إشَعْيا 12:6 - الكتاب المقدس بالعربي الدارجي هنا تشاد

⁶ عِيطُوا بِفَرَحْ وَ زَغْرُطُوا، يَا سُكَّانْ صَهْيُون! أَشَانْ قُدُّوسْ إِسْرَائِيلْ الْقَاعِدْ فِي أُسُطْكُو، هُو عَظِيمْ.»

إشَعْيا 12:6 Referenca të Kryqëzuara

زَكَرِيَّا 2:5

وَ دَاهُو كَلَامْ اللّٰهْ: ‹أَنَا ذَاتِي نُكُونْ لَيْهَا دُرْدُرْ هَنَا نَارْ مُحَوِّقْهَا. وَ فِي أُسُطْهَا، نُكُونْ مَجْدَهَا.›»

زَبُور 9:11

غَنُّوا لِلّٰهْ، هُو الْيَحْكِمْ فِي صَهْيُون وَ خَبُّرُوا الشُّعُوبْ بِأَعْمَالَهْ الْكُبَارْ!

إشَعْيا 41:14

«مَا تَخَافْ، يَا يَعْقُوبْ، إِنْتَ الْمِثِلْ دُودْ التُّرَابْ وَ يَا إِسْرَائِيلْ، إِنْتَ الْمِثِلْ الرِّمَّةْ! أَنَا بَسْ النِّسَاعِدَكْ وَ الْيَفْدَاكْ، هُو أَنَا قُدُّوسْ إِسْرَائِيلْ. وَ دَا كَلَامْ اللّٰهْ.

حِزْقِيال 48:35

وَ طُولْ دَايِرْ الدُّرْدُرْ دَا 18 000 دُرَاعْ. وَ مِنْ الْيَوْم، الْمَدِينَةْ دِي يِسَمُّوهَا اللّٰهْ قَاعِدْ هِنِي.»

إشَعْيا 54:1

وَ اللّٰهْ قَالْ: «زَغْرِطِي، يَا مَدِينَةْ الْقُدُسْ الْعَاقْرَةْ، إِنْتِ الْمَا وِلِدْتِ! عِيطِي بِفَرَحْ وَ زَغْرِطِي، إِنْتِ الْمَا دُقْتِ وَجَعْ الطَّلَقَةْ! أَشَانْ عِيَالْ الْمُطَلَّقَةْ يَبْقَوْا كَتِيرِينْ مِنْ عِيَالْ الْمَرَةْ الْقَاعِدَةْ مَعَ رَاجِلْهَا.»

إشَعْيا 41:16

إِنْتَ تِغَرْبِلْهُمْ وَ الرِّيحْ تِشِيلْهُمْ وَ الزَّوْبَعَانَةْ تِشَتِّتْهُمْ. وَ لَاكِنْ إِنْتَ تَفْرَحْ بَيِّ أَنَا اللّٰهْ وَ تَشْكُرْ قُدُّوسْ إِسْرَائِيلْ.

إشَعْيا 40:9

أَطْلَعَيْ فِي الْجَبَلْ الْعَالِي، يَا صَهْيُون، إِنْتِ الْعِنْدِكِ خَبَرْ حَلُو! بِشِدَّةْ أَرْفَعَيْ صَوْتكِ، يَا مَدِينَةْ الْقُدُسْ، إِنْتِ الْعِنْدِكِ خَبَرْ حَلُو! أَرْفَعَيْ صَوْتكِ بَلَا خَوْف وَ قُولِي لِحِلَّالْ بَلَدْ يَهُوذَا: «دَاهُو إِلٰـهْكُو!

زَبُور 71:22

وَ خَلَاصْ، أَنَا نَشْكُرَكْ بِأَمْ سِبَيْبَةْ فِي شَانْ أَمَانَكْ، يَا إِلٰـهِي. وَ نَضْرُبْ جِقِنْدِيَّةْ فِي شَانَكْ إِنْتَ، يَا قُدُّوسْ إِسْرَائِيلْ!

صَفَنْيا 2:5

الْعَذَابْ لِسُكَّانْ خَشُمْ الْبَحَرْ وَ لِلْأُمَّةْ الْجَايَةْ مِنْ جَزِيرَةْ كِرِيتْ! دَاهُو كَلَامْ اللّٰهْ ضِدُّكُو: «يَا كَنْعَانْ، أَرْض الْفِلِسْطِيِّينْ، أَنَا نِدَمِّرْكِ وَ تَبْقَيْ فَاضِيَةْ مِنْ سُكَّانْكِ.

حِزْقِيال 43:7

وَ الْحِسّ قَالْ لَيِّ: «يَا إِبْن آدَمْ، دَا بَكَانْ عَرْشِي وَ بَكَانْ نُخُطّ رِجِلَيْنِي وَ دَا بَسْ الْبَكَانْ النَّسْكُنْ فَوْقَهْ فِي أُسُطْ بَنِي إِسْرَائِيلْ إِلَى الْأَبَدْ. وَ أَبَداً وَ لَا بَنِي إِسْرَائِيلْ وَ لَا مُلُوكْهُمْ مَا يِنَجُّسُوا أُسْمِي الْمُقَدَّسْ بِشَرْمَطَتْهُمْ وَرَاءْ الْأَصْنَامْ وَلَّا بِدَفِنْ جِثَثْ مُلُوكْهُمْ جَنْب بَيْتِي الْمُقَدَّسْ.

إشَعْيا 49:26

الْيِضَايُقُوكِ، أَنَا نِأَكِّلْهُمْ لَحَمْهُمْ وَ يَسْكَرَوْا بِدَمُّهُمْ مِثِلْ خَمَرْ جَدِيدْ. وَ أَيِّ مَخْلُوقْ حَيّ يَعَرِفْ كَدَرْ الْيِنَجِّيكِ، دَا أَنَا اللّٰهْ وَ الْيَفْدَاكِ، دَا أَنَا هُو الْجَبَّارْ، إِلٰـهْ يَعْقُوبْ.»

إشَعْيا 33:24

وَ وَاحِدْ مِنْ سُكَّانْ مَدِينَةْ الْقُدُسْ مَا يُقُولْ: «أَنَا مَرْضَانْ». وَ الشَّعَبْ السَّاكْنِينْ فِي الْمَدِينَةْ دِي يَلْقَوْا غُفْرَانْ خَطَاهُمْ.

إشَعْيا 30:19

أَيْوَى، يَا شَعَبْ صَهْيُون السَّاكْنِينْ فِي مَدِينَةْ الْقُدُسْ، إِنْتُو أَبَداً مَا تَبْكُوا بَتَّانْ. وَ وَكِتْ تَصْرَخَوْا، هُو يِحِنّ فَوْقكُو! وَ مِنْ يَسْمَعْكُو، طَوَّالِي يُرُدّ لَيْكُو.

إشَعْيا 24:23

الْقَمَرْ يَخْجَلْ وَ الْحَرَّايْ تَلْقَى الْعَيْب أَشَانْ اللّٰهْ الْقَادِرْ يَحْكِمْ. وَ يِبَيِّنْ مَجْدَهْ قِدَّامْ كُبَارَاتْ شَعَبَهْ فِي جَبَلْ صَهْيُون وَ فِي مَدِينَةْ الْقُدُسْ.

إشَعْيا 10:24

وَ فِي شَانْ دَا، دَاهُو اللّٰهْ الرَّبّ الْقَادِرْ قَالْ: «يَا شَعَبِي السَّاكْنِينْ فِي مَدِينَةْ صَهْيُون، مَا تَخَافَوْا مِنْ مَلِكْ بَلَدْ أَشُورْ. هُو قَاعِدْ يَضْرُبْكُو بِعَصَاتَهْ وَ يَرْفَعْ عَصَاتَهْ ضِدُّكُو مِثِلْ سَوَّوْه الْمَصْرِيِّينْ زَمَانْ.

إشَعْيا 8:18

أَنَا وَ الْعِيَالْ الْأَنْطَاهُمْ لَيِّ اللّٰهْ، أَنِحْنَ مِثِلْ عَلَامَاتْ وَ مَثَلْ لِبَنِي إِسْرَائِيلْ. اللّٰهْ الْقَادِرْ بَسْ جَابَاهُمْ، هُو السَّاكِنْ فِي جَبَلْ صَهْيُون.

زَبُور 132:14

وَ قَالْ: «دَا بَكَانْ النَّسْكُنْ فَوْقَهْ إِلَى الْأَبَدْ وَ نَسْكُنْ فَوْقَهْ أَشَانْ أَنَا عَزَلْتَهْ.

زَبُور 89:18

اللّٰهْ، هُو دَرَقَتْنَا. أَيْوَى، قُدُّوسْ إِسْرَائِيلْ، هُو مَلِكْنَا.

زَبُور 68:16

يَا جِبَالْ الرُّوسَيْكُو كَتِيرِينْ، مَالَا تِنْحَسْدُوا فِي الْجَبَلْ الْعَجَبْ الرَّبّ لِيَسْكُنْ فَوْقَهْ؟ أَيْوَى، اللّٰهْ يَسْكُنْ فَوْقَهْ إِلَى الْأَبَدْ.

زَبُور 46:5

الرَّبّ قَاعِدْ فِي أُسُطْهَا وَ هِي مَا تِنْهَزَّ. الرَّبّ يَفْزَعْهَا فِي الْفَجُرْ.

زَبُور 99:2

اللّٰهْ هُو كَبِيرْ فِي صَهْيُون وَ عَالِي فَوْق كُلَّ الشُّعُوبْ.

إشَعْيا 1:24

فِي شَانْ كُلَّ الشَّيّءْ دَا، دَاهُو كَلَامْ اللّٰهْ الرَّبّ الْقَادِرْ، جَبَّارْ إِسْرَائِيلْ. هُو قَالْ: «الْعَذَابْ لَيْكِ، يَا مَدِينَةْ الْقُدُسْ! نِشِيلْ التَّارْ فَوْقكِ، إِنْتِ خَصِيمْتِي أَيْوَى نِكَمِّلْكِ، إِنْتِ عَدُويِ.

إشَعْيا 24:14

الْفَضَّلَوْا حَيِّينْ يَرْفَعَوْا حِسُّهُمْ وَ يَفْرَحَوْا بِعَظَمَةْ اللّٰهْ. وَ وَكِتْ يَجُوا مِنْ الْغَرِبْ، يِعِيطُوا بِفَرَحْ.

إشَعْيا 60:16

إِنْتِ تَرْضَعَيْ لَبَنْ الْأُمَمْ وَ تَاكُلِي غُنَى الْمُلُوكْ. وَ بَيْدَا، تَعَرْفِي كَدَرْ مُنَجِّيكِ دَا أَنَا اللّٰهْ وَ الْيَفْدَاكِ هُو أَنَا الْجَبَّارْ، إِلٰـهْ يَعْقُوبْ.

إرْمِيا 10:6

يَا اللّٰهْ! مَا فِي إِلٰـهْ مِثْلَكْ! إِنْتَ عَظِيمْ وَ عَظِيمْ أُسْمَكْ الْقَادِرْ.

حِزْقِيال 35:10

«إِنْتَ قُلْت: ‹الْأُمَمْ الْإِتْنَيْن هَنَا إِسْرَائِيلْ وَ يَهُوذَا وَ شَعَبْهُمْ، أَنَا نِشِيلْهُمْ وَ يَبْقَوْا هِنَيّ أَنَا، حَتَّى كَانْ اللّٰهْ قَاعِدْ فَوْقهُمْ كُلَ.›

حِزْقِيال 39:7

وَ نِعَرِّفْ أُسْمِي الْمُقَدَّسْ فِي أُسُطْ شَعَبِي بَنِي إِسْرَائِيلْ وَ مَا نِخَلِّيهُمْ يِوَصُّفُوا قِلَّةْ إِحْتِرَامْهُمْ لِأُسْمِي الْمُقَدَّسْ بَتَّانْ. وَ بَيْدَا، الْأُمَمْ يَعَرْفُوا كَدَرْ أَنَا بَسْ اللّٰهْ الْقُدُّوسْ فِي إِسْرَائِيلْ.“›»

حِزْقِيال 48:8

«وَ وَطِي مِنْ حُدُودْ يَهُوذَا مِنْ الصَّبَاحْ لِلْغَرِبْ، دَا قِسِمْ التَّنْطُوهْ هَدِيَّةْ لَيِّ أَنَا اللّٰهْ. عُرْضَهْ 25 000 دُرَاعْ وَ طُولَهْ مِثِلْ طُولْ قِسِمْ الْقَبَايِلْ مِنْ الصَّبَاحْ لِلْغَرِبْ. وَ الْبَيْت الْمُقَدَّسْ يُكُونْ فِي أُسْط الْأَرْض دِي.

هُوشَع 11:9

أَنَا مَا نِنَزِّلْ فَوْقكُو غَضَبِي الْمُحْرِقْ وَ مَا نِقَبِّلْ لِنِدَمِّرْ أَفْرَايِمْ أَشَانْ أَنَا الرَّبّ، مَا إِنْسَانِي. أَنَا الْقُدُّوسْ وَ قَاعِدْ فِي أُسُطْكُو وَ مَا نَجِي لَيْكُو بِغَضَبْ.

عَدد 23:21

مَا فِي ذَنِبْ فِي ذُرِّيَّةْ يَعْقُوبْ وَ لَا ظُلُمْ فِي بَنِي إِسْرَائِيلْ. اللّٰهْ إِلٰـهُّمْ يُكُونْ مَعَاهُمْ وَ هُمَّنْ يَحْمُدُوا اللّٰهْ مَلِكْهُمْ.

تَثْنِية 23:15

وَ كَنْ عَبِدْ جَرَى مِنْ سِيدَهْ وَ جَاءْ لَاجِئ فِي بَلَدْكُو، مَا تِقَبُّلُوهْ.

زَبُور 135:21

بَارُكُوا اللّٰهْ مِنْ صَهْيُون، هُو السَّاكِنْ فِي مَدِينَةْ الْقُدُسْ! الْحَمْدُ للّٰهْ!

إشَعْيا 33:21

وَ اللّٰهْ يِوَصِّفْ لَيْنَا عَظَمَتَهْ وَ الْبَكَانْ دَا يَبْقَى بُحُورْ وَ مَجَارِي وَسِيعِينْ. وَ مَرَاكِبْ حَرِبْ مَا يَدْخُلُوا فَوْقهُمْ وَ سُفُنْ الْكُبَارْ كُلَ مَا يُشُقُّوهُمْ.

يُوِيل 2:27

وَ تَعَرْفُوا كَدَرْ أَنَا قَاعِدْ فِي أُسُطْكُو، يَا بَنِي إِسْرَائِيلْ. وَ أَنَا بَسْ اللّٰهْ إِلٰـهْكُو، مَا فِي إِلٰـهْ بَلَايِ. وَ شَعَبِي أَبَداً مَا يَلْقَوْا عَيْب.»

زَكَرِيَّا 2:9

أَيْوَى، دَاهُو نَرْفَعْ إِيدِي ضِدُّهُمْ حَتَّى عَبِيدْهُمْ كُلَ يَنْهَبَوْهُمْ.» وَ بَيْدَا، تَعَرْفُوا كَدَرْ اللّٰهْ الْقَادِرْ، هُو بَسْ رَسَّلَانِي.