إشَعْيا 21:10 - الكتاب المقدس بالعربي الدارجي هنا تشاد

¹⁰ يَا شَعَبِي! إِنْتُو الْاللّٰهْ دَقَّاكُو مِثِلْ غَلَّةْ فِي مَدَقَّهْ! الشَّيّءْ السِّمِعْتَهْ مِنْ اللّٰهْ الْقَادِرْ إِلٰـهْ بَنِي إِسْرَائِيلْ، دَا بَسْ أَنَا قُلْتَهْ لَيْكُو.

إشَعْيا 21:10 Referenca të Kryqëzuara

إرْمِيا 51:33

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «بَابِلْ الْمِثِلْ بِنَيَّةْ تَبْقَى يَابْسَةْ كَرّ مِثِلْ نَقَعَةْ الْمَدَقّ الْجَهَّزَوْهَا. وَ بَعَدْ شِيَّةْ، وَكْت الْقَطِعْ يَجِي.»

مِيخا 4:13

«قُمِّي دُقِّي الْقَنَادِيلْ، يَا صَهْيُون الْمِثِلْ بِنَيَّةْ. نِسَوِّيكِ مِثِلْ تَوْر الْقُرُونَهْ هَنَا حَدِيدْ وَ ضَلَافَيَّهْ هَنَا نَحَاسْ. وَ بَيْدَا، إِنْتِ تَرْحَكَيْ شُعُوبْ كَتِيرِينْ وَ تِخَصِّصِي غَنِيمِتْهُمْ لَيِّ أَنَا اللّٰهْ وَ غُنَاهُمْ لَيِّ أَنَا سِيدْ الْأَرْض.»

مَتَّى 3:12

وَ عِنْدَهْ طَبَقْ فِي إِيدَيْنَهْ لِيِغَرْبِلْكُو مِثِلْ الْغَلَّةْ. وَ يِلِمّ غَلِّتَهْ مِنْ الْمَدَقّ وَ يُصُبَّهَا فِي دَبَنْقِتَهْ. وَ لَاكِنْ الْأُتَّابْ يُتُشَّهْ فِي النَّارْ الْمَا تُمُوتْ أَبَداً.»

2 مُلوك 13:7

وَ فِي الأَخِيرْ، مِنْ عَسْكَرْ يَهُوحَازْ مَا فَضَّلْ لَيَّهْ إِلَّا 50 رُجَالْ سِيَادْ خَيْل وَ 10 عَرَبَاتْ هَنَا حَرِبْ وَ 10 000 عَسْكَرْ مَاشِينْ بِرِجْلَيْهُمْ. وَ دَا أَشَانْ مَلِكْ أَرَامْ دَمَّرْ الْآخَرِينْ وَ رِحِكَاهُمْ مَرَّةْ وَاحِدْ مِثِلْ الْعَجَاجْ تِحِتْ رِجِلَيْنَهْ.

حَبَقُوق 3:12

وَ بِغَضَبْ، إِنْتَ رَايِغْ فِي الْأَرْض وَ بِزَعَلْ، إِنْتَ فَجَّقْت الْأُمَمْ.

1 مُلوك 22:14

وَ لَاكِنْ مِيكَا قَالْ لَيَّهْ: «نَحْلِفْ بِاللّٰهْ الْحَيّ كَدَرْ إِلَّا الْكَلَامْ الْقَالَهْ لَيِّ اللّٰهْ، دَا بَسْ نُقُولَهْ.»

حِزْقِيال 40:4

وَ الرَّاجِلْ دَا قَالْ لَيِّ: «يَا إِبْن آدَمْ، فُكّ عُيُونَكْ وَ شِيفْ وَ خُطّ أَدَانَكْ وَ أَسْمَعْ! فَكِّرْ تَمَامْ فِي كُلَّ شَيّءْ النِّوَصِّفَهْ لَيْك أَشَانْ جَابَوْك هِنِي لِتِشِيفْ. وَ تِأَوْرِي بَنِي إِسْرَائِيلْ بِكُلَّ شَيّءْ الْإِنْتَ شِفْتَهْ.»

إشَعْيا 28:28

الْقَمَحْ يَرْحَكَوْه لَاكِنْ مَا يُدُقُّوهْ كَتِيرْ. يِفَجُّقُوهْ بِرِجْلَيْ الْعَرَبَةْ وَ الْكَارَّوْ لَاكِنْ مَا لَحَدِّي يَرْحَكَوْه مَرَّةْ وَاحِدْ.

إرْمِيا 23:28

خَلِّي النَّبِي الْعِنْدَهْ رُؤْيَةْ يِحَجِّي بِرُؤْيِتَهْ. وَ لَاكِنْ الْعِنْدَهْ كَلَامِي أَنَا، خَلِّي يِحَجِّي كَلَامِي بِأَمَانْ. أَشَانْ الْقَشّ وَ الْقَنَادِيلْ مَا سَوَا.» وَ دَا كَلَامْ اللّٰهْ.

عَمُوس 3:8

الدُّودْ كَنْ كَرَّ، يَاتُو الْمَا يَخَافْ؟ اللّٰهْ الرَّبّ كَنْ كَلَّمْ، يَاتُو الْمَا يِبَلِّغْ كَلَامَهْ؟