إشَعْيا 17:9 - الكتاب المقدس بالعربي الدارجي هنا تشاد

⁹ وَ فِي الْيَوْم دَا، الْمُدُنْ الْقَوِيِّينْ يِخَلُّوهُمْ مِثِلْ خَلَّوْا الْغَابَةْ وَ رُوسَيْ الْجِبَالْ وَكِتْ بَنِي إِسْرَائِيلْ جَوْا شَالَوْا الْبَلَدْ، كُلَّ الْبَلَدْ تَخْرَبْ.

إشَعْيا 17:9 Referenca të Kryqëzuara

إشَعْيا 27:10

الْمَدِينَةْ الْقَوِيَّةْ بِقَتْ مَعْزُولَةْ وَ بِقَتْ مِثِلْ الْمَرْعَى الْأَبَوْه وَ خَلَّوْه مِثِلْ كَدَادَةْ. الْعَجَّالْ يَجُوا يَسْرَحَوْا فَوْقهَا وَ يَاكُلُوا وَرَقْ شَدَرْهَا وَ يِنْجَمَّوْا فَوْقهَا.

مِيخا 7:13

وَ الْأَرْض تَبْقَى خَرَابْ بِسَبَبْ سُكَّانْهَا وَ دَا بِسَبَبْ نَتِيجَةْ عَمَلْهُمْ الْفَسِلْ.

مِيخا 6:16

وَ إِنْتُو تِتَابُعُوا الْعَادَةْ الْفَسْلَةْ هَنَا الْمَلِكْ عُمْرِي وَ الْعَمَلْ الْهَوَانْ هَنَا عَايِلَةْ مَلِكْ أَخَابْ وَ تُرُوغُوا حَسَبْ خِطِّتْهُمْ. وَ فِي شَانْ دَا، أَنَا نِسَلِّمْ مَدِينِتْكُو لِلْخَرَابْ وَ سُكَّانْهَا يَبْقَوْا شِمَّيْتَةْ وَ يِعَيُّبُوكُو مِثِلْ يِعَيُّبُوا كُلَّ شَعَبِي.»

مِيخا 5:11

وَ نِدَمِّرْ مُدُنْ بَلَدْكُو وَ نِهَدِّمْ كُلَّ بَكَانَاتْكُو الْقَوِيِّينْ.

عَمُوس 7:9

أَنَا نِهَدِّمْ الْبَكَانَاتْ الْعَالِيِينْ هَنَا عِبَادَةْ ذُرِّيَّةْ إِسْحَاقْ وَ نِكَسِّرْ مَدَابِحْ بَنِي إِسْرَائِيلْ وَ نِقَوِّمْ حَرِبْ ضِدّ عَايِلَةْ الْمَلِكْ يَرُبَعَامْ.»

هُوشَع 10:14

وَ خَلَاصْ، يِنْسَمِعْ كُرَوْرَاكْ حَرِبْ فِي لُبّ شَعَبْكُو وَ كُلَّ مُدُنْكُو الْقَوِيِّينْ يَخْرَبَوْا مِثِلْ يَوْم الْقَايِدْ شَلْمَانْ خَرَبْ حِلَّةْ بَيْت أَرْبِيلْ وَ رِحِكْ الْأَمَّهَاتْ وَ عِيَالْهِنْ.

إشَعْيا 17:8

وَ بَتَّانْ مَا يِنْتَكِلْ عَلَيْ الْمَدَابِحْ السَّوَّتْهُمْ إِيدَهْ وَ مَا يِوَجِّهْ بِأَمَانْ فِي السَّوَّاهْ بِأَصَابْعَهْ. وَ دَوْل الْعِيدَانْ الْغَزَّاهُمْ لِعِبَادَةْ أَشِيرَةْ وَ الْمَخَابِرْ هَنَا الْبَخُورْ.

إشَعْيا 17:10

أَشَانْ إِنْتُو نِسِيتُوا إِلٰـهْكُو النَّجَّاكُو وَ مَا فَكَّرْتُوا فَوْقَهْ هُو، جَبَلْ مَلْجَئْكُو. وَ فِي شَانْ دَا، مَقَّنْتُوا شَدَرْ لَذِيذْ وَ تَيْرَبْتُوا تَيْرَابْ أَجْنَبِي.