إشَعْيا 10:15 - الكتاب المقدس بالعربي الدارجي هنا تشاد

¹⁵ وَ اللّٰهْ قَالْ: «هَلْ الْفَاسْ تِفْشُرْ فِي سِيدْهَا الْيَقْطَعْ بَيْهَا وَلَّا؟ هَلْ الْمُنْشَارْ يِلْعَلَّى فِي الْيِسْتَعْمَلَهْ وَلَّا؟ وَ دَا مِثِلْ الْعَصَاةْ تِحَرِّكْ الْإِيدْ التَّرْفَعْهَا وَلَّا مِثِلْ الدُّقُلْ يِقِلّ الْإِنْسَانْ!

إشَعْيا 10:15 Referenca të Kryqëzuara

إشَعْيا 45:9

الْعَذَابْ لِلنَّادُمْ الْيِهَارِجْ الْكَوَّنَهْ هُو الْمِثِلْ جَرّ الطِّينَةْ فِي أُسْط الْجِرَارْ. هَلْ الطِّينَةْ تَقْدَرْ تُقُولْ لِلْيُدُقَّهَا: «تِسَوِّي شُنُو؟» هَلْ الْجَرّ يَقْدَرْ يُقُولْ لِلدَّقَّاقْ: «إِنْتَ مَا عِنْدَكْ إِيدْ وَلَّا؟»

إشَعْيا 10:5

الْعَذَابْ لِمَلِكْ بَلَدْ أَشُورْ! هُو عَصَاةْ زَعَلِي وَ نِنَزِّلْ غَضَبِي بِالْعَصَاةْ الْفِي إِيدَهْ.

إشَعْيا 29:16

إِنْتُو تِخَلْبُطُوا كُلَّ شَيّءْ! هَلْ دَقَّاقْ الْجِرَارْ يَبْقَى مِثِلْ الطِّينَةْ وَلَّا؟ هَلْ الْخِدْمَةْ تَقْدَرْ تُقُولْ لِلْخَدَّامْ: «إِنْتَ مَا كَوَّنْتِنِي»؟ هَلْ الْجَرّ يَقْدَرْ يُقُولْ لِلدَّقَّاقْ: «إِنْتَ مَا عِنْدَكْ فِهِمْ»؟

حِزْقِيال 28:9

هَلْ قِدَّامْ الْيَكْتُلُوكْ، تَقْدَرْ تِلْفَشَّرْ وَ تُقُولْ: ‹أَنَا إِلٰـهْ› وَلَّا؟ لَاكِنْ إِنْتَ إِنْسَانْ بَسْ، مَا إِلٰـهْ وَ قَاعِدْ تِحِتْ إِيدَيْ الْيَكْتُلُوكْ.

إشَعْيا 7:20

وَ فِي الْيَوْم دَا، الرَّبّ يِأَجِّرْ مُوسْ وَ هُو مَلِكْ بَلَدْ أَشُورْ. وَ يِجِيبَهْ مِنْ غَادِي لِبَحَرْ الْفُرَاتْ. وَ بَيَّهْ الرَّبّ يِزَيِّنْ الرَّاسْ وَ كُلَّ صُوفْ الْجِلِدْ وَ الدِّقِنْ كُلَ يِسِلَّهَا.

إشَعْيا 37:23

لِيَاتُو إِنْتَ عَيَّرْتَهْ وَ أَشَّمَّتْ فَوْقَهْ؟ وَ ضِدّ يَاتُو إِنْتَ كَلَّمْت وَ شِفْت بِإِسْتِكْبَارْ؟ دَا ضِدِّي أَنَا، قُدُّوسْ إِسْرَائِيلْ!