إشَعْيا 16:5 - الكتاب المقدس بالعربي الدارجي هنا تشاد

⁵ خَلَاصْ، كُرْسِي الْمُلُكْ يَثْبِتْ بِالرَّحْمَةْ وَ يَقْعُدْ فَوْقَهْ حَاكِمْ أَمِينْ مِنْ ذُرِّيَّةْ دَاوُدْ. وَ هُو يِشَارِعْ بِالْحَقّ وَ يَحْكِمْ بِالْعَدَالَةْ.

إشَعْيا 16:5 Referenca të Kryqëzuara

دَنْيال 7:14

وَ أَنْطَوْا لِإِبْن الْإِنْسَانْ دَا سُلْطَةْ وَ مَجْد وَ مُلُكْ أَشَانْ يَعَبُدُوهْ كُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ. وَ سُلْطِتَهْ هِي سُلْطَةْ دَايْمَةْ وَ مَمْلَكَتَهْ أَبَداً مَا تِدَّمَّرْ.

مِيخا 4:7

وَ مِنْ الْمَعْضُورِينْ، نِسَوِّي وَاحِدِينْ يِفَضُّلُوا وَ مِنْ الْمُشَتَّتِينْ، نِسَوِّي أُمَّةْ قَوِيَّةْ. وَ فِي جَبَلْ صَهْيُون، أَنَا اللّٰهْ نَبْقَى مَلِكْهُمْ مِنْ هَسَّعْ وَ إِلَى الْأَبَدْ.

دَنْيال 7:27

وَ الْمُلُكْ وَ السُّلْطَةْ وَ الْعَظَمَةْ هَنَا كُلَّ الْمَمَالِكْ الْقَاعِدِينْ فِي الْأَرْض، يَنْطُوهُمْ لِلشَّعَبْ الصَّالِحِينْ هَنَا اللّٰهْ الْعَالِي. وَ مَمْلَكَةْ اللّٰهْ تَقْعُدْ إِلَى الْأَبَدْ وَ كُلَّ النَّاسْ الْعِنْدُهُمْ سُلْطَةْ يَعَبُدُوا اللّٰهْ وَ يَسْمَعَوْا كَلَامَهْ.»

زَكَرِيَّا 9:9

«يَا صَهْيُون الْمِثِلْ بِنَيَّةْ، أَفْرَحَيْ زِيَادَةْ! عِيطِي بِفَرَحْ، يَا مَدِينَةْ الْقُدُسْ الْمِثِلْ بِنَيَّةْ! دَاهُو مَلِكِّ جَايِ لَيْكِ. هُو عَادِلْ وَ مُنَّصِرْ. هُو مِسْكِينْ وَ رَاكِبْ فِي حُمَارْ، فِي دَحَشْ وِلَيْد حُمَارَةْ.

أمْثال 20:28

الْخَيْر وَ الْأَمَانْ يَحْمُوا الْمَلِكْ وَ بِخَيْرَهْ يِقَوِّي مُلْكَهْ.

2 صَمُوِيل 7:16

وَ عَايِلَةْ بَيْتَكْ تَحْكِمْ دَايْماً بَعَدَكْ وَ مُلْكَكْ يَثْبِتْ إِلَى الْأَبَدْ.“›»

عَمُوس 9:11

«وَ فِي الْيَوْم دَا، نَبْنِي مِنْ جَدِيدْ مَدِينَةْ دَاوُدْ الْمُكَسَّرَةْ. وَ نِكَدِّكْ نُقَارْهَا وَ نِعَدِّلْ دَرَادِرْهَا وَ هِي تَبْقَى مِثِلْ أَوَّلْ.

إشَعْيا 55:4

وَ دَاهُو أَنَا ثَبَّتَّهْ مِثِلْ شَاهِدْ فِي الْأُمَمْ وَ قَايِدْ الْيُقُودْ الشَّعَبْ.

أمْثال 29:14

الْمَلِكْ الْيَحْكِمْ لِلْمَسَاكِينْ بِالْحَقّ، مُلْكَهْ يُدُومْ إِلَى الْأَبَدْ.

زَبُور 99:4

قُدْرَةْ الْمَلِكْ، هِي حُبّ الْعَدَالَةْ وَ إِنْتَ ثَبَّتّْ الْحَقّ. الْحَقّ وَ الْعَدَالَةْ فِي أُسُطْ ذُرِّيَّةْ يَعْقُوبْ وَ إِنْتَ بَسْ سَوَّيْتهُمْ.

زَبُور 98:9

يِزَغْرُطُوا قِدَّامْ اللّٰهْ أَشَانْ يَجِي يَحْكِمْ الْأَرْض. هُو يَحْكِمْ الْعَالَمْ بِالْعَدَالَةْ وَ الشُّعُوبْ بِالْحَقّ.

زَبُور 96:13

قِدَّامْ اللّٰهْ. أَشَانْ اللّٰهْ جَايِ، هُو جَايِ يَحْكِمْ الْأَرْض. هُو يَحْكِمْ الْعَالَمْ بِالْعَدَالَةْ وَ الشُّعُوبْ بِالْحَقّ.

زَبُور 89:14

الْحَقّ وَ الْعَدَالَةْ، هُمَّنْ أَسَاسْ مُلْكَكْ. الْخَيْر وَ الصِّدِقْ مَاشِينْ قِدَّامَكْ.

زَبُور 85:10

الرَّحْمَةْ وَ الْحَقّ أَلَّاقَوْا وَ الْعَدَالَةْ مَعَ السَّلَامْ لَمَّوْا.

2 أخبار 31:20

وَ حِزْقِيَّا سَوَّى مِثِلْ كَيْ فِي كُلَّ بَلَدْ يَهُوذَا. هُو سَوَّى الْخَيْر وَ الْعَدِلْ وَ الْحَقّ قِدَّامْ اللّٰهْ إِلٰـهَهْ.

1 مُلوك 10:9

بَارَكْ اللّٰهْ إِلٰـهَكْ الرِّضِي بَيْك وَ خَطَّاكْ فِي كُرْسِي الْمُلُكْ لِتَمْلُكْ فِي بَنِي إِسْرَائِيلْ أَشَانْ اللّٰهْ قَاعِدْ يِحِبّ بَنِي إِسْرَائِيلْ إِلَى الْأَبَدْ. وَ فِي شَانْ دَا بَسْ، هُو خَطَّاكْ مَلِكْ فَوْقهُمْ لِتَحْكِمْ بِالْحَقّ وَ الْعَدَالَةْ.»

2 صَمُوِيل 23:3

اللّٰهْ إِلٰـهْ بَنِي إِسْرَائِيلْ حَجَّى، أَيْوَى، مَلْجَأْ بَنِي إِسْرَائِيلْ قَالْ لَيِّ: ‹الْمَلِكْ الْيَحْكِمْ بِالْعَدَالَةْ وَ يُقُودْ النَّاسْ بِخَوْف اللّٰهْ،

2 صَمُوِيل 5:9

وَ دَاوُدْ سَكَنْ فِي الْبَكَانْ الْقَوِي دَا وَ سَمَّاهْ مَدِينَةْ دَاوُدْ. وَ بَعَدْ دَا، بَنَى دُرْدُرْ الدِّفَاعْ السَّمَّوْه مِلُّو الْقَاعِدْ أَمْبَيْن الزِّرَاعَةْ وَ مَسْكَنَهْ.

إشَعْيا 33:22

أَشَانْ اللّٰهْ هُو قَاضِينَا وَ هُو الْحَاكِمْ فَوْقنَا. وَ هُو مَلِكْنَا وَ هُو الْيِنَجِّينَا.