إشَعْيا 14:12 - الكتاب المقدس بالعربي الدارجي هنا تشاد

¹² «كِكَّيْف إِنْتَ وَقَعْت مِنْ السَّمَاوَاتْ، يَا ضَيّ الصَّبَاحْ الْيِرَارِي؟ كِكَّيْف رَمَوْك فِي الْأَرْض، يَا مُفَشِّلْ الْأُمَمْ؟

إشَعْيا 14:12 Referenca të Kryqëzuara

لُوقا 10:18

وَ عِيسَى قَالْ لَيْهُمْ: «أَيْوَى، وَكِتْ إِنْتُو قَاعِدِينْ فِي الْخِدْمَةْ دِي، أَنَا شِفْت إِبْلِيسْ وَقَعْ عَجَلَةْ مِثِلْ سَوْط يَقَعْ مِنْ السَّمَاءْ.

رُؤية 8:10

وَ الْمَلَكْ التَّالِتْ ضَرَبْ الْبُرُنْجِي الْعِنْدَهْ. وَ نَجْمَةْ كَبِيرَةْ بِلْحَيْن وَقَعَتْ مِنْ السَّمَاءْ مُوَلِّعَةْ نَارْ شَدِيدَةْ وَ وَقَعَتْ فِي تِلْت الْأَلْمِي الْقَاعِدْ فِي الْبُحُورْ وَ فِي عُيُونْ أَلْمِي.

رُؤية 22:16

«وَ أَنَا عِيسَى رَسَّلْت لَيْكُو مَلَكِي أَشَانْ إِنْتُو نَاسْ أُمَّةْ الْمَسِيحْ تَسْمَعَوْا الشَّهَادَةْ دِي. أَنَا بَسْ إِبْن دَاوُدْ وَ الْمَلِكْ الْمِنْ ذُرِّيّتَهْ. وَ أَنَا نَجْمَةْ الصَّبَاحْ التِّدَاوِي نُورْ شَدِيدْ وَ تِوَصِّفْ كَدَرْ النَّهَارْ جَايِ قَرِيبْ.»

2 بُطْرُس 1:19

وَ بَيْدَا، أَنِحْنَ مُؤَكِّدِينْ زِيَادَةْ كَدَرْ كَلَامْ الْأَنْبِيَاء صَحِيحْ. وَ خَلَاصْ، وَاجِبْ تُخُطُّوا بَالْكُو لِكَلَامْهُمْ الْمِثِلْ ضَيّ الْيِضَوِّي فِي بَكَانْ أَضْلَمْ لَحَدِّي الْوَطَاةْ تَبْقَى مِثِلْ نَهَارْ وَ نَجْمَةْ الْفَجُرْ تَطْلَعْ فِي قُلُوبْكُو.

إشَعْيا 34:4

وَ كُلَّ قُوَّاتْ السَّمَاءْ يِعَفُّنُوا وَ السَّمَاءْ يَطْوُوهْ مِثِلْ كِتَابْ مَلْفُوفْ. وَ كُلَّ الْقُوَّاتْ يِدَفُّقُوا مِثِلْ وَرَقْ الْعِنَبْ الْيَابِسْ وَ مِثِلْ وَرَقْ التِّينْ الْيِبِسْ.

رُؤية 2:28

أَيْوَى، مِثِلْ أَبُويِ اللّٰهْ أَنْطَانِي قُدْرَةْ، أَنَا كُلَ نَنْطِيهْ نَجْمَةْ الصَّبَاحْ.

2 بُطْرُس 2:4

نَعَمْ، نَعَرْفُوا كَدَرْ الْمَلَائِكَةْ الْأَذْنَبَوْا، اللّٰهْ مَا عَفَاهُمْ لَاكِنْ رَبَطَاهُمْ بِجَنَازِيرْ وَ سَجَنَاهُمْ فِي ضَلَامْ الْهَاوِيَةْ أَشَانْ يَرْجَوْا يَوْم الْحِسَابْ.

رُؤية 9:1

وَ الْمَلَكْ الْخَامِسْ ضَرَبْ الْبُرُنْجِي الْعِنْدَهْ. وَ أَنَا شِفْت نَجْمَةْ وَ هِي قَاعِدَةْ فِي الْأَرْض أَشَانْ وَقَعَتْ مِنْ السَّمَاءْ. وَ أَنْطَوْهَا مُفْتَاحْ هَنَا خَشُمْ الْهَاوِيَةْ.

إرْمِيا 50:23

شِيفُوا، بَابِلْ أَلْكَسَّرَتْ وَ أَلْفَتْفَتَتْ هِي الْمِثِلْ الْمِطْرَقَةْ الضَّرَبَتْ كُلَّ الْأَرْض. عَجَبْ، بَابِلْ خِرْبَتْ فِي أُسْط الْأُمَمْ.

إشَعْيا 13:10

وَ بَيْدَا، نُجُومْ السَّمَاءْ وَ الصَّبِي الْمَغْمِي نُورْهُمْ مَا يِبِينْ. وَ مِنْ طَلُوعْهَا، الْحَرَّايْ تَبْقَى ضَلْمَةْ وَ الْقَمَرْ كُلَ، نُورَهْ مَا يِضَوِّي.

إرْمِيا 51:53

حَتَّى كَنْ بَابِلْ تَبْقَى عَالِيَةْ لَحَدِّي السَّمَاءْ وَ تِقَوِّي بَكَانَاتْهَا الْعَالِيِينْ كُلَ، أَنَا نِجِيبْ فَوْقهَا مُخَرِّبِينْ.» وَ دَا كَلَامْ اللّٰهْ.

مَراثِي إرْمِيا 2:1

يَا السَّلَامْ! فِي غَضَبَهْ، الرَّبّ غَطَّى بِالضَّلَامْ مَدِينَةْ صَهْيُون الْمِثِلْ بِنَيَّةْ. مِنْ السَّمَاءْ، رَمَى مَجْد إِسْرَائِيلْ فِي الْأَرْض وَ فِي يَوْم غَضَبَهْ، مَا فَكَّرْ فِي بَيْتَهْ الْمُقَدَّسْ.

حِزْقِيال 26:17

وَ يُنُوحُوا فِي شَانْكِ وَ يُقُولُوا: ‹يَا السَّلَامْ! الْمَدِينَةْ أَدَّمَّرَتْ هِي السُّكَّانْهَا جَوْا مِنْ خَشُمْ الْبَحَرْ أَيْوَى، هِي الشَّكَرَوْهَا. هِي مَدِينَةْ عَظِيمَةْ فِي خَشُمْ الْبَحَرْ، وَ سُكَّانْهَا كُلَ عَظِيمِينْ وَ خَوَّفَوْا كُلَّ النَّاسْ الْحَوَالَيْهُمْ.

عُبَدْيا 1:4

وَ حَتَّى كَانْ تِطِيرُوا مِثِلْ الصُّقُورَةْ وَ تَبْنُوا عُشُّكُو بَيْن النُّجُومْ كُلَ، مِنْ هِنَاكْ أَنَا نِنَزِّلْكُو. وَ دَا كَلَامْ اللّٰهْ.