إشَعْيا 20:1 - الكتاب المقدس بالعربي الدارجي هنا تشاد

¹ وَ دَاهُو الشَّيّءْ الْكَانْ فِي السَّنَةْ الْفَوْقهَا سَرْقُونْ مَلِكْ أَشُورْ رَسَّلْ قَايِدْ دَيْشَهْ لِيِحَارِبْ مَدِينَةْ أَشْدُودْ وَ يِشِيلْهَا.

إشَعْيا 20:1 Referenca të Kryqëzuara

2 مُلوك 18:17

وَ مِنْ حِلَّةْ لَكِيشْ، مَلِكْ بَلَدْ أَشُورْ رَسَّلْ وَزِيرَهْ هَنَا الدِّفَاعْ وَ كَبِيرْ الْمَسَائِيلْ وَ قَايِدْ الدَّيْش وَ مَعَاهُمْ دَيْش كَبِيرْ لِلْمَلِكْ حِزْقِيَّا فِي مَدِينَةْ الْقُدُسْ. وَ وَكِتْ وَصَّلَوْا فِي مَدِينَةْ الْقُدُسْ، قَعَدَوْا جَنْب مَجْرَةْ الْبِرْكَةْ الْعَالِي فِي الدَّرِبْ الْمَاشِي عَلَيْ زَرَعْ الْغَسَّالِينْ.

عَمُوس 1:8

وَ نُقُشّ الْحَاكِمْ مِنْ مَدِينَةْ أَشْدُودْ وَ الْكَارِبْ عَصَاةْ الْمُلُكْ مِنْ أَشْقَلُونْ. وَ نَضْرُبْ مَدِينَةْ عَقْرُونْ وَ نِدَمِّرْ الْفَضَّلَوْا مِنْ الْفِلِسْطِيِّينْ.» وَ دَا، اللّٰهْ الرَّبّ بَسْ قَالَهْ.

إرْمِيا 25:20

وَ كُلَّ الْقَبَايِلْ الْآخَرِينْ الْفِي مَصِرْ وَ كُلَّ مُلُوكْ الْعُوصْ وَ كُلَّ مُلُوكْ بَلَدْ الْفِلِسْطِيِّينْ وَ مُدُنْهُمْ أَشْقَلُونْ وَ غَزَّةْ وَ عَقْرُونْ وَ الْفَضَّلْ مِنْ أَشْدُودْ

1 صَمُوِيل 6:17

وَ دَاهُو عَدَدْ دَرَادِيمْ الدَّهَبْ الْفِلِسْطِيِّينْ قَدَّمَوْهُمْ مِثِلْ هَدِيَّةْ لِكَفَّارَةْ الْخَطَا لِلّٰهْ. وَاحِدْ لِأَشْدُودْ وَ وَاحِدْ لِغَزَّةْ وَ وَاحِدْ لِأَشْقَلُونْ وَ وَاحِدْ لِقَاتْ وَ وَاحِدْ لِعَقْرُونْ.

1 صَمُوِيل 5:1

وَ بَعَدْ شَالَوْا صَنْدُوقْ الرَّبّ، الْفِلِسْطِيِّينْ نَقَلَوْه مِنْ حَجَرْ الْمُسَاعَدَةْ وَ وَدَّوْه مَدِينَةْ أَشْدُودْ.

يَشُوع 11:22

وَ مِنْ بَنِي عَنَقْ وَاحِدْ كُلَ مَا فَضَّلْ فِي بَلَدْ بَنِي إِسْرَائِيلْ. وَ لَاكِنْ وَاحِدِينْ مِنْهُمْ فَضَّلَوْا فِي غَزَّةْ وَ قَاتْ وَ أَشْدُودْ.

2 أخبار 26:6

وَ عُزِّيَّا مَشَى حَارَبْ الْفِلِسْطِيِّينْ وَ كَسَّرْ دَرَادِرْ مُدُنْهُمْ قَاتْ وَ يَبْنِي وَ أَشْدُودْ. وَ بَعَدْ دَا، قَوَّى مُدُنْ الْفِي مَنْطَقَةْ أَشْدُودْ وَ فِي بَكَانَاتْ آخَرِينْ هَنَا بَلَدْ الْفِلِسْطِيِّينْ.

إشَعْيا 14:31

نُوحُوا، يَا بِيبَانْ! وَ كَوْرُكُوا، يَا مُدُنْ! كُلَّ الْفِلِسْطِيِّينْ بَرْجَلَوْا. أَشَانْ الْعَدُو يَجِي مِثِلْ دُخَّانْ مِنْ الْمُنْشَاقْ وَ عَسْكَرِي وَاحِدْ كُلَ مَا يَمْرُقْ مِنْ الصَّفّ.