إشَعْيا 1:7 - الكتاب المقدس بالعربي الدارجي هنا تشاد

⁷ بَلَدْكُو خِرْبَتْ وَ مُدُنْكُو حِرْقَوْا. الْأَجَانِبْ يَاكُلُوا إِنْتَاجْ أَرْضُكُو قِدَّامْكُو. هِي خِرْبَتْ وَ الْأَجَانِبْ دَمَّرَوْهَا.

إشَعْيا 1:7 Referenca të Kryqëzuara

مَراثِي إرْمِيا 5:2

الْآخَرِينْ شَالَوْا وَرَثَةْ جُدُودْنَا وَ أَجْنَبِيِّينْ سَكَنَوْا فِي بُيُوتْنَا.

تَثْنِية 28:43

وَ الْأَجَانِبْ الْقَاعِدِينْ فِي أُسُطْكُو يَبْقَوْا دَايْماً عَالِيِينْ مِنْ فَوْق لَيْكُو وَ إِنْتُو كَمَانْ دَايْماً تَبْقَوْا تِحِتْ.

تَثْنِية 28:33

وَ شُعُوبْ الْمَا تَعَرْفُوهُمْ يَاكُلُوا إِنْتَاجْ أَرْضُكُو وَ نَتِيجَةْ خِدْمِتْكُو. وَ إِنْتُو تِنْظَلْمُوا وَ تَتْعَبَوْا كُلَّ يَوْم.

هُوشَع 7:9

الْأَجَانِبْ دَوْل كَمَّلَوْا قُدْرِتْهُمْ وَ هُمَّنْ مَا يَعَرْفُوهْ. أَبْ شِيَّيْب جَاءْ لَيْهُمْ وَ هُمَّنْ مَا يَعَرْفُوهْ.

حِزْقِيال 30:12

أَنَا نِيَبِّسْ النِّيلْ وَ نِبِيعْ الْبَلَدْ لِلْفَسْلِينْ. وَ نِدَمِّرْ الْبَلَدْ وَ كُلَّ شَيّءْ الْفِيهَا بِإِيدْ الْأَجَانِبْ. وَ دَا، أَنَا اللّٰهْ بَسْ قُلْتَهْ.»

2 أخبار 28:5

وَ خَلَاصْ، اللّٰهْ إِلٰـهَهْ سَلَّمَهْ فِي إِيدْ مَلِكْ بَلَدْ أَرَامْ. هُو حَارَبَهْ وَ كَرَبْ مِنَّهْ نَاسْ كَتِيرِينْ وَ سَوَّاهُمْ مَسَاجِينْ وَ وَدَّاهُمْ مَدِينَةْ دِمَشْق. وَ بَتَّانْ، اللّٰهْ سَلَّمَهْ فِي إِيدْ فَقَحْ وِلَيْد رَمَلْيَا مَلِكْ مَمْلَكَةْ إِسْرَائِيلْ وَ هُو كُلَ أَنَّصَرْ فَوْقَهْ نَصُرْ كَبِيرْ.

هُوشَع 8:7

إِنْتُو زَرَعْتُوا الرِّيحْ وَ خَلَاصْ، تَقْطَعَوْا أَمْ زَوْبَعَانَةْ. الْقَمَحْ بَلَا قَنْدُولْ مَا يَنْطِي دَقِيقْ وَ كَنْ أَنْطَى دَقِيقْ كُلَ، الْأَجَانِبْ بَسْ يَاكُلُوهْ.

إرْمِيا 6:8

يَا مَدِينَةْ الْقُدُسْ، أَنْقَرْعِي! مَا تِقِلِّي أَدَبْكِ! كَنْ مَا كَيْ دَا، نِخَلِّيكِ وَ تَبْقَيْ صَحَرَاء وَ أَرْض مَا مَسْكُونَةْ.»

إرْمِيا 2:15

عُدْوَانْهُمْ مِثِلْ دِيدَانْ الْيِكِرُّوا وَ حِسُّهُمْ أَنْسَمَعْ. خَرَبَوْا بَلَدْهُمْ وَ تَشَّوْا مُدُنْهُمْ وَ طَرَدَوْا سُكَّانْهُمْ.

إشَعْيا 34:9

وَ وُدْيَانْ أَدَوْم يِغَيُّرُوا وَ يِنْمَلُوا قُطْرَانْ وَ تُرَابْهَا يَبْقَى كِبْرِيتْ وَ الْبَلَدْ تَبْقَى مِثِلْ قُطْرَانْ مُحْرِقْ.

إشَعْيا 9:5

وَ أَيِّ نَعَالْ عَدُو التَّفْجَقْ وَ تِرَجِّفْ وَ أَيِّ خَلَقْ الدَّسَّوْه فِي دَمّ، خَلَاصْ يَزْقُلُوهُمْ فِي أَمْ بَلْبَالَةْ وَ النَّارْ تَاكُلْهُمْ.

إشَعْيا 6:11

وَ أَنَا قُلْت: «دَا لِمَتَى، يَا رَبِّي؟» وَ هُو قَالْ: «لَحَدِّي كُلَّ الْمُدُنْ يِدَّمَّرَوْا وَ يَبْقَوْا فَاضِيِينْ مِنْ سُكَّانْهُمْ وَ الْبُيُوتْ يَبْقَوْا بَلَا نَاسْ وَ الْأَرْض تِدَّمَّرْ وَ تَخْرَبْ.

إشَعْيا 5:17

الْحُمْلَانْ يَسْرَحَوْا فِي الْحِلَّةْ الْخَرْبَانَةْ مِثِلْ فِي مَرْعَاهُمْ وَ الْغَنَمْ السُّمَانْ يَاكُلُوا فِي بَكَانْهَا الْخَرَابْ.

إشَعْيا 5:9

بِأُدْنَيِّ، أَنَا سِمِعْت حَلِيفَةْ اللّٰهْ الْقَادِرْ، هُو قَالْ: «عَدَدْ كَبِيرْ هَنَا بُيُوتْ يَخْرَبَوْا أَيْوَى، هُمَّنْ بُيُوتْ كُبَارْ وَ سَمْحِينْ وَ يَبْقَوْا فَاضِيِينْ مِنْ سُكَّانْهُمْ.

زَبُور 107:39

لَاكِنْ الْآخَرِينْ يَنْقُصُوا وَ ضُهُورْهُمْ يِنْكَسْرُوا بِسَبَبْ الْمُضَايَقَةْ وَ الْفَسَالَةْ وَ الْحِزِنْ.

زَبُور 107:34

وَ الْأَرْض الْعَدِيلَةْ بِأَرْض مِلِحْ. وَ دَا بِسَبَبْ فَسَالَةْ سُكَّانْهَا.

لاوِيِّين 26:34

«وَ كُلَّ الْوَكِتْ الْإِنْتُو قَاعِدِينْ فَوْقَهْ فِي بَلَدْ عُدْوَانْكُو، بَلَدْكُو الْخَرْبَانَةْ تِنْجَمَّ. وَ دَا يِبَدِّلْ أَيَّامْ السَّبْت الْإِنْتُو مَا أَحْتَرَمْتُوهُمْ.

لاوِيِّين 26:33

وَ كَنْ لَيْكُو إِنْتُو، نِجِيبْ لَيْكُو الْحَرِبْ وَ نِشَتِّتْكُو فِي لُبّ الْأُمَمْ. وَ بَلَدْكُو تَبْقَى خَرَابْ وَ مُدُنْكُو يِلْهَدَّمَوْا.

تَثْنِية 29:23

وَ يِشِيفُوا الْكِبْرِيتْ وَ الْمِلِحْ وَ النَّارْ الْمُقَبِّضَةْ فِي كُلَّ الْبَلَدْ. وَ فِي الْوَكِتْ دَاكْ، مَا فِي نَبَاتْ وَ لَا مَعَاشْ وَ لَا قَشّ الْقَاعِدْ يُقُمّ. وَ دَا يَبْقَى مِثِلْ دَمَارْ سَدُومْ وَ عَمُورَةْ وَ أَدْمَةْ وَ صَبُويِيمْ الدَّمَّرَاهُمْ اللّٰهْ فِي زَعَلَهْ وَ غَضَبَهْ.

زَبُور 109:11

وَ خَلِّي سِيدْ دَيْنَهْ يِشِيلْ كُلَ خُمَامَهْ وَ الْأَجْنَبِي يِشِيلْ كُلَ الشَّيّءْ الْعِنْدَهْ.

إشَعْيا 1:8

مَدِينَةْ صَهْيُون الْمِثِلْ بِنَيَّةْ، أَبَوْهَا وَ بِقَتْ مِثِلْ لِقْدَابَةْ فِي جِنَيْنَةْ عِنَبْ بَعَدْ الْقَطِعْ. أَبَوْهَا مِثِلْ عِلِّيَّةْ فِي أُسُطْ زَرَعْ الْفَقُّوسْ وَ مِثِلْ حِلَّةْ مُحَاصَرَةْ.

إشَعْيا 3:8

مَدِينَةْ الْقُدُسْ تِتَّرْتَعْ وَ بَلَدْ يَهُوذَا تَقَعْ. أَشَانْ هُمَّنْ أَتْمَرَّدَوْا ضِدّ اللّٰهْ بِكَلَامْهُمْ وَ عَمَلْهُمْ وَ أَبَوْا مَجْدَهْ.

إشَعْيا 9:18

أَشَانْ فَسَالِتْهُمْ تَحْرِقْ مِثِلْ النَّارْ التَّاكُلْ الشَّوْك وَ الْحَسْكَنِيتْ وَ تِتِشّ شَدَرْ الْغَابَةْ وَ تِطَلِّعْ عَلَيْ السَّمَاءْ عَمُودْ هَنَا دُخَّانْ.

إشَعْيا 49:19

أَيْوَى، بَكَانَاتْ بَلَدْكِ خِرْبَوْا وَ أَلْهَدَّمَوْا وَ أَدَّمَّرَوْا. وَ هَسَّعْ، إِنْتِ تَبْقَيْ ضَيْقَةْ لِسُكَّانْكِ وَ الدَّمَّرَوْكِ يِبَعُّدُوا مِنْكِ.

إشَعْيا 60:15

«يَا صَهْيُون! أَوَّلْ، خَلَّوْكِ وَ كِرْهَوْكِ وَ نَادُمْ مَا قِدِرْ يُفُوتْ بَيْكِ. لَاكِنْ هَسَّعْ، أَنَا نُخُطّ فَوْقكِ فَرَحْ دَايِمْ وَ سُرُورْ مِنْ ذُرِّيَّةْ لِذُرِّيَّةْ.

إشَعْيا 62:8

وَ بِإِيدَهْ الزَّيْنَةْ وَ بِدُرَاعَهْ الْقَوِي، اللّٰهْ سَوَّى الْحَلِيفَةْ دِي: «بَتَّانْ مَا نَنْطِي قَمَحْكِ لِعُدْوَانْكِ يَاكُلُوهْ. وَ عِيَالْ الْأَجَانِبْ مَا يَشَرْبَوْا بَتَّانْ خَمَرْكِ الْجَدِيدْ التِّعِبْتِ فَوْقَهْ.

إشَعْيا 64:10

مُدُنَكْ الْمُقَدَّسِينْ فِضَوْا وَ جَبَلْ صَهْيُون بِقَتْ صَحَرَاء وَ مَدِينَةْ الْقُدُسْ بِقَتْ بَكَانْ خَرَابْ.

إرْمِيا 4:7

مُدَمِّرْ الْأُمَمْ شَالْ الدَّرِبْ، الْعَدُو مَرَقْ مِنْ بَكَانَهْ مِثِلْ دُودْ مَرَقْ مِنْ نُقُرْتَهْ. هُو يَجِي وَ يَخْرِبْ بَلَدْكُو وَ مُدُنْكُو يَبْقَوْا فَاضِيِينْ مِنْ سُكَّانْهُمْ.

إرْمِيا 7:34

وَ فِي حِلَّالْ بَلَدْ يَهُوذَا وَ شَوَارِعْ مَدِينَةْ الْقُدُسْ، أَنَا نِوَقِّفْ كُلَّ الزَّغْرَاطْ وَ الرَّقْرَاقْ وَ غِنَيْ الْعُرْسَانْ. أَشَانْ الْبَلَدْ دِي تَخْرَبْ.»

إرْمِيا 44:6

وَ بِسَبَبْ دَا بَسْ، غَضَبِي وَ زَعَلِي قَمَّوْا ضِدُّهُمْ وَ حَرَّقَوْا حِلَّالْ بَلَدْ يَهُوذَا وَ شَوَارِعْ مَدِينَةْ الْقُدُسْ. وَ بِقَوْا كَوْم هَنَا تُرَابْ وَ بَكَانْ خَرَابْ لَحَدِّي الْيَوْم.»

حِزْقِيال 25:4

وَ فِي شَانْ دَا، أَنَا نِسَلِّمْكُو مِثِلْ وَرَثَةْ لِنَاسْ الصَّبَاحْ وَ هُمَّنْ يُخُطُّوا فُرْقَانْهُمْ فِي أُسُطْكُو وَ يَبْنُوا بُيُوتْهُمْ. وَ هُمَّنْ بَسْ يَاكُلُوا فَوَاكِهْكُو وَ يَشَرْبَوْا لَبَنْكُو.

مِيخا 5:11

وَ نِدَمِّرْ مُدُنْ بَلَدْكُو وَ نِهَدِّمْ كُلَّ بَكَانَاتْكُو الْقَوِيِّينْ.

مِيخا 6:13

وَ فِي شَانْ دَا، أَنَا ضَرَبْتُكُو بِمَرَضْ وَ خَرَّبْتُكُو بِسَبَبْ ذُنُوبْكُو.