إشَعْيا 22:11 - الكتاب المقدس بالعربي الدارجي هنا تشاد

¹¹ وَ سَوَّيْتُوا خَزَّانْ أَمْبَيْنَاتْ الدَّرَادِرْ الْإِتْنَيْن لِلْأَلْمِي هَنَا الْبِرْكَةْ الْقَدِيمَةْ. وَ لَاكِنْ مَا وَجَّهْتُوا لِلّٰهْ هُو الْجَابْ الْمَصِيبَةْ دِي. وَ مَا شِفْتُوهْ عَلَيَّهْ، هُو الْجَهَّزَاهَا مِنْ زَمَنْ بَعِيدْ.

إشَعْيا 22:11 Referenca të Kryqëzuara

مِيخا 7:7

وَ لَاكِنْ أَنَا كَمَانْ نِوَجِّهْ لِلّٰهْ وَ نَرْجَى الْإِلٰـهْ الْيِنَجِّينِي وَ هُو إِلٰـهِي الْيَسْمَعْنِي.

إشَعْيا 31:1

الْعَذَابْ لِلنَّاسْ الْيَنْزُلُوا فِي مَصِرْ لِلْفَزَعْ وَ يِنْتَكْلُوا عَلَيْ الْخَيْل وَ يِتْوَكَّلَوْا عَلَيْ عَرَبَاتْ الْحَرِبْ أَشَانْ هُمَّنْ كَتِيرِينْ وَ يِتْوَكَّلَوْا عَلَيْ سِيَادْ الْخَيْل أَشَانْ هُمَّنْ عِنْدُهُمْ قُدْرَةْ. وَ لَاكِنْ النَّاسْ دَوْل مَا عِنْدُهُمْ فِكِرْ فِي قُدُّوسْ إِسْرَائِيلْ وَ هُمَّنْ مَا يِفَتُّشُوا اللّٰهْ.

إشَعْيا 17:7

وَ فِي الْيَوْم دَا، الْإِنْسَانْ يِتْوَكَّلْ عَلَيْ إِلٰـهَهْ الْخَلَقَهْ وَ يِوَجِّهْ بِأَمَانْ عَلَيْ قُدُّوسْ إِسْرَائِيلْ.

2 مُلوك 25:4

قَدَّوْا خُرْمَةْ فِي دُرْدُرْ الْمَدِينَةْ. وَ خَلَاصْ بِاللَّيْل، مَلِكْ مَمْلَكَةْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا. هُمَّنْ مَرَقَوْا بِالدَّرِبْ الْقَاعِدْ أَمْبَيْنَاتْ الدَّرَادِرْ الْإِتْنَيْن هَنَا الدِّفَاعْ الْقَرِيبْ لِجِنَيْنَةْ الْمَلِكْ حَتَّى كَانْ الْبَابِلِيِّينْ مُحَوِّقِينْ الْمَدِينَةْ كُلَ. وَ الْمَلِكْ صِدْقِيَّا شَالْ الدَّرِبْ الْمَاشِي عَلَيْ وَادِي الْأُرْدُنْ.

إرْمِيا 39:4

وَ مِنْ شَافَوْا النَّاسْ دَوْل، صِدْقِيَّا مَلِكْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا مِنْ الْمَدِينَةْ بِاللَّيْل. وَ دَا بِدَرِبْ جِنَيْنَةْ الْمَلِكْ بِالْبَابْ الْقَاعِدْ أَمْبَيْن الدَّرَادِرْ الْإِتْنَيْن هَنَا الدِّفَاعْ. وَ هُمَّنْ مَرَقَوْا بِالدَّرِبْ الْمَاشِي عَلَيْ وَادِي الْأُرْدُنْ.

إشَعْيا 37:26

«‹وَ لَاكِنْ، يَا سَنْحَرِيبْ، إِنْتَ مَا فِهِمْت كَدَرْ مِنْ وَكِتْ طَوِيلْ، أَنَا قَرَّرْت الشَّيّءْ دَا. وَ مِنْ زَمَانْ، أَنَا كَوَّنْتَهْ وَ هَسَّعْ، نِحَقِّقَهْ. وَ إِنْتَ كَمَانْ، قَاعِدْ تِدَمِّرْ الْمُدُنْ الْقَوِيِّينْ وَ يَبْقَوْا كَوْم هَنَا تُرَابْ.

إشَعْيا 8:17

أَنَا نُخُطّ عَشَمِي فِي اللّٰهْ الْأَبَى مَا يِوَجِّهْ عَلَيْ ذُرِّيَّةْ يَعْقُوبْ وَ أَنَا نِتْوَكَّلْ عَلَيَّهْ.

نَحَمْيا 3:16

وَ جَنْبَهْ، نَحَمْيَا وِلَيْد عَزْبُوقْ الْهُو كَبِيرْ فِي نُصّ التُّرَابْ هَنَا حِلَّةْ بَيْت صُورْ قَاعِدْ يَبْنِي الدُّرْدُرْ لَحَدِّي مُقَابِلْ لِمَخَابِرْ عَايِلَةْ الْمَلِكْ دَاوُدْ وَ لَحَدِّي الرَّهَدْ النَّكَتَوْه النَّاسْ وَ لَحَدِّي بَيْت فُرَّاسْ الْمَلِكْ.

2 أخبار 6:6

وَ لَاكِنْ هَسَّعْ أَنَا عَزَلْت مَدِينَةْ الْقُدُسْ لِيَقْعُدْ فَوْقهَا أُسْمِي وَ عَزَلْت دَاوُدْ لِيَحْكِمْ فِي شَعَبِي بَنِي إِسْرَائِيلْ.›»

2 مُلوك 20:20

وَ الْبَاقِي مِنْ عَمَلْ حِزْقِيَّا وَ فَرَاسِيّتَهْ وَ كُلَّ شَيّءْ السَّوَّاهْ وَ بُنَى خَزَّانْ أَلْمِي وَ نَكِتِينْ الْمَجْرَةْ الْيِجِيبْ الْأَلْمِي فِي لُبّ الْحِلَّةْ، كُلَّ الشَّيّءْ دَا مَكْتُوبْ فِي كِتَابْ تَارِيخْ مُلُوكْ بَنِي يَهُوذَا.

إشَعْيا 22:10

وَ حَسَبْتُوا عَدَدْ بُيُوتْ مَدِينَةْ الْقُدُسْ وَ هَدَّمْتُوا بُيُوتْ وَاحِدِينْ لِتِقَوُّوا الدُّرْدُرْ.

إشَعْيا 7:3

وَ اللّٰهْ قَالْ لِإِشَعْيَا: «أَمْرُقْ إِنْتَ وَ وِلَيْدَكْ شَارْ يَشُوبْ (مَعَنَاتَهْ الْفَضُّلُوا يِقَبُّلُوا). وَ قَابُلُوا الْمَلِكْ أَحَازْ. تَلْقَوْه فِي طَرَفْ مَجْرَةْ الْبِرْكَةْ الْعَالِي عَلَيْ دَرِبْ زَرَعْ الْغَسَّالِينْ.