إشَعْيا 18:1 - الكتاب المقدس بالعربي الدارجي هنا تشاد

¹ الْعَذَابْ لِلْبَلَدْ الْفَوْقهَا سُفُنْ الْعِنْدُهُمْ شِرَاعْ فِي طُولْ بُحُورْ الْحَبَشَةْ!

إشَعْيا 18:1 Referenca të Kryqëzuara

صَفَنْيا 3:10

حَتَّى مِنْ غَادِي لِبُحُورْ بَلَدْ الْحَبَشَةْ، النَّاسْ يَجُوا يَعَبُدُونِي. أَيْوَى، النَّاسْ الْأَنَا شَتَّتُّهُمْ يِجِيبُوا لَيِّ هَدَايَا.»

2 مُلوك 19:9

وَ خَلَاصْ، مَلِكْ بَلَدْ أَشُورْ سِمِعْ خَبَرْ. وَ الْخَبَرْ دَا بُقُولْ: «تِرْهَاقَا مَلِكْ بَلَدْ الْحَبَشَةْ قَمَّ جَايِ لِيِحَارِبَكْ.» وَ خَلَاصْ، مَلِكْ أَشُورْ رَسَّلْ مُرَسَّلِينْ لِحِزْقِيَّا وَ قَالْ لَيْهُمْ:

صَفَنْيا 2:12

«وَ إِنْتُو كُلَ، يَا الْحَبَشِيِّينْ، سَيْفِي يَكْتُلْكُو.»

مَتَّى 23:37

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ جِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

حِزْقِيال 30:9

وَ فِي الْيَوْم دَا، مُرَسَّلِينْ يَمُرْقُوا مِنْ قِدَّامِي بِسُفُنْ وَ يَمْشُوا لِيِرَجُّفُوا بَلَدْ الْحَبَشَةْ الْقَاعِدَةْ بِأَمَانْ. وَ فِي يَوْم عِقَابْ مَصِرْ، يَجِي تَعَبْ فِي شَعَبْ الْحَبَشَةْ. أَيْوَى، الْيَوْم دَا يَجِي.»

إشَعْيا 31:1

الْعَذَابْ لِلنَّاسْ الْيَنْزُلُوا فِي مَصِرْ لِلْفَزَعْ وَ يِنْتَكْلُوا عَلَيْ الْخَيْل وَ يِتْوَكَّلَوْا عَلَيْ عَرَبَاتْ الْحَرِبْ أَشَانْ هُمَّنْ كَتِيرِينْ وَ يِتْوَكَّلَوْا عَلَيْ سِيَادْ الْخَيْل أَشَانْ هُمَّنْ عِنْدُهُمْ قُدْرَةْ. وَ لَاكِنْ النَّاسْ دَوْل مَا عِنْدُهُمْ فِكِرْ فِي قُدُّوسْ إِسْرَائِيلْ وَ هُمَّنْ مَا يِفَتُّشُوا اللّٰهْ.

زَبُور 91:4

وَ بِجَنَاحَيْه، هُو يِغَطِّيكْ وَ إِنْتَ تَلْجَأْ لَيَّهْ مِثِلْ فَرُّوجْ تِحِتْ جَنَاحَيْ أَمَّهْ. وَ أَمَانَهْ يَبْقَى لَيْك دَرَقَةْ وَ بَكَانْ الْعِنْدَهْ أَمِنْ.

زَبُور 63:7

أَشَانْ إِنْتَ بِقِيتْ لَيِّ فَزَعْ وَ تِحِتْ جَنَاحَيْك، أَنَا نِرَقْرِقْ مِنْ الْفَرَحْ.

زَبُور 61:4

أَنَا نِدَوْر نَسْكُنْ تِحِتْ خَيْمِتَكْ إِلَى الْأَبَدْ وَ نَلْجَأْ تِحِتْ جَنَاحَيْك. وَقْفَةْ.

زَبُور 57:1

حِنّ فَوْقِي، يَا رَبّ، حِنّ فَوْقِي! لَيْك إِنْتَ، أَنَا نَلْجَأْ. أَيْوَى، تِحِتْ جَنَاحَيْك أَنَا نَلْجَأْ لَحَدِّي يُفُوتْ الدَّمَارْ.

زَبُور 36:7

رَحْمَتَكْ غَالِيَةْ، يَا رَبّ، وَ بَنِي آدَم يَلْجَأَوْا تِحِتْ جَنَاحَيْك.

زَبُور 17:8

أَحْفَضْنِي مِثِلْ يَحْفَضَوْا وَلْد الْعَيْن وَ خُطِّنِي تِحِتْ جَنَاحَيْك.

رَعُوث 2:12

وَ اللّٰهْ يَنْطِيكِ أَجُرْ هَنَا الْخَيْر الْإِنْتِ سَوَّيْتِيهْ. اللّٰهْ إِلٰـهْ بَنِي إِسْرَائِيلْ، الْجِيتِ لِلَجَأْتِ تِحِتْ جَنَاحَيْه، هُو بَسْ يَنْطِيكِ أَجُرْ كَامِلْ!»

إشَعْيا 37:9

وَ خَلَاصْ، مَلِكْ بَلَدْ أَشُورْ سِمِعْ خَبَرْ. وَ الْخَبَرْ دَا بُقُولْ: «تِرْهَاقَا مَلِكْ بَلَدْ الْحَبَشَةْ قَمَّ جَايِ لِيِحَارِبَكْ.» وَ مِنْ سِمِعْ بِالْخَبَرْ دَا، مَلِكْ أَشُورْ رَسَّلْ مُرَسَّلِينْ لِحِزْقِيَّا وَ قَالْ لَيْهُمْ:

إشَعْيا 45:14

وَ دَاهُو اللّٰهْ قَالْ: «نَتِيجَةْ مَصِرْ وَ رِبِحْ مِنْ بَلَدْ الْحَبَشَةْ وَ رُجَالْ سَبَأ الطُّوَالْ، كُلَّ الْأَشْيَاءْ دَوْل يَوْصَلَوْا لَيْك وَ يَبْقَوْا هَنَاكْ. النَّاسْ دَوْل يَمْشُوا وَرَاكْ. هُمَّنْ دَوْل يَمْشُوا مُجَنْزَرِينْ وَ يَسْجُدُوا قِدَّامَكْ وَ يَشْحَدَوْك وَ يُقُولُوا: ‹صَحِيحْ اللّٰهْ مَعَاكْ وَ مَا فِي إِلٰـهْ إِلَّا هُو وَ مَا فِي إِلٰـهْ آخَرْ.›»