إشَعْيا 10:9 - الكتاب المقدس بالعربي الدارجي هنا تشاد

⁹ وَ دَمَّرْنَا حِلَّةْ كَلْنَةْ مِثِلْ حِلَّةْ كَرْكَمِيشْ وَ حِلَّةْ حَمَاتْ مِثِلْ حِلَّةْ أَرْفَدْ وَ مَدِينَةْ السَّامِرَةْ مِثِلْ مَدِينَةْ دِمَشْق!

إشَعْيا 10:9 Referenca të Kryqëzuara

2 أخبار 35:20

وَ يَوْم وَاحِدْ بَعَدْ يُوشِيَّا عَدَّلْ بَيْت اللّٰهْ، نَكُو مَلِكْ بَلَدْ مَصِرْ قَمَّ لِيِحَارِبْ فِي حِلَّةْ كَرْكَمِيشْ فِي بَحَرْ الْفُرَاتْ. وَ يُوشِيَّا مَشَى لِيِوَجِّهَهْ فِي الدَّرِبْ.

2 مُلوك 16:9

وَ مَلِكْ أَشُورْ رَدَّ فِي طَلَبْ أَحَازْ. هُو قَمَّ وَ مَشَى هَجَمْ مَدِينَةْ دِمَشْق وَ شَالْهَا وَ وَدَّى سُكَّانْهَا فِي الْغُرْبَةْ فِي حِلَّةْ قِيرْ. وَ كَتَلْ رَصِينْ مَلِكْ أَرَامْ.

إرْمِيا 46:2

وَ فِي السَّنَةْ الرَّابْعَةْ هَنَا حُكُمْ يَهُويَقِمْ وِلَيْد يُوشِيَّا مَلِكْ يَهُوذَا، الدَّيْش دَا قَاعِدْ فِي كَرْكَمِيشْ فِي بَحَرْ الْفُرَاتْ وَ نَبُوخَدْنَصَرْ مَلِكْ بَابِلْ حَارَبَهْ وَ أَنَّصَرْ فَوْقَهْ. وَ دَا كَلَامْ اللّٰهْ الْبُخُصّ مَصِرْ وَ دَيْش فِرْعَوْن نَكُو مَلِكْ مَصِرْ. هُو قَالْ:

تكوين 10:10

وَ هُو بَدَا يَمْلُكْ مِنْ مَدِينَةْ بَابِلْ وَ أَرَكْ وَ أَكَّدْ وَ كَلْنَةْ فِي تُرَابْ شِنْعَارْ.

إرْمِيا 49:23

كَلَامْ بُخُصّ مَدِينَةْ دِمَشْق. «حِلَّالْ حَمَاتْ وَ أَرْفَدْ هَمَّوْا أَشَانْ سِمْعَوْا خَبَرْ شَيْن. هُمَّنْ بَرْجَلَوْا وَ رَجَفَوْا مِثِلْ الْبَحَرْ الْأَلْمِيهْ مَا هَادِي.

إشَعْيا 37:13

وَ وَيْن مُلُوكْ مُدُنْ حَمَاتْ وَ أَرْفَدْ وَ لَعِيرْ وَ سَفَرْوَايِمْ وَ هِينَعْ وَ عَوَّا؟›»

إشَعْيا 36:19

وَ وَيْن إِلٰـهَاتْ حَمَاتْ وَ أَرْفَدْ؟ وَ وَيْن إِلٰـهَاتْ سَفَرْوَايِمْ؟ هَلْ هُمَّنْ قِدْرَوْا نَجَّوْا مَدِينَةْ السَّامِرَةْ مِنْ إِيدِي وَلَّا؟

إشَعْيا 17:3

الْمُدُنْ الْقَوِيِّينْ فِي أَفْرَايِمْ يِدَّمَّرَوْا وَ مُلُكْ دِمَشْق كُلَ يَقِيفْ. الْفَضَّلَوْا مِنْ بَلَدْ أَرَامْ، شَرَفْهُمْ يَبْقَى مَا فِيهْ مِثِلْ شَرَفْ بَنِي إِسْرَائِيلْ. وَ دَا كَلَامْ اللّٰهْ الْقَادِرْ.

إشَعْيا 7:8

أَشَانْ مَدِينَةْ دِمَشْق، هِي رَاسْ بَلَدْ أَرَامْ وَ مَلِكْ رَصِينْ، هُو رَاسْ دِمَشْق بَسْ. وَ بَعَدْ 65 سَنَةْ، تُرَابْ قَبِيلَةْ أَفْرَايِمْ يِدَّمَّرْ وَ شَعَبْهَا يَبْقَوْا مَا فِيهُمْ.

2 مُلوك 17:24

وَ مَلِكْ بَلَدْ أَشُورْ جَابْ نَاسْ مِنْ مَدِينَةْ بَابِلْ وَ مِنْ حِلَّالْ كُوتَةْ وَ عَوَّا وَ حَمَاتْ وَ سَفَرْوَايِمْ وَ سَكَّنَاهُمْ فِي الْحِلَّالْ هَنَا مَدِينَةْ السَّامِرَةْ فِي بَدَلْ نَاسْ مَمْلَكَةْ إِسْرَائِيلْ. وَ النَّاسْ دَوْل شَالَوْا مَدِينَةْ السَّامِرَةْ وَ سَكَنَوْا فِي حِلَّالْهَا.

2 صَمُوِيل 8:9

وَ تُوعِي مَلِكْ بَلَدْ حَمَاتْ سِمِعْ كَدَرْ دَاوُدْ أَنَّصَرْ فِي كُلَّ عَسْكَرْ هَدَدْعَازَرْ.

عَدد 34:8

وَ بَتَّانْ حُدُودْكُو سَوُّوهُمْ مِنْ جَبَلْ هَوْر لَحَدِّي لَبُو حَمَاتْ. وَ مِنْ الْبَكَانْ دَا، الْحُدُودْ يَمْشُوا لَحَدِّي صَدَادْ

2 مُلوك 18:34

وَيْن إِلٰـهَاتْ حَمَاتْ وَ أَرْفَدْ؟ وَ وَيْن إِلٰـهَاتْ سَفَرْوَايِمْ وَ هِينَعْ وَ عَوَّا؟ هَلْ هُمَّنْ قِدْرَوْا نَجَّوْا مَدِينَةْ السَّامِرَةْ مِنْ إِيدِي وَلَّا؟

2 أخبار 32:14

مِنْ كُلَّ إِلٰـهَاتْ الْأُمَمْ الْجُدُودِي دَمَّرَوْهُمْ، يَاتُو الْقِدِرْ نَجَّى شَعَبَهْ مِنْ إِيدِي؟ وَ بَيْدَا، هَلْ إِلٰـهْكُو إِنْتُو يَقْدَرْ يِنَجِّيكُو مِنْ إِيدِي أَنَا وَلَّا؟

إشَعْيا 10:8

أَشَانْ هُو قَالْ: «قُيَّادِي مَا زِيَادَةْ مِنْ الْمُلُوكْ دَوْل وَلَّا؟

إشَعْيا 17:1

مُحَاكَمَةْ مَدِينَةْ دِمَشْق. دِمَشْق بَتَّانْ مَا تُكُونْ مَدِينَةْ. هِي تِلْهَدَّمْ وَ تَبْقَى كَوْم هَنَا تُرَابْ.

إشَعْيا 37:11

إِنْتَ ذَاتَكْ سِمِعْت بِكُلَّ شَيّءْ السَّوَّوْه مُلُوكْ بَلَدْ أَشُورْ فِي كُلَّ الْبُلْدَانْ وَ دَمَّرَوْهُمْ مَرَّةْ وَاحِدْ. وَ تَحْسِبْ إِنْتَ وِحَيْدَكْ بَسْ تَنْجَى وَلَّا؟

حِزْقِيال 47:16

وَ حَمَاتْ وَ بِرُوتَةْ وَ سِبْرَايِمْ أَمْبَيْن أَرْض دِمَشْق وَ أَرْض حَمَاتْ وَ مِنْ حَصَرْ تِكُونْ عَلَيْ حُدُودْ حَوْرَانْ.

حَبَقُوق 1:10

وَ يَحْقُرُوا الْمُلُوكْ وَ يِشَّمَّتَوْا لِلْحُكَّامْ. وَ يَضْحَكَوْا لِلْمُدُنْ الْقَوِيِّينْ وَ يِحَوُّقُوهُمْ بِرَدْمِيَّةْ وَ يِشِيلُوهُمْ.

إشَعْيا 33:8

وَ الشَّوَارِعْ فَاضِيِينْ وَ مَا فِي نَادُمْ مَاشِي فِي الدُّرُوبْ. الْمُخَرِّبْ قَطَعْ الْمُعَاهَدَةْ وَ لِلشُّهُودْ، أَبَاهُمْ وَ مَا فَكَّرْ فِي أَيِّ نَادُمْ.