إشَعْيا 16:11 - الكتاب المقدس بالعربي الدارجي هنا تشاد

¹¹ وَ فِي شَانْ دَا، بُطُونِي رَجَفَوْا لِمُوَابْ مِثِلْ حُبَالْ الْجِقِنْدِيَّةْ وَ قَلْبِي خَافْ لِحِلَّةْ قِيرْ حَارَسْ.

إشَعْيا 16:11 Referenca të Kryqëzuara

إشَعْيا 15:5

قَلْبِي أَنْجَرَحْ لِنَاسْ مُوَابْ. الْمُعَرِّدِينْ مِنْهَا لِحْقَوْا لَحَدِّي حِلَّالْ صُوغَرْ وَ عَقْلَتْ شَلِيشَةْ. وَ قَاعِدِينْ يَطْلَعَوْا فِي قَوْز لُحِيتْ بِبَكِي وَ يَصْرَخَوْا صِرَاخْ شَدِيدْ فِي دَرِبْ حُرُنَايِمْ.

فِلِبِّي 2:1

هَلْ لِقِيتُوا شَجَاعَةْ بِعَلَاقِتْكُو مَعَ الْمَسِيحْ وَلَّا؟ وَ مَحَبِّتَهْ رَقَّدَتْ قُلُوبْكُو وَلَّا؟ وَ شَارَكْتُوا سَوَا فِي قُدْرَةْ الرُّوحْ الْقُدُّوسْ وَلَّا؟ وَ لِقِيتُوا مِنْ الْمَسِيحْ مَحَنَّةْ كَتِيرَةْ وَلَّا؟

هُوشَع 11:8

«يَا أَفْرَايِمْ، كِكَّيْف نِخَلِّيكْ؟ يَا إِسْرَائِيلْ، كِكَّيْف نِسَلِّمَكْ لِلْعَدُو؟ هَلْ نِدَمِّرَكْ مِثِلْ دَمَّرْت حِلَّالْ أَدْمَةْ وَ صَبُويِيمْ وَلَّا؟ أَنَا أَلْحَيَّرْت وَ قَلْبِي حَنَّ فَوْقكُو مَرَّةْ وَاحِدْ.

إرْمِيا 48:36

وَ بَتَّانْ قَلْبِي يَحْزَنْ وَ يُنُوحْ مِثِلْ الصُّفَّارَةْ لِمُوَابْ وَ لِنَاسْ قِيرْ حَارَسْ أَشَانْ الْغُنَى اللَّمَّوْهَا وَدَّرَتْ.

إشَعْيا 63:15

يَا اللّٰهْ! شِيفْ مِنْ السَّمَاوَاتْ وَ أَنْظُرْ مِنْ مَسْكَنَكْ الْمُقَدَّسْ الْعَظِيمْ. وَيْن مَحَبِّتَكْ الشَّدِيدَةْ؟ وَ وَيْن قُدُرْتَكْ؟ أَنِحْنَ مَا نِحِسُّوا بِمَحَنِّتَكْ وَ لَا بِخَيْرَكْ لَيْنَا.

إرْمِيا 31:20

وَ دَاهُو كَلَامْ اللّٰهْ: «وَ قَبِيلَةْ أَفْرَايِمْ مِثِلْ وِلَيْدِي النِّرِيدَهْ وَ هُو بَسْ الْيِجِيبْ لَيِّ الْفَرَحْ. وَ كَنْ قَرَّرْت ضِدَّهْ كُلَ، نِفَكِّرْ فَوْقَهْ بَتَّانْ. وَ مِثِلْ أَبُو، قَلْبِي شَغَّالْ بَيَّهْ هُو وَ نَرْحَمَهْ دَايْماً.»

إرْمِيا 4:19

وَ إِرْمِيَا قَالْ: «بُطُونِي! بُطُونِي حِرْقَوْا! أَنَا نِتَّنَّ مِنْ الْوَجَعْ وَ قَلْبِي يَضْرُبْ. وَ نَفْسِي مُبَرْجَلَةْ وَ مَا نَقْدَرْ نَسْكُتْ. أَشَانْ أَنَا سِمِعْت حِسّ الْبُوقْ وَ كُرَوْرَاكْ الْحَرِبْ.

إشَعْيا 21:3

وَ بِسَبَبْ دَا، صُلْبِي قَاعِدْ يَرْجِفْ مِنْ التَّعَبْ وَ وَجَعْ شَدِيدْ كَرَبَانِي مِثِلْ وَجَعْ هَنَا الْمَرَةْ الْقَاعِدَةْ تِطَالِقْ. مِنْ شِدَّةْ الْوَجَعْ، مَا نَسْمَعْ وَ مِنْ شِدَّةْ الْخَوْف، مَا نِشِيفْ.

إرْمِيا 48:31

وَ فِي شَانْ دَا، أَنَا نَبْكِي وَ نُنُوحْ لِمُوَابْ كُلَّهَا وَ نَقْنِتْ فِي شَانْ نَاسْ قِيرْ حَارَسْ.

مَراثِي إرْمِيا 1:20

يَا اللّٰهْ، شِيفْ الضِّيقَةْ الْفَوْقِي! نَفْسِي مُبَرْجَلَةْ وَ قَلْبِي مُنْجَرِحْ أَشَانْ أَنَا عِصِيتَكْ عِصْيَانْ شَدِيدْ. كَنْ مَرَقْت فِي الشَّارِعْ، الْمَوْت يِلَاقِينِي وَ كَنْ قَعَدْت فِي الْبَيْت، السَّيْف يَقْطَعْ رَقَبَتِي.