إشَعْيا 18:3 - الكتاب المقدس بالعربي الدارجي هنا تشاد

³ أَسْمَعَوْا، إِنْتُو كُلُّكُو الْقَاعِدِينْ فِي الْعَالَمْ، إِنْتُو السَّاكْنِينْ فِي الْأَرْض! وَكِتْ الرَّايَةْ يَرْفَعَوْهَا فِي رُوسَيْ الْجِبَالْ، شِيفُوهَا! وَ وَكِتْ يَضُرْبُوا الْبُوقْ، أَسْمَعَوْه!

إشَعْيا 18:3 Referenca të Kryqëzuara

إشَعْيا 5:26

هُو يَرْفَعْ رَايَةْ لِأُمَمْ بَعِيدِينْ وَ يِصَفِّرْ لِيِنَادِي الْقَاعِدِينْ فِي آخِرْ الْأَرْض. دَاهُو! هُمَّنْ يُقُمُّوا عَجَلَةْ وَ يَجُوا بِسُرْعَةْ.

إشَعْيا 26:11

يَا اللّٰهْ! إِيدَكْ مَرْفُوعَةْ فَوْق وَ هُمَّنْ مَا شَافَوْهَا. يِشِيفُوا مَحَبِّتَكْ الشَّدِيدَةْ لِشَعَبَكْ وَ الْعَيْب يَكْرُبْهُمْ وَ النَّارْ الْجَهَّزْتَهَا لِعُدْوَانَكْ تَاكُلْهُمْ.

مَتَّى 13:16

«وَ لَاكِنْ لَيْكُو إِنْتُو، مَبْرُوكْ لَيْكُو أَشَانْ عُيُونْكُو قَاعِدِينْ يِشِيفُوا وَ أُدْنَيْكُو قَاعِدِينْ يَسْمَعَوْا.

مَتَّى 13:9

خَلَاصْ، أَيِّ نَادُمْ الْعِنْدَهْ أَدَانْ خَلِّي يَسْمَعْ!»

زَكَرِيَّا 9:14

وَ اللّٰهْ يِبِينْ مِنْ فَوْق لِشَعَبَهْ وَ نُشَّابَهْ يَبْرُقْ مِثِلْ بَرَّاقَةْ. اللّٰهْ الرَّبّ يَضْرُبْ الْبُوقْ وَ يَجِي بِرِيحْ شَدِيدَةْ مِنْ الْجُنُوبْ.

مِيخا 6:9

دَاهُو اللّٰهْ قَاعِدْ يِنَادِي سُكَّانْ الْمَدِينَةْ وَ يِنَجِّي الْيَخَافَوْا مِنَّهْ: «أَسْمَعَوْا، يَا نَاسْ قَبِيلَةْ يَهُوذَا اللَّمِّينْ فِي الْمَدِينَةْ.

مِيخا 6:2

يَا الْجِبَالْ! أَسْمَعَوْا شَكْوَةْ اللّٰهْ! إِنْتُو يَا أَسَاسْ الْأَرْض الْقَوِي، خُطُّوا بَالْكُو! اللّٰهْ يِجِيبْ شَعَبَهْ فِي الشَّرِيعَةْ وَ يُلُومْ بَنِي إِسْرَائِيلْ.»

إرْمِيا 22:29

يَا بَلَدِي، بَلَدِي! يَا بَلَدِي، أَسْمَعَيْ كَلَامْ اللّٰهْ!

إشَعْيا 13:4

أَسْمَعَوْا الْحَرَكَةْ الْكَتِيرَةْ فِي الْجِبَالْ مِثِلْ شَعَبْ كَتِيرِينْ! وَ دَا حِسّ حَرَكَةْ الْمَمَالِكْ أَيْوَى، حَرَكَةْ مَلَمَّةْ الْأُمَمْ! اللّٰهْ الْقَادِرْ يِجَهِّزْ دَيْشَهْ الْيِحَارِبْ.

إشَعْيا 13:2

الرَّبّ قَالْ: «غُزُّوا رَايَةْ فِي الْجَبَلْ الْأَمْلَسْ وَ نَادُوا لِلْعَسْكَرْ. وَ وَصُّفُوهُمْ بِإِيدَيْكُو لِيَدْخُلُوا الْمَدِينَةْ بِبِيبَانْ الْحُكَّامْ.

إشَعْيا 7:18

فِي الْيَوْم دَا، اللّٰهْ يِصَفِّرْ لِيِنَادِي عَسْكَرْ مَصِرْ وَ هُمَّنْ يَجُوا كَتِيرِينْ مِثِلْ دُبَّانْ مِنْ كُلَّ مَجَارِي مَصِرْ. وَ يِنَادِي عَسْكَرْ مِنْ بَلَدْ أَشُورْ وَ هُمَّنْ يَجُوا كَتِيرِينْ مِثِلْ نَحَلَةْ.

إشَعْيا 1:2

يَا السَّمَاءْ، أَسْمَعَيْ! وَ يَا أَرْض، أَفْتَحَيْ أَدَانْكِ! دَاهُو كَلَامْ اللّٰهْ الْهُو قَالَهْ: «أَنَا أَدَّبْت وَ رَبَّيْت عِيَالْ وَ لَاكِنْ هُمَّنْ أَتْمَرَّدَوْا ضِدِّي.

زَبُور 50:1

اللّٰهْ إِلٰـهْ الْإِلٰـهَاتْ حَجَّى وَ نَادَى الْأَرْض مِنْ بَكَانْ طَلُوعْ الْحَرَّايْ لَحَدِّي وَقُوعْهَا.

إشَعْيا 31:9

وَ عَسْكَرْهَا الْفَحَلِينْ يَجْرُوا مِنْ الْخَوْف وَ كُبَارَاتْهَا يِنْبَهْتُوا قِدَّامْ الرَّايَةْ.» وَ دَا كَلَامْ اللّٰهْ الْعِنْدَهْ نَارْ فِي جَبَلْ صَهْيُون وَ عِنْدَهْ فُرُنْ فِي مَدِينَةْ الْقُدُسْ.

إشَعْيا 49:22

وَ دَاهُو اللّٰهْ الرَّبّ قَالْ: «أَنَا نَرْفَعْ إِيدِي لِلْأُمَمْ وَ نَرْفَعْ رَايْتِي لِلشُّعُوبْ. هُمَّنْ يِشِيلُوا عِيَالْكِ فِي حُضُونْهُمْ وَ بَنَاتْكِ فِي كَتَافَيْهُمْ.

إرْمِيا 51:27

أَرْفَعَوْا رَايَةْ الْهُجُومْ فِي الْبَلَدْ وَ أَضُرْبُوا الْبُوقْ فِي أُسْط الْأُمَمْ. خَصُّصُوا أُمَمْ ضِدّ بَابِلْ وَ حَرُّشُوا ضِدَّهَا مَمَالِكْ أَرَرَاطْ وَ مِنِّي وَ أَشْكَنَازْ. كَلُّفُوا قَايِدْ ضِدَّهَا وَ قَوُّمُوا ضِدَّهَا خَيْل مِثِلْ الْجَرَادْ السَّايِرْ.

مِيخا 1:2

أَسْمَعَوْا، يَا كُلَّ الشُّعُوبْ! أَسْمَعَيْ، يَا الْأَرْض وَ كُلَّ شَيّءْ الْفَوْقكِ. اللّٰهْ الرَّبّ يَشْهَدْ ضِدُّكُو. أَيْوَى، الرَّبّ يُلُومْكُو مِنْ بَيْتَهْ الْمُقَدَّسْ.

إشَعْيا 11:12

هُو يَرْفَعْ رَايَةْ لِلْأُمَمْ وَ يِلِمّ بَنِي إِسْرَائِيلْ الْمَطْرُودِينْ وَ يَجْمَعْ بَنِي يَهُوذَا الْمُشَتَّتِينْ فِي الْأَرْبَعَةْ جِيهَاتْ هَنَا الْأَرْض.