إشَعْيا 22:16 - الكتاب المقدس بالعربي الدارجي هنا تشاد

¹⁶ ‹عِنْدَكْ شُنُو هِنِي؟ وَ عِنْدَكْ يَاتُو هِنِي؟ مَالَا تَنْكُتْ لَيْك قَبُرْ فِي الْبَكَانْ دَا؟ وَ مَالَا تَحْفِرْ قَبُرْ فِي الْعَالِي وَ تِعَدِّلْ لَيْك قَبُرْ فِي الْجَبَلْ لِتِنْجَمَّ فَوْقَهْ؟

إشَعْيا 22:16 Referenca të Kryqëzuara

مَتَّى 27:60

وَ يُوسُفْ عِنْدَهْ قَبُرْ جَدِيدْ الدَّهَابَهْ نَكَتَوْه مِثِلْ كَرْكُورْ فِي الْحَجَرْ. وَ فَوْقَهْ خَطَّ جَنَازَةْ عِيسَى. وَ دَرْدَقْ حَجَرْ كَبِيرْ وَ سَدَّ بَيَّهْ خَشُمْ الْقَبُرْ. وَ خَلَاصْ فَاتْ.

2 أخبار 16:14

وَ دَفَنَوْه فِي الْقَبُرْ النَّكَتَهْ لِنَفْسَهْ فِي مَدِينَةْ دَاوُدْ. وَ خَطَّوْا جَنَازْتَهْ فِي سَرِيرْ الصَّبَّوْا فَوْقَهْ رِيحَةْ وَ عِطِرْ الْخَلْبَطَوْه نَاسْ الْمُتَخَصِّصِينْ. وَ هُمَّنْ حَرَّقَوْا لَيَّهْ رِيحَةْ كَتِيرَةْ لِيِشَرُّفُوهْ.

2 صَمُوِيل 18:18

وَ فِي حَيَاتَهْ، أَبْشَلُومْ غَزَّ حَجَرْ الْيِذَّكَّرَوْا بَيَّهْ فِي وَادِي الْمَلِكْ وَ قَالْ: «أَنَا مَا عِنْدِي وِلَيْد الْيِشِيلْ أُسْمِي.» وَ سَمَّى الْحَجَرْ دَا بِأُسْمَهْ. وَ لَحَدِّي الْيَوْم، بِنَادُوهْ حَجَرْ أَبْشَلُومْ.

أيُّوب 3:14

وَ نُكُونْ مَعَ مُلُوكْ وَ مُسْتَشَارِينْ الْأَرْض الْبَنَوْا لِنُفُوسْهُمْ قُصُورْ الْبَعَدَيْن يِلْهَدَّمَوْا.

مِيخا 2:10

يَلَّا قُمُّوا أَمْشُوا! الْبَلَدْ دِي بَتَّانْ مَا عِنْدَهَا لَيْكُو رَاحَةْ أَشَانْ بِنَجَاسِتْكُو، جِبْتُوا فَوْقهَا الدَّمَارْ وَ دَا دَمَارْ كَامِلْ مَرَّةْ وَاحِدْ!

إشَعْيا 52:5

هَسَّعْ دَا، نِسَوِّي شُنُو؟ أَشَانْ شَعَبِي وَدَّوْهُمْ بَلَا تَمَنْ. وَ دَا كَلَامْ اللّٰهْ. وَ الْيَحْكُمُوا فَوْقهُمْ يِرَقْرُقُوا مِنْ الْفَرَحْ وَ دَايْماً يَحْقُرُوا أُسْمِي. وَ دَا كَلَامْ اللّٰهْ.

إشَعْيا 14:18

«كُلَّ مُلُوكْ الْأُمَمْ بَلَا تَفْرِقَةْ رَقَدَوْا بِشَرَفْ، أَيِّ وَاحِدْ فِي قَبُرَهْ.

تكوين 50:5

‹أَبُويِ قُبَّالْ مَا يُمُوتْ حَلَّفَانِي أَشَانْ نَمْشِي نَدْفِنَهْ فِي بَلَدْ كَنْعَانْ فِي الْقَبُرْ الْهُو جَهَّزَهْ. أَشَانْ دَا، خَلِّي يَنْطِينِي إِذِنْ لِنَمْشِي نَدْفِنَهْ هِنَاكْ وَ نِقَبِّلْ.›»

إشَعْيا 14:19

وَ لَاكِنْ إِنْتَ، زَقَلَوْك بَعِيدْ مِنْ قَبُرَكْ مِثِلْ فِرِعْ الْجَعَلَوْه مُحَرَّمْ وَ مِثِلْ رِمَّةْ الْإِنْسَانْ الطَّعَنَوْه بِالْسَّيْف وَ زَقَلَوْه فِي نُقْرَةْ الْفِي لُبَّهَا حَجَرْ وَ مِثِلْ جَنَازَةْ الْفَجَّقَوْهَا بِالرِّجِلَيْن.

إشَعْيا 22:17

يَا الرَّاجِلْ الشَّدِيدْ، دَاهُو اللّٰهْ يَرْمِيكْ بَعِيدْ وَ يَكُرْبَكْ بِشِدَّةْ وَ يَطْوِيكْ.