إشَعْيا 22:6 - الكتاب المقدس بالعربي الدارجي هنا تشاد

⁶ نَاسْ بَلَدْ عِلَامْ شَايْلِينْ كَلَوْتَاتْهُمْ وَ عَرَبَاتْ الْحَرِبْ وَ سِيَادْ الْخَيْل جَايِينْ وَ نَاسْ حِلَّةْ قِيرْ جَهَّزَوْا دُرُوعْهُمْ.

إشَعْيا 22:6 Referenca të Kryqëzuara

2 مُلوك 16:9

وَ مَلِكْ أَشُورْ رَدَّ فِي طَلَبْ أَحَازْ. هُو قَمَّ وَ مَشَى هَجَمْ مَدِينَةْ دِمَشْق وَ شَالْهَا وَ وَدَّى سُكَّانْهَا فِي الْغُرْبَةْ فِي حِلَّةْ قِيرْ. وَ كَتَلْ رَصِينْ مَلِكْ أَرَامْ.

إشَعْيا 21:2

رُؤْيَةْ مُخِيفَةْ بَانَتْ لَيِّ. نِشِيفْ الْخَايِنْ يُخُونْ وَ الْمُدَمِّرْ يِدَمِّرْ. وَ اللّٰهْ قَالْ: «يَلَّا أَهْجُمُوا الْمَدِينَةْ، يَا نَاسْ عِلَامْ! وَ حَاصُرُوهَا، يَا نَاسْ مَادِي! أَنَا نِوَقِّفْ كُلَّ الْقَنِتِينْ الْهِي ثَبَّتَتَهْ.»

عَمُوس 9:7

وَ دَاهُو كَلَامْ اللّٰهْ: «يَا بَنِي إِسْرَائِيلْ، إِنْتُو تَحْسُبُوا نُفُوسْكُو مُهِمِّينْ لَيِّ زِيَادَةْ مِنْ الْحَبَشِيِّينْ وَلَّا؟ مَا أَنَا بَسْ الْمَرَقْت بَنِي إِسْرَائِيلْ مِنْ بَلَدْ مَصِرْ وَ الْفِلِسْطِيِّينْ مِنْ كَفْتُورْ وَ الْأَرَامِيَّيْن مِنْ قِيرْ وَلَّا؟

عَمُوس 1:5

وَ نِكَسِّرْ حَادِرْ بَابْ مَدِينَةْ دِمَشْق وَ نُقُشّ الْحَاكِمْ مِنْ وَادِي آوَنْ وَ الْكَارِبْ عَصَاةْ الْمُلُكْ مِنْ بَيْت عَدِنْ. وَ شَعَبْ بَلَدْ أَرَامْ يِوَدُّوهُمْ فِي الْغُرْبَةْ فِي قِيرْ.» وَ دَا، اللّٰهْ بَسْ قَالَهْ.

إشَعْيا 15:1

مُحَاكَمَةْ مُوَابْ. فِي لَيْلَةْ وَاحِدَةْ بَسْ، هِي أَدَّمَّرَتْ! حِلَّةْ عَارْ الْفِي مُوَابْ بِقَتْ مَا فِيهَا. أَيْوَى فِي اللَّيْلَةْ الْهِي أَدَّمَّرَتْ فَوْقهَا، حِلَّةْ قِيرْ الْفِي مُوَابْ كُلَ بِقَتْ مَا فِيهَا!

تكوين 10:22

وَ أَوْلَادْ سَامْ هُمَّنْ عِلَامْ وَ أَشُورْ وَ أَرْفَكْشَادْ وَ لُودْ وَ أَرَامْ.

إشَعْيا 22:7

يَا مَدِينَةْ الْقُدُسْ! وُدْيَانْكِ السَّمْحِينْ أَنْمَلَوْا بِعَرَبَاتْ الْحَرِبْ. وَ سِيَادْ الْخَيْل جَوْا وَقَفَوْا فِي خُشُومْ بِيبَانْكِ

إشَعْيا 11:11

وَ فِي الْيَوْم دَا، الرَّبّ يِمِدّ إِيدَهْ لِتَانِي مَرَّةْ لِيَفْدَى الْفَضَّلَوْا مِنْ شَعَبَهْ الْقَاعِدِينْ فِي بُلْدَانْ أَشُورْ وَ مَصِرْ وَ فَتْرُوسْ وَ الْحَبَشَةْ وَ عِلَامْ وَ شِنْعَارْ وَ حَمَاتْ وَ فِي جَزَايِرْ الْبَحَرْ.