إشَعْيا 1:8 - الكتاب المقدس بالعربي الدارجي هنا تشاد

⁸ مَدِينَةْ صَهْيُون الْمِثِلْ بِنَيَّةْ، أَبَوْهَا وَ بِقَتْ مِثِلْ لِقْدَابَةْ فِي جِنَيْنَةْ عِنَبْ بَعَدْ الْقَطِعْ. أَبَوْهَا مِثِلْ عِلِّيَّةْ فِي أُسُطْ زَرَعْ الْفَقُّوسْ وَ مِثِلْ حِلَّةْ مُحَاصَرَةْ.

إشَعْيا 1:8 Referenca të Kryqëzuara

زَكَرِيَّا 9:9

«يَا صَهْيُون الْمِثِلْ بِنَيَّةْ، أَفْرَحَيْ زِيَادَةْ! عِيطِي بِفَرَحْ، يَا مَدِينَةْ الْقُدُسْ الْمِثِلْ بِنَيَّةْ! دَاهُو مَلِكِّ جَايِ لَيْكِ. هُو عَادِلْ وَ مُنَّصِرْ. هُو مِسْكِينْ وَ رَاكِبْ فِي حُمَارْ، فِي دَحَشْ وِلَيْد حُمَارَةْ.

يُوحَنَّا 12:15

<يَا صَهْيُون الْمِثِلْ بِنَيَّةْ، مَا تَخَافَيْ. دَاهُو مَلِكِّ جَايِ لَيْكِ رَاكِبْ فِي دَحَشْ وِلَيْد حُمَارَةْ.>

زَكَرِيَّا 2:10

دَاهُو كَلَامْ اللّٰهْ: «زَغْرِطِي وَ أَفْرَحَيْ، يَا صَهْيُون الْمِثِلْ بِنَيَّةْ، أَشَانْ دَاهُو أَنَا جَايِ نَسْكُنْ فِي أُسُطْكِ.

إشَعْيا 62:11

وَ دَاهُو اللّٰهْ خَبَّرْ لَحَدِّي آخِرْ الْأَرْض وَ قَالْ: «قُولُوا لِسُكَّانْ صَهْيُون الْمِثِلْ بِنَيَّةْ: ‹دَاهُو مُنَجِّيكُو جَايِ وَ مَاحِيّتَهْ مَعَايَهْ وَ قِدَّامَهْ مُكَافَاتَهْ.›»

إشَعْيا 10:32

وَ فِي نَفْس الْيَوْم، عَسْكَرْ أَشُورْ يَقِيفُوا فِي حِلَّةْ نُوبْ وَ يَرْفَعَوْا إِيدَيْهُمْ ضِدّ جَبَلْ صَهْيُون الْمِثِلْ بِنَيَّةْ وَ دَا حَجَرْ الْفَوْقَهْ مَدِينَةْ الْقُدُسْ.

مَراثِي إرْمِيا 2:6

هُو خَرَبْ زَرِيبْتَهْ مِثِلْ زَرِيبَةْ هَنَا جِنَيْنَةْ وَ اللّٰهْ دَمَّرْ بَكَانَهْ هَنَا الْمَلَمَّةْ. وَ فِي صَهْيُون، هُو نَسَّاهُمْ يَوْم الْعِيدْ وَ يَوْم السَّبْت. وَ مِنْ شِدَّةْ غَضَبَهْ، هُو أَبَاهُمْ لِلْمُلُوكْ وَ رُجَالْ الدِّينْ.

مَراثِي إرْمِيا 2:1

يَا السَّلَامْ! فِي غَضَبَهْ، الرَّبّ غَطَّى بِالضَّلَامْ مَدِينَةْ صَهْيُون الْمِثِلْ بِنَيَّةْ. مِنْ السَّمَاءْ، رَمَى مَجْد إِسْرَائِيلْ فِي الْأَرْض وَ فِي يَوْم غَضَبَهْ، مَا فَكَّرْ فِي بَيْتَهْ الْمُقَدَّسْ.

إشَعْيا 37:22

وَ إِشَعْيَا قَالْ بَتَّانْ: «دَاهُو كَلَامْ اللّٰهْ الْقَالَهْ ضِدّ سَنْحَرِيبْ: ‹صَهْيُون الْمِثِلْ بِنَيَّةْ عُدْرِيَّةْ تَحْقِرَكْ وَ تِشَّمَّتْ فَوْقَكْ! أَيْوَى! مَدِينَةْ الْقُدُسْ الْمِثِلْ بِنَيَّةْ تِهِزّ رَاسْهَا وَرَاكْ.

إشَعْيا 4:4

وَ دَا، بَعَدْ الرَّبّ يِنَضِّفْ وَسَاخَةْ بَنَاتْ صَهْيُون. أَيْوَى، يِغَسِّلْ مَدِينَةْ الْقُدُسْ مِنْ الدَّمّ الْفَوْقهَا بِالْحُكُمْ وَ بِالنَّارْ.

زَبُور 9:14

أَشَانْ نِحَجِّي بِكُلَّ شُكْرَكْ فِي بِيبَانْ صَهْيُون الْمِثِلْ بِنَيَّةْ وَ نَفْرَحْ بِسَبَبْ نَجَاتَكْ.

أيُّوب 27:18

الْعَاصِي بَنَى بَيْتَهْ ضَعِيفْ مِثِلْ بَيْت الْعِتَّةْ وَ مَا يِطَوِّلْ مِثِلْ عِلِّيَّةْ الْيِهَاهِي الطَّيْر.

إرْمِيا 4:17

وَ مِثِلْ حُرَّاسْ الزَّرَعْ، هُمَّنْ حَوَّقَوْا مَدِينَةْ الْقُدُسْ مِنْ كُلِّ جِيهَةْ أَشَانْ هِي عِصَتْنِي أَنَا.› وَ دَا كَلَامْ اللّٰهْ.

إشَعْيا 8:8

وَ يَاكُلْ بَلَدْ يَهُوذَا وَ يِسِيلْ وَ يِنَيِّلْ وَ يَلْحَقْ لَحَدِّي الرَّقَبَةْ. وَ رُجُولَهْ يَمْلَوْا عُرْض بَلَدَكْ، يَا عِمَّانُوِيل.»

إشَعْيا 1:7

بَلَدْكُو خِرْبَتْ وَ مُدُنْكُو حِرْقَوْا. الْأَجَانِبْ يَاكُلُوا إِنْتَاجْ أَرْضُكُو قِدَّامْكُو. هِي خِرْبَتْ وَ الْأَجَانِبْ دَمَّرَوْهَا.

إشَعْيا 1:9

وَ كَنْ اللّٰهْ الْقَادِرْ مَا خَلَّى لَيْنَا نَاسْ شِيَّةْ النِّجَوْا، أَنِحْنَ نِدَّمَّرَوْا مِثِلْ نَاسْ سَدُومْ وَ نَهْلَكَوْا مِثِلْ نَاسْ عَمُورَةْ.

إشَعْيا 49:21

وَ إِنْتِ تُقُولِي فِي قَلِبْكِ: ‹هُمَّنْ دَوْل، يَاتِي وِلْدَتْهُمْ لَيِّ؟ أَشَانْ أَوَّلْ مَا عِنْدِي عِيَالْ وَ عَاقْرَةْ. أَنَا وَدَّوْنِي فِي الْغُرْبَةْ وَ بِقِيتْ مَعْزُولَةْ. يَاتُو الرَّبَّاهُمْ؟ وَكِتْ أَنَا قَاعِدَةْ وِحَيْدِي، هُمَّنْ دَوْل قَاعِدِينْ وَيْن؟›»

إرْمِيا 6:2

وَ اللّٰهْ قَالْ: «صَهْيُون الْمِثِلْ بِنَيَّةْ جَمِيلَةْ وَ لَطِيفَةْ، أَنَا نِدَمِّرْهَا.

إشَعْيا 29:3

يَا مَدِينَةْ الْقُدُسْ، نَجِي بِعَسْكَرِي وَ نِحَوِّقْكِ وَ نُقُمّ ضِدِّكِ وَ نِحَاصِرْكِ وَ نَبْنِي خَنَادِقْ وَرَاءْ دُرْدُرْكِ.

إشَعْيا 30:17

أَلِفْ نَاسْ يِعَرُّدُوا مِنْ عَدُو وَاحِدْ وَ مِنْ خَمْسَةْ، كُلُّكُو تِعَرُّدُوا لَحَدِّي تِنْهَزْمُوا وَ تَبْقَوْا شِيَّةْ مِثِلْ عَلَامَةْ فِي رَاسْ الْحَجَرْ وَ مِثِلْ رَايَةْ فِي رَاسْ الْجَبَلْ.»

إشَعْيا 37:4

وَ أَكُونْ اللّٰهْ إِلٰـهَكْ يَسْمَعْ كَلَامْ قَايِدْ الدَّيْش السِّيدَهْ مَلِكْ بَلَدْ أَشُورْ رَسَّلَهْ لِيِعَيِّرْ اللّٰهْ الْحَيّ. وَ أَكُونْ اللّٰهْ إِلٰـهَكْ يَسْمَعْ كَلَامَهْ وَ يِعَاقِبَهْ. هَسَّعْ دَا، أَسْأَلْ اللّٰهْ فِي شَانْ الشَّعَبْ الْفَضَّلَوْا.›»