إشَعْيا 10:13 - الكتاب المقدس بالعربي الدارجي هنا تشاد

¹³ أَشَانْ الْمَلِكْ دَا قَالْ: ‹بِقُدْرَةْ إِيدِي، أَنَا سَوَّيْت كُلَّ الشَّيّءْ دَا وَ بِحِكْمَتِي، أَنَا بِقِيتْ فَاهِمْ. أَنَا غَيَّرْت حُدُودْ الشُّعُوبْ وَ نَهَبْت مَالْهُمْ وَ بِفَرَاسِيَّةْ نَزَّلْت مُلُوكْ مِنْ كَرَاسِيهُمْ.

إشَعْيا 10:13 Referenca të Kryqëzuara

دَنْيال 4:30

وَ قَالْ: «دِي مَا بَابِلْ الْكَبِيرَةْ الْأَنَا بَنَيْتهَا أَشَانْ تَبْقَى عَاصِمَةْ لِمَمْلَكَتِي وَلَّا؟ وَ أَنَا بَنَيْتهَا بِقُدُرْتِي وَ قُوِّتِي وَ شَرَفِي وَ مَجْدِي.»

تَثْنِية 8:17

أَنْقَرْعُوا، مَا تُقُولُوا فِي قُلُوبْكُو: «بِجُهُدْنَا وَ قُدْرَةْ دُرَاعْنَا أَنِحْنَ لِقِينَا الْغُنَى دِي.»

حَبَقُوق 1:16

وَ فِي شَانْ دَا، هُو دَبَحْ ضَحِيَّةْ لِشَرَكَهْ وَ حَرَّقْ بَخُورْ لِشَبَكَتَهْ. أَشَانْ بَيْهُمْ بَسْ، هُو كَبَّرْ قِسْمَهْ وَ كَتَّرْ مَعَاشَهْ.

عَمُوس 6:13

وَ إِنْتُو تَفْرَحَوْا أَشَانْ نَصَرْتُوا فِي حِلَّةْ لُودَبَارْ وَ تُقُولُوا: «بِقُدْرِتْنَا بَسْ، شِلْنَا حِلَّةْ قَرْنَايِمْ.»

عَمُوس 5:27

وَ بِسَبَبْ دَا، نِوَدِّيكُو فِي الْغُرْبَةْ غَادِي لِمَدِينَةْ دِمَشْق.» وَ دَا، اللّٰهْ بَسْ قَالَهْ وَ أُسْمَهْ اللّٰهْ الْإِلٰـهْ الْقَادِرْ.

حِزْقِيال 29:3

وَ قُولْ لَيْهُمْ: دَاهُو اللّٰهْ الرَّبّ قَالْ: ‹أَكِيدْ أَنَا نُقُمّ ضِدَّكْ، يَا فِرْعَوْن مَلِكْ مَصِرْ، إِنْتَ الْمِثِلْ تُمْسَاحْ كَبِيرْ الرَّاقِدْ فِي أُسْط النِّيلْ. وَ إِنْتَ قُلْت: ”النِّيلْ دَا هَنَايِ وَ أَنَا بَسْ خَلَقْتَهْ!“

حِزْقِيال 26:2

«يَا إِبْن آدَمْ، سُكَّانْ مَدِينَةْ صُورْ أَشَّمَّتَوْا وَ قَالَوْا لِمَدِينَةْ الْقُدُسْ: ‹بِيبَانْ الْمَدِينَةْ الْيَدْخُلُوا بَيْهُمْ الشُّعُوبْ كَسَّرَوْهُمْ! وَ تُجَّارْهَا يِوَجُّهُوا عَلَيْنَا. أَيْوَى، نَبْقَوْا غَنِيِّينْ أَشَانْ مَدِينَةْ الْقُدُسْ خِرْبَتْ خَلَاصْ.›»

حِزْقِيال 25:3

وَ قُولْ لَيْهُمْ: ‹أَسْمَعَوْا كَلَامْ اللّٰهْ الرَّبّ. دَاهُو اللّٰهْ الرَّبّ قَالْ: ”إِنْتُو أَشَّمَّتَوْا وَكِتْ مَا أَحْتَرَمَوْا بَيْتِي الْمُقَدَّسْ وَ وَكِتْ بَلَدْ إِسْرَائِيلْ خِرْبَتْ وَ بَنِي يَهُوذَا وَدَّوْهُمْ فِي الْغُرْبَةْ.

إشَعْيا 10:8

أَشَانْ هُو قَالْ: «قُيَّادِي مَا زِيَادَةْ مِنْ الْمُلُوكْ دَوْل وَلَّا؟

1 أخبار 5:26

وَ خَلَاصْ، اللّٰهْ إِلٰـهْ بَنِي إِسْرَائِيلْ لَزَّ فُولْ مَلِكْ بَلَدْ أَشُورْ وَ هُو الْأُسْمَهْ تَغْلَتْ فَلَاسَرْ. وَ تَغْلَتْ فَلَاسَرْ جَاءْ شَالْ قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى. وَ وَدَّاهُمْ فِي الْغُرْبَةْ فِي بَلَدْ أَشُورْ فِي حِلَّالْ حَلَحْ وَ حَابُرْ وَ هَارَا وَ قَرِيبْ لِبَحَرْ قُزَانْ. وَ هُمَّنْ سَاكْنِينْ هِنَاكْ لَحَدِّي الْيَوْم.

2 مُلوك 18:32

وَ دَا لَحَدِّي أَنَا نِقَبِّلْ وَ نِوَدِّيكُو فِي بَلَدْ مِثِلْ بَلَدْكُو. وَ الْبَلَدْ دِي عِنْدَهَا قَمَحْ وَ خَمَرْ جَدِيدْ وَ مَعَاشْ وَ عِنَبْ وَ زَيْتُونْ لِلدِّهِنْ وَ عَسَلْ وَ بِمِثِلْ دَا، إِنْتُو تِعِيشُوا وَ مَا تُمُوتُوا. مَا تَسْمَعَوْا كَلَامْ حِزْقِيَّا الْقَاعِدْ يُغُشُّكُو وَ يُقُولْ: ”اللّٰهْ يِنَجِّينَا.“

2 مُلوك 18:15

وَ حِزْقِيَّا أَنْطَاهْ كُلَّ الْفُضَّةْ الْقَاعِدَةْ فِي بَيْت اللّٰهْ وَ فِي الْمَخَازِنْ هَنَا قَصِرْ الْمَلِكْ.

2 مُلوك 18:11

وَ مَلِكْ أَشُورْ وَدَّى نَاسْ مَمْلَكَةْ إِسْرَائِيلْ فِي الْغُرْبَةْ فِي بَلَدْ أَشُورْ. وَ هُو سَكَّنَاهُمْ فِي حِلَّةْ حَلَحْ وَ فِي خَشُمْ بَحَرْ حَابُرْ فِي مَنْطَقَةْ قُزَانْ وَ فِي حِلَّالْ الْمَادِيِّينْ.

2 مُلوك 17:24

وَ مَلِكْ بَلَدْ أَشُورْ جَابْ نَاسْ مِنْ مَدِينَةْ بَابِلْ وَ مِنْ حِلَّالْ كُوتَةْ وَ عَوَّا وَ حَمَاتْ وَ سَفَرْوَايِمْ وَ سَكَّنَاهُمْ فِي الْحِلَّالْ هَنَا مَدِينَةْ السَّامِرَةْ فِي بَدَلْ نَاسْ مَمْلَكَةْ إِسْرَائِيلْ. وَ النَّاسْ دَوْل شَالَوْا مَدِينَةْ السَّامِرَةْ وَ سَكَنَوْا فِي حِلَّالْهَا.

2 مُلوك 17:6

وَ فِي السَّنَةْ التَّاسْعَةْ هَنَا حُكُمْ هُوشَعْ، مَلِكْ أَشُورْ شَالْ مَدِينَةْ السَّامِرَةْ وَ وَدَّى نَاسْ مَمْلَكَةْ إِسْرَائِيلْ فِي الْغُرْبَةْ فِي بَلَدْ أَشُورْ. وَ هُو سَكَّنَاهُمْ فِي حِلَّةْ حَلَحْ فِي خَشُمْ بَحَرْ حَابُرْ فِي مَنْطَقَةْ قُزَانْ وَ فِي حِلَّالْ الْمَادِيِّينْ.

2 مُلوك 16:8

وَ أَحَازْ شَالْ الْفُضَّةْ وَ الدَّهَبْ مِنْ بَيْت اللّٰهْ وَ مَخَازِنْ هَنَا قَصِرْ الْمَلِكْ وَ رَسَّلَاهُمْ لِمَلِكْ أَشُورْ مِثِلْ هَدِيَّةْ.

2 مُلوك 15:29

وَ وَكِتْ الْفَقَحْ قَاعِدْ يَمْلُكْ فِي مَمْلَكَةْ إِسْرَائِيلْ، تَغْلَتْ فَلَاسَرْ مَلِكْ بَلَدْ أَشُورْ جَاءْ وَ شَالْ حِلَّالْ عِيُونْ وَ آبِلْ بَيْت مَعَاكَةْ وَ يَنُوحْ وَ قَدَشْ وَ حَاصُورْ وَ تُرَابْ قِلْعَادْ وَ بَلَدْ الْجَلِيلْ وَ كُلَّ أَرْض نَفْتَالِي. وَ وَدَّى سُكَّانْهُمْ فِي الْغُرْبَةْ فِي بَلَدْ أَشُورْ.

إرْمِيا 46:8

دِي مَصِرْ تَطْلَعْ مِثِلْ النِّيلْ وَ تَتْرَعْ مِثِلْ الْبُحُورْ. هِي تُقُولْ: «أَنَا نَطْلَعْ وَ نِغَطِّي الْأَرْض وَ نِدَمِّرْ مُدُنْ بِسُكَّانْهُمْ.

إرْمِيا 48:14

«يَا نَاسْ مُوَابْ، كِكَّيْف تَقْدَرَوْا تُقُولُوا: ‹أَنِحْنَ رُجَالْ فَحَلِينْ وَ فُرَّاسْ هَنَا حَرِبْ؟›

حِزْقِيال 35:13

إِنْتَ حَجَّيْت فَوْقِي بِإِسْتِكْبَارْ وَ كَتَّرْت كَلَامَكْ ضِدِّي وَ أَنَا سِمِعْتَهْ.›»

حَبَقُوق 2:6

وَ كُلَّ النَّاسْ دَوْل مَا يَضُرْبُوا بَيَّهْ مَثَلْ وَلَّا؟ وَ مَا يِشَّمَّتَوْا لَيَّهْ وَلَّا؟» وَ يُقُولُوا: «الْعَذَابْ لِلْيَغْنِي نَفْسَهْ بِخُمَامْ الْمَا حَقَّهْ. وَ دَا يَقْعُدْ لَحَدِّي مَتَى؟ وَ بَيْدَا، هُو يِزِيدْ الدُّيُونْ فِي رَاسَهْ.

قُضياء 7:2

وَ اللّٰهْ قَالْ لِقِدْعُونْ: «الشَّعَبْ الْمَعَاكْ دَوْل كَتِيرِينْ مَرَّةْ وَاحِدْ. وَ كَنْ أَنَا نِسَلِّمْ لَيْهُمْ الْمِدْيَانِيِّينْ فِي إِيدَيْهُمْ، بَنِي إِسْرَائِيلْ يِفْشُرُوا بِنُفُوسْهُمْ وَ يُقُولُوا: ‹بِدُرَاعْنَا بَسْ نَجَّيْنَا نُفُوسْنَا.›

أمْثال 28:11

الْغَنِيْ كَنْ يِشِيفْ نَفْسَهْ حَكِيمْ كُلَ، الْفَقْرِي الْفَاهِمْ يَقْدَرْ يَعَرِفْ الْفِي قَلْبَهْ.

إشَعْيا 5:21

الْعَذَابْ لِلْيِشِيفُوا نُفُوسْهُمْ حَكِيمِينْ وَ يَجْعَلَوْا نُفُوسْهُمْ فَاهِمِينْ!

دَنْيال 4:27

«فِي شَانْ دَا، يَا الْمَلِكْ، مِنْ فَضْلَكْ كَنْ قَاسِي لَيْك كُلَ، أَسْمَعْ كَلَامِي. خَلِّي مِنَّكْ الذَّنِبْ وَ سَوِّي الْعَدَالَةْ وَ خَلِّي الْخَطَايَا وَ أَرْحَمْ الْمَسَاكِينْ. وَ بَيْدَا، نَفْسَكْ تُكُونْ مُرْتَاحَةْ دَايْماً.»

حَبَقُوق 1:11

وَ يَجُوا وَ يُفُوتُوا مِثِلْ الرِّيحْ. فِي خَطَاهُمْ، يِشِيفُوا قُوِّتْهُمْ مِثِلْ إِلٰـهُّمْ.»