إشَعْيا 22:4 - الكتاب المقدس بالعربي الدارجي هنا تشاد

⁴ وَ فِي شَانْ دَا، أَنَا قُلْت: «مَا تِشِيفُونِي! خَلُّونِي نَبْكِي بِحُرْقَةْ. وَ مَا تِحَاوُلُوا تِحَنُّسُونِي أَشَانْ أُمَّتِي الْمِثِلْ بِنْت أَمِّي أَدَّمَّرَتْ.»

إشَعْيا 22:4 Referenca të Kryqëzuara

إرْمِيا 9:1

خَلِّي رَاسِي يَبْقَى خَزَّانْ هَنَا دُمُوعْ وَ دُمُوعْ عُيُونِي يِسِيلُوا مِثِلْ عُيُونْ أَلْمِي أَشَانْ نَبْكِي لَيْل وَ نَهَارْ لِضَحَايَا أُمَّتِي الْمِثِلْ بِنْت أَمِّي.

مَتَّى 2:18

هُو قَالْ: <أَنْسَمَعْ حِسّ فِي حِلَّةْ الرَّامَةْ، بَكِي شَدِيدْ وَ نُوَاحْ. وَ دِي رَاحِيلْ قَاعِدَةْ تَبْكِي لِعِيَالْهَا وَ أَبَتْ الصَّبِّرِينْ أَشَانْ هُمَّنْ مَاتَوْا خَلَاصْ.>

مِيخا 1:8

وَ فِي شَانْ دَا، أَنَا مِيخَا نَحْزَنْ وَ نَبْكِي بِحِزِنْ وَ نَمْشِي بَلَا نِعْلَيْ وَ عَرْيَانْ. وَ نَبْكِي مِثِلْ الْبَعَشَوْم وَ نِكِرّ مِثِلْ النَّعَامْ.

إرْمِيا 31:15

وَ دَاهُو اللّٰهْ قَالْ: «أَنْسَمَعْ حِسّ فِي حِلَّةْ الرَّامَةْ، بَكِي شَدِيدْ وَ نُوَاحْ. وَ دِي رَاحِيلْ قَاعِدَةْ تَبْكِي لِعِيَالْهَا وَ هِي أَبَتْ الصَّبِّرِينْ شَانْ عِيَالْهَا مَاتَوْا خَلَاصْ.»

إرْمِيا 13:17

وَ كَنْ مَا تَسْمَعَوْا الْكَلَامْ دَا، أَنَا نَحْزَنْ فِي قَلْبِي دَاخَلْ بِسَبَبْ إِسْتِكْبَارْكُو. وَ نَبْكِي دَايْماً وَ دُمُوعِي يِسِيلُوا أَشَانْ غَنَمْ اللّٰهْ الْهُمَّنْ بَنِي إِسْرَائِيلْ كَرَبَوْهُمْ مَسَاجِينْ.»

زَبُور 77:2

فِي يَوْم ضِيقْتِي، أَنَا فَتَّشْت الرَّبّ وَ بِاللَّيْل، مَدَّيْت إِيدِي بَلَا جُمَّةْ وَ مَا دَوَّرْت يِصَبُّرُونِي.

لُوقا 19:41

وَ عِيسَى قَرَّبْ لِلْمَدِينَةْ وَ شَافَاهَا وَ بَكَى فِي شَانْهَا.

لُوقا 1:2

وَ قَمَّوْا يَكْتُبُوا الْكَلَامْ الْأَنِحْنَ لِقِينَاهْ مِنْ النَّاسْ الْهُمَّنْ شُهُودْ مِنْ الْبِدَايَةْ لِكَلَامْ اللّٰهْ وَ بِقَوْا خَدَّامِينَهْ.

مَتَّى 26:75

وَ بُطْرُسْ فَكَّرْ فِي الْكَلَامْ الْعِيسَى قَالَهْ: «قُبَّالْ الدِّيكْ مَا يِعَوْعِي، تَنْكُرْنِي تَلَاتَةْ مَرَّاتْ.» وَ خَلَاصْ، بُطْرُسْ مَرَقْ مِنْ الْبَيْت وَ بَكَى بَكِي شَدِيدْ.

إرْمِيا 8:18

قَلْبِي فِي دَاخِلِي حَزْنَانْ وَ لَاكِنْ حِزْنِي مَا عِنْدَهْ عِلَاجْ.

إرْمِيا 6:26

يَا أُمَّتِي الْمِثِلْ بِنْت أَمِّي، أَلْبَسَيْ خَلَقْ الْحِزِنْ وَ أَلْمَرْمَغَيْ فِي الرُّمَادْ. وَ أَحْزَنَيْ حِزِنْ شَدِيدْ مِثِلْ حِزِنْ أَمّ الْفَرِيدْ وَ نُوحِي نُوَاحْ شَدِيدْ أَشَانْ الْمُخَرِّبْ يَجِينَا بِغَفْلَةْ.

إرْمِيا 4:19

وَ إِرْمِيَا قَالْ: «بُطُونِي! بُطُونِي حِرْقَوْا! أَنَا نِتَّنَّ مِنْ الْوَجَعْ وَ قَلْبِي يَضْرُبْ. وَ نَفْسِي مُبَرْجَلَةْ وَ مَا نَقْدَرْ نَسْكُتْ. أَشَانْ أَنَا سِمِعْت حِسّ الْبُوقْ وَ كُرَوْرَاكْ الْحَرِبْ.

إشَعْيا 33:7

وَ دَاهُو الْفُرَّاسْ يِعِيطُوا فِي الشَّوَارِعْ وَ رُسُلْ السَّلَامْ يَبْكُوا بِحُرْقَةْ.

إشَعْيا 15:3

وَ فِي الشَّوَارِعْ، لَابْسِينْ خُلْقَانْ الْحِزِنْ وَ فِي رُوسَيْ الْبُيُوتْ وَ النَّقَعَاتْ، كُلُّهُمْ يُنُوحُوا وَ يَبْكُوا بِحِزِنْ.

إرْمِيا 9:18

خَلِّي هِنَّ يِجَنْ بِسُرْعَةْ وَ يَبْكَنْ وَ يُنُوحَنْ لَيْنَا. خَلِّي عُيُونَّا يِدَمُّعُوا وَ خَلِّي دُمُوعْنَا يِسِيلُوا.

مَراثِي إرْمِيا 2:11

وَ عُيُونِي دُمُوعْهُمْ كَمَّلَوْا وَ بُطُونِي حِرْقَوْا وَ قُدُرْتِي بِقَتْ مَا فِيهَا بِسَبَبْ الدَّمَارْ اللِّحِقْ أُمَّتِي الْمِثِلْ بِنْت أَمِّي. وَكِتْ الْأَطْفَالْ وَ الْعِيَالْ الدُّقَاقْ قَاعِدِينْ يَغْمَرَوْا فِي شَوَارِعْ الْمَدِينَةْ،

حِزْقِيال 27:31

وَ فِي شَانْكِ، يِزَيُّنُوا رُوسَيْهُمْ وَ يَلْبَسَوْا خُلْقَانْ الْحِزِنْ. وَ يَبْكُوا لَيْكِ بِحُرْقَةْ وَ يُنُوحُوا مِنْ الْحِزِنْ.

أسْتِير 4:1

وَ وَكِتْ مَرْدَكَايْ سِمِعْ بِكُلَّ الشَّيّءْ الْكَانْ دَا، شَرَّطْ خُلْقَانَهْ وَ لِبِسْ خُلْقَانْ الْحِزِنْ وَ صَبَّ رُمَادْ فِي رَاسَهْ وَ مَشَى فِي لُبّ الْحِلَّةْ. وَ صَرَخْ صِرَاخْ شَدِيدْ هَنَا وَجِيعْ.

حِزْقِيال 21:11

أَنْطَوْا السَّيْف لِلْيَجْلِيهْ وَ لِلْيَكُرْبُوهْ بِالْإِيدْ. طَرَّقَوْه وَ جَلَوْه وَ أَنْطَوْه لِلْيَكْتُلْ.