إشَعْيا 15:4 - الكتاب المقدس بالعربي الدارجي هنا تشاد

⁴ وَ نَاسْ حَشْبُونْ وَ أَلِعَالَةْ قَاعِدِينْ يِكَوْرُكُوا وَ حِسُّهُمْ قَاعِدْ يِنْسَمِعْ لَحَدِّي حِلَّةْ يَهَاصْ. وَ فِي شَانْ دَا، عَسْكَرْ مُوَابْ يِعِيطُوا وَ لَاكِنْ شَجَاعَةْ مَا عِنْدُهُمْ.

إشَعْيا 15:4 Referenca të Kryqëzuara

إرْمِيا 48:34

وَ كُرَوْرَاكْ الْفَزَعْ مِنْ مَدِينَةْ حَشْبُونْ يِنْسَمِعْ لَحَدِّي فِي أَلِعَالَةْ وَ لَحَدِّي فِي يَهَاصْ. وَ يِنْسَمِعْ مِنْ صُوغَرْ لَحَدِّي حُرُنَايِمْ وَ لَحَدِّي عَقْلَتْ شَلِيشَةْ. حَتَّى عُيُونْ أَلْمِي هَنَا نِمْرِيمْ كُلَ يَيْبَسَوْا.

رُؤية 9:6

وَ فِي الْوَكِتْ دَاكْ، النَّاسْ يِدَوْرُوا الْمَوْت وَ مَا يَلْقَوْه وَ هُمَّنْ يَقْرَمَوْا لِلْمَوْت وَ هُو يَابَاهُمْ.

يُونُس 4:8

وَ وَكِتْ الْحَرَّايْ طَلَعَتْ، الرَّبّ رَسَّلْ رِيحْ حَامِيَةْ مِنْ الصَّبَاحْ. وَ الْحَرَّايْ طَقَّتْ يُونُسْ فِي رَاسَهْ لَحَدِّي يِدَوْر يَغْمَرْ. وَ دَوَّرْ يُمُوتْ وَ قَالْ: «الْمَوْت أَخَيْر لَيِّ مِنْ الْحَيَاةْ.»

يُونُس 4:3

يَا اللّٰهْ، هَسَّعْ دَا خَلَاصْ. شِيلْ رُوحِي. الْمَوْت أَخَيْر لَيِّ مِنْ الْحَيَاةْ.»

إرْمِيا 20:18

وَ مَالَا مَرَقْت مِنْ بَطُنْ أَمِّي لِنِشِيفْ التَّعَبْ وَ الضِّيقَةْ وَ نِعِيشْ كُلَّ أَيَّامِي فِي الْعَيْب؟

إرْمِيا 8:3

وَ كُلَّ الْفَضَّلَوْا حَيِّينْ مِنْ الْقَبِيلَةْ الْفَسْلَةْ دِي، يِفَتُّشُوا الْمَوْت كُلَ مَا يَلْقَوْه. وَ الْفَضَّلَوْا دَوْل يَقْعُدُوا فِي الْبَكَانَاتْ الْأَنَا شَتَّتُّهُمْ فَوْقهُمْ.» وَ دَا كَلَامْ اللّٰهْ الْقَادِرْ.

1 مُلوك 19:4

وَ إِلِيَاسْ مَشَى فِي الصَّحَرَاء وَ رَاغْ رُوَاغَةْ هَنَا يَوْم كَامِلْ. وَ مَشَى قَعَدْ فِي قَعَرْ شِدَيْرَةْ رَتَمْ. وَ طَلَبْ الْمَوْت لِنَفْسَهْ وَ قَالْ: «هَسَّعْ دَا، تَمَّانِي. يَا اللّٰهْ، شِيلْ رُوحِي أَشَانْ أَنَا مَا أَخَيْر مِنْ جُدُودِي.»

قُضياء 11:20

وَ لَاكِنْ سِيحُونْ مَا آمَنَاهُمْ لِبَنِي إِسْرَائِيلْ وَ أَبَى مَا خَلَّاهُمْ يُشُقُّوا بَلَدَهْ. وَ هُو لَمَّ كُلَّ عَسْكَرَهْ وَ خَطَّوْا مُعَسْكَرْهُمْ فِي يَهَاصْ وَ حَارَبَوْا بَنِي إِسْرَائِيلْ.

يَشُوع 13:18

وَ يَهَاصْ وَ قَدِمُوتْ وَ مِفَعَتْ

تَثْنِية 2:32

وَ سِيحُونْ مَرَقْ مِنْ حَشْبُونْ، هُو وَ كُلَّ شَعَبَهْ لِيِحَارِبْنَا فِي يَهَاصْ.

عَدد 21:23

وَ لَاكِنْ الْمَلِكْ سِيحُونْ أَبَى مَا يَنْطِي إِذِنْ لِبَنِي إِسْرَائِيلْ يُشُقُّوا أَرْضَهْ. هُو لَمَّ دَيْشَهْ وَ مَرَقْ لَاقَى بَنِي إِسْرَائِيلْ فِي الصَّحَرَاء. وَ هُو جَاءْ فِي يَهَاصْ وَ حَارَبَاهُمْ لِبَنِي إِسْرَائِيلْ.

عَدد 11:15

يَا رَبّ، كَنْ دِي بَسْ مُعَامَلَتَكْ لَيِّ، أَكْتُلْنِي هَسَّعْ. وَ كَنْ أَنَا نَلْقَى مِنَّكْ رِضَى، بَتَّانْ مَا نِشِيفْ بَلَاءْ مِثِلْ دَا.»

تكوين 27:46

وَ بَعَدْ دَا، رِفْقَةْ قَالَتْ لِإِسْحَاقْ: «الْحَيَاةْ بَغَّضَتْ لَيِّ فِي شَانْ بَنَاتْ الْحِتِّيِّينْ دَوْل. وَ كَنْ يَعْقُوبْ كُلَ يَاخُدْ وَاحِدَةْ مِنْ بَنَاتْ الْحِتِّيِّينْ الْفِي الْبَلَدْ دِي، أَنَا حَيَاتِي مَا عِنْدَهَا فَايْدَةْ.»

عَدد 21:28

أَشَانْ مِنْ حَشْبُونْ مَرَقَتْ نَارْ وَ مِنْ حِلَّةْ سِيحُونْ مَرَقَتْ أَمْ بَلْبَالَةْ وَ أَكَلَتْ حِلَّةْ عَارْ فِي بَلَدْ مُوَابْ وَ سِيَادْ الْبَكَانْ الْعَالِي جَنْب وَادِي أَرْنُونْ.

إرْمِيا 48:21

الْمُحَاكَمَةْ جَاتْ فِي بَلَدْ السَّهَلَةْ وَ جَاتْ فِي حِلَّالْ حُلُونْ وَ يَهَاصْ وَ مِفَعَتْ