْ يُخُطُّوا عَشَمْهُمْ فَوْقِي. فِي الْأَوَّلْ، سُفُنْ تَرْشِيشْ يِجِيبُوا عِيَالْكِ مِنْ بَعِيدْ بِفُضِّتْهُمْ وَ دَهَبْهُمْ. وَ دَا فِي شَانْ يِمَجُّدُوا أُسْمِي أَنَا اللّٰهْ إِلٰـهْكِ، قُدُّوسْ إِسْرَائِيلْ الشَّرَّفْكِ.

إشَعْيا 51:5

عَدَالْتِي قَرِيبَةْ وَ نَجَاتِي تَجِي وَ بِدُرَاعِي، نِحَاكِمْ الشُّعُوبْ. وَ فَوْقِي أَنَا، سُكَّانْ الْجَزَايِرْ يُخُطُّوا عَشَمْهُمْ وَ هُمَّنْ يَرْجَوْا دُرَاعِي.

إشَعْيا 49:1

أَسْمَعَوْنِي، يَا نَاسْ جَزَايِرْ الْبَحَرْ! خُطُّوا بَالْكُو، يَا الْأُمَمْ الْبَعِيدِينْ. اللّٰهْ نَادَانِي مِنْ أَنَا فِي بَطُنْ أَمِّي وَ ذَكَرْ أُسْمِي مِنْ أَنَا فِي رِحِمْهَا.

إشَعْيا 42:10

غَنُّوا لِلّٰهْ غِنَيْ جَدِيدْ. غَنُّوا بِحَمْدَهْ مِنْ طَرَفْ الْأَرْض لِطَرَفْهَا. غَنُّوا، إِنْتُو التُّشُقُّوا الْبَحَرْ وَ إِنْتُو الْمَخْلُوقِينْ السَّاكْنِينْ فَوْقَهْ وَ كُلَّ جَزَايِرْ الْبَحَرْ وَ سُكَّانْهُمْ!

إشَعْيا 42:4

هُو مَا يَضْعَفْ وَ لَا يَفْشُلْ، هُو يِثَبِّتْ الْعَدَالَةْ فِي الْأَرْض. وَ شُعُوبْ الْجَزَايِرْ يَرْجَوْا وَصِيَّاتَهْ.»

1 بُطْرُس 3:15

لَاكِنْ خُطُّوا فِي قُلُوبْكُو كَدَرْ الْمَسِيحْ، هُو قُدُّوسْ وَ هُو رَبُّكُو. أَقْعُدُوا دَايْماً جَاهِزِينْ أَشَانْ تُرُدُّوا لِأَيِّ نَادُمْ الْيَطْلُبْ مِنْكُو دَلِيلْ هَنَا الْعَشَمْ الْعِنْدُكُو.

1 بُطْرُس 1:7

نَعَرْفُوا كَدَرْ الدَّهَبْ الْبَعَدَيْن يِدَّمَّرْ، يَكْشُفُوهْ بِالنَّارْ. وَ مِثِلْ دَا، إِيمَانْكُو الْقِيمْتَهْ زِيَادَةْ مِنْ الدَّهَبْ، كُلَ يِجَرُّبُوهْ أَشَانْ ثَبَاتَهْ يِنْشَافْ. وَ بَيْدَا، تَلْقَوْا شُكُرْ وَ مَجْد وَ شَرَفْ فِي الْيَوْم الْعِيسَى الْمَسِيحْ يِبِينْ فَوْقَهْ.

أعمال الرُسُل 16:25

وَ فِي أُسْط اللَّيْل، بُولُسْ وَ سِيلَا قَاعِدِينْ يِصَلُّوا وَ يَمْدَحَوْا وَ يَشْكُرُوا اللّٰهْ وَ الْمَسَاجِينْ قَاعِدِينْ يَسْمَعَوْهُمْ.

صَفَنْيا 2:11

اللّٰهْ يِخَوِّفْهُمْ وَ يِدَمِّرْ كُلَّ إِلٰـهَاتْ الْأَرْض. وَ كُلَّ الْأُمَمْ الْبَعِيدِينْ يَسْجُدُوا قِدَّامَهْ، أَيِّ أُمَّةْ فِي بَلَدْهَا.

إشَعْيا 66:19

وَ نُخُطّ فِي لُبُّهُمْ عَلَامَةْ. وَ مِنْ الْفَضَّلَوْا، نِرَسِّلْ نَاسْ وَاحِدِينْ لِلْأُمَمْ الْيَعَرْفُوا يِسْتَعْمَلَوْا النُّشَّابْ يَعْنِي فِي تَرْشِيشْ وَ فُولْ وَ لُودْ. وَ نِرَسِّلْهُمْ بَتَّانْ لِنَاسْ تُوبَلْ وَ بَلَدْ يَوَانْ وَ بَعِيدْ فِي الْجَزَايِرْ فِي بَكَانْ الْفَوْقَهْ أَبَداً مَا سِمْعَوْا بَيِّ وَ لَا شَافَوْا مَجْدِي. وَ هِنَاكْ يِعَرُّفُوا مَجْدِي لِلْأُمَمْ دَوْل.»

إشَعْيا 41:5

وَ نَاسْ جَزَايِرْ الْبَحَرْ يِشِيفُوهْ وَ يَخَافَوْا وَ الْقَاعِدِينْ فِي طَرَفْ الْأَرْض يَرْجُفُوا وَ يِقَرُّبُوا وَ يَجُوا.»

إشَعْيا 25:3

وَ فِي شَانْ دَا، شَعَبْ قَوِيِّينْ يِمَجُّدُوكْ وَ حِلَّالْ الْأُمَمْ الْمُجْرِمِينْ يَخَافَوْا مِنَّكْ.

2 تَسَلونِيكِي 1:12

وَ مِثِلْ دَا، أُسُمْ الرَّبّ عِيسَى يَبْقَى مَجِيدْ مَرَّةْ وَاحِدْ فِي أُسُطْكُو وَ إِنْتُو كُلَ تِشَارُكُوا فِي مَجْدَهْ بِسَبَبْ الرَّحْمَةْ اللِّقِيتُوهَا مِنْ اللّٰهْ وَ رَبِّنَا عِيسَى الْمَسِيحْ.

أسْتِير 10:1

وَ الْمَلِكْ أَشَوِرُوشْ خَطَّ خِدْمَةْ إِجْبَارِيَّةْ فَوْق كُلَّ نَاسْ مَمْلَكَتَهْ لَحَدِّي النَّاسْ السَّاكْنِينْ فِي الْجَزَايِرْ هَنَا الْبَحَرْ كُلَ.

إشَعْيا 12:4

وَ فِي الْيَوْم دَا، إِنْتُو تُقُولُوا: «أَشْكُرُوا اللّٰهْ وَ نَادُوا أُسْمَهْ! عَرُّفُوا عَمَلَهْ لِلشُّعُوبْ وَ أَذَّكَّرَوْا كَدَرْ أُسْمَهْ الْعَالِي.

إشَعْيا 26:8

أَيْوَى فِي طَرِيقْ عَدَالْتَكْ، نُخُطُّوا عَشَمْنَا فَوْقَكْ، يَا اللّٰهْ! أَنِحْنَ مُشْتَاقِينْ لِنِنَادُوا أُسْمَكْ وَ نِذَّكَّرَوْك.

إشَعْيا 42:12

وَ خَلِّي يِمَجُّدُوا اللّٰهْ وَ يِخَبُّرُوا بِحَمْدَهْ فِي جَزَايِرْ الْبَحَرْ.