إشَعْيا 10:23 - الكتاب المقدس بالعربي الدارجي هنا تشاد

²³ وَ خَلَاصْ، قَرَارْ الدَّمَارْ دَا مَرَقْ وَ أَكِيدْ اللّٰهْ الرَّبّ الْقَادِرْ يِطَبِّقَهْ فِي كُلَّ الْبَلَدْ.

إشَعْيا 10:23 Referenca të Kryqëzuara

إشَعْيا 28:22

وَ هَسَّعْ، مَا تِشَّمَّتَوْا أَشَانْ مَا تِضَايُقُوا فَوْقكُو قُيُودْكُو. أَشَانْ دَمَارْ كُلَّ الْبَلَدْ أَلْقَرَّرْ خَلَاصْ. أَنَا سِمِعْتَهْ مِنْ اللّٰهْ الرَّبّ الْقَادِرْ.

رَوْمَا 9:28

أَشَانْ قَرَارْ الدَّمَارْ مَرَقْ وَ اللّٰهْ يِطَبِّقَهْ عَجَلَةْ فِي كُلَّ الْبَلَدْ.>

دَنْيال 4:35

وَ كُلَّ سُكَّانْ الْأَرْض مَا يِتِمُّوا شَيّءْ فِي قِدَّامَهْ. وَ هُو يِسَوِّي كُلَّ شَيّءْ الْيِدَوْرَهْ فِي سُكَّانْ السَّمَاءْ وَ سُكَّانْ الْأَرْض. وَ مَا فِي وَاحِدْ يَقْدَرْ يَمْنَعَهْ وَ لَا يُقُولْ لَيَّهْ: ‹سَوَّيْت شُنُو؟›

دَنْيال 9:27

وَ الْمَلِكْ دَا يَجْبُرْ نَاسْ كَتِيرِينْ لِيِسَوُّوا مَعَايَهْ مُعَاهَدَةْ لِمُدَّةْ 7 سَنَةْ. وَ بَعَدْ نُصّ الْمُدَّةْ دِي، الضَّحَايَا وَ الْهَدَايَا الْيِقَدُّمُوهُمْ دَايْماً، هُو يَمْنَعْهُمْ. وَ عَجَلَةْ بَسْ، الْمُخَرِّبْ دَا يِسَوِّي الْحَرَامْ الْيِجِيبْ الْخَرَابْ. وَ فِي الأَخِيرْ، هُو ذَاتَهْ يِدَّمَّرْ مِثِلْ مُقَرَّرْ.»

زَبُور 46:9

هُو يِوَقِّفْ الْحَرِبْ لَحَدِّي فِي آخِرْ الْأَرْض وَ يِكَسِّرْ أَيِّ نُبَّالْ وَ حَرْبَةْ وَ يِحَرِّقْ كُلَّ الدَّرَقْ.

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.