إشَعْيا 17:3 - الكتاب المقدس بالعربي الدارجي هنا تشاد

³ الْمُدُنْ الْقَوِيِّينْ فِي أَفْرَايِمْ يِدَّمَّرَوْا وَ مُلُكْ دِمَشْق كُلَ يَقِيفْ. الْفَضَّلَوْا مِنْ بَلَدْ أَرَامْ، شَرَفْهُمْ يَبْقَى مَا فِيهْ مِثِلْ شَرَفْ بَنِي إِسْرَائِيلْ. وَ دَا كَلَامْ اللّٰهْ الْقَادِرْ.

إشَعْيا 17:3 Referenca të Kryqëzuara

هُوشَع 9:11

وَ شَرَفْ أَفْرَايِمْ يَبْقَى مِثِلْ طَيْر وَ يِطِيرْ. مَا فِي بَتَّانْ وَالُودَةْ وَ لَا غَلَبَةْ وَ لَا حِمِلْ.

إشَعْيا 8:4

أَشَانْ قُبَّالْ الْوِلَيْد مَا يَعَرِفْ يُقُولْ: ‹أَمِّي وَ أَبُويِ›، يِجِيبُوا قِدَّامْ مَلِكْ بَلَدْ أَشُورْ غُنَى دِمَشْق وَ غَنِيمَةْ السَّامِرَةْ.»

إشَعْيا 7:16

وَ لَاكِنْ قُبَّالْ الْوِلَيْد دَا مَا يَعَرِفْ الزَّيْن وَ الْفَسِلْ، تُرَابْ الْمُلُوكْ الْإِتْنَيْن دَوْل يَبْقَى خَلَاءْ.

إشَعْيا 7:8

أَشَانْ مَدِينَةْ دِمَشْق، هِي رَاسْ بَلَدْ أَرَامْ وَ مَلِكْ رَصِينْ، هُو رَاسْ دِمَشْق بَسْ. وَ بَعَدْ 65 سَنَةْ، تُرَابْ قَبِيلَةْ أَفْرَايِمْ يِدَّمَّرْ وَ شَعَبْهَا يَبْقَوْا مَا فِيهُمْ.

عَمُوس 8:14

نَاسْ وَاحِدِينْ يَحَلْفُوا بِصَنَمْ مَدِينَةْ السَّامِرَةْ وَ يُقُولُوا: ‹يِعِيشْ إِلٰـهْكِ، يَا حِلَّةْ دَانْ! وَ يِعِيشْ إِلٰـهْكِ، يَا حِلَّةْ بِيرْ سَبْعَةْ!› وَ النَّاسْ دَوْل يَهْلَكَوْا مَرَّةْ وَاحِدْ وَ بَتَّانْ مَا يُقُمُّوا.»

هُوشَع 10:14

وَ خَلَاصْ، يِنْسَمِعْ كُرَوْرَاكْ حَرِبْ فِي لُبّ شَعَبْكُو وَ كُلَّ مُدُنْكُو الْقَوِيِّينْ يَخْرَبَوْا مِثِلْ يَوْم الْقَايِدْ شَلْمَانْ خَرَبْ حِلَّةْ بَيْت أَرْبِيلْ وَ رِحِكْ الْأَمَّهَاتْ وَ عِيَالْهِنْ.

هُوشَع 8:8

«بَنِي إِسْرَائِيلْ أَكَلَوْهُمْ. وَ هَسَّعْ قَاعِدِينْ فِي أُسْط الْأُمَمْ مِثِلْ مَاعُونْ الْمَا يَنْفَعْ.

هُوشَع 3:4

وَ مِثِلْ دَا، بَنِي إِسْرَائِيلْ يَقْعُدُوا مُدَّةْ طَوِيلَةْ بَلَا مَلِكْ وَ بَلَا كَبِيرْ وَ بَلَا ضَحِيَّةْ وَ بَلَا حُجَارْ الْغَزَّوْهُمْ لِلْعِبَادَةْ وَ بَلَا فَرْمَلَةْ هَنَا رَاجِلْ الدِّينْ وَ بَلَا أَصْنَامْ.

هُوشَع 1:6

وَ مَرِةْ هُوشَعْ بَتَّانْ بِقَتْ غَلْبَانَةْ وَ وِلْدَتْ بِنَيَّةْ. وَ اللّٰهْ قَالْ لِهُوشَعْ: «سَمِّي بِنَيِّتَكْ مَا نَرْحَمْهَا أَشَانْ بَتَّانْ أَنَا مَا نَرْحَمْ بَنِي إِسْرَائِيلْ وَ مَا نَغْفِرْ لَيْهُمْ أَبَداً.

هُوشَع 1:4

وَ اللّٰهْ قَالْ لِهُوشَعْ: «سَمِّي وِلَيْدَكْ يَزْرَعِيلْ أَشَانْ بَعَدْ وَكِتْ شِيَّةْ، أَنَا نَطْلُبْ مِنْ ذُرِّيَّةْ يَاهُو الدَّمّ الْجِدُّهُمْ يَاهُو دَفَّقَهْ فِي وَادِي يَزْرَعِيلْ. وَ نُقُشّ مَمْلَكَةْ إِسْرَائِيلْ.

إشَعْيا 17:4

وَ فِي الْيَوْم دَا، شَرَفْ ذُرِّيَّةْ يَعْقُوبْ يَنْقُصْ مِثِلْ نَادُمْ اللَّحَمْ جِلْدَهْ وَ شَحَمَهْ دَفَّقْ.

إشَعْيا 16:14

وَ هَسَّعْ، اللّٰهْ قَالْ: «مِنْ هِنِي لِتَلَاتَةْ سَنَةْ سَوَا سَوَا، يَحْقُرُوا شَرَفْ مُوَابْ وَ كَتَرَةْ عَسْكَرْهَا كُلَ. الْفَضَّلَوْا شِيَّةْ بَسْ وَ مَا عِنْدُهُمْ فَايْدَةْ.»

إشَعْيا 10:9

وَ دَمَّرْنَا حِلَّةْ كَلْنَةْ مِثِلْ حِلَّةْ كَرْكَمِيشْ وَ حِلَّةْ حَمَاتْ مِثِلْ حِلَّةْ أَرْفَدْ وَ مَدِينَةْ السَّامِرَةْ مِثِلْ مَدِينَةْ دِمَشْق!

2 مُلوك 17:6

وَ فِي السَّنَةْ التَّاسْعَةْ هَنَا حُكُمْ هُوشَعْ، مَلِكْ أَشُورْ شَالْ مَدِينَةْ السَّامِرَةْ وَ وَدَّى نَاسْ مَمْلَكَةْ إِسْرَائِيلْ فِي الْغُرْبَةْ فِي بَلَدْ أَشُورْ. وَ هُو سَكَّنَاهُمْ فِي حِلَّةْ حَلَحْ فِي خَشُمْ بَحَرْ حَابُرْ فِي مَنْطَقَةْ قُزَانْ وَ فِي حِلَّالْ الْمَادِيِّينْ.

2 مُلوك 16:9

وَ مَلِكْ أَشُورْ رَدَّ فِي طَلَبْ أَحَازْ. هُو قَمَّ وَ مَشَى هَجَمْ مَدِينَةْ دِمَشْق وَ شَالْهَا وَ وَدَّى سُكَّانْهَا فِي الْغُرْبَةْ فِي حِلَّةْ قِيرْ. وَ كَتَلْ رَصِينْ مَلِكْ أَرَامْ.

إشَعْيا 25:2

إِنْتَ سَوَّيْت مَدِينَةْ عُدْوَانَّا كَوْم هَنَا تُرَابْ وَ الْحِلَّةْ الْقَوِيَّةْ سَوَّيْتهَا دَرَادِرْ مُهَدَّمِينْ وَ قَصِرْ الْأَجَانِبْ مَا بِقِي مَدِينَةْ وَ بَتَّانْ مَا يِنْبَنِي.