إشَعْيا 21:7 - الكتاب المقدس بالعربي الدارجي هنا تشاد

⁷ وَ كَنْ شَافْ عَرَبَاتْ حَرِبْ الْيُكُرُّوهُمْ خَيْل إِتْنَيْن وَ كَنْ شَافْ نَاسْ رَاكْبِينْ فِي حَمِيرْ وَ نَاسْ آخَرِينْ رَاكْبِينْ فِي جُمَالْ، خَلَاصْ خَلِّي يُخُطّ بَالَهْ وَ يِنْقَرِعْ.»

إشَعْيا 21:7 Referenca të Kryqëzuara

إشَعْيا 21:9

وَ دَاهُو! نَادُمْ رَاكِبْ فِي عَرَبَةْ الْيُكُرُّوهَا خَيْل إِتْنَيْن جَايِ وَ يُقُولْ: ‹وَقَعَتْ! بَابِلْ وَقَعَتْ! وَ كُلَّ أَصْنَامْ إِلٰـهَاتْهَا كَسَّرَوْهُمْ فِي التُّرَابْ!›»

عِبْرَانِيِّين 2:1

أَشَانْ دَا، وَاجِبْ نُخُطُّوا بَالْنَا وَ نِتَابُعُوا عَدِيلْ الْكَلَامْ السِّمِعْنَاهْ أَشَانْ مَا نَنْسَوْه وَ مَا نَمُرْقُوا مِنْ الدَّرِبْ الْعَدِيلْ.

إشَعْيا 37:24

بِوَاسِطَةْ خَدَّامِينَكْ الرَّسَّلْتُهُمْ، إِنْتَ عَيَّرْت الرَّبّ وَ قُلْت: ”بِكَتَرَةْ عَرَبَاتِي، أَنَا طَلَعْت فِي رُوسَيْ الْجِبَالْ لَحَدِّي دَخَلْت فِي لُبْنَانْ دَاخَلْ لِنَقْطَعْ شَدَرْهَا هَنَا الْأَرْز الطُّوَالْ وَ شَدَرْهَا هَنَا السَّرْوِي السَّمَحْ. وَ نَمْشِي لَحَدِّي نَلْحَقْ الْجَبَلْ الْعَالِي مَرَّةْ وَاحِدْ وَ فِي أُسُطْ غَابَاتْهَا الضُّلُمْ.

إرْمِيا 17:24

«‹”وَ لَاكِنْ إِنْتُو، أَسْمَعَوْنِي عَدِيلْ! فِي يَوْم السَّبْت، مَا تِشِيلُوا تَقَلَةْ وَ مَا تُفُوتُوا بَيْهَا بِبِيبَانْ الْمَدِينَةْ دِي. وَ أَجْعَلَوْا يَوْم السَّبْت دَا يَوْم مُقَدَّسْ وَ مَا تِسَوُّوا فَوْقَهْ أَيِّ خِدْمَةْ. وَ دَا كَلَامْ اللّٰهْ.