إشَعْيا 18:4 - الكتاب المقدس بالعربي الدارجي هنا تشاد

⁴ أَشَانْ دَاهُو اللّٰهْ قَالْ لَيِّ: «مِنْ بَكَانِي، أَنَا نِشِيفْ وَ نَقْعُدْ سَاكِتْ مِثِلْ الْحَرَّايْ الشَّدِيدَةْ فِي النَّهَارْ وَ مِثِلْ سَحَابَايِةْ الْكَرَنْج فِي حَمُو وَكِتْ الْقَطِعْ.»

إشَعْيا 18:4 Referenca të Kryqëzuara

هُوشَع 5:15

أَنَا نَمْرُقْ وَ نِقَبِّلْ فِي بَكَانِي لَحَدِّي يِعْتَرُفُوا بِخَطَاهُمْ وَ يِوَجُّهُوا عَلَيِّ. وَ فِي ضِيقِتْهُمْ دِي، يِفَتُّشُونِي.»

إشَعْيا 26:21

أَشَانْ دَاهُو اللّٰهْ مَارِقْ مِنْ بَكَانَهْ وَ يِحَاسِبْ سُكَّانْ الْأَرْض بِسَبَبْ خَطَاهُمْ. وَ الْأَرْض تِبَيِّنْ الدَّمّ الدَّفَّقْ فَوْقهَا وَ مَا تِلَبِّدْ الْمَكْتُولِينْ.

إشَعْيا 18:7

وَ فِي الْوَكِتْ دَا، تِجِيبْ هَدَايَا لِلّٰهْ الْقَادِرْ، الْأُمَّةْ النَّاسْهَا طُوَالْ وَ مُلُسْ وَ شَعَبْهَا مُخِيفِينْ فِي أَيِّ بَكَانْ. وَ هِي أُمَّةْ قَوِيَّةْ تَرْحَكْ كُلَّ شَيّءْ وَ بُحُورْ يُشُقُّوا بَلَدْهَا. وَ هِي تِجِيبْ هَدَايَا فِي جَبَلْ صَهْيُون فِي الْبَكَانْ الْقَاعِدْ فَوْقَهْ أُسُمْ اللّٰهْ الْقَادِرْ.

إشَعْيا 14:32

شُنُو النُّرُدُّوهْ لِمُرَسَّلِينْ الْأُمَّةْ دِي؟ نُقُولُوا: ‹أَيْوَى، اللّٰهْ أَسَّسْ صَهْيُون أَشَانْ مَسَاكِينْ شَعَبَهْ يَلْجَأَوْا لَيْهَا.›»

إشَعْيا 12:6

عِيطُوا بِفَرَحْ وَ زَغْرُطُوا، يَا سُكَّانْ صَهْيُون! أَشَانْ قُدُّوسْ إِسْرَائِيلْ الْقَاعِدْ فِي أُسُطْكُو، هُو عَظِيمْ.»

2 صَمُوِيل 23:4

هُو بَسْ مِثِلْ ضَيّ الصَّبَاحْ فِي طَلُوعْ الْحَرَّايْ بَلَا سَحَابْ وَ مِثِلْ نُورْ الْيِقَوِّمْ الْخَضَارْ بَعَدْ الْمَطَرَةْ.›

هُوشَع 14:5

أَنَا نَبْقَى مِثِلْ مَطَرْ لِبَنِي إِسْرَائِيلْ وَ هُمَّنْ يِنَوُّرُوا مِثِلْ السِّتَّيْب. يِدِسُّوا عُرُوقْهُمْ مِثِلْ شَدَرْ لُبْنَانْ

إشَعْيا 46:13

وَ أَنَا نِقَرِّبْ عَدَالْتِي الْهِي مَا بَعِيدَةْ وَ نِنَجِّيكُو بَلَا تَأخِيرْ. وَ فِي صَهْيُون، نِجِيبْ النَّجَاةْ وَ فِي إِسْرَائِيلْ، نِجِيبْ مَجْدِي.»

إشَعْيا 31:9

وَ عَسْكَرْهَا الْفَحَلِينْ يَجْرُوا مِنْ الْخَوْف وَ كُبَارَاتْهَا يِنْبَهْتُوا قِدَّامْ الرَّايَةْ.» وَ دَا كَلَامْ اللّٰهْ الْعِنْدَهْ نَارْ فِي جَبَلْ صَهْيُون وَ عِنْدَهْ فُرُنْ فِي مَدِينَةْ الْقُدُسْ.

إشَعْيا 26:19

يَا اللّٰهْ! خَلِّي مَيْتِينَكْ يَحْيَوْا وَ جَنَازَاتْهُمْ يَبْعَثَوْا. قُمُّوا وَ زَغْرُطُوا، يَا إِنْتُو السَّاكْنِينْ فِي لُبّ الْأَرْض! أَشَانْ اللّٰهْ يِنَزِّلْ النُّورْ مِثِلْ الْكَرَنْج وَ بَيَّهْ الْمَيْتِينْ يَبْعَثَوْا.

زَبُور 72:6

هُو يَنْزِلْ مِثِلْ مَطَرَةْ فِي قَشّ الْمَرْعَى وَ مِثِلْ أَلْمِي الْيُرُشّ الْأَرْض.

يُوِيل 3:17

«وَ بَيْدَا، إِنْتُو تَعَرْفُوا كَدَرْ أَنَا بَسْ اللّٰهْ إِلٰـهْكُو الْقَاعِدْ فِي صَهْيُون جَبَلِي الْمُقَدَّسْ. مَدِينَةْ الْقُدُسْ تَبْقَى بَكَانْ مُقَدَّسْ وَ بَتَّانْ أَجَانِبْ مَا يَدْخُلُوا فَوْقهَا.»

أمْثال 19:12

غَضَبْ الْمَلِكْ مِثِلْ قَرْقَرَانْ الدُّودْ لَاكِنْ رِضَايَهْ مِثِلْ الْمَطَرْ لِلْقَشّ.

2 أخبار 6:21

يَا اللّٰهْ! أَسْمَعْ دُعَايِ أَنَا عَبْدَكْ وَ دُعَا شَعَبَكْ بَنِي إِسْرَائِيلْ وَكِتْ يِصَلُّوا عَلَيْ الْبَكَانْ دَا. وَ مِنْ السَّمَاءْ، الْبَكَانْ الْإِنْتَ سَاكِنْ فَوْقَهْ، أَسْمَعْنَا وَ أَغْفِرْ لَيْنَا ذُنُوبْنَا.

إشَعْيا 57:15

أَشَانْ دَاهُو كَلَامْ اللّٰهْ الْعَالِي الْقَاعِدْ فَوْق، هُو الْقَاعِدْ إِلَى الْأَبَدْ وَ أُسْمَهْ الْقُدُّوسْ. هُو قَالْ: «أَنَا قَاعِدْ فِي بَكَانْ عَالِي وَ مُقَدَّسْ وَ قَاعِدْ بَتَّانْ مَعَ نَاسْ الْقُلُوبْهُمْ تَعْبَانِينْ وَ رُوحْهُمْ مُتَوَاضِعَةْ لِنَحَيِي رُوحْ الْمُتَوَاضِعِينْ وَ نَحَيِي قُلُوبْ التَّعْبَانِينْ.

عَمُوس 3:7

وَ مِثِلْ دَا، اللّٰهْ الرَّبّ مَا يِسَوِّي أَيِّ شَيّءْ كَنْ مَا بَيَّنْ سِرَّهْ لِعَبِيدَهْ الْأَنْبِيَاء.