إشَعْيا 19:4 - الكتاب المقدس بالعربي الدارجي هنا تشاد

⁴ وَ نِسَلِّمْ الْمَصْرِيِّينْ فِي إِيدْ سِيدْ قَوِي وَ هُو مَلِكْ جَايِرْ يَحْكِمْ فَوْقهُمْ. وَ دَا كَلَامْ اللّٰهْ الرَّبّ الْقَادِرْ.

إشَعْيا 19:4 Referenca të Kryqëzuara

إشَعْيا 20:4

وَ مِثِلْ دَا، مَلِكْ أَشُورْ يِشِيلْ صُبْيَانْ وَ شِيَّابْ مِنْ مَصِرْ وَ الْحَبَشَةْ وَ يِوَدِّيهُمْ مَسَاجِينْ فِي الْغُرْبَةْ. وَ النَّاسْ دَوْل يِوَدِّيهُمْ عَرْيَانِينْ وَ حَفْيَانِينْ وَ جَعَبَاتْهُمْ بَرَّا. وَ دَا عَيْب لِمَصِرْ.

حِزْقِيال 29:19

وَ فِي شَانْ دَا، دَاهُو اللّٰهْ الرَّبّ قَالْ: «دَاهُو أَنَا نَنْطِي بَلَدْ مَصِرْ لِنَبُوخَدْنَصَرْ مَلِكْ بَابِلْ. وَ يِشِيلْ غُنَاهَا وَ يِسَوِّيهَا كَسِيبَةْ وَ يَنْهَبْهَا نَهِبْ شَدِيدْ. وَ مَصِرْ تَبْقَى فَايْدَةْ لِعَسْكَرَهْ.

إرْمِيا 46:26

أَنَا نِسَلِّمْهُمْ لِلْيِدَوْرُوا مَوْتهُمْ، لِنَبُوخَدْنَصَرْ مَلِكْ بَابِلْ وَ عَسْكَرَهْ. وَ لَاكِنْ بَعَدَيْن يَجِي وَكِتْ الْفَوْقَهْ مَصِرْ يَسْكُنُوهَا مِثِلْ زَمَانْ.» وَ دَا كَلَامْ اللّٰهْ.

إشَعْيا 19:2

أَنَا نِحَرِّشْ الْمَصْرِيِّينْ يِلْحَارَبَوْا، وَاحِدِينْ يُقُمُّوا ضِدّ الْآخَرِينْ. أَيِّ وَاحِدْ يُقُمّ ضِدّ أَخُوهْ وَ أَيِّ وَاحِدْ يُقُمّ ضِدّ جَارَهْ، مَدِينَةْ ضِدّ مَدِينَةْ وَ مَمْلَكَةْ ضِدّ مَمْلَكَةْ.

زَبُور 31:8

وَ إِنْتَ مَا سَلَّمْتِنِي فِي إِيدْ عُدْوَانِي، إِنْتَ وَقَّفْتِنِي بِطُولِي وَ خَطَّيْتنِي فِي بَكَانْ وَسِيعْ.

1 صَمُوِيل 23:7

وَ وَكِتْ شَاوُولْ سِمِعْ كَدَرْ دَاوُدْ قَاعِدْ فِي حِلَّةْ قَعِيلَةْ، هُو قَالْ: «الْيَوْم، الرَّبّ سَلَّمَهْ لَيِّ فِي إِيدِي! أَشَانْ هُو جَاءْ دَخَلْ فِي حِلَّةْ الْعِنْدَهَا بِيبَانْ يِلْقَفَّلَوْا.»

حِزْقِيال 30:12

أَنَا نِيَبِّسْ النِّيلْ وَ نِبِيعْ الْبَلَدْ لِلْفَسْلِينْ. وَ نِدَمِّرْ الْبَلَدْ وَ كُلَّ شَيّءْ الْفِيهَا بِإِيدْ الْأَجَانِبْ. وَ دَا، أَنَا اللّٰهْ بَسْ قُلْتَهْ.»

نَاحُوم 3:10

وَ لَاكِنْ مَدِينَةْ طِيبَةْ كُلَ شَالَوْهَا وَ وَدَّوْا سُكَّانْهَا فِي الْغُرْبَةْ. وَ أَطْفَالْهَا كَتَلَوْهُمْ فِي كُلَّ شَوَارِعْهَا. وَ لِسِيَادْ الشَّرَفْ هَنَا الْمَدِينَةْ، الْعُدْوَانْ قَسَّمَوْهُمْ بِأَمْ عِيَيْدَاتْ لِيِسَوُّوهُمْ عَبِيدْ. وَ كُبَارَاتْ طِيبَةْ كُلَ جَنْزَرَوْهُمْ.

إشَعْيا 20:3

وَ اللّٰهْ قَالْ: «مِثِلْ عَبْدِي إِشَعْيَا مَشَى عَرْيَانْ وَ حَفْيَانْ مُدَّةْ تَلَاتَةْ سَنَةْ، دَا يَبْقَى عَلَامَةْ وَ شَيّءْ عَجِيبْ لِمَصِرْ وَ الْحَبَشَةْ.