إشَعْيا 16:12 - الكتاب المقدس بالعربي الدارجي هنا تشاد

¹² وَ مُوَابْ تِعَيِّي نَفِسْهَا سَاكِتْ فِي الْمَدْبَحْ فِي الْبَكَانْ الْعَالِي. هِي تَمْشِي فِي بَكَانْهَا هَنَا الْعِبَادَةْ وَ تَشْحَدْ وَ لَاكِنْ مَا تَلْقَى شَيّءْ.»

إشَعْيا 16:12 Referenca të Kryqëzuara

إشَعْيا 15:2

وَ شَعَبْهَا قَاعِدِينْ يَبْكُوا وَ طَلَعَوْا فِي الْبَكَانَاتْ الْعَالِيِينْ هَنَا الْعِبَادَةْ الْفِي حِلَّةْ هَبَيْت وَ فِي حِلَّةْ دِيبُونْ. نَاسْ مُوَابْ يُنُوحُوا لِحِلَّالْ نَبُو وَ مِيدْبَا وَ كُلَّ رُوسَيْهُمْ مُزَيَّنِينْ وَ دُقُونْهُمْ مَقْطُوعِينْ مِنْ الْحِزِنْ.

إرْمِيا 48:35

«أَنَا نِدَمِّرْ فِي مُوَابْ النَّاسْ الْيِقَدُّمُوا ضَحَايَا فِي الْبَكَانْ الْعَالِي وَ يِحَرُّقُوا بَخُورْ لِإِلٰـهَاتْهُمْ.» وَ دَا كَلَامْ اللّٰهْ.

1 مُلوك 18:29

وَ وَكِتْ الْقَايْلَةْ فَاتَتْ، هُمَّنْ قَمَّوْا يِتْنَبَّأَوْا بِأُسُمْ بَعَلْ لَحَدِّي الْوَكِتْ الْيِقَدُّمُوا فَوْقَهْ هَدَايَا هَنَا عَشِيَّةْ. لَاكِنْ هُمَّنْ مَا لِقَوْا وَ لَا رَدّ وَ لَا كِلْمَةْ وَ لَا عَلَامَةْ.

عَدد 23:28

وَ بَلَاقْ وَدَّى بَلْعَامْ فِي رَاسْ جَبَلْ فَعُورْ وَ مِنْ الْبَكَانْ دَا، تِنْشَافْ الصَّحَرَاء.

عَدد 23:14

وَ وَدَّى بَلْعَامْ فَوْق فِي رَاسْ جَبَلْ الْفِسْقَةْ وَ دَا الْبَكَانْ الْيِرَاقُبُوا مِنَّهْ. وَ بَنَى سَبْعَةْ مَدْبَحْ وَ قَدَّمْ ضَحِيَّةْ هَنَا تَوْر وَ كَبِشْ فِي أَيِّ مَدْبَحْ.

عَدد 22:39

وَ بَلْعَامْ مَشَى مَعَ بَلَاقْ وَ دَخَلَوْا فِي حِلَّةْ قَرْيَةْ حَصُوتْ.

إرْمِيا 48:46

الْعَذَابْ لَيْكُو، يَا نَاسْ مُوَابْ! يَا إِنْتُو شَعَبْ صَنَمْ كَمُوشْ، تِوَدُّرُوا. أَشَانْ صُبْيَانْكُو وَ بَنَاتْكُو يَكُرْبُوهُمْ وَ يِوَدُّوهُمْ فِي الْغُرْبَةْ.

إرْمِيا 48:13

وَ فِي الْوَكِتْ دَاكْ، مُوَابْ تَخْجَلْ مِنْ صَنَمْهَا كَمُوشْ مِثِلْ بَنِي إِسْرَائِيلْ خِجْلَوْا مِنْ صَنَمْهُمْ الْفِي بَيْت إِيلْ الْأَوَّلْ هُمَّنْ آمَنَوْا بَيَّهْ.»

إرْمِيا 48:7

يَا مُوَابْ! إِنْتِ أَتْوَكَّلْتِ فِي أَعْمَالْكِ وَ فِي غُنَاكِ وَ فِي شَانْ دَا، إِنْتِ كُلَ تِنْكَرْبِي. وَ صَنَمْكِ كَمُوشْ يِوَدُّوهْ فِي الْغُرْبَةْ مَعَ رُجَالْ الدِّينْ هِنَيْه وَ خَدَّامِينَهْ.

إرْمِيا 10:5

وَ الْأَصْنَامْ دَوْل مِثِلْ خَيَالَاتْ فِي الزَّرَعْ. مَا يِحَجُّوا وَ يَنْقُلُوهُمْ نَقَلَانْ أَشَانْ مَا يَقْدَرَوْا يُرُوغُوا. مَا تَخَافَوْا! مَا يِسَوُّوا لَيْكُو شَيّءْ فَسِلْ وَ لَاكِنْ مَا تَلْقَوْا مِنْهُمْ خَيْر كُلَ.»

إشَعْيا 47:13

إِنْتِ عِيِيتِ مِنْ كَتَرَةْ الشَّوْرَةْ. خَلَاصْ، خَلِّي مُنَجِّمِينْكِ يِنَجُّوكِ! هُمَّنْ بَسْ يِقَسُّمُوا السَّمَاءْ وَ يِشَوُّفُوا بِالنُّجُومْ. وَ يِعَرُّفُوكِ فِي كُلِّ شَهَرْ بِأَيِّ شَيّءْ الْيَجِي فَوْقكِ.

إشَعْيا 37:38

وَ يَوْم وَاحِدْ، سَنْحَرِيبْ مَشَى فِي بَيْت نِسْرُوكْ إِلٰـهَهْ لِيَعَبُدَهْ. وَ عِيَالَهْ الْإِتْنَيْن أَدْرَمَلِكْ وَ شَرَاصَرْ دَخَلَوْا ضَرَبَوْه وَ كَتَلَوْه بِالْسَّيْف وَ عَرَّدَوْا مَشَوْا لِبَلَدْ أَرَرَاطْ. وَ وِلَيْدَهْ أَسَرْ حَدُّونْ حَكَمْ فِي بَدَلَهْ.

إشَعْيا 26:16

يَا اللّٰهْ، فِي الضِّيقَةْ هُمَّنْ فَتَّشَوْك وَ أَلْخَالَوْا بِدُعَاهُمْ تِحِتْ تِحِتْ وَكِتْ إِنْتَ عَاقَبْتُهُمْ.

أمْثال 1:28

«وَ بَتَّانْ، كَنْ تِنَادُونِي كُلَ، مَا نُرُدّ لَيْكُو وَ كَنْ تِفَتُّشُونِي كُلَ، مَا تَلْقَوْنِي.

2 مُلوك 19:12

وَ إِلٰـهَاتْ الْأُمَمْ الدَّمَّرَوْهُمْ جُدُودِي، هَلْ قِدْرَوْا نَجَّوْا حِلَّالْ قُزَانْ وَ حَارَانْ وَ رَصَفْ وَ ذُرِّيَّةْ عَدَنْ السَّاكْنِينْ فِي تَلَسَّارْ وَلَّا؟

2 مُلوك 3:27

وَ مَلِكْ بَلَدْ مُوَابْ شَالْ وِلَيْدَهْ الْبِكِرْ الْوَاجِبْ يَحْكِمْ بَعَدَهْ وَ رَفَعْ فِي رَاسْ دُرْدُرْ الْحِلَّةْ وَ قَدَّمَهْ ضَحِيَّةْ مُحَرَّقَةْ. وَ غَضَبْ شَدِيدْ نَزَلْ فِي بَنِي إِسْرَائِيلْ وَ هُمَّنْ كَسَّوْا مِنْ مَلِكْ بَلَدْ مُوَابْ وَ قَبَّلَوْا بَلَدْهُمْ.

1 مُلوك 11:7

وَ فِي الْوَكِتْ دَا، سُلَيْمَانْ عَدَّلْ بَكَانْ عَالِي فِي رَاسْ الْجَبَلْ الْمُقَابِلْ مَدِينَةْ الْقُدُسْ لِكَمُوشْ الصَّنَمْ الْمُحَرَّمْ هَنَا نَاسْ مُوَابْ وَ لِمُولَكْ الصَّنَمْ الْمُحَرَّمْ هَنَا بَنِي عَمُّونْ.

عَدد 24:17

أَنَا نِشِيفْ الْجَايِ وَ لَاكِنْ مَا يَجِي هَسَّعْ. أَنَا قَاعِدْ نِشِيفَهْ وَ لَاكِنْ مَا مِنْ قَرِيبْ. مِنْ ذُرِّيَّةْ يَعْقُوبْ تَطْلَعْ نَجْمَةْ وَ مِنْ بَنِي إِسْرَائِيلْ يَجِي مَلِكْ. بِعَصَاةْ مُلْكَهْ يَكْسِرْ جَبْهَةْ مُوَابْ وَ يَكْتُلْ كُلَّ ذُرِّيَّةْ شِيتْ.

عَدد 22:41

وَ أَمْبَاكِرْ فَجُرْ، بَلَاقْ شَالْ بَلْعَامْ وَ طَلَعَوْا فِي رَاسْ حَجَرْ الْبِنَادُوهْ بَامَوْت بَعَلْ وَ مِنْ هِنَاكْ، هُمَّنْ شَافَوْا نُصّ مِنْ بَنِي إِسْرَائِيلْ.

عَدد 21:28

أَشَانْ مِنْ حَشْبُونْ مَرَقَتْ نَارْ وَ مِنْ حِلَّةْ سِيحُونْ مَرَقَتْ أَمْ بَلْبَالَةْ وَ أَكَلَتْ حِلَّةْ عَارْ فِي بَلَدْ مُوَابْ وَ سِيَادْ الْبَكَانْ الْعَالِي جَنْب وَادِي أَرْنُونْ.

إشَعْيا 16:13

وَ دَا كَلَامْ اللّٰهْ الْقَالَهْ فِي مُوَابْ مِنْ زَمَانْ.