إشَعْيا 19:12 - الكتاب المقدس بالعربي الدارجي هنا تشاد

¹² يَا فِرْعَوْن، مُسْتَشَارِينَكْ وَيْن؟ خَلِّي يِأَوْرُوكْ وَ يِعَلُّمُوكْ قَرَارْ اللّٰهْ الْقَادِرْ الشَّالَهْ ضِدّ مَصِرْ.

إشَعْيا 19:12 Referenca të Kryqëzuara

1 كُرُنْتُس 1:20

وَ هَسَّعْ دَا، وَيْن الْحَكِيمْ؟ وَيْن الْعَالِمْ؟ وَيْن الْمُتَكَلِّمْ الْيِرِيدُوهْ نَاسْ الدُّنْيَا؟ خَلَاصْ، اللّٰهْ وَصَّفْ كَدَرْ حِكْمَةْ نَاسْ الدُّنْيَا بَاطْلَةْ.

رَوْمَا 9:17

وَ فِي الْكِتَابْ، اللّٰهْ بُقُولْ لِفِرْعَوْن: <أَنَا سَوَّيْتَكْ نَادُمْ كَبِيرْ أَشَانْ شِلْت نِيَّةْ لِنِوَصِّفْ فَوْقَكْ قُدُرْتِي وَ يِحَجُّوا بِأُسْمِي فِي كُلَّ الْأَرْض.>

إرْمِيا 2:28

وَيْن إِلٰـهَاتْكُو الصَّنَعْتُوهُمْ؟ خَلِّي يُقُمُّوا كَنْ يَقْدَرَوْا يِنَجُّوكُو فِي الضِّيقَةْ. أَشَانْ إِلٰـهَاتْكُو بِقَوْا كَتِيرِينْ مِثِلْ مُدُنْكُو، يَا شَعَبْ يَهُوذَا.

إشَعْيا 44:7

يَاتُو مِثْلِي أَنَا؟ خَلِّي يَرْفَعْ حِسَّهْ وَ يِخَبِّرْ بَيَّهْ. خَلِّي يِوَصِّفْ قِدَّامِي كُلَّ شَيّءْ الْكَانْ مِنْ أَنَا خَلَقْت النَّاسْ فِي الْبِدَايَةْ. خَلِّي يِخَبِّرْنَا بِالشَّيّءْ الْيُكُونْ فِي الْمُسْتَقْبَلْ.

إشَعْيا 14:24

وَ اللّٰهْ الْقَادِرْ حَلَفْ وَ قَالْ: «أَكِيدْ، النَّوَيْتَهْ يُكُونْ وَ الْقَرَّرْتَهْ يِتِمّ.

إشَعْيا 5:21

الْعَذَابْ لِلْيِشِيفُوا نُفُوسْهُمْ حَكِيمِينْ وَ يَجْعَلَوْا نُفُوسْهُمْ فَاهِمِينْ!

قُضياء 9:38

وَ زَبُولْ قَالْ لَيَّهْ: «وَيْن كَلَامَكْ الْإِنْتَ أَوَّلْ حَجَّيْتَهْ؟ أَوَّلْ إِنْتَ مَا قُلْت: ‹أَبِيمَلِكْ هُو يَاتُو لَحَدِّي أَنِحْنَ نَقْعُدُوا تِحْتَهْ؟› وَ دَاهُو النَّاسْ الْإِنْتَ حَقَرْتُهُمْ. هَسَّعْ دَا، أَمْرُقْ وَ حَارِبْهُمْ!»

عُبَدْيا 1:8

فِي الْيَوْم دَا بَسْ، أَنَا نِدَمِّرْ كُلَّ الْعُلَمَاءْ الْفِي أَدَوْم وَ الْفَاهِمِينْ الْفِي جِبَالْ ذُرِّيَّةْ عِيسُو. وَ دَا كَلَامْ اللّٰهْ.