إشَعْيا 14:8 - الكتاب المقدس بالعربي الدارجي هنا تشاد

⁸ حَتَّى شَدَرْ السَّرْوِي وَ أَرْز لُبْنَانْ فِرْحَوْا بِالْبِقِي فَوْقَكْ، يَا الْمَلِكْ! وَ قَالَوْا: ‹مِنْ إِنْتَ وَقَعْت، الْيَقْطَعْنَا أَبَداً مَا قِدِرْ يَجِي لَيْنَا.›

إشَعْيا 14:8 Referenca të Kryqëzuara

حِزْقِيال 31:16

وَ بِحِسّ وَقَعَانَهْ، نِرَجِّفْ الْأُمَمْ وَكِتْ نَزَّلْتَهْ فِي الْهَاوِيَةْ مَعَ النَّاسْ النَّازْلِينْ فِي الْقُبُورْ. وَ هِنَاكْ تِحِتْ الْأَرْض، كُلَّ شَدَرْ عَدِنْ وَ كُلَّ الشَّدَرْ السَّمْحِينْ زِيَادَةْ وَ مَزْقِيِّينْ عَدِيلْ فِي جِبَالْ لُبْنَانْ يَفْرَحَوْا.

زَكَرِيَّا 11:2

يَا شَدَرْ السَّرْوِي، أَبْكُوا بِحِزِنْ أَشَانْ شَدَرْ الْأَرْز أَدَّمَّرْ وَ الْخَرَابْ لِحِقْ الشَّدَرْ الْعَظِيمِينْ دَوْل. يَا شَدَرْ الْبَلُّوطْ هَنَا بَاشَانْ، أَبْكُوا بِحِزِنْ أَشَانْ الْغَابَةْ الضَّلْمَةْ وَقَعَتْ فِي التُّرَابْ.

زَبُور 29:5

حِسّ اللّٰهْ شَلَّخْ شَدَرْ الْأَرْز، اللّٰهْ كَسَّرْ أَرْز لُبْنَانْ.

إشَعْيا 37:24

بِوَاسِطَةْ خَدَّامِينَكْ الرَّسَّلْتُهُمْ، إِنْتَ عَيَّرْت الرَّبّ وَ قُلْت: ”بِكَتَرَةْ عَرَبَاتِي، أَنَا طَلَعْت فِي رُوسَيْ الْجِبَالْ لَحَدِّي دَخَلْت فِي لُبْنَانْ دَاخَلْ لِنَقْطَعْ شَدَرْهَا هَنَا الْأَرْز الطُّوَالْ وَ شَدَرْهَا هَنَا السَّرْوِي السَّمَحْ. وَ نَمْشِي لَحَدِّي نَلْحَقْ الْجَبَلْ الْعَالِي مَرَّةْ وَاحِدْ وَ فِي أُسُطْ غَابَاتْهَا الضُّلُمْ.