إشَعْيا 13:16 - الكتاب المقدس بالعربي الدارجي هنا تشاد

¹⁶ وَ أَطْفَالْهُمْ يَرْحَكَوْهُمْ قِدَّامْهُمْ وَ يَنْهَبَوْا خُمَامْ بُيُوتْهُمْ وَ يَرُقْدُوا مَعَ عَوِينْهُمْ بِقُوءْ.»

إشَعْيا 13:16 Referenca të Kryqëzuara

نَاحُوم 3:10

وَ لَاكِنْ مَدِينَةْ طِيبَةْ كُلَ شَالَوْهَا وَ وَدَّوْا سُكَّانْهَا فِي الْغُرْبَةْ. وَ أَطْفَالْهَا كَتَلَوْهُمْ فِي كُلَّ شَوَارِعْهَا. وَ لِسِيَادْ الشَّرَفْ هَنَا الْمَدِينَةْ، الْعُدْوَانْ قَسَّمَوْهُمْ بِأَمْ عِيَيْدَاتْ لِيِسَوُّوهُمْ عَبِيدْ. وَ كُبَارَاتْ طِيبَةْ كُلَ جَنْزَرَوْهُمْ.

هُوشَع 10:14

وَ خَلَاصْ، يِنْسَمِعْ كُرَوْرَاكْ حَرِبْ فِي لُبّ شَعَبْكُو وَ كُلَّ مُدُنْكُو الْقَوِيِّينْ يَخْرَبَوْا مِثِلْ يَوْم الْقَايِدْ شَلْمَانْ خَرَبْ حِلَّةْ بَيْت أَرْبِيلْ وَ رِحِكْ الْأَمَّهَاتْ وَ عِيَالْهِنْ.

زَكَرِيَّا 14:2

أَنَا نِلِمّ كُلَّ الْأُمَمْ فِي مَدِينَةْ الْقُدُسْ لِيِحَارُبُوهَا. وَ يِشِيلُوا الْمَدِينَةْ وَ يَنْهَبَوْا الْبُيُوتْ وَ يَرُقْدُوا مَعَ الْعَوِينْ بِقُوءْ. وَ نُصّ سُكَّانْ الْمَدِينَةْ يِوَدُّوهُمْ فِي الْغُرْبَةْ وَ لَاكِنْ الْفَضَّلَوْا كَمَانْ يِخَلُّوهُمْ فِي الْمَدِينَةْ.

مَراثِي إرْمِيا 5:11

عُدْوَانَّا رَقَدَوْا بِقُوءْ مَعَ عَوِينْ مَدِينَةْ صَهْيُون. وَ فِي حِلَّالْ بَلَدْ يَهُوذَا، بَنَّوْا الْبَنَاتْ بِقُوءْ.

إشَعْيا 13:18

وَ بِنُشَّابْهُمْ، يَكْتُلُوا الشَّبَابْ وَ مَا يَرْحَمَوْا الطِّفِلْ وَ مَا يِحِنُّوا فِي الْعِيَالْ الدُّقَاقْ.»

إشَعْيا 14:21

«يَلَّا! جَهُّزُوا جُزُرْ لِكَتِلْ عِيَالَهْ بِسَبَبْ خَطَا جُدُودْهُمْ! أَشَانْ مَا وَاجِبْ يُقُمُّوا وَ يَقْلَعَوْا الْأَرْض وَ يَمْلَوْا الْعَالَمْ بِمُدُنْهُمْ.»

إشَعْيا 47:9

لَاكِنْ الْأَشْيَاءْ الْإِتْنَيْن دَوْل يَجُوكِ بِسُرْعَةْ، فِي يَوْم وَاحِدْ بَسْ، تِوَدِّرِي عِيَالْكِ وَ تَبْقَيْ أَرْمَلَةْ. حَتَّى بِكَتَرَةْ سِحِرْكِ وَ قُدْرَةْ جَنَّانِيِّينْكِ كُلَ، الْأَشْيَاءْ دَوْل يَجُوا فَوْقكِ بِشِدَّةْ.

إرْمِيا 51:22

وَ بَيْكِ إِنْتِ، أَنَا ضَرَبْت الرُّجَالْ وَ الْعَوِينْ وَ الْكُبَارْ وَ الدُّقَاقْ وَ الصُّبْيَانْ وَ الْبَنَاتْ.