إشَعْيا 1:4 - الكتاب المقدس بالعربي الدارجي هنا تشاد

⁴ الْعَذَابْ لِلْأُمَّةْ الْمُذْنِبَةْ أَيْوَى، لِلْأُمَّةْ الشَّايْلَةْ الْخَطَا! إِنْتُو ذُرِّيَّةْ النَّاسْ الْفَسْلِينْ، عِيَالْ الْمُدَمَّرِينْ! إِنْتُو أَبَيْتُوا اللّٰهْ أَيْوَى، أَبَيْتُوا قُدُّوسْ إِسْرَائِيلْ وَ قَبَّلْتُوا وَرَاءْ.

إشَعْيا 1:4 Referenca të Kryqëzuara

إشَعْيا 5:24

فِي شَانْ دَا، هُمَّنْ يَبْقَوْا مِثِلْ قَشّ التَّاكُلَهْ النَّارْ وَ مِثِلْ عَقَيْق الْيِوَدِّرْ فِي أَمْ بَلْبَالَةْ. وَ عُرُوقْهُمْ يِعَفُّنُوا وَ نُوَّارْهُمْ يَبْقَوْا مِثِلْ عَجَاجْ. أَشَانْ هُمَّنْ مَا طَبَّقَوْا تَوْرَاةْ اللّٰهْ الْقَادِرْ وَ حَقَرَوْا كَلَامْ قُدُّوسْ إِسْرَائِيلْ.

إرْمِيا 2:17

يَا بَنِي إِسْرَائِيلْ، إِنْتُو بَسْ جِبْتُوهْ فِي رَاسْكُو أَشَانْ إِنْتُو أَبَيْتُوا اللّٰهْ إِلٰـهْكُو وَكِتْ هُو قَاعِدْ يُقُودْكُو فِي الدَّرِبْ الْعَدِيلْ.

إرْمِيا 2:13

وَ شَعَبِي سَوَّوْا فَسَالَةْ إِتْنَيْن. أَبَوْنِي أَنَا اللَّيْهُمْ مِثِلْ عَيْن أَلْمِي الْحَيَاةْ وَ مَشَوْا لِإِلٰـهَاتْ آخَرِينْ. الْإِلٰـهَاتْ دَوْل مِثِلْ خَزَّانَاتْ النَّكَتَوْهُمْ وَ أَشَّقَّقَوْا، مَا يَكُرْبُوا أَلْمِي.›»

رَوْمَا 8:7

أَشَانْ النَّادُمْ الْعَقْلَهْ ثَابِتْ فِي الْفِكِرْ الْإِنْسَانْ، هُو دَا عَدُو اللّٰهْ وَ مَا يِطَبِّقْ وَصَايَا اللّٰهْ. أَيْوَى، هُو مَا يَقْدَرْ يِطَبِّقْهُمْ.

مَتَّى 3:7

وَ يَحْيَى شَافْ أَمْبَيْنَاتْهُمْ نَاسْ كَتِيرِينْ مِنْ الْفَرِيزِيِّينْ وَ الصَّدُّوقِيِّينْ. وَ هُمَّنْ مَاشِينْ لَيَّهْ أَشَانْ هُو يِغَطِّسْهُمْ. وَ قَالْ لَيْهُمْ: «يَا عِيَالْ الدَّابِي! يَاتُو الْقَالْ لَيْكُو أَجْرُوا مِنْ الْعَذَابْ الْجَايِ؟

إرْمِيا 7:19

هَلْ دَا يِغَضِّبْنِي وَلَّا؟ الْعَيْب يَجِي فَوْقهُمْ هُمَّنْ بَسْ.» وَ دَا كَلَامْ اللّٰهْ.

إرْمِيا 2:19

وَ خَلِّي فَسَالِتْكُو تِقَبِّلْ لَيْكُو فِي رَاسْكُو وَ كُفُرْكُو يِعَاقِبْكُو. وَ أَعَرْفُوا كِكَّيْف الشَّيّءْ دَا فَسِلْ وَ مُرّ كَدَرْ تَابَوْنِي أَنَا اللّٰهْ إِلٰـهْكُو وَ أَبَداً مَا تَخَافَوْا مِنِّي.» وَ دَا كَلَامْ اللّٰهْ الرَّبّ الْقَادِرْ.

إشَعْيا 5:19

وَ يُقُولُوا: «خَلِّي اللّٰهْ يِسَوِّي خِدِمْتَهْ عَجَلَةْ أَشَانْ نِشِيفُوهَا! وَ قُدُّوسْ إِسْرَائِيلْ، خَلِّي يِقَرِّبْ وَ يِحَقِّقْ نِيّتَهْ أَشَانْ نَعَرْفُوهَا!»

كُلُوسِي 1:24

وَ أَنَا فَرْحَانْ بِتَعَبِي أَشَانْ أَنَا قَاعِدْ نَتْعَبْ فِي شَانْكُو. وَ فِي جِسْمِي، نَحْمَلْ كُلَّ التَّعَبْ الْيِقَصِّرْ لِلْمَسِيحْ فِي شَانْ أُمَّتَه الْهِي جِسْمَهْ.

1 كُرُنْتُس 10:22

وَلَّا نِدَوْرُوا نِزَعُّلُوا رَبِّنَا؟ لَا! أَنِحْنَ قَادْرِينْ مِنَّهْ هُو وَلَّا؟ لَا!

مَتَّى 23:33

يَا الدَّبِيبْ! يَا عِيَالْ أَمْ شِدَيْقَاتْ! كِكَّيْف تَنْجَوْا مِنْ عَذَابْ جَهَنَّمْ؟

مَتَّى 11:28

«تَعَالُوا لَيِّ إِنْتُو كُلُّكُو التَّعْبَانِينْ مِنْ التَّقَلَةْ الشَّايْلِينْهَا فِي رَاسْكُو وَ أَنَا نَنْطِيكُو جُمَّةْ.

حِزْقِيال 16:33

فِي الْعَادَةْ، يَنْطُوا هَدَايَا لِلشَّرَامِيطْ. وَ لَاكِنْ إِنْتِ أَنْطَيْتِ هَدَايَا لِكُلَّ صُدْقَانْكِ! أَيْوَى، إِنْتِ كَفَّيْتِيهُمْ لِيَجُوا لَيْكِ مِنْ أَيِّ بَكَانْ وَ يِشَّرْمَطَوْا مَعَاكِ.

إرْمِيا 51:5

أَشَانْ اللّٰهْ الْإِلٰـهْ الْقَادِرْ كَانْ مَعَ بَنِي إِسْرَائِيلْ وَ بَنِي يَهُوذَا حَتَّى كَنْ هُمَّنْ مَلَوْا بَلَدْهُمْ بِشَرّ ضِدّ قُدُّوسْ إِسْرَائِيلْ كُلَ.

إرْمِيا 50:29

نَادُوا سِيَادْ النُّبَّالْ ضِدّ بَابِلْ، كُلَّ الْيَعَرْفُوا يِسْتَعْمَلَوْا النُّشَّابْ. يُخُطُّوا مُعَسْكَرْهُمْ حَوَالَيْهَا أَشَانْ نَادُمْ مِنْهَا مَا يِنْبَلِصْ. عَاقُبُوهَا حَسَبْ عَمَلْهَا وَ سَوُّوا فَوْقهَا مِثِلْ هِي سَوَّتْ. أَشَانْ هِي أَسْتَكْبَرَتْ قِدَّامْ اللّٰهْ، قِدَّامْ قُدُّوسْ إِسْرَائِيلْ.

إرْمِيا 7:26

وَ لَاكِنْ إِنْتُو مَا خَطَّيْتُوا أَدَانْكُو وَ سِمِعْتُونِي وَ قَوَّيْتُوا رُوسَيْكُو وَ بِقِيتُوا فَسْلِينْ زِيَادَةْ مِنْ جُدُودْكُو.

إرْمِيا 2:33

إِنْتُو تَعَرْفُوا تَكْ دَرِبْ الشَّرْمَطَةْ! وَ تَقْدَرَوْا تِعَلُّمُوا الشَّرَامِيطْ كُلَ.

إرْمِيا 2:31

وَ إِنْتُو نَاسْ الْيَوْم دَوْل، أَسْمَعَوْا كَلَامِي أَنَا اللّٰهْ. يَا بَنِي إِسْرَائِيلْ، هَلْ أَنَا بِقِيتْ لَيْكُو مُخِيفْ مِثِلْ الصَّحَرَاء؟ وَلَّا بِقِيتْ لَيْكُو مِثِلْ الْبَلَدْ الْعِنْدَهَا ضَلَامْ أَزْرَقْ كُرُمْ؟ مَالَا نَاسْ شَعَبِي بُقُولُوا: ‹يَلَّا نَمْشُوا! مَا نِقَبُّلُوا لَيْك أَبَداً!›

إرْمِيا 2:5

دَاهُو اللّٰهْ قَالْ: ‹وَيْن الْعَيْب الْأَبَّهَاتْكُو لِقَوْه فَوْقِي لِيِبَعُّدُوا مِنِّي؟ هُمَّنْ تَابَعَوْا الْأَصْنَامْ الْمَا نَافْعِينْ وَ بِقَوْا نَاسْ مَا نَافْعِينْ.

إشَعْيا 65:3

هُمَّنْ شَعَبْ الدَّايْماً يِغَضُّبُونِي بِنِيِّتْهُمْ. وَ يَدْبَحَوْا لِإِلٰـهَاتْهُمْ فِي الْجِنَيْنَاتْ وَ يِحَرُّقُوا لَيْهُمْ بَخُورْ فِي دِرِنْقَيْل!

إشَعْيا 41:20

وَ دَا، أَشَانْ النَّاسْ سَوَا يِشِيفُوا وَ يَعَرْفُوا وَ كُلُّهُمْ يِفَكُّرُوا وَ يَفْهَمَوْا كَدَرْ إِيدِي أَنَا اللّٰهْ بَسْ سَوَّتْ الشَّيّءْ دَا وَ أَنَا قُدُّوسْ إِسْرَائِيلْ بَسْ خَلَقْتَهْ.»

إشَعْيا 41:16

إِنْتَ تِغَرْبِلْهُمْ وَ الرِّيحْ تِشِيلْهُمْ وَ الزَّوْبَعَانَةْ تِشَتِّتْهُمْ. وَ لَاكِنْ إِنْتَ تَفْرَحْ بَيِّ أَنَا اللّٰهْ وَ تَشْكُرْ قُدُّوسْ إِسْرَائِيلْ.

إشَعْيا 41:14

«مَا تَخَافْ، يَا يَعْقُوبْ، إِنْتَ الْمِثِلْ دُودْ التُّرَابْ وَ يَا إِسْرَائِيلْ، إِنْتَ الْمِثِلْ الرِّمَّةْ! أَنَا بَسْ النِّسَاعِدَكْ وَ الْيَفْدَاكْ، هُو أَنَا قُدُّوسْ إِسْرَائِيلْ. وَ دَا كَلَامْ اللّٰهْ.

إشَعْيا 37:23

لِيَاتُو إِنْتَ عَيَّرْتَهْ وَ أَشَّمَّتْ فَوْقَهْ؟ وَ ضِدّ يَاتُو إِنْتَ كَلَّمْت وَ شِفْت بِإِسْتِكْبَارْ؟ دَا ضِدِّي أَنَا، قُدُّوسْ إِسْرَائِيلْ!

إشَعْيا 30:15

أَشَانْ دَاهُو اللّٰهْ الرَّبّ قُدُّوسْ إِسْرَائِيلْ قَالْ: «كَنْ تُبْتُوا وَ أَنْجَمَّيْتُوا، تَلْقَوْا النَّجَاةْ وَ كَنْ قَعَدْتُوا بِهُدُوءْ وَ آمَنْتُوا، تَلْقَوْا الْقُدْرَةْ. وَ لَاكِنْ إِنْتُو أَبَيْتُوا

إشَعْيا 30:9

أَشَانْ الشَّعَبْ دَوْل عَاصِيِينْ وَ عِيَالْ غَشَّاشِينْ! أَيْوَى، مَا يِدَوْرُوا يَسْمَعَوْنِي، مَا يَسْمَعَوْا شُرُوطْ تَوْرَاةْ اللّٰهْ.

إشَعْيا 29:19

وَ الْمَسَاكِينْ يَفْرَحَوْا زِيَادَةْ بِاللّٰهْ وَ فَقْرَانِينْ الشَّعَبْ يِنْبَسْطُوا بِقُدُّوسْ إِسْرَائِيلْ.

إشَعْيا 14:20

وَ إِنْتَ، مَا دَسَّوْك مَعَ الْمُلُكْ فِي الْقَبُرْ أَشَانْ إِنْتَ دَمَّرْت بَلَدَكْ وَ كَتَلْت شَعَبَكْ. وَ النَّاسْ الْيِسَوُّوا الْفَسَالَةْ، أُسُمْ ذُرِّيِّتْهُمْ يِوَدِّرْ إِلَى الْأَبَدْ.

إشَعْيا 10:6

أَنَا نِرَسِّلْ مَلِكْ بَلَدْ أَشُورْ ضِدّ الْأُمَّةْ الْكَافْرَةْ وَ نُقُودَهْ ضِدّ الشَّعَبْ الْيِقَوُّمُوا غَضَبِي أَشَانْ مَلِكْ أَشُورْ يَنْهَبْهُمْ وَ يَكْسَبْهُمْ وَ يِفَجِّقْهُمْ تِحِتْ رِجِلَيْنَهْ مِثِلْ الطِّينَةْ فِي الشَّوَارِعْ.

إشَعْيا 3:8

مَدِينَةْ الْقُدُسْ تِتَّرْتَعْ وَ بَلَدْ يَهُوذَا تَقَعْ. أَشَانْ هُمَّنْ أَتْمَرَّدَوْا ضِدّ اللّٰهْ بِكَلَامْهُمْ وَ عَمَلْهُمْ وَ أَبَوْا مَجْدَهْ.

إشَعْيا 1:23

مَسَائِيلْكِ بِقَوْا حَرَامِيِّينْ وَ مُنْرَبِطِينْ مَعَ السَّرَارِيقْ. وَ يِحِبُّوا الرَّشْوَةْ وَ يَجْرُوا وَرَاءْ الْفَايْدَةْ. هُمَّنْ مَا يِدَافُعُوا لِحُقُوقْ الْأَتِيمْ وَ مَا لَمَّاهُمْ بِشَكْوَةْ الْأَرْمَلَةْ.

زَبُور 89:18

اللّٰهْ، هُو دَرَقَتْنَا. أَيْوَى، قُدُّوسْ إِسْرَائِيلْ، هُو مَلِكْنَا.

زَبُور 78:40

عِدَّةْ مَرَّاتْ، هُمَّنْ عِصَوْه فِي الصَّحَرَاء وَ غَضَّبَوْه فِي بَكَانْ جَفَافْ.

زَبُور 78:8

أَشَانْ مَا يَبْقَوْا مِثِلْ جُدُودْهُمْ، ذُرِّيَّةْ حَرَامِيَّةْ وَ عَاصِيَةْ، ذُرِّيَّةْ الْقَلِبْهَا مَا ثَابِتْ وَ مَا عِنْدَهَا إِيمَانْ بِالرَّبّ.

زَبُور 58:3

الْعَاصِيِينْ مُنَافِقِينْ مِنْ هُمَّنْ فِي رِحِمْ أَمَّهَاتْهُمْ وَ الْكَدَّابِينْ مُوَدِّرِينْ مِنْ يَوْم مَرَقَوْا مِنْ بُطُونْ أَمَّهَاتْهُمْ.

قُضياء 10:10

وَ خَلَاصْ، بَنِي إِسْرَائِيلْ صَرَخَوْا لِلّٰهْ وَ قَالَوْا: «صَحِيحْ، أَنِحْنَ أَذْنَبْنَا أَشَانْ أَبَيْنَاكْ إِنْتَ إِلٰـهْنَا وَ عَبَدْنَا أَصْنَامْ بَعَلْ.»

تَثْنِية 32:19

وَ اللّٰهْ شَافَاهُمْ وَ رَفَضَاهُمْ أَشَانْ عِيَالَهْ غَضَّبَوْه.

تَثْنِية 31:16

وَ اللّٰهْ قَالْ لِمُوسَى: «دَاهُو إِنْتَ تُمُوتْ وَ تَلْحَقْ أَبَّهَاتَكْ. وَ الشَّعَبْ دَوْل يُقُمُّوا يَعَبُدُوا إِلٰـهَاتْ الْأَجَانِبْ الْقَاعِدِينْ فِي الْبَلَدْ الْيَدْخُلُوا فَوْقهَا. وَ هُمَّنْ يِخَلُّونِي وَ يَقْطَعَوْا مُعَاهَدَتِي السَّوَّيْتهَا مَعَاهُمْ.

تَثْنِية 29:25

وَ يُرُدُّوا لَيْهُمْ وَ يُقُولُوا: «أَشَانْ هُمَّنْ أَبَوْا الْمُعَاهَدَةْ السَّوَّاهَا مَعَاهُمْ اللّٰهْ رَبّ جُدُودْهُمْ وَكِتْ مَرَقَاهُمْ مِنْ بَلَدْ مَصِرْ.

عَدد 32:14

وَ دَاهُو إِنْتُو كُلَ تِدَوْرُوا تِشِيلُوا دَرِبْ أَبَّهَاتْكُو الْمُذْنِبِينْ وَ بَتَّانْ تِجِيبُوا غَضَبْ اللّٰهْ الْمُحْرِقْ فِي بَنِي إِسْرَائِيلْ.

تكوين 13:13

وَ نَاسْ سَدُومْ هُمَّنْ فَسْلِينْ زِيَادَةْ وَ مُذْنِبِينْ قِدَّامْ اللّٰهْ.

رُؤية 18:5

أَمُرْقُوا أَشَانْ كَوْم ذُنُوبْهَا بِقِي كَبِيرْ بِلْحَيْن لَحَدِّي لِحِقْ السَّمَاءْ. وَ خَلَاصْ، اللّٰهْ عَاقَبَاهَا بِظُلُمْهَا.

إشَعْيا 12:6

عِيطُوا بِفَرَحْ وَ زَغْرُطُوا، يَا سُكَّانْ صَهْيُون! أَشَانْ قُدُّوسْ إِسْرَائِيلْ الْقَاعِدْ فِي أُسُطْكُو، هُو عَظِيمْ.»

نَحَمْيا 1:7

أَنِحْنَ أَبَيْنَا مَا طَبَّقْنَا وَصِيَّاتَكْ وَ شُرُوطَكْ وَ الْقَوَانِينْ الْإِنْتَ أَمَرْت بَيْهُمْ لِعَبْدَكْ مُوسَى. وَ سَوَّيْنَا الشَّرّ قِدَّامَكْ.

زَبُور 71:22

وَ خَلَاصْ، أَنَا نَشْكُرَكْ بِأَمْ سِبَيْبَةْ فِي شَانْ أَمَانَكْ، يَا إِلٰـهِي. وَ نَضْرُبْ جِقِنْدِيَّةْ فِي شَانَكْ إِنْتَ، يَا قُدُّوسْ إِسْرَائِيلْ!

إشَعْيا 1:28

الْعَاصِيِينْ وَ الْمُذْنِبِينْ يِدَّمَّرَوْا سَوَا وَ الْأَبَوْا اللّٰهْ، يِكَمُّلُوا.

إشَعْيا 9:17

وَ فِي شَانْ دَا، الرَّبّ مَا يَفْرَحْ بِصُبْيَانْهُمْ وَ مَا يِحِنّ فِي أَتَامَاهُمْ وَ أَرَامِلْهُمْ. أَشَانْ هُمَّنْ كُلُّهُمْ كُفَّارْ وَ فَسْلِينْ وَ كُلَّ خُشُومْهُمْ يِكَلُّمُوا بِكَلَامْ الطَّمَاسَةْ. وَ بَيْدَا كُلَ، زَعَلَهْ مَا يَقِيفْ وَ إِيدَهْ قَاعِدَةْ مَرْفُوعَةْ لِلْعِقَابْ.

إشَعْيا 31:2

أَكِيدْ، هُو حَكِيمْ! يَقْدَرْ يِجِيبْ الشَّرّ وَ مَا يَنْقُضْ كَلَامَهْ. وَ هُو يُقُمّ ضِدّ الْيِسَوُّوا الْفَسَالَةْ وَ ضِدّ الْفَزَعَوْا وَ الظُّلُمْ.

إشَعْيا 57:17

«وَ بِخَطَاهُمْ هَنَا الطَّمَعْ، أَنَا غِضِبْت وَ ضَرَبْت شَعَبِي وَ مَا وَجَّهْت عَلَيْهُمْ. أَنَا غِضِبْت وَ هُمَّنْ مَشَوْا فِي عِصْيَانْهُمْ وَ تَابَعَوْا شَهْوَاتْ قُلُوبْهُمْ.

إشَعْيا 58:2

لَاكِنْ كُلِّ يَوْم هُمَّنْ يِفَتُّشُونِي أَنَا وَ يِدَوْرُوا يَعَرْفُوا دُرُوبِي مِثِلْ أُمَّةْ التِّطَبِّقْ الْعَدَالَةْ وَ مَا خَلَّتْ شَرِيعَةْ إِلٰـهَّا وَ مِثِلْ يِدَوْرُوا مِنِّي شَرِيعَةْ عَادِلَةْ وَ يِرِيدُوا يِقَرُّبُوا لَيِّ.

إشَعْيا 65:11

«وَ لَاكِنْ إِنْتُو الْآخَرِينْ، أَبَيْتُونِي أَنَا اللّٰهْ. وَ نِسِيتُوا بَيْتِي بَكَانْ الْعِبَادَةْ فِي جَبَلِي الْمُقَدَّسْ. إِنْتُو قَدَّمْتُوا أَكِلْ لِإِلٰـهْ قَادْ وَ كَاسْ الْخَمَرْ لِصَنَمْ مَنَاةْ.

إرْمِيا 15:6

إِنْتِ بَسْ أَبَيْتِينِي وَ أَنْطَيْتِينِي ضَهَرْكِ وَ فِي شَانْ دَا، أَنَا مَدَّيْت إِيدِي لِنَضْرُبْكِ. أَشَانْ أَنَا مَا نَقْدَرْ بَتَّانْ، صَبَرْت لَيْكِ كَتِيرْ. وَ دَا كَلَامْ اللّٰهْ.

إرْمِيا 32:32

وَ بَنِي إِسْرَائِيلْ وَ بَنِي يَهُوذَا غَضَّبَوْنِي بِسَبَبْ الْعَمَلْ الْفَسِلْ الْقَاعِدِينْ يِسَوُّوهْ، هُمَّنْ وَ مُلُوكْهُمْ وَ كُبَارَاتْهُمْ وَ رُجَالْ دِينْهُمْ وَ أَنْبِيَائْهُمْ وَ كُلَّ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ.

حِزْقِيال 14:5

أَيْوَى، نَكْرُبْ قُلُوبْ بَنِي إِسْرَائِيلْ أَشَانْ هُمَّنْ كُلُّهُمْ أَبَوْنِي بِسَبَبْ أَصْنَامْهُمْ.“›

حِزْقِيال 16:45

إِنْتِ بِنَيَّةْ الْمَرَةْ الْكِرْهَتْ رَاجِلْهَا وَ عِيَالْهَا. وَ إِنْتِ أَخُتْ الْأَخْوَاتْ الْكِرْهَنْ رُجَالْهِنْ وَ عِيَالْهِنْ. أَيْوَى، أَمِّكِ مِنْ قَبِيلَةْ الْحِتِّيِّينْ وَ أَبُوكِ مِنْ قَبِيلَةْ الْأَمُورِيِّينْ.

دَنْيال 9:11

وَ أَنِحْنَ بَنِي إِسْرَائِيلْ كُلِّنَا خَالَفْنَا شُرُوطْ التَّوْرَاةْ وَ أَبَيْنَا مَا سِمِعْنَا كَلَامَكْ. وَ خَلَاصْ، إِنْتَ نَزَّلْت فَوْقنَا اللَّعَنَةْ وَ الْحُكُمْ الْمَكْتُوبْ فِي تَوْرَاةْ مُوسَى عَبْدَكْ أَشَانْ أَنِحْنَ أَذْنَبْنَا قِدَّامَكْ.

صَفَنْيا 1:6

وَ نُقُشّ الْيِخَلُّونِي أَنَا اللّٰهْ وَ الْمَا يِتَابُعُونِي وَ لَا يَسْأَلَوْا مِنِّي.»

خُروج 32:7

وَ فِي الْبَكَانْ دَا، اللّٰهْ قَالْ لِمُوسَى: «قُمّ أَنْزِلْ أَشَانْ شَعَبَكْ الْإِنْتَ مَرَقْتُهُمْ مِنْ بَلَدْ مَصِرْ تَلَّفَوْا خَلَاصْ.

تَثْنِية 32:5

وَ قِدَّامَهْ، هُمَّنْ تَلَّفَوْا بِسَبَبْ عَيْبهُمْ. هُمَّنْ بَتَّانْ مَا عِيَالَهْ أَشَانْ هُمَّنْ ذُرِّيَّةْ عَوْجَةْ وَ مُنْلَوِيَةْ.

2 مُلوك 21:22

وَ أَبَى مِنَّهْ اللّٰهْ رَبّ جُدُودَهْ وَ مَا شَالْ الدَّرِبْ الْاللّٰهْ يِدَوْرَهْ.

2 أخبار 12:1

وَ وَكِتْ مَمْلَكَةْ رَحَبْعَامْ ثَبَتَتْ وَ بِقَتْ قَوِيَّةْ، هُو وَ كُلَّ بَنِي إِسْرَائِيلْ خَلَّوْا مِنْهُمْ تَوْرَاةْ اللّٰهْ.

2 أخبار 27:2

يُوتَامْ سَوَّى الْعَدِيلْ قِدَّامْ اللّٰهْ مِثِلْ أَبُوهْ عُزِّيَّا سَوَّاهْ لَاكِنْ يُوتَامْ مَا خِطِي بِدَخِلِينْ فِي بَيْت اللّٰهْ. وَ لَاكِنْ بِعَدَالْتَهْ دِي كُلَ، الشَّعَبْ قَاعِدِينْ يِتَلُّفُوا.

زَبُور 78:41

وَ بَتَّانْ قَمَّوْا جَرَّبَوْا الرَّبّ وَ غَضَّبَوْا قُدُّوسْ إِسْرَائِيلْ.

زَبُور 78:57

هُمَّنْ خَلَّوْه وَ خَانَوْه مِثِلْ جُدُودْهُمْ وَ قَبَّلَوْا مِثِلْ النُّشَّابْ الْيَخْطَا هَدَفَهْ.

إشَعْيا 30:1

دَاهُو كَلَامْ اللّٰهْ. «الْعَذَابْ لِلْعِيَالْ الْحَرَامِيِّينْ! هُمَّنْ سَوَّوْا شَوْرَةْ الْمَا جَايَةْ مِنِّي. وَ سَوَّوْا عَلَاقَةْ الْأَنَا مَا أَمَرْت بَيْهَا وَ بَيْدَا، زَادَوْا ذَنِبْ فِي ذَنِبْ.