إشَعْيا 2:8 - الكتاب المقدس بالعربي الدارجي هنا تشاد

⁸ الْبَلَدْ مَلَانَةْ بِالْإِلٰـهَاتْ وَ النَّاسْ يَسْجُدُوا لِلصَّنَعَوْه بِإِيدَيْهُمْ أَيْوَى، يَسْجُدُوا لِلسَّوَّوْه بِأَصَابِعْهُمْ.

إشَعْيا 2:8 Referenca të Kryqëzuara

رُؤية 9:20

وَ النَّاسْ الْفَضَّلَوْا الْمَا مَاتَوْا بِالْوَبَاءْ دَوْل مَا تَابَوْا مِنْ ذُنُوبْهُمْ. هُمَّنْ مَا خَلَّوْا مِنْهُمْ عِبَادِتْهُمْ لِلشَّوَاطِينْ وَ لَا سُجُودْهُمْ لِلْأَصْنَامْ الصَّنَعَوْهُمْ مِنْ دَهَبْ وَ فُضَّةْ وَ نَحَاسْ وَ حَجَرْ وَ حَطَبْ. وَ أَصْنَامْهُمْ دَوْل مَا يَقْدَرَوْا يِشِيفُوا وَ لَا يَسْمَعَوْا وَ لَا يُرُوغُوا.

إرْمِيا 2:28

وَيْن إِلٰـهَاتْكُو الصَّنَعْتُوهُمْ؟ خَلِّي يُقُمُّوا كَنْ يَقْدَرَوْا يِنَجُّوكُو فِي الضِّيقَةْ. أَشَانْ إِلٰـهَاتْكُو بِقَوْا كَتِيرِينْ مِثِلْ مُدُنْكُو، يَا شَعَبْ يَهُوذَا.

إشَعْيا 37:19

وَ زَقَلَوْا إِلٰـهَاتْهُمْ فِي النَّارْ أَشَانْ هُمَّنْ أَصْنَامْ بَسْ السَّوَّوْهُمْ النَّاسْ بِإِيدَيْهُمْ مِنْ حَطَبْ وَ حَجَرْ. وَ مُلُوكْ أَشُورْ دَمَّرَوْهُمْ.

أعمال الرُسُل 17:16

وَ وَكِتْ بُولُسْ قَاعِدْ يَرْجَاهُمْ فِي مَدِينَةْ أَتِينَا، هُو شَافْ أَصْنَامْ فِي أَيِّ بَكَانْ. وَ دَا بِقِي لَيَّهْ قَاسِي بِلْحَيْن.

هُوشَع 14:3

بَلَدْ أَشُورْ مَا تَقْدَرْ تِنَجِّينَا وَ أَنِحْنَ مَا نِتْوَكَّلَوْا عَلَيْ خَيْل الْحَرِبْ كُلَ. بَتَّانْ مَا نُقُولُوا: ‹يَا إِلٰـهْنَا› لِلصَّنَمْ الصَّنَعْنَاهْ بِإِيدَيْنَّا. بَيْك إِنْتَ بَسْ، يَا رَبّ، الْأَتِيمْ يَلْقَى الْمَحَنَّةْ!»

هُوشَع 13:2

وَ يَا هَسَّعْ كُلَ، قَاعِدِينْ يِزِيدُوا فِي ذُنُوبْهُمْ أَشَانْ صَنَعَوْا لَيْهُمْ صَنَمْ بِفُضِّتْهُمْ. أَيْوَى حَسَبْ عِلِمْهُمْ، سَوَّوْا لَيْهُمْ أَصْنَامْ الدَّقَّاهُمْ صِنَاعِي مَعْرُوفْ. وَ النَّاسْ يُقُولُوا: «قَدُّمُوا لَيْهُمْ ضَحَايَا!» شِيفُوا! النَّاسْ دَوْل يِحِبُّوا أَصْنَامْ الْعَجَّالْ!

هُوشَع 12:11

أَكِيدْ، شَعَبْ قِلْعَادْ فَسْلِينْ وَ مَا عِنْدُهُمْ فَايْدَةْ أَشَانْ يِقَدُّمُوا تِيرَانْ ضَحَايَا فِي قِلْقَالْ. وَ بَيْدَا، مَدَابِحْهُمْ يِلْهَدَّمَوْا وَ يَبْقَوْا كَوْم هَنَا تُرَابْ فِي الزَّرَعْ الْمَحْرُوتْ.

إرْمِيا 11:13

«يَا بَنِي يَهُوذَا، إِلٰـهَاتْكُو أَكْتَرْ مِنْ حِلَّالْكُو. يَا سُكَّانْ مَدِينَةْ الْقُدُسْ، مَدَابِحْكُو أَكْتَرْ مِنْ شَوَارِعْكُو. وَ دَوْل الْمَدَابِحْ الْبَنَيْتُوهُمْ لِلْعَيْب وَ هُو إِلٰـهْ بَعَلْ التِّحَرُّقُوا لَيَّهْ الْبَخُورْ.

إشَعْيا 57:5

شَهْوِتْكُو لِأَصْنَامْكُو تَكْرُبْكُو جَنْب شَدَرْ الْبَلُّوطْ وَ تِحِتْ أَيِّ شَدَرَةْ خَضْرَةْ. إِنْتُو تَدْبَحَوْا لَيْهُمْ عِيَالْ فِي الْوُدْيَانْ وَ فِي شُقُوقْ الْجِبَالْ.

إشَعْيا 17:8

وَ بَتَّانْ مَا يِنْتَكِلْ عَلَيْ الْمَدَابِحْ السَّوَّتْهُمْ إِيدَهْ وَ مَا يِوَجِّهْ بِأَمَانْ فِي السَّوَّاهْ بِأَصَابْعَهْ. وَ دَوْل الْعِيدَانْ الْغَزَّاهُمْ لِعِبَادَةْ أَشِيرَةْ وَ الْمَخَابِرْ هَنَا الْبَخُورْ.

2 أخبار 27:2

يُوتَامْ سَوَّى الْعَدِيلْ قِدَّامْ اللّٰهْ مِثِلْ أَبُوهْ عُزِّيَّا سَوَّاهْ لَاكِنْ يُوتَامْ مَا خِطِي بِدَخِلِينْ فِي بَيْت اللّٰهْ. وَ لَاكِنْ بِعَدَالْتَهْ دِي كُلَ، الشَّعَبْ قَاعِدِينْ يِتَلُّفُوا.

تَثْنِية 4:28

وَ هِنَاكْ تَعَبُدُوا إِلٰـهَاتْ هَنَا حَطَبْ وَ حَجَرْ الصَّنَعَاهُمْ إِنْسَانْ بِإِيدَهْ، الْأَبَداً مَا شَافَوْا وَ لَا سِمْعَوْا وَ لَا أَكَلَوْا وَ لَا شَمَّوْا.

هُوشَع 8:6

عِجِلْكُو دَا مِنْكُو إِنْتُو بَنِي إِسْرَائِيلْ بَسْ وَ إِنْسَانْ بَسْ صَنَعَهْ. هُو مَا إِلٰـهْ! وَ فِي شَانْ دَا، عِجِلْ السَّامِرَةْ يِلْكَسَّرْ.

1 مُلوك 16:7

وَ اللّٰهْ حَجَّى بِوَاسِطَةْ النَّبِي يَاهُو وِلَيْد حَنَانِي لِبَعَاشَى وَ عَايِلْتَهْ بِسَبَبْ كُلَّ الْفَسَالَةْ الْغَضَّبَوْا بَيْهَا اللّٰهْ وَ الْأَشْيَاءْ السَّوَّوْهُمْ بِإِيدْهُمْ لِيَبْقَوْا سَوَا سَوَا مِثِلْ يَرُبَعَامْ وَ عَايِلْتَهْ. وَ أَشَانْ بَعَاشَى دَمَّرْ عَايِلَةْ يَرُبَعَامْ.

إشَعْيا 26:13

يَا اللّٰهْ إِلٰـهْنَا، سِيَادْ آخَرِينْ بَلَاكْ إِنْتَ مَلَكَوْا فَوْقنَا لَاكِنْ أُسْمَكْ إِنْتَ وِحَيْدَكْ بَسْ، أَنِحْنَ نَذْكُرُوهْ.

إشَعْيا 40:19

الصَّنَمْ، الْحَدَّادِي بَسْ دَقَّهْ وَ الصَّيَّاغِي مَسَحَهْ بِدَهَبْ وَ سَوَّى لَيَّهْ سَلَاسِلْ هَنَا فُضَّةْ.

إشَعْيا 41:29

هُمَّنْ ظَالِمِينْ، مَا يِسَاوُوا شَيّءْ وَ خِدْمِتْهُمْ مَا تَنْفَعْ شَيّءْ! وَ إِلٰـهَاتْ الْأُمَمْ مِثِلْ رِيحْ بَسْ!»

إرْمِيا 1:16

وَ بَيْدَا، أَنَا نِحَاكِمْ شَعَبِي فِي شَانْ فَسَالِتْهُمْ. وَ فَسَالِتْهُمْ دِي، هُمَّنْ أَبَوْنِي أَنَا وَ حَرَّقَوْا بَخُورْ لِإِلٰـهَاتْ آخَرِينْ وَ سَجَدَوْا لِلْأَصْنَامْ السَّوَّوْهُمْ بِإِيدَيْهُمْ.

2 مُلوك 17:10

وَ غَزَّوْا حُجَارْ وَ عِيدَانْ لِعِبَادَةْ أَشِيرَةْ فِي رَاسْ أَيِّ جَبَلْ عَالِي وَ تِحِتْ أَيِّ شَدَرَةْ خَضْرَةْ.

2 مُلوك 17:16

وَ هُمَّنْ خَلَّوْا مِنْهُمْ وَصَايَا اللّٰهْ إِلٰـهُّمْ وَ صَنَعَوْا لَيْهُمْ عَجَّالْ إِتْنَيْن مِنْ حَدِيدْ وَ غَزَّوْا عِيدَانْ لِعِبَادَةْ أَشِيرَةْ وَ سَجَدَوْا لِكُلَّ قُوَّاتْ السَّمَاءْ وَ عَبَدَوْا إِلٰـهْ بَعَلْ.

مِيخا 5:12

وَ نِدَمِّرْ سِحِرْكُو الْفِي إِيدْكُو وَ مَا يُكُونْ فِي أُسُطْكُو الْيِحَجِّي بِعِلِمْ الْغَيْب.