إشَعْيا 1:9 - الكتاب المقدس بالعربي الدارجي هنا تشاد

⁹ وَ كَنْ اللّٰهْ الْقَادِرْ مَا خَلَّى لَيْنَا نَاسْ شِيَّةْ النِّجَوْا، أَنِحْنَ نِدَّمَّرَوْا مِثِلْ نَاسْ سَدُومْ وَ نَهْلَكَوْا مِثِلْ نَاسْ عَمُورَةْ.

إشَعْيا 1:9 Referenca të Kryqëzuara

رَوْمَا 9:29

وَ يَبْقَى مِثِلْ إِشَعْيَا قَالْ يَبْقَى. هُو قَالْ: <كَنْ أَوَّلْ اللّٰهْ الْقَادِرْ مَا خَلَّى لَيْنَا ذُرِّيَّةْ، أَنِحْنَ نِدَّمَّرَوْا مِثِلْ نَاسْ سَدُومْ وَ نَهْلَكَوْا مِثِلْ نَاسْ عَمُورَةْ.>

تكوين 19:24

وَ فِي الْوَكِتْ دَا، اللّٰهْ نَزَّلْ مِنْ السَّمَاءْ كِبْرِيتْ وَ مَطَرَةْ هَنَا نَارْ شَدِيدَةْ فِي سَدُومْ وَ عَمُورَةْ.

مَراثِي إرْمِيا 3:22

خَيْر اللّٰهْ أَبَداً مَا يِنْقَطِعْ وَ رَحْمَتَهْ أَبَداً مَا تِكَمِّلْ!

عَمُوس 4:11

«وَ دَمَّرْتُكُو مِثِلْ دَمَّرْت حِلَّالْ سَدُومْ وَ عَمُورَةْ وَ دَمَارْهُمْ دَا جَاءْ مِنِّي أَنَا إِلٰـهُّمْ. وَ بِقِيتُوا مِثِلْ الْمُشْهَابْ الْمَرَقَوْه مِنْ النَّارْ وَ بَيْدَا كُلَ، مَا تُبْتُوا.» وَ دَا كَلَامْ اللّٰهْ.

إشَعْيا 37:4

وَ أَكُونْ اللّٰهْ إِلٰـهَكْ يَسْمَعْ كَلَامْ قَايِدْ الدَّيْش السِّيدَهْ مَلِكْ بَلَدْ أَشُورْ رَسَّلَهْ لِيِعَيِّرْ اللّٰهْ الْحَيّ. وَ أَكُونْ اللّٰهْ إِلٰـهَكْ يَسْمَعْ كَلَامَهْ وَ يِعَاقِبَهْ. هَسَّعْ دَا، أَسْأَلْ اللّٰهْ فِي شَانْ الشَّعَبْ الْفَضَّلَوْا.›»

إشَعْيا 24:13

وَ خَلَاصْ فِي أُسْط الْأَرْض وَ بَيْن الشُّعُوبْ مَا يِفَضِّلْ شَيّءْ مِثِلْ الزَّيْتُونْ بَعَدْ الْقَطِعْ وَ الْعِنَبْ الْفَضَّلْ كِشَّيْب.

إشَعْيا 17:6

الْيِفَضِّلْ مِنْهُمْ يَبْقَى شِيَّةْ مِثِلْ الْكِشَّيْب أَوْ مِثِلْ الْفَضَّلْ بَعَدْ حَتَّوْا شَدَرْ الزَّيْتُونْ. وَاحِدْ أَوْ تِنَيْن يِفَضُّلُوا فَوْق فِي رَاسْ الشَّدَرَةْ وَ أَرْبَعَةْ أَوْ خَمْسَةْ فِي الْفُرُوعْ. وَ دَا كَلَامْ اللّٰهْ إِلٰـهْ بَنِي إِسْرَائِيلْ.

إشَعْيا 6:13

وَ حَتَّى كَنْ فَضَّلَوْا عُشُرْ مِنْ السُّكَّانْ كُلَ، بَتَّانْ يَحْرَقَوْا بِنَارْ. وَ هُمَّنْ يَبْقَوْا مِثِلْ شَدَرْ الْبُطُمْ أَوْ الْبَلُّوطْ الْقَطَعَوْه. يِفَضِّلْ إِلَّا دُنْبُرَهْ لَاكِنْ دُنْبُرَهْ يِجِيبْ ذُرِّيَّةْ مُقَدَّسَةْ.»

تكوين 18:32

وَ إِبْرَاهِيمْ قَالْ بَتَّانْ: «يَا رَبّ، مَا تَزْعَلْ، خَلِّي نِحَجِّي لَيْك آخِرْ مَرَّةْ. أَكُونْ فِيهَا 10 نَاسْ صَالِحِينْ!» وَ اللّٰهْ قَالْ: «أَنَا مَا نِدَمِّرْهَا حَتَّى كَانْ لِقِيتْ فَوْقهَا 10 نَاسْ صَالِحِينْ كُلَ.»

رَوْمَا 9:27

وَ لَاكِنْ فِي بَنِي إِسْرَائِيلْ النَّبِي إِشَعْيَا حَجَّى بِحِسّ عَالِي وَ قَالْ: <كَنْ بَنِي إِسْرَائِيلْ بِقَوْا كَتِيرِينْ مِثِلْ رَمْلَةْ هَنَا خَشُمْ الْبَحَرْ كُلَ، شِيَّةْ مِنْهُمْ بَسْ يَنْجَوْا.

مَتَّى 7:14

وَ لَاكِنْ الدَّرِبْ الْيِوَدِّي النَّاسْ لِلْحَيَاةْ، هُو قَاسِي بِلْحَيْن وَ بَابَهْ ضَيِّقْ مَرَّةْ وَاحِدْ. وَ نَاسْ شِيَّةْ بَسْ يَمْشُوا عَلَيَّهْ.

صَفَنْيا 2:9

وَ فِي شَانْ دَا، أَنَا نَحْلِفْ بِأُسْمِي الْحَيّ، مُوَابْ تِدَّمَّرْ مِثِلْ سَدُومْ وَ عَمُّونْ تَخْرَبْ مِثِلْ عَمُورَةْ. يَبْقَوْا بَكَانْ حَسْكَنِيتْ وَ نُقْرَةْ هِنْت مِلِحْ وَ خَرَابْ إِلَى الْأَبَدْ. وَ الْفَضَّلَوْا مِنْ شَعَبِي يَنْهَبَوْهُمْ وَ الْبَاقْيِينْ مِنْ أُمَّتِي يَقْلَعَوْا بَلَدْهُمْ.» وَ دَا كَلَامْ اللّٰهْ الْقَادِرْ إِلٰـهْ بَنِي إِسْرَائِيلْ.

حَبَقُوق 3:2

يَا اللّٰهْ، أَنَا سِمِعْت بَيْك وَ خُفْت. يَا اللّٰهْ، سَوِّي فِعِلَكْ فِي طُولْ السِّنِينْ وَ عَرِّفْنَا بَيَّهْ فِي طُولْ الْأَيَّامْ. وَ فِي وَكِتْ غَضَبَكْ كُلَ، أَرْحَمْنَا.

يُوِيل 2:32

وَ أَيِّ نَادُمْ الْيَدْعِي بِأُسُمْ اللّٰهْ يَنْجَى أَشَانْ فِي جَبَلْ صَهْيُون وَ فِي مَدِينَةْ الْقُدُسْ، يِفَضُّلُوا نَاسْ مِثِلْ اللّٰهْ قَالَهْ. وَ الْيِنَادِيهُمْ اللّٰهْ، يُكُونُوا بَيْن النَّاسْ الْيَنْجَوْا.»

حِزْقِيال 6:8

«وَ لَاكِنْ أَنَا نِفَضِّلْ مِنْكُو نَاسْ حَيِّينْ مَا يُمُوتُوا فِي الْحَرِبْ وَ نِشَتِّتْهُمْ فِي أُسْط الْأُمَمْ.

مَراثِي إرْمِيا 4:6

وَ خَطَا أُمَّتِي الْمِثِلْ بِنْت أَمِّي أَكْبَرْ مِنْ ذُنُوبْ مَدِينَةْ سَدُومْ الطَّوَّالِي أَدَّمَّرَتْ وَ مَا لِقَتْ فَزَعْ.

1 مُلوك 19:18

وَ لَاكِنْ نِخَلِّي 7 000 نَاسْ مِنْ بَنِي إِسْرَائِيلْ هُمَّنْ الْمَا سَجَدَوْا وَ لَا حَبَّوْا إِلٰـهْ بَعَلْ.»

تَثْنِية 29:23

وَ يِشِيفُوا الْكِبْرِيتْ وَ الْمِلِحْ وَ النَّارْ الْمُقَبِّضَةْ فِي كُلَّ الْبَلَدْ. وَ فِي الْوَكِتْ دَاكْ، مَا فِي نَبَاتْ وَ لَا مَعَاشْ وَ لَا قَشّ الْقَاعِدْ يُقُمّ. وَ دَا يَبْقَى مِثِلْ دَمَارْ سَدُومْ وَ عَمُورَةْ وَ أَدْمَةْ وَ صَبُويِيمْ الدَّمَّرَاهُمْ اللّٰهْ فِي زَعَلَهْ وَ غَضَبَهْ.

2 بُطْرُس 2:6

وَ نَعَرْفُوا كَدَرْ اللّٰهْ حَكَمْ لِحِلَّالْ سَدُومْ وَ عَمُورَةْ وَ حَرَّقَاهُمْ مَرَّةْ وَاحِدْ وَ جَعَلَاهُمْ مَثَلْ هَنَا الْعَذَابْ الْيَجِي لِلنَّاسْ الْفَسْلِينْ.

حِزْقِيال 14:22

دَاهُو فِيَّهْ نَاسْ وَاحِدِينْ يِفَضُّلُوا. رُجَالْ وَ عَوِينْ كُلَ، يَمُرْقُوهُمْ مِنْ الْمَدِينَةْ وَ هُمَّنْ يَجُوا لَيْكُو هِنِي فِي بَابِلْ. وَ إِنْتُو ذَاتْكُو تَعَرْفُوا دَرِبْهُمْ وَ عَمَلْهُمْ الْفَسْلِينْ. وَ خَلَاصْ، تِصَبُّرُوا نُفُوسْكُو فِي شَانْ الْفَسَالَةْ الْأَنَا جِبْتَهَا فِي مَدِينَةْ الْقُدُسْ وَ كُلَّ الْعِقَابْ الْجِبْتَهْ فَوْقهَا.

تكوين 18:26

وَ اللّٰهْ قَالْ: «تَمَامْ! كَنْ أَنَا لِقِيتْ فِي سَدُومْ 50 نَاسْ صَالِحِينْ، نِسَامِحْ كُلَّ نَاسْ الْحِلَّةْ دِي فِي شَانْ الْخَمْسِينْ دَوْل.»

رُؤية 11:8

وَ جَنَازَاتْهُمْ مُدَفِّقِينْ فِي الشَّارِعْ فِي الْمَدِينَةْ الْكَبِيرَةْ. وَ أَسَامَيْهَا بِمَثَلْ سَدُومْ وَ مَصِرْ وَ دَا الْبَكَانْ الْكَتَلَوْا فَوْقَهْ رَبُّهُمْ عِيسَى فِي الصَّلِيبْ.

2 مُلوك 19:4

وَ أَكُونْ اللّٰهْ إِلٰـهَكْ يَسْمَعْ كُلَّ كَلَامْ قَايِدْ الدَّيْش السِّيدَهْ مَلِكْ بَلَدْ أَشُورْ رَسَّلَهْ لِيِعَيِّرْ اللّٰهْ الْحَيّ. وَ أَكُونْ اللّٰهْ إِلٰـهَكْ يَسْمَعْ كَلَامَهْ وَ يِعَاقِبَهْ. هَسَّعْ دَا، أَسْأَلْ اللّٰهْ فِي شَانْ الشَّعَبْ الْفَضَّلَوْا.›»

إشَعْيا 1:8

مَدِينَةْ صَهْيُون الْمِثِلْ بِنَيَّةْ، أَبَوْهَا وَ بِقَتْ مِثِلْ لِقْدَابَةْ فِي جِنَيْنَةْ عِنَبْ بَعَدْ الْقَطِعْ. أَبَوْهَا مِثِلْ عِلِّيَّةْ فِي أُسُطْ زَرَعْ الْفَقُّوسْ وَ مِثِلْ حِلَّةْ مُحَاصَرَةْ.

إشَعْيا 11:11

وَ فِي الْيَوْم دَا، الرَّبّ يِمِدّ إِيدَهْ لِتَانِي مَرَّةْ لِيَفْدَى الْفَضَّلَوْا مِنْ شَعَبَهْ الْقَاعِدِينْ فِي بُلْدَانْ أَشُورْ وَ مَصِرْ وَ فَتْرُوسْ وَ الْحَبَشَةْ وَ عِلَامْ وَ شِنْعَارْ وَ حَمَاتْ وَ فِي جَزَايِرْ الْبَحَرْ.

إشَعْيا 11:16

وَ هِنَاكْ، هُو يِسَوِّي دَرِبْ لِلْفَضَّلَوْا مِنْ شَعَبَهْ فِي بَلَدْ أَشُورْ مِثِلْ زَمَانْ سَوَّى دَرِبْ لِبَنِي إِسْرَائِيلْ يَوْم مَرَقَوْا مِنْ بَلَدْ مَصِرْ.

إشَعْيا 46:3

«أَسْمَعَوْنِي، يَا ذُرِّيَّةْ يَعْقُوبْ وَ كُلُّكُو الْفَضَّلْتُوا مِنْ بَنِي إِسْرَائِيلْ! أَنَا شِلْت مَسْؤُولِيِّتْكُو مِنْ إِنْتُو فِي بُطُونْ أَمَّهَاتْكُو. مِنْ وِلْدَوْكُو، أَنَا شِلْتُكُو.

إشَعْيا 65:8

دَاهُو اللّٰهْ قَالْ: «وَ دَا مِثِلْ لِقَوْا عَنْقُودْ الْفَوْقَهْ عِنَبْ كَتِيرْ تَلْفَانْ وَ يُقُولُوا: ‹مَا تَزْقُلُوهْ كُلَّ كَيْ أَشَانْ وَاحِدِينْ عِنْدُهُمْ بَرَكَةْ.› مِثِلْ دَا بَسْ، أَنَا نِسَوِّي مَعَ عَبِيدِي، مَا نِدَمِّرْهُمْ كُلُّهُمْ.

إرْمِيا 23:14

وَ لَاكِنْ فِي أَنْبِيَاء مَدِينَةْ الْقُدُسْ، أَنَا شِفْت شَيّءْ مُحَرَّمْ زِيَادَةْ. هُمَّنْ قَاعِدِينْ يِسَوُّوا الزِّنَى وَ حَيَاتْهُمْ كُلَّهَا غَشّ. وَ يِشَجُّعُوا النَّاسْ الْيِسَوُّوا الْفَسَالَةْ أَشَانْ وَاحِدْ مِنْهُمْ كُلَ مَا يِقَبِّلْ مِنْ فَسَالْتَهْ. وَ كُلُّهُمْ نِشِيفْهُمْ مِثِلْ نَاسْ سَدُومْ الْفَسْلِينْ. وَ سُكَّانْ مَدِينَةْ الْقُدُسْ نِشِيفْهُمْ مِثِلْ نَاسْ عَمُورَةْ الْهَوَانِينْ.

إرْمِيا 42:2

لِلنَّبِي إِرْمِيَا. وَ قَالَوْا: «مِنْ فَضْلَكْ، شَحَدْنَاكْ وَ أَقْبَلْ دُعَانَا. أَسْأَلْ اللّٰهْ إِلٰـهَكْ فِي شَانَّا أَنِحْنَ الْفَضَّلْنَا أَشَانْ نَقَصْنَا بِقِينَا شِيَّةْ مِثِلْ إِنْتَ قَاعِدْ تِشِيفَهْ.

إرْمِيا 50:20

وَ فِي أَيَّامْ الْوَكِتْ دَا، يِفَتُّشُوا خَطَا بَنِي إِسْرَائِيلْ وَ مَا يَلْقَوْه. وَ ذَنِبْ بَنِي يَهُوذَا كُلَ مَا يِنْلَقِي أَبَداً أَشَانْ نَغْفِرْ لِلْأَنَا خَلَّيْتهُمْ فَضَّلَوْا.» وَ دَا كَلَامْ اللّٰهْ.

إشَعْيا 24:6

وَ سُكَّانْ الْأَرْض يِلْعَاقَبَوْا بِسَبَبْ خَطَاهُمْ وَ فِي شَانْ دَا بَسْ، اللَّعَنَةْ تَلْحَقْ الْأَرْض. وَ بَيْدَا، سُكَّانْ الْأَرْض يَحْرَقَوْا وَ يِفَضُّلُوا مِنْهُمْ شِيَّةْ بَسْ.