إشَعْيا 10:16 - الكتاب المقدس بالعربي الدارجي هنا تشاد

¹⁶ وَ بِسَبَبْ دَا، أَنَا اللّٰهْ الرَّبّ الْقَادِرْ نِنَزِّلْ الْبَطُولْ فِي الْعَسْكَرْ السُّمَانْ هَنَا الْمَلِكْ. وَ بِعَظَمَتْهُمْ دِي كُلَ، النَّارْ تَاكُلْهُمْ وَ تَحْرِقْهُمْ.»

إشَعْيا 10:16 Referenca të Kryqëzuara

2 أخبار 32:21

وَ خَلَاصْ، اللّٰهْ رَسَّلْ مَلَكْ وَ دَمَّرْ كُلَّ الرُّجَالْ الْفُرَّاسْ وَ الْكُبَارَاتْ وَ الْقُيَّادْ الْفِي الْمُعَسْكَرْ هَنَا مَلِكْ بَلَدْ أَشُورْ. وَ خَلَاصْ، مَلِكْ بَلَدْ أَشُورْ قَمَّ قَبَّلْ بَلَدَهْ بِعَيْب. وَكِتْ وِصِلْ هِنَاكْ، مَشَى لِبَيْت إِلٰـهَهْ وَ وَاحِدِينْ مِنْ عِيَالَهْ حَلَالَهْ مَشَوْا وَرَايَهْ وَ كَتَلَوْه بِالْسَّيْف.

أعمال الرُسُل 12:23

وَ طَوَّالِي، وَاحِدْ مِنْ مَلَائِكَةْ اللّٰهْ ضَرَبْ هِرُودُسْ أَشَانْ هُو مَا أَبَى شَكِّرِينْ النَّاسْ وَ مَا مَجَّدْ اللّٰهْ. وَ دُودْ الْبَطُنْ أَكَلْ مُصْرَانْ هِرُودُسْ وَ خَلَاصْ، هُو مَاتْ.

زَبُور 106:15

خَلَاصْ، هُو أَنْطَاهُمْ الشَّيّءْ الطَّلَبَوْه وَ لَاكِنْ رَسَّلْ لَيْهُمْ مَرَضْ لِيِبَطِّلْهُمْ.

إشَعْيا 37:36

وَ خَلَاصْ، مَلَكْ اللّٰهْ جَاءْ ضَرَبْ مُعَسْكَرْ الْأَشُورِيِّينْ وَ كَتَلْ 185 000 رَاجِلْ. وَ بِفَجُرْ وَكِتْ قَمَّوْا، الْفَضَّلَوْا مِنْهُمْ شَافَوْا كُلَّ الْجَنَازَاتْ دَوْل.

إشَعْيا 37:29

وَ أَنَا سِمِعْت إِنْتَ رَجَفْت مِنْ الزَّعَلْ ضِدِّي وَ أَسْتَكْبَرْت. وَ بِسَبَبْ دَا، أَنَا نِدِسّ لَيْك زُمَامْ فِي مُنْخَرَكْ وَ لِجَامْ فِي خَشْمَكْ وَ نِقَبِّلَكْ بِالدَّرِبْ الْإِنْتَ جِيتْ بَيَّهْ.›»

إشَعْيا 17:4

وَ فِي الْيَوْم دَا، شَرَفْ ذُرِّيَّةْ يَعْقُوبْ يَنْقُصْ مِثِلْ نَادُمْ اللَّحَمْ جِلْدَهْ وَ شَحَمَهْ دَفَّقْ.

إشَعْيا 10:18

بِالْكَامِلْ، الرَّبّ يِدَمِّرْ الْغَابَاتْ وَ الْجِنَيْنَاتْ الْكُبَارْ هَنَا مَلِكْ أَشُورْ. وَ هُمَّنْ يَبْقَوْا مِثِلْ مَرْضَانْ الْوَدَّرْ قُدُرْتَهْ.

إشَعْيا 9:5

وَ أَيِّ نَعَالْ عَدُو التَّفْجَقْ وَ تِرَجِّفْ وَ أَيِّ خَلَقْ الدَّسَّوْه فِي دَمّ، خَلَاصْ يَزْقُلُوهُمْ فِي أَمْ بَلْبَالَةْ وَ النَّارْ تَاكُلْهُمْ.

إشَعْيا 5:17

الْحُمْلَانْ يَسْرَحَوْا فِي الْحِلَّةْ الْخَرْبَانَةْ مِثِلْ فِي مَرْعَاهُمْ وَ الْغَنَمْ السُّمَانْ يَاكُلُوا فِي بَكَانْهَا الْخَرَابْ.

إشَعْيا 8:7

وَ فِي شَانْ دَا، الرَّبّ يِقَوِّمْ ضِدُّهُمْ أَلْمِي بَحَرْ الْفُرَاتْ الشَّدِيدْ وَ كَتِيرْ. وَ دَا، مَلِكْ بَلَدْ أَشُورْ وَ كُلَّ عَظَمَتَهْ. هُو يَطْلَعْ فَوْق مِنْ بَكَانْ مَرْقَدَهْ وَ يُفُوتْ حُدُودَهْ الْأَوَّلْ.

زَبُور 78:31

وَ طَوَّالِي غَضَبْ الرَّبّ قَمَّ ضِدُّهُمْ وَ كَتَلْ فِي أُسُطْهُمْ النَّاسْ الشُّدَادْ أَيْوَى، كَمَّلْ صُبْيَانْ إِسْرَائِيلْ.

إشَعْيا 31:9

وَ عَسْكَرْهَا الْفَحَلِينْ يَجْرُوا مِنْ الْخَوْف وَ كُبَارَاتْهَا يِنْبَهْتُوا قِدَّامْ الرَّايَةْ.» وَ دَا كَلَامْ اللّٰهْ الْعِنْدَهْ نَارْ فِي جَبَلْ صَهْيُون وَ عِنْدَهْ فُرُنْ فِي مَدِينَةْ الْقُدُسْ.

إرْمِيا 21:14

وَ لَاكِنْ أَنَا نُقُمّ نِعَاقِبْكُو حَسَبْ نَتِيجَةْ عَمَلْكُو. وَ نِقَبِّضْ نَارْ فِي الْغَابَةْ وَ النَّارْ دِي تَاكُلْ كُلَّ الْحَوَالَيْهَا.» وَ دَا كَلَامْ اللّٰهْ.

حِزْقِيال 34:16

الْغَنَمَايْ الرَّايْحَةْ، نِفَتِّشْهَا وَ الْمُوَدِّرَةْ، نِجِيبْهَا وَ الرِّجِلْهَا مَكْسُورَةْ، نَرْبُطْهَا وَ الضَّعِيفَةْ، نِقَوِّيهَا. وَ لَاكِنْ التِّسَمِّنْ نَفِسْهَا أَوْ التِّوَصِّفْ قُدْرِتْهَا، نِدَمِّرْهَا. وَ نَسْرَحْ بِغَنَمِي بِعَدَالَةْ.»

نَاحُوم 1:12

وَ دَاهُو اللّٰهْ قَالْ: «يَا شَعَبْ بَلَدْ يَهُوذَا، كَنْ عُدْوَانْكُو لَمَّوْا وَ كِتْرَوْا كُلَ، يَنْقُصُوا وَ يِكَمُّلُوا. وَ كَنْ أَوَّلْ أَنَا ضَايَقْتُكُو كُلَ بَتَّانْ مَا نِضَايِقْكُو.

صَفَنْيا 2:13

اللّٰهْ يَرْفَعْ إِيدَهْ ضِدّ بَلَدْ الْمُنْشَاقْ وَ يِدَمِّرْ بَلَدْ أَشُورْ. مَدِينَةْ نِينَوَى تَبْقَى أَرْض خَرْبَانَةْ وَ جَفَافْ مِثِلْ الصَّحَرَاءْ.

إشَعْيا 9:4

أَشَانْ إِنْتَ رَفَعْت التَّقَلَةْ الْفَوْقهُمْ وَ الدَّامِي الْفِي كَتَافَيْهُمْ وَ كَسَّرْت عَصَاةْ الْمُضَايِقْ مِثِلْ نَجَّيْتهُمْ مِنْ نَاسْ مِدْيَانْ فِي الْيَوْم دَاكْ.

إشَعْيا 26:11

يَا اللّٰهْ! إِيدَكْ مَرْفُوعَةْ فَوْق وَ هُمَّنْ مَا شَافَوْهَا. يِشِيفُوا مَحَبِّتَكْ الشَّدِيدَةْ لِشَعَبَكْ وَ الْعَيْب يَكْرُبْهُمْ وَ النَّارْ الْجَهَّزْتَهَا لِعُدْوَانَكْ تَاكُلْهُمْ.

إرْمِيا 48:14

«يَا نَاسْ مُوَابْ، كِكَّيْف تَقْدَرَوْا تُقُولُوا: ‹أَنِحْنَ رُجَالْ فَحَلِينْ وَ فُرَّاسْ هَنَا حَرِبْ؟›

زَكَرِيَّا 7:4

وَ دَاهُو اللّٰهْ الْقَادِرْ حَجَّى لَيِّ وَ قَالْ: