إشَعْيا 11:15 - الكتاب المقدس بالعربي الدارجي هنا تشاد

¹⁵ وَ اللّٰهْ يِيَبِّسْ رِجِلْ بَحَرْ مَصِرْ وَ يَرْفَعْ إِيدَهْ لِيَضْرُبْ بَحَرْ الْفُرَاتْ بِشِدَّةْ نَفْخَتَهْ. وَ يِقَسِّمَهْ سَبْعَةْ وُدْيَانْ دُقَاقْ الْيَقْدَرَوْا يَقْطَعَوْهُمْ بِرِجْلَيْهُمْ.

إشَعْيا 11:15 Referenca të Kryqëzuara

زَكَرِيَّا 10:11

هُمَّنْ يَقْطَعَوْا بَحَرْ التَّعَبْ وَ أَنَا اللّٰهْ نَضْرُبْ الْمَوْج فِي أُسْط الْبَحَرْ وَ كُلَّ أَلْمِي النِّيلْ الْغَرِيقْ يِكَمِّلْ. إِسْتِكْبَارْ أَشُورْ يِدَّمَّرْ وَ عَصَاةْ مُلُكْ مَصِرْ تِلْكَسَّرْ.

رُؤية 16:12

وَ الْمَلَكْ السَّادِسْ دَفَّقْ كَاسَهْ فِي بَحَرْ الْفُرَاتْ. وَ الْبَحَرْ يِبِسْ. وَ مِثِلْ دَا، الدَّرِبْ بِقِي فَاتِحْ لِلْمُلُوكْ الْجَايِينْ مِنْ صَبَاحْ.

إشَعْيا 50:2

وَكِتْ أَنَا جِيتْ، مَالَا مَا فِي نَادُمْ؟ وَكِتْ نَادَيْت، مَالَا نَادُمْ مَا رَدَّ لَيِّ؟ هَلْ إِيدِي قِصَيْرَةْ لَحَدِّي مَا تَفْدَى وَلَّا؟ وَ هَلْ مَا عِنْدِي أَيِّ قُدْرَةْ لِنِنَجِّي وَلَّا؟ أَعَرْفُوا! أَنَا نِكِشّ لِلْبَحَرْ وَ نِيَبِّسَهْ وَ لِلْوُدْيَانْ، نِسَوِّيهُمْ صَحَرَاء. مِنْ قِلَّةْ أَلْمِي الْحُوتْ يُمُوتْ أَيْوَى، مِنْ الْعَطَشْ هُو يُمُوتْ وَ يِعَفِّنْ.

إشَعْيا 19:16

وَ فِي الْيَوْم دَا، نَاسْ مَصِرْ يَبْقَوْا مِثِلْ عَوِينْ وَ يَخَافَوْا وَ يَرْجُفُوا وَكِتْ يِشِيفُوا إِيدْ اللّٰهْ الْقَادِرْ مَرْفُوعَةْ ضِدُّهُمْ.

حِزْقِيال 30:12

أَنَا نِيَبِّسْ النِّيلْ وَ نِبِيعْ الْبَلَدْ لِلْفَسْلِينْ. وَ نِدَمِّرْ الْبَلَدْ وَ كُلَّ شَيّءْ الْفِيهَا بِإِيدْ الْأَجَانِبْ. وَ دَا، أَنَا اللّٰهْ بَسْ قُلْتَهْ.»

حِزْقِيال 29:10

وَ بِسَبَبْ دَا، أَكِيدْ أَنَا نُقُمّ ضِدَّكْ وَ ضِدّ نِيلَكْ وَ نِسَوِّي بَلَدْ مَصِرْ كَوْم هَنَا تُرَابْ وَ خَرَابْ مِنْ مِقْدُولْ لَحَدِّي أَسْوَانْ وَ لَحَدِّي حُدُودْ الْحَبَشَةْ.

إشَعْيا 7:20

وَ فِي الْيَوْم دَا، الرَّبّ يِأَجِّرْ مُوسْ وَ هُو مَلِكْ بَلَدْ أَشُورْ. وَ يِجِيبَهْ مِنْ غَادِي لِبَحَرْ الْفُرَاتْ. وَ بَيَّهْ الرَّبّ يِزَيِّنْ الرَّاسْ وَ كُلَّ صُوفْ الْجِلِدْ وَ الدِّقِنْ كُلَ يِسِلَّهَا.

خُروج 14:21

وَ بَعَدْ دَا، مُوسَى مَدَّ إِيدَهْ عَلَيْ الْبَحَرْ وَ فِي الْبَكَانْ دَا، اللّٰهْ نَفَخْ رِيحْ شَدِيدَةْ جَايَةْ مِنْ صَبَاحْ. وَ فِي طُولْ اللَّيْل، الرِّيحْ قَاعِدَةْ تُسُوقْ وَ قَسَّمَتْ الْأَلْمِي بَكَانْتَيْن لَحَدِّي التُّرَابْ الْيَابِسْ بَانْ.

خُروج 14:29

وَ كَنْ لِبَنِي إِسْرَائِيلْ كَمَانْ، الْبَحَرْ أَنْشَقَّ وَ بِقِي مِثِلْ دُرْدُرْ جَايْ وَ جَايْ لَيْهُمْ وَ هُمَّنْ قَطَعَوْا الْبَحَرْ فِي التُّرَابْ الْيَابِسْ.

إشَعْيا 8:7

وَ فِي شَانْ دَا، الرَّبّ يِقَوِّمْ ضِدُّهُمْ أَلْمِي بَحَرْ الْفُرَاتْ الشَّدِيدْ وَ كَتِيرْ. وَ دَا، مَلِكْ بَلَدْ أَشُورْ وَ كُلَّ عَظَمَتَهْ. هُو يَطْلَعْ فَوْق مِنْ بَكَانْ مَرْقَدَهْ وَ يُفُوتْ حُدُودَهْ الْأَوَّلْ.

إشَعْيا 43:16

وَ دَاهُو كَلَامْ اللّٰهْ، هُو الْفَتَحْ دَرِبْ فِي الْبَحَرْ وَ فَتَحْ طَرِيقْ فِي مَوْج أَلْمِي الْجَارِي.

إشَعْيا 44:27

وَ نُقُولْ لِلْأَلْمِي الْغَرِيقْ: ‹أَبْقَى يَابِسْ وَ نِيَبِّسْ بُحُورَكْ!›

إشَعْيا 51:11

وَ النَّاسْ الْفَدَاهُمْ اللّٰهْ يِقَبُّلُوا وَ يَجُوا فِي صَهْيُون بِزَغْرَاطْ وَ فَرْحَةْ دَايْمَةْ تِنَوِّرْ وُجُوهُّمْ. السُّرُورْ وَ الْفَرْحَةْ يِغَطُّوهُمْ وَ الضِّيقَةْ وَ الْقَنِتِينْ يَبْقَوْا مَا فِيهُمْ.

إشَعْيا 63:12

وَيْن هُو السَّاعَدْ مُوسَى بِإِيدَهْ الْمَجِيدَةْ وَ شَقَّ الْبَحَرْ إِتْنَيْن قِدَّامْهُمْ لِيِعَلِّي أُسْمَهْ إِلَى الْأَبَدْ؟

خُروج 14:22

وَ خَلَاصْ، بَنِي إِسْرَائِيلْ عَدَّوْا أُسْط الْبَحَرْ فِي التُّرَابْ الْيَابِسْ وَ الْأَلْمِي قَعَدْ جَايْ وَ جَايْ لَيْهُمْ مِثِلْ دُرْدُرْ بِنُصُّهُمْ الْإِسْرَايْ وَ الزَّيْنَايْ.