إشَعْيا 17:8 - الكتاب المقدس بالعربي الدارجي هنا تشاد

⁸ وَ بَتَّانْ مَا يِنْتَكِلْ عَلَيْ الْمَدَابِحْ السَّوَّتْهُمْ إِيدَهْ وَ مَا يِوَجِّهْ بِأَمَانْ فِي السَّوَّاهْ بِأَصَابْعَهْ. وَ دَوْل الْعِيدَانْ الْغَزَّاهُمْ لِعِبَادَةْ أَشِيرَةْ وَ الْمَخَابِرْ هَنَا الْبَخُورْ.

إشَعْيا 17:8 Referenca të Kryqëzuara

إشَعْيا 30:22

وَ تَجْعَلَوْا مِثِلْ نِجِسْ الْفُضَّةْ الْمَسَحْتُوا بَيْهَا أَصْنَامْكُو وَ الدَّهَبْ الْمَسَحْتُوا بَيَّهْ تَمَاثِيلْكُو الْمَصْبُوبِينْ. وَ تِدَفُّقُوهُمْ مِثِلْ نَجَاسَةْ وَ تُقُولُوا: «يَلَّا! بَرَّا مِنْ هِنِي!»

إشَعْيا 27:9

وَ بِمِثِلْ دَا، يِنْقَشَّ خَطَا يَعْقُوبْ وَ دَاهُو نَتِيجَةْ غُفْرَانْ ذَنْبَهْ. يَعْقُوبْ يِكَسِّرْ حُجَارْ الْمَدْبَحْ وَ يِسَوِّيهُمْ مِثِلْ الدَّقِيقْ الْمَرْحُوكْ. وَ الْعِيدَانْ الْغَزَّوْهُمْ لِعِبَادَةْ أَشِيرَةْ وَ مَخَابِرْ الْبَخُورْ، كُلُّهُمْ يَبْقَوْا مَا فِيهُمْ.

إشَعْيا 2:8

الْبَلَدْ مَلَانَةْ بِالْإِلٰـهَاتْ وَ النَّاسْ يَسْجُدُوا لِلصَّنَعَوْه بِإِيدَيْهُمْ أَيْوَى، يَسْجُدُوا لِلسَّوَّوْه بِأَصَابِعْهُمْ.

زَكَرِيَّا 13:2

وَ دَاهُو كَلَامْ اللّٰهْ الْقَادِرْ: «فِي الْيَوْم دَا، أَنَا نُقُشّ مِنْ الْبَلَدْ أَسَامَيْ الْأَصْنَامْ وَ بَتَّانْ مَا يِحَجُّوا بَيْهُمْ أَبَداً. وَ نَطْرُدْ مِنْ الْبَلَدْ الْأَنْبِيَاء الْيِحَجُّوا بِغَشّ وَ رُوحْ الْمُنَجَّسَةْ.

صَفَنْيا 1:3

نُقُشّ النَّاسْ وَ الْبَهَايِمْ وَ نُقُشّ طُيُورْ السَّمَاءْ وَ حُوتْ الْبَحَرْ وَ كُلَّ شَيّءْ الْيَرْمِي الْعَاصِيِينْ فِي عِصْيَانْهُمْ. وَ نِكَمِّلْ النَّاسْ مِنْ وِجْه الْأَرْض.» وَ دَا كَلَامْ اللّٰهْ.

هُوشَع 14:8

يَا نَاسْ أَفْرَايِمْ! هَلْ فِي شَبَهْ بَيْنِي أَنَا وَ الْأَصْنَامْ؟ أَنَا بَسْ نَقْبَلْكُو وَ نِرَاقِبْ فَوْقكُو. وَ أَنَا مِثِلْ شَدَرَةْ السَّرْوِي الْخَضْرَةْ وَ مِنِّي أَنَا بَسْ، تَلْقَوْا إِنْتَاجْ.»

حِزْقِيال 36:25

وَ أَنَا نُرُشُّكُو بِأَلْمِي طَاهِرْ وَ تَبْقَوْا طَاهِرِينْ وَ نِطَهِّرْكُو مِنْ كُلَّ نَجَاسِتْكُو وَ مِنْ كُلَّ أَصْنَامْكُو.

إشَعْيا 44:15

وَ دَوْل يَبْقَوْا لِلْإِنْسَانْ حَطَبْ لِلنَّارْ وَ يِشِيلْهُمْ وَ يِدَّفَّ بَيْهُمْ وَ يِدِسُّهُمْ فِي النَّارْ لِيِسَوِّي بَيْهُمْ أَكِلْ. وَ بِالْفَضَّلْ مِنْ الْحَطَبْ، يِسَوِّي إِلٰـهْ وَ يَرْكَعْ لَيَّهْ. أَيْوَى! يِسَوِّي صَنَمْ وَ يَسْجُدْ قِدَّامَهْ!

إشَعْيا 1:29

أَيْوَى، إِنْتُو تَلْقَوْا عَيْب مِنْ شَدَرْكُو الْكُبَارْ الْقَاعِدِينْ تِتْمَنَّوْه. وَ تَبْقَوْا خَجْلَانِينْ فِي شَانْ الْجِنَيْنَاتْ الْعَزَلْتُوهُمْ لِعِبَادَةْ أَصْنَامْكُو.

2 أخبار 34:4

وَ فِي قِدَّامَهْ بَسْ، هَدَّمَوْا الْمَدَابِحْ هَنَا إِلٰـهْ بَعَلْ وَ الْمَخَابِرْ الْيِحَرُّقُوا فَوْقهُمْ الْبَخُورْ الْقَاعِدِينْ بِفَوْق الْمَدَابِحْ. وَ قَطَعْ الْعِيدَانْ الْغَزَّوْهُمْ لِعِبَادَةْ أَشِيرَةْ وَ كَسَّرْ الْأَصْنَامْ وَ التَّمَاثِيلْ هَنَا حَدِيدْ وَ رِحِكَاهُمْ دَقِيقْ وَ شَتَّتْ الدَّقِيقْ دَا فِي الْقُبُورْ هَنَا النَّاسْ الْقَدَّمَوْا لَيْهُمْ ضَحَايَا.

2 أخبار 14:5

وَ هُو هَدَّمْ الْبَكَانَاتْ الْعَالِيِينْ وَ الْبَكَانَاتْ الْيِحَرُّقُوا فَوْقهُمْ الْبَخُورْ فِي كُلَّ حِلَّالْ بَلَدْ يَهُوذَا. وَ فِي وَكِتْ حُكْمَهْ، الْمَمْلَكَةْ قَاعِدَةْ بِالسَّلَامَةْ.

خُروج 34:13

وَ لَاكِنْ هَدُّمُوا مَدَابِحْهُمْ وَ أَرْمُوا حُجَارْهُمْ الْغَزَّوْهُمْ وَ كَسُّرُوا عِيدَانْهُمْ الْغَزَّوْهُمْ لِعِبَادَةْ أَشِيرَةْ.

تَثْنِية 7:5

وَ لَاكِنْ دَاهُو الشَّيّءْ التِّسَوُّوهْ لِلْأُمَمْ دَوْل. هَدُّمُوا مَدَابِحْهُمْ وَ أَرْمُوا حُجَارْهُمْ الْغَزَّوْهُمْ لِلْعِبَادَةْ وَ كَسُّرُوا عِيدَانْهُمْ الْغَزَّوْهُمْ لِعِبَادَةْ أَشِيرَةْ وَ حَرُّقُوا أَصْنَامْهُمْ.

2 صَمُوِيل 22:42

يِعِيطُوا لِلْفَزَعْ وَ مَا فِي مُنَجِّي، يَسْأَلَوْا اللّٰهْ وَ مَا يُرُدّ لَيْهُمْ.

إشَعْيا 10:20

وَ فِي الْيَوْم دَا، الْيِفَضُّلُوا مِنْ بَنِي إِسْرَائِيلْ وَ الْمُعَرِّدِينْ وَ النِّجَوْا مِنْ ذُرِّيَّةْ يَعْقُوبْ مَا يِنْتَكْلُوا عَلَيْ مَلِكْ أَشُورْ الضَّرَبَاهُمْ. وَ لَاكِنْ يِنْتَكْلُوا بِأَمَانْ عَلَيْ اللّٰهْ قُدُّوسْ إِسْرَائِيلْ.

إشَعْيا 17:9

وَ فِي الْيَوْم دَا، الْمُدُنْ الْقَوِيِّينْ يِخَلُّوهُمْ مِثِلْ خَلَّوْا الْغَابَةْ وَ رُوسَيْ الْجِبَالْ وَكِتْ بَنِي إِسْرَائِيلْ جَوْا شَالَوْا الْبَلَدْ، كُلَّ الْبَلَدْ تَخْرَبْ.

إشَعْيا 37:19

وَ زَقَلَوْا إِلٰـهَاتْهُمْ فِي النَّارْ أَشَانْ هُمَّنْ أَصْنَامْ بَسْ السَّوَّوْهُمْ النَّاسْ بِإِيدَيْهُمْ مِنْ حَطَبْ وَ حَجَرْ. وَ مُلُوكْ أَشُورْ دَمَّرَوْهُمْ.

إشَعْيا 41:29

هُمَّنْ ظَالِمِينْ، مَا يِسَاوُوا شَيّءْ وَ خِدْمِتْهُمْ مَا تَنْفَعْ شَيّءْ! وَ إِلٰـهَاتْ الْأُمَمْ مِثِلْ رِيحْ بَسْ!»

إرْمِيا 17:2

وَ مِثِلْ يِذَّكَّرَوْا عِيَالْهُمْ، هُمَّنْ يِذَّكَّرَوْا مَدَابِحْ إِلٰـهَاتْهُمْ وَ الْعِيدَانْ الْغَزَّوْهُمْ لِعِبَادَةْ أَشِيرَةْ. وَ دَوْل تِحِتْ أَيِّ شَدَرَةْ خَضْرَةْ وَ فِي رَاسْ أَيِّ جَبَلْ عَالِي.

2 أخبار 31:1

وَ وَكِتْ عَيَّدَوْا الْعِيدْ دَا خَلَاصْ، كُلَّ بَنِي إِسْرَائِيلْ الْحَاضْرِينْ مَشَوْا فِي حِلَّالْ بَلَدْ يَهُوذَا وَ رَمَوْا الْحُجَارْ الْغَزَّوْهُمْ لِلْعِبَادَةْ وَ كَسَّرَوْا الْعِيدَانْ الْغَزَّوْهُمْ لِعِبَادَةْ أَشِيرَةْ وَ هَدَّمَوْا الْبَكَانَاتْ الْعَالِيِينْ وَ الْمَدَابِحْ الْفِي كُلَّ أَرْض قَبَايِلْ يَهُوذَا وَ بَنْيَامِينْ وَ أَفْرَايِمْ وَ مَنَسَّى. وَ بَعَدْ دَا، كُلَّ بَنِي إِسْرَائِيلْ قَبَّلَوْا فِي حِلَّالْهُمْ، أَيِّ وَاحِدْ فِي أَرْض وَرَثَتَهْ.

هُوشَع 14:9

خَلِّي الْحَكِيمْ يَفْهَمْ الْأَشْيَاءْ دَوْل وَ خَلِّي الْفَاهِمْ يَعَرِفْهُمْ. أَشَانْ دَرِبْ اللّٰهْ عَدِيلْ الْفَوْقَهْ الصَّالِحِينْ يُرُوغُوا وَ الْعَاصِيِينْ يِتَّرْتَعَوْا.