إشَعْيا 23:13 - الكتاب المقدس بالعربي الدارجي هنا تشاد

¹³ شِيفُوا نَاسْ بَلَدْ بَابِلْ، هُمَّنْ دَوْل بِقَوْا مَا فِيهُمْ. أَشَانْ الْأَشُورِيِّينْ أَنْطَوْهُمْ لِحَيْوَانَاتْ الْكَدَادَةْ. الْأَشُورِيِّينْ سَوَّوْا خَنَادِقْ لِيِحَاصُرُوا الْحِلَّةْ وَ هَدَّمَوْا قُصُورْ مَدِينَةْ صُورْ وَ سَوَّوْهُمْ كَوْم هَنَا تُرَابْ.»

إشَعْيا 23:13 Referenca të Kryqëzuara

أعمال الرُسُل 7:4

«وَ إِبْرَاهِيمْ مَرَقْ مِنْ دَارْ الْكَلْدَانِيِّينْ وَ سَكَنْ فِي حَارَانْ وَ قَعَدْ هِنَاكْ لَحَدِّي أَبُوهْ مَاتْ. وَ اللّٰهْ جَابَهْ فِي الْبَلَدْ دِي الْإِنْتُو هَسَّعْ سَاكْنِينْ فَوْقهَا.

حَبَقُوق 1:6

دَاهُو أَنَا نِقَوِّمْ عَسْكَرْ بَابِلْ وَ هُمَّنْ نَاسْ قَلِبْهُمْ مُرّ وَ مَا عِنْدُهُمْ صَبُرْ. يَمْشُوا فِي كُلَّ بَكَانْ فِي الْأَرْض وَ يَقْلَعَوْا بُيُوتْ الْمَا هِنَيْهُمْ.

دَنْيال 4:30

وَ قَالْ: «دِي مَا بَابِلْ الْكَبِيرَةْ الْأَنَا بَنَيْتهَا أَشَانْ تَبْقَى عَاصِمَةْ لِمَمْلَكَتِي وَلَّا؟ وَ أَنَا بَنَيْتهَا بِقُدُرْتِي وَ قُوِّتِي وَ شَرَفِي وَ مَجْدِي.»

حِزْقِيال 29:18

«يَا إِبْن آدَمْ، نَبُوخَدْنَصَرْ مَلِكْ بَابِلْ كَلَّفْ عَسْكَرَهْ بِخِدْمَةْ تَقِيلَةْ ضِدّ مَدِينَةْ صُورْ لَحَدِّي رُوسَيْهُمْ صَلَّعَوْا وَ كَتَافَيْهُمْ أَنْجَرَحَوْا. وَ لَاكِنْ مَا لِقَوْا فَايْدَةْ التَّكْفِي لِلْمَلِكْ وَ لَا لِعَسْكَرَهْ بِكُلَّ الْخِدْمَةْ السَّوَّوْهَا ضِدّ مَدِينَةْ صُورْ.»

إشَعْيا 13:19

زَمَانْ، مَدِينَةْ بَابِلْ جَمَالْ الْمَمَالِكْ وَ زِينَةْ الْبَابِلِيِّينْ. وَ هَسَّعْ، هِي تَبْقَى مِثِلْ سَدُومْ وَ عَمُورَةْ الدَّمَّرَاهُمْ الرَّبّ.

إشَعْيا 10:7

وَ لَاكِنْ هُو مَا يَفْهَمْ مِثِلْ دَا وَ قَلْبَهْ كُلَ مَا يِفَكِّرْ مِثِلْ دَا. أَشَانْ فِي قَلْبَهْ إِلَّا الدَّمَارْ وَ كَتِلْ الْأُمَمْ بِكَتَرَةْ.

إشَعْيا 10:5

الْعَذَابْ لِمَلِكْ بَلَدْ أَشُورْ! هُو عَصَاةْ زَعَلِي وَ نِنَزِّلْ غَضَبِي بِالْعَصَاةْ الْفِي إِيدَهْ.

زَبُور 72:9

وَ سُكَّانْ الصَّحَرَاء يَبُرْكُوا قِدَّامَهْ وَ عُدْوَانَهْ يِسِفُّوا التُّرَابْ.

أيُّوب 1:17

وَ وَكِتْ هُو لِسَّاعْ قَاعِدْ يِحَجِّي، مُرْسَالْ آخَرْ بَتَّانْ جَاءْ وَ قَالْ: «تَلَاتَةْ مَجْمُوعَاتْ مِنْ الْبَابِلِيِّينْ جَوْا وَقَعَوْا فِي الْجُمَالْ وَ شَالَوْهُمْ وَ كَتَلَوْا الْخَدَّامِينْ بِالْسَّيْف. وَ أَنَا وِحَيْدِي بَسْ نِجِيتْ وَ جِيتْ لِنِخَبِّرَكْ.»

2 أخبار 33:11

وَ فِي شَانْ دَا، اللّٰهْ قَوَّمْ ضِدُّهُمْ قُيَّادْ عَسْكَرْ مَلِكْ بَلَدْ أَشُورْ. وَ كَرَبَوْه لِمَنَسَّى وَ دَسَّوْا لَيَّهْ حَدِيدْ مُكَنْجَرْ وَ رَبَطَوْه بِجِنْزِيرْ هَنَا نَحَاسْ مَطْبُوقْ وَ وَدَّوْه بَابِلْ.

2 مُلوك 20:12

وَ فِي الْوَكِتْ دَا، مَلِكْ بَلَدْ بَابِلْ الْأُسْمَهْ مَرُودَكْ بَلَدَانْ وِلَيْد بَلَدَانْ رَسَّلْ جَوَابَاتْ وَ هَدِيَّةْ لِحِزْقِيَّا أَشَانْ هُو سِمِعْ كَدَرْ حِزْقِيَّا مِرِضْ.

2 مُلوك 17:24

وَ مَلِكْ بَلَدْ أَشُورْ جَابْ نَاسْ مِنْ مَدِينَةْ بَابِلْ وَ مِنْ حِلَّالْ كُوتَةْ وَ عَوَّا وَ حَمَاتْ وَ سَفَرْوَايِمْ وَ سَكَّنَاهُمْ فِي الْحِلَّالْ هَنَا مَدِينَةْ السَّامِرَةْ فِي بَدَلْ نَاسْ مَمْلَكَةْ إِسْرَائِيلْ. وَ النَّاسْ دَوْل شَالَوْا مَدِينَةْ السَّامِرَةْ وَ سَكَنَوْا فِي حِلَّالْهَا.

تكوين 11:31

وَ فِي الْوَكِتْ دَا، تَارَحْ شَالْ مَعَايَهْ وِلَيْدَهْ أَبْرَامْ وَ لُوطْ وِلَيْد وِلَيْدَهْ هَرَّانْ وَ سَارَايْ مَرِةْ وِلَيْدَهْ أَبْرَامْ. وَ مَرَقَوْا سَوَا مِنْ أُورْ الْكَلْدَانِيِّينْ وَ مَشَوْا عَلَيْ دَارْ كَنْعَانْ. وَ وَصَّلَوْا فِي حِلَّةْ حَارَانْ الْقَاعِدَةْ فِي دَرِبْ كَنْعَانْ وَ سَكَنَوْا فَوْقهَا.

تكوين 11:28

وَ هَرَّانْ مَاتْ فِي الْبَلَدْ الْوِلْدَوْه فَوْقهَا فِي أُورْ الْكَلْدَانِيِّينْ وَكِتْ أَبُوهْ لِسَّاعْ قَاعِدْ حَيّ.

تكوين 11:9

وَ بَيْدَا بَسْ، الْمَدِينَةْ سَمَّوْهَا بَابِلْ (مَعَنَاتَهْ بَرْجَلَةْ) أَشَانْ اللّٰهْ بَرْجَلْ لُغَّةْ كُلَّ النَّاسْ وَ شَتَّتَاهُمْ فِي كُلَّ الْأَرْض.

تكوين 2:14

وَ التَّالِتْ أُسْمَهْ دِجْلَةْ وَ هُو الْجَارِي صَبَاحْ لِبَلَدْ أَشُورْ. وَ الرَّابِعْ أُسْمَهْ الْفُرَاتْ.

إشَعْيا 13:21

حَيْوَانَاتْ الْكَدَادَةْ يَسْكُنُوهَا وَ طُيُورْ أَمْ قُقُّمْ يَمْلَوْا بُيُوتْهَا. وَ النَّعَامْ يَسْكُنْهَا وَ تُيُوسْ الْحَجَرْ يَلْعَبَوْا فَوْقهَا.

إشَعْيا 18:6

وَ مِثِلْ دَا، نَاسْ الْحَبَشَةْ يِخَلُّوهُمْ لِصُقُورَةْ الْجِبَالْ وَ لِحَيْوَانَاتْ الْكَدَادَةْ. الصُّقُورَةْ يَاكُلُوهُمْ فِي وَكْت الصَّيْف وَ حَيْوَانَاتْ الْكَدَادَةْ فِي وَكْت الشِّتَاءْ.

إشَعْيا 43:14

وَ دَاهُو اللّٰهْ قُدُّوسْ إِسْرَائِيلْ الْفَدَاكُو قَالْ: «فِي شَانْكُو إِنْتُو، أَنَا رَسَّلْت دَيْش ضِدّ بَابِلْ وَ نَغْرِقْ الْكَلْدَانِيِّينْ الْمُعَرِّدِينْ كُلُّهُمْ بِسُفُنْهُمْ الْأَوَّلْ فِرْحَوْا بَيْهُمْ.

حِزْقِيال 23:23

وَ نِجِيبْ كُلَّ رُجَالْ بَلَدْ بَابِلْ مِنْ حِلَّالْ فَقُودْ وَ شُوعَةْ وَ قُوعَةْ. وَ مَعَاهُمْ يَجُوا كُلَّ رُجَالْ بَلَدْ أَشُورْ، هُمَّنْ الصُّبْيَانْ الْيَعَجُبُوا الْعَيْن وَ كُلُّهُمْ كُبَارَاتْ وَ حُكَّامْ وَ كُبَارَاتْ عَسْكَرْ وَ أَجَاوِيدْ وَ سِيَادْ خَيْل.