إشَعْيا 17:1 - الكتاب المقدس بالعربي الدارجي هنا تشاد

¹ مُحَاكَمَةْ مَدِينَةْ دِمَشْق. دِمَشْق بَتَّانْ مَا تُكُونْ مَدِينَةْ. هِي تِلْهَدَّمْ وَ تَبْقَى كَوْم هَنَا تُرَابْ.

إشَعْيا 17:1 Referenca të Kryqëzuara

زَكَرِيَّا 9:1

الْمُحَاكَمَةْ الْكَلَّمْ بَيْهَا اللّٰهْ نَزَلَتْ فِي بَلَدْ حَدْرَاكْ وَ وَقَفَتْ فِي مَدِينَةْ دِمَشْق. أَشَانْ اللّٰهْ يِشِيفْ كُلَّ بَنِي آدَم، مَا قَبَايِلْ بَنِي إِسْرَائِيلْ بَسْ.

إشَعْيا 25:2

إِنْتَ سَوَّيْت مَدِينَةْ عُدْوَانَّا كَوْم هَنَا تُرَابْ وَ الْحِلَّةْ الْقَوِيَّةْ سَوَّيْتهَا دَرَادِرْ مُهَدَّمِينْ وَ قَصِرْ الْأَجَانِبْ مَا بِقِي مَدِينَةْ وَ بَتَّانْ مَا يِنْبَنِي.

أعمال الرُسُل 9:2

وَ طَلَبْ مِنَّهْ جَوَابَاتْ لِبُيُوتْ الصَّلَاةْ فِي مَدِينَةْ دِمَشْق. وَ فِي الْجَوَابَاتْ دَوْل، يَنْطُوهْ إِذِنْ أَشَانْ يَكْرُبْ أَيِّ نَادُمْ الْيِتَابِعْ دَرِبْ عِيسَى الْمَسِيحْ، كَنْ رَاجِلْ وَلَّا مَرَةْ. وَ فِي أَيِّ بَكَانْ الْيَلْقَاهُمْ فَوْقَهْ، يَكْرُبْهُمْ وَ يِوَدِّيهُمْ مُقَيَّدِينْ فِي مَدِينَةْ الْقُدُسْ.

مِيخا 1:6

وَ اللّٰهْ قَالْ: «السَّامِرَةْ نِسَوِّيهَا كَوْم هَنَا تُرَابْ وَ كَدَادَةْ الْيَزْرَعَوْا فَوْقهَا جِنَيْنَاتْ الْعِنَبْ. وَ الْحُجَارْ الْبَنَوْهَا بَيْهُمْ، نِدَفِّقْهُمْ فِي الْوَادِي وَ أَسَاسْهَا، نِخَلِّيهْ يِبِينْ.

إرْمِيا 49:2

فِي شَانْ دَا، يَجِي يَوْم وَاحِدْ الْفَوْقَهْ أَنَا نِجِيبْ كُرَوْرَاكْ الْهُجُومْ فِي رَبَّةْ مَدِينَةْ بَنِي عَمُّونْ. وَ دَا كَلَامْ اللّٰهْ. هِي تَخْرَبْ وَ تَبْقَى كَوْم هَنَا تُرَابْ وَ الْحِلَّالْ التَّابْعِينْ لَيْهَا يَحْرَقَوْا بِنَارْ. وَ فِي الْبَكَانْ دَا، بَنِي إِسْرَائِيلْ يَقْلَعَوْا مِنْ الْعُدْوَانْ الْقَلَعَوْا مِنْهُمْ. وَ دَا، اللّٰهْ بَسْ قَالَهْ.

إشَعْيا 7:8

أَشَانْ مَدِينَةْ دِمَشْق، هِي رَاسْ بَلَدْ أَرَامْ وَ مَلِكْ رَصِينْ، هُو رَاسْ دِمَشْق بَسْ. وَ بَعَدْ 65 سَنَةْ، تُرَابْ قَبِيلَةْ أَفْرَايِمْ يِدَّمَّرْ وَ شَعَبْهَا يَبْقَوْا مَا فِيهُمْ.

تكوين 14:15

وَ أَبْرَامْ قَسَّمْ نَاسَهْ وَ هَجَمَوْا عُدْوَانْهُمْ بِاللَّيْل. وَ أَنَّصَرَوْا فَوْقهُمْ وَ طَرَدَوْهُمْ لَحَدِّي حِلَّةْ حُوبَةْ الْقَاعِدَةْ مُنْشَاقْ لِحِلَّةْ دِمَشْق.

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.

إشَعْيا 37:26

«‹وَ لَاكِنْ، يَا سَنْحَرِيبْ، إِنْتَ مَا فِهِمْت كَدَرْ مِنْ وَكِتْ طَوِيلْ، أَنَا قَرَّرْت الشَّيّءْ دَا. وَ مِنْ زَمَانْ، أَنَا كَوَّنْتَهْ وَ هَسَّعْ، نِحَقِّقَهْ. وَ إِنْتَ كَمَانْ، قَاعِدْ تِدَمِّرْ الْمُدُنْ الْقَوِيِّينْ وَ يَبْقَوْا كَوْم هَنَا تُرَابْ.

إشَعْيا 19:1

مُحَاكَمَةْ مَصِرْ. دَاهُو فِي سَحَابَايْ سَرِيعَةْ اللّٰهْ جَايِ فِي مَصِرْ. وَ إِلٰـهَاتْ مَصِرْ قَاعِدِينْ يَرْجُفُوا قِدَّامَهْ وَ الْمَصْرِيِّينْ قَلِبْهُمْ أَنْقَطَعْ.

إشَعْيا 15:1

مُحَاكَمَةْ مُوَابْ. فِي لَيْلَةْ وَاحِدَةْ بَسْ، هِي أَدَّمَّرَتْ! حِلَّةْ عَارْ الْفِي مُوَابْ بِقَتْ مَا فِيهَا. أَيْوَى فِي اللَّيْلَةْ الْهِي أَدَّمَّرَتْ فَوْقهَا، حِلَّةْ قِيرْ الْفِي مُوَابْ كُلَ بِقَتْ مَا فِيهَا!

إشَعْيا 13:1

مُحَاكَمَةْ بَابِلْ الشَّافْهَا إِشَعْيَا وِلَيْد أَمُّوصْ فِي رُؤْيَةْ.

إشَعْيا 10:9

وَ دَمَّرْنَا حِلَّةْ كَلْنَةْ مِثِلْ حِلَّةْ كَرْكَمِيشْ وَ حِلَّةْ حَمَاتْ مِثِلْ حِلَّةْ أَرْفَدْ وَ مَدِينَةْ السَّامِرَةْ مِثِلْ مَدِينَةْ دِمَشْق!

إشَعْيا 8:4

أَشَانْ قُبَّالْ الْوِلَيْد مَا يَعَرِفْ يُقُولْ: ‹أَمِّي وَ أَبُويِ›، يِجِيبُوا قِدَّامْ مَلِكْ بَلَدْ أَشُورْ غُنَى دِمَشْق وَ غَنِيمَةْ السَّامِرَةْ.»

2 أخبار 28:23

هُو قَاعِدْ يِقَدِّمْ ضَحَايَا لِإِلٰـهَاتْ مَدِينَةْ دِمَشْق الْهَزَمَوْه وَ قَالْ فِي نَفْسَهْ: «إِلٰـهَاتْ مَلِكْ بَلَدْ أَرَامْ فَزَعَوْا نَاسْهُمْ. كَنْ مِثِلْ دَا، أَنَا كُلَ نِقَدِّمْ لَيْهُمْ ضَحَايَا أَشَانْ يَفْزَعَوْنِي.» وَ لَاكِنْ دَا سَبَّبْ دَمَارْ لَيَّهْ هُو وَ لِكُلَّ بَنِي إِسْرَائِيلْ.

2 أخبار 28:5

وَ خَلَاصْ، اللّٰهْ إِلٰـهَهْ سَلَّمَهْ فِي إِيدْ مَلِكْ بَلَدْ أَرَامْ. هُو حَارَبَهْ وَ كَرَبْ مِنَّهْ نَاسْ كَتِيرِينْ وَ سَوَّاهُمْ مَسَاجِينْ وَ وَدَّاهُمْ مَدِينَةْ دِمَشْق. وَ بَتَّانْ، اللّٰهْ سَلَّمَهْ فِي إِيدْ فَقَحْ وِلَيْد رَمَلْيَا مَلِكْ مَمْلَكَةْ إِسْرَائِيلْ وَ هُو كُلَ أَنَّصَرْ فَوْقَهْ نَصُرْ كَبِيرْ.

2 مُلوك 16:9

وَ مَلِكْ أَشُورْ رَدَّ فِي طَلَبْ أَحَازْ. هُو قَمَّ وَ مَشَى هَجَمْ مَدِينَةْ دِمَشْق وَ شَالْهَا وَ وَدَّى سُكَّانْهَا فِي الْغُرْبَةْ فِي حِلَّةْ قِيرْ. وَ كَتَلْ رَصِينْ مَلِكْ أَرَامْ.

تكوين 15:2

وَ أَبْرَامْ قَالْ: «يَا اللّٰهْ رَبِّي، تَنْطِينِي شُنُو؟ أَنَا مَا عِنْدِي عِيَالْ وَ النَّادُمْ الْيَوْرِثْنِي هُو أَلِعَازَرْ مِنْ حِلَّةْ دِمَشْق.»

1 أخبار 18:5

وَ نَاسْ بَلَدْ أَرَامْ الْمِنْ دِمَشْق جَوْا فَزَعْ لِهَدَدْعَازَرْ مَلِكْ صُوبَةْ. وَ لَاكِنْ دَاوُدْ كَتَلْ مِنْ نَاسْ أَرَامْ 22 000 رَاجِلْ.

1 مُلوك 11:24

وَ رِزُونْ لَمَّ مَجْمُوعَةْ هَنَا رُجَالْ حَرَامِيِّينْ وَ بِقِي كَبِيرْهُمْ. وَ وَكِتْ دَاوُدْ قَمَّ كَتَلْ نَاسْ هَدَدْعَازَرْ، رِزُونْ وَ نَاسَهْ مَشَوْا مَدِينَةْ دِمَشْق وَ قَعَدَوْا هِنَاكْ وَ حَكَمَوْا فَوْقهَا.

تَثْنِية 13:16

وَ لِمُّوا كُلَّ الْغَنِيمَةْ اللِّقِيتُوهَا فِي نَقَعَةْ الْحِلَّةْ وَ حَرُّقُوا الْحِلَّةْ وَ كُلَّ الْغَنِيمَةْ قِدَّامْ اللّٰهْ إِلٰـهْكُو. وَ الْبَكَانْ دَا يَقْعُدْ مِثِلْ دُنْقُسْ أَشَانْ الْحِلَّةْ دِي أَبَداً مَا تَعَمِرْ بَتَّانْ.

إشَعْيا 7:16

وَ لَاكِنْ قُبَّالْ الْوِلَيْد دَا مَا يَعَرِفْ الزَّيْن وَ الْفَسِلْ، تُرَابْ الْمُلُوكْ الْإِتْنَيْن دَوْل يَبْقَى خَلَاءْ.