إشَعْيا 10:26 - الكتاب المقدس بالعربي الدارجي هنا تشاد

²⁶ «وَ أَنَا اللّٰهْ الْقَادِرْ نَرْفَعْ لَيَّهْ السَّوْط وَ نَضُرْبَهْ مِثِلْ ضَرَبْت نَاسْ مِدْيَانْ فِي حَجَرْ عُرِيبْ. وَ نَرْفَعْ عَصَاتِي ضِدّ الْبَحَرْ مِثِلْ رَفَعْتَهَا ضِدّ الْمَصْرِيِّينْ زَمَانْ.

إشَعْيا 10:26 Referenca të Kryqëzuara

إشَعْيا 9:4

أَشَانْ إِنْتَ رَفَعْت التَّقَلَةْ الْفَوْقهُمْ وَ الدَّامِي الْفِي كَتَافَيْهُمْ وَ كَسَّرْت عَصَاةْ الْمُضَايِقْ مِثِلْ نَجَّيْتهُمْ مِنْ نَاسْ مِدْيَانْ فِي الْيَوْم دَاكْ.

قُضياء 7:25

وَ كَرَبَوْا إِتْنَيْن مِنْ قُيَّادْ الْمِدْيَانِيِّينْ وَ هُمَّنْ عُرِيبْ وَ زِيبْ. وَ كَتَلَوْا عُرِيبْ فِي حَجَرْ هَنَا عُرِيبْ وَ زِيبْ فِي عَصَّارَةْ زِيبْ. وَ هُمَّنْ طَارَدَوْا الْمِدْيَانِيِّينْ لَحَدِّي تُرَابْ مِدْيَانْ. وَ بَعَدْ دَا، جَابَوْا رُوسَيْ عُرِيبْ وَ زِيبْ لِقِدْعُونْ غَادِي لِبَحَرْ الْأُرْدُنْ.

2 مُلوك 19:35

وَ خَلَاصْ فِي اللَّيْلَةْ دِي، مَلَكْ اللّٰهْ جَاءْ ضَرَبْ مُعَسْكَرْ الْأَشُورِيِّينْ وَ كَتَلْ 185 000 رَاجِلْ. وَ بِفَجُرْ وَكِتْ قَمَّوْا، الْفَضَّلَوْا مِنْهُمْ شَافَوْا كُلَّ الْجَنَازَاتْ دَوْل.

خُروج 14:16

كَنْ لَيْك إِنْتَ، أَرْفَعْ عَصَاتَكْ فَوْق وَ مِدّ إِيدَكْ عَلَيْ الْبَحَرْ وَ يِنْشَقَّ بَكَانْتَيْن. وَ فِي أُسْط الْبَحَرْ، التُّرَابْ يَبْقَى يَابِسْ وَ بَنِي إِسْرَائِيلْ يَقْطَعَوْا الْبَحَرْ رَايْغِينْ بِرِجْلَيْهُمْ فِي التُّرَابْ الْيَابِسْ دَا.

رُؤية 19:15

وَ سَيْف مُطَرَّقْ مَارِقْ مِنْ خَشْمَهْ وَ يَضْرُبْ بَيَّهْ الْأُمَمْ. وَ هُو يَحْكِمْ فَوْقهُمْ بِعَصَاةْ هَنَا حَدِيدْ. هُو بَسْ الْيِفَجِّقْ الْعِنَبْ فِي الْعَصَّارَةْ وَ مَعَنَاتَهْ هُو مَسْؤُولْ مِنْ غَضَبْ اللّٰهْ الْقَادِرْ.

رُؤية 11:18

وَ الْأُمَمْ زِعِلَوْا زَعَلْ شَدِيدْ لَاكِنْ غَضَبَكْ نَزَلْ فَوْقهُمْ. وَ خَلَاصْ، الْوَكِتْ تَمَّ وَ هَسَّعْ تِحَاسِبْ الْمَيْتِينْ وَ تَنْطِي أَجُرْ لِعَبِيدَكْ الْأَنْبِيَاء وَ الصَّالِحِينْ وَ كُلَّ النَّاسْ الْيِكَرُّمُوا أُسْمَكْ مِنْ الْكُبَارْ وَ الصُّغَارْ. وَ خَلَاصْ، تَهْلِكْ النَّاسْ الْهَلَكَوْا نَاسْ الْأَرْض.»

إشَعْيا 11:16

وَ هِنَاكْ، هُو يِسَوِّي دَرِبْ لِلْفَضَّلَوْا مِنْ شَعَبَهْ فِي بَلَدْ أَشُورْ مِثِلْ زَمَانْ سَوَّى دَرِبْ لِبَنِي إِسْرَائِيلْ يَوْم مَرَقَوْا مِنْ بَلَدْ مَصِرْ.

إشَعْيا 10:24

وَ فِي شَانْ دَا، دَاهُو اللّٰهْ الرَّبّ الْقَادِرْ قَالْ: «يَا شَعَبِي السَّاكْنِينْ فِي مَدِينَةْ صَهْيُون، مَا تَخَافَوْا مِنْ مَلِكْ بَلَدْ أَشُورْ. هُو قَاعِدْ يَضْرُبْكُو بِعَصَاتَهْ وَ يَرْفَعْ عَصَاتَهْ ضِدُّكُو مِثِلْ سَوَّوْه الْمَصْرِيِّينْ زَمَانْ.

زَبُور 83:11

يَا رَبّ! سَوِّي فِي حُكَّامْهُمْ مِثِلْ سَوَّيْت فِي عُرِيبْ وَ زِيبْ وَ زَبَحْ وَ صَلْمُونَعْ وَ كُلَّ كُبَارَاتْهُمْ،

زَبُور 35:23

قُمّ، يَا إِلٰـهِي، دَافِعْ لَيِّ فِي ضَلِيمْتِي! وَ دَافِعْ لَيِّ فِي شَانْ حُقُوقِي، يَا رَبِّي!

إشَعْيا 30:31

وَ بَلَدْ أَشُورْ تَرْجِفْ مِنْ حِسّ اللّٰهْ الْيَضْرُبْهَا بِعَصَاةْ.

إشَعْيا 9:3

يَا رَبّ! إِنْتَ كَتَّرْت نَاسْ الْأُمَّةْ دِي وَ كَبَّرْت فَرَحْهُمْ. وَ يَفْرَحَوْا قِدَّامَكْ مِثِلْ فَرَحْ هَنَا يَوْم الْقَطِعْ وَ فَرَحْ هَنَا قِسِمْ الْغَنِيمَةْ.

إشَعْيا 30:30

وَ اللّٰهْ يِسَمِّعْ حِسَّهْ الْمَجِيدْ وَ يِوَصِّفْ دُرَاعَهْ الْمَرْفُوعْ بِشِدَّةْ زَعَلَهْ وَ أَمْ بَلْبَالَةْ التَّحْرِقْ وَ مَطَرْ شَدِيدْ وَ بَرَدْ.

إشَعْيا 30:32

وَ أَيِّ ضَرْبَةْ الْيِعَاقِبْهَا بَيْهَا اللّٰهْ يِنْسَمِعْ مَعَاهَا حِسّ هَنَا تَنَابِلْ وَ جِقِنْدِيَّةْ وَكِتْ يَرْفَعْ إِيدَهْ لِيِحَارِبْهَا.