إشَعْيا 13:14 - الكتاب المقدس بالعربي الدارجي هنا تشاد

¹⁴ خَلَاصْ، مِثِلْ الْغَزَالَةْ الْمَطْرُودَةْ وَ مِثِلْ الْغَنَمْ الْمَا عِنْدُهُمْ رَاعِي، أَيِّ وَاحِدْ يِقَبِّلْ لِشَعَبَهْ وَ أَيِّ وَاحِدْ يِعَرِّدْ لِبَلَدَهْ.

إشَعْيا 13:14 Referenca të Kryqëzuara

1 مُلوك 22:17

وَ مِيكَا رَدَّ لَيَّهْ وَ قَالْ: «أَنَا شِفْت كُلَّ بَنِي إِسْرَائِيلْ مُشَتَّتِينْ فِي الْجِبَالْ مِثِلْ غَنَمْ بَلَا رَاعِي. وَ اللّٰهْ قَالْ: ‹النَّاسْ دَوْل بَتَّانْ مَا عِنْدُهُمْ سِيدْ. خَلِّي أَيِّ وَاحِدْ يِقَبِّلْ بَيْتَهْ بِالسَّلَامَةْ.›»

إرْمِيا 50:16

وَ فِي بَابِلْ، أَكْتُلُوا الْحَرَّاتِينْ وَ الْيَقْطَعَوْا بِخَنَاجِرْ فِي وَكْت الْقَطِعْ. وَ وَكِتْ سَيْف الْمُدَمِّرْ يَجِي، خَلِّي أَيِّ نَادُمْ يِقَبِّلْ لِشَعَبَهْ وَ يَجْرِي لِبَلَدَهْ.

1 مُلوك 22:36

وَ مَعَ وَقُوعْ الْحَرَّايْ، الْعَسْكَرْ كَوْرَكَوْا فِي الْمُعَسْكَرْ وَ قَالَوْا: «خَلِّي أَيِّ وَاحِدْ يَمْشِي لِحِلِّتَهْ وَ لِبَلَدَهْ.»

إرْمِيا 51:9

«أَنِحْنَ دَوَّرْنَا نِعَالُجُوا بَابِلْ وَ لَاكِنْ هِي مَا أَدَّاوَتْ لَيْنَا. يَلَّا نِخَلُّوهَا! أَيِّ وَاحِدْ يَمْشِي لِبَلَدَهْ أَشَانْ عِقَابْهَا لِحِقْ لَحَدِّي السَّمَاءْ وَ أَنْرَفَعْ لَحَدِّي السَّحَابْ.

إشَعْيا 47:15

وَ مُنَجِّمِينْكِ يَبْقَوْا مِثِلْ دَا، هُمَّنْ الْعَيَّيْتِ نَفِسْكِ فَوْقهُمْ، هُمَّنْ تُجَّارْكِ مِنْ إِنْتِ صَبِيَّةْ. هَسَّعْ، أَيِّ وَاحِدْ مِنْهُمْ يَجْرِي عَلَيْ حَالَهْ وَ يِوَدُّرُوا، مَا يِنَجُّوكِ.»

إشَعْيا 17:13

وَ حَرَكَةْ الشُّعُوبْ مِثِلْ حَرَكَةْ أَلْمِي الْكَتِيرْ. وَكِتْ الرَّبّ يُقُمّ ضِدُّهُمْ، هُمَّنْ يِعَرُّدُوا بَعِيدْ، مَطْرُودِينْ مِثِلْ أُتَّابْ قِدَّامْ رِيحْ مِنْ الْجِبَالْ وَ مِثِلْ حَسْكَنِيتْ قِدَّامْ أَمْ زَوْبَعَانَةْ.

مَتَّى 9:36

وَ عِيسَى شَافْ نَاسْ كَتِيرِينْ مَرَّةْ وَاحِدْ جَايِينْ لَيَّهْ وَ حَنَّ فَوْقهُمْ أَشَانْ هُمَّنْ تَعْبَانِينْ وَ عَيَّانِينْ مِثِلْ غَنَمْ الْمَا عِنْدُهُمْ رَاعِي.

مَرْخُوس 6:34

وَ وَكِتْ عِيسَى دَلَّى مِنْ الْمَرْكَبَةْ، هُو شَافْ نَاسْ كَتِيرِينْ مَرَّةْ وَاحِدْ قَاعِدِينْ يَرْجَوْه. وَ هُو حَنَّ فَوْقهُمْ أَشَانْ هُمَّنْ مِثِلْ غَنَمْ الْمَا عِنْدُهُمْ رَاعِي. وَ هُو بَدَا يِعَلِّمْهُمْ كَلَامْ كَتِيرْ.

1 بُطْرُس 2:25

أَشَانْ أَوَّلْ إِنْتُو مِثِلْ غَنَمْ مُوَدِّرِينْ لَاكِنْ هَسَّعْ قَبَّلْتُوا لِرَاعِيكُو الْيَحْفَضْكُو.

إشَعْيا 21:15

أَشَانْ هُمَّنْ مُعَرِّدِينْ مِنْ السُّيُوفْ أَيْوَى، مِنْ السُّيُوفْ الْمَرْفُوعِينْ وَ مِنْ النُّبَّالْ الْمَجْبُودْ وَ مِنْ شِدَّةْ الْحَرِبْ.

إرْمِيا 25:12

«وَ لَاكِنْ بَعَدْ السَّبْعِينْ سَنَةْ دَوْل يِكَمُّلُوا، أَنَا نِعَاقِبْ مَلِكْ بَابِلْ وَ أُمَّتَه فِي شَانْ خَطَاهُمْ. وَ نُقُمّ ضِدّ بَلَدْ الْبَابِلِيِّينْ وَ نِسَوِّيهَا بَلَدْ خَرَابْ إِلَى الْأَبَدْ. وَ دَا كَلَامْ اللّٰهْ.

نَاحُوم 3:18

يَا مَلِكْ بَلَدْ أَشُورْ، فُرَّاسَكْ سَكَتَوْا وَ مَسَائِيلَكْ الْمِثِلْ رُعْيَانْ مَاتَوْا. وَ شَعَبَكْ شَتَّوْا فِي الْجِبَالْ مِثِلْ الْغَنَمْ وَ مَا فِي رَاعِي الْيِلِمُّهُمْ.