إشَعْيا 1:29 - الكتاب المقدس بالعربي الدارجي هنا تشاد

²⁹ أَيْوَى، إِنْتُو تَلْقَوْا عَيْب مِنْ شَدَرْكُو الْكُبَارْ الْقَاعِدِينْ تِتْمَنَّوْه. وَ تَبْقَوْا خَجْلَانِينْ فِي شَانْ الْجِنَيْنَاتْ الْعَزَلْتُوهُمْ لِعِبَادَةْ أَصْنَامْكُو.

إشَعْيا 1:29 Referenca të Kryqëzuara

إشَعْيا 66:17

«وَ النَّاسْ الْيِخَصُّصُوا نُفُوسْهُمْ وَ يِطَّهَّرَوْا لِيَدْخُلُوا فِي الْجِنَيْنَاتْ لِيَمْشُوا يَعَبُدُوا الصَّنَمْ الْقَاعِدْ أُسُطْ، هُمَّنْ دَوْل الْيَاكُلُوا لَحَمْ الْخِنْزِيرْ وَ الْفَارْ وَ كُلَّ شَيّءْ نِجِسْ مَرَّةْ وَاحِدْ، هُمَّنْ دَوْل كُلُّهُمْ يِدَّمَّرَوْا!» وَ دَا كَلَامْ اللّٰهْ.

إشَعْيا 65:3

هُمَّنْ شَعَبْ الدَّايْماً يِغَضُّبُونِي بِنِيِّتْهُمْ. وَ يَدْبَحَوْا لِإِلٰـهَاتْهُمْ فِي الْجِنَيْنَاتْ وَ يِحَرُّقُوا لَيْهُمْ بَخُورْ فِي دِرِنْقَيْل!

إشَعْيا 57:5

شَهْوِتْكُو لِأَصْنَامْكُو تَكْرُبْكُو جَنْب شَدَرْ الْبَلُّوطْ وَ تِحِتْ أَيِّ شَدَرَةْ خَضْرَةْ. إِنْتُو تَدْبَحَوْا لَيْهُمْ عِيَالْ فِي الْوُدْيَانْ وَ فِي شُقُوقْ الْجِبَالْ.

هُوشَع 4:13

فِي رُوسَيْ الْجِبَالْ، يِقَدُّمُوا ضَحَايَا لِإِلٰـهَاتْهُمْ وَ فِي الْحُجَارْ، يِحَرُّقُوا لَيْهُمْ بَخُورْ. وَ يَعَبُدُوا تِحِتْ شَدَرْ الْبَلُّوطْ وَ اللُّبْنَى وَ الْبُطُمْ أَشَانْ ضُلُّهُمْ بَارِدْ. يَا شَعَبِي، بِسَبَبْ دَا، بَنَاتْكُو يَبْقَنْ شَرَامِيطْ وَ عَوِينْ أَوْلَادْكُو يَبْقَنْ زَانِيَاتْ.

حِزْقِيال 16:63

وَ وَكِتْ تِفَكِّرِي فِي الْفَاتْ، الْعَيْب يَكْرُبْكِ وَ بَتَّانْ مَا تَقْدَرَيْ تُفُكِّي خَشُمْكِ أَشَانْ إِنْتِ وَدَّرْتِ شَرَفْكِ. وَ لَاكِنْ أَنَا نَغْفِرْ لَيْكِ كُلَّ شَيّءْ السَّوَّيْتِيهْ.» وَ دَا كَلَامْ اللّٰهْ الرَّبّ.

رَوْمَا 6:21

وَ وَيْن النَّتِيجَةْ اللِّقِيتُوهَا مِنْ الذُّنُوبْ الْأَوَّلْ سَوَّيْتُوهُمْ دَوْل؟ هَسَّعْ الْعَيْب كَرَبَاكُو بِسَبَبْهُمْ أَشَانْ الذُّنُوبْ دَوْل يِوَدُّوا النَّاسْ لِلْمَوْت.

هُوشَع 14:8

يَا نَاسْ أَفْرَايِمْ! هَلْ فِي شَبَهْ بَيْنِي أَنَا وَ الْأَصْنَامْ؟ أَنَا بَسْ نَقْبَلْكُو وَ نِرَاقِبْ فَوْقكُو. وَ أَنَا مِثِلْ شَدَرَةْ السَّرْوِي الْخَضْرَةْ وَ مِنِّي أَنَا بَسْ، تَلْقَوْا إِنْتَاجْ.»

هُوشَع 14:3

بَلَدْ أَشُورْ مَا تَقْدَرْ تِنَجِّينَا وَ أَنِحْنَ مَا نِتْوَكَّلَوْا عَلَيْ خَيْل الْحَرِبْ كُلَ. بَتَّانْ مَا نُقُولُوا: ‹يَا إِلٰـهْنَا› لِلصَّنَمْ الصَّنَعْنَاهْ بِإِيدَيْنَّا. بَيْك إِنْتَ بَسْ، يَا رَبّ، الْأَتِيمْ يَلْقَى الْمَحَنَّةْ!»

حِزْقِيال 36:31

وَ إِنْتُو تِذَّكَّرَوْا دُرُوبْكُو الْفَسْلِينْ وَ أَعْمَالْكُو الْمَا عَدِيلِينْ وَ الْعَيْب يَكْرُبْكُو بِسَبَبْ خَطَاكُو وَ مُحَرَّمَاتْكُو.

حِزْقِيال 6:13

وَ بَيْدَا، يَعَرْفُوا كَدَرْ أَنَا بَسْ اللّٰهْ وَكِتْ يِشِيفُوا مَيْتِينْهُمْ قِدَّامْ أَصْنَامْهُمْ وَ حَوَالَيْ مَدَابِحْهُمْ وَ فَوْق أَيِّ حَجَرْ عَالِي وَ فِي رَاسْ أَيِّ جَبَلْ وَ تِحِتْ أَيِّ شَدَرَةْ خَضْرَةْ وَ أَيِّ شَدَرَةْ ضَلْمَةْ. وَ دَوْل الْبَكَانَاتْ الْقَدَّمَوْا فَوْقهُمْ ضَحَايَا لِأَصْنَامْهُمْ لِيَرْضَوْا بِرِيحِتْهُمْ.

إرْمِيا 3:6

وَ فِي أَيَّامْ حُكُمْ الْمَلِكْ يُوشِيَّا، اللّٰهْ قَالْ لَيِّ أَنَا إِرْمِيَا: «إِنْتَ مَا شِفْت السَّوَّتَهْ إِسْرَائِيلْ الْكَافْرَةْ؟ هِي مَشَتْ فِي رَاسْ أَيِّ جَبَلْ عَالِي وَ تِحِتْ أَيِّ شَدَرَةْ خَضْرَةْ وَ أَشَّرْمَطَتْ هِنَاكْ وَرَاءْ الْأَصْنَامْ.

إرْمِيا 2:20

وَ اللّٰهْ قَالْ: «يَا بَنِي إِسْرَائِيلْ! مِنْ وَكِتْ طَوِيلْ إِنْتُو دَلَّيْتُوا التَّقَلَةْ مِنْ رَقَبَتْكُو وَ قَطَّعْتُوا قُيُودْكُو وَ قُلْتُوا: ‹أَبَداً مَا نَعَبُدُوكْ.› وَ فِي رَاسْ أَيِّ جَبَلْ عَالِي وَ تِحِتْ أَيِّ شَدَرَةْ خَضْرَةْ، إِنْتُو رَاقْدِينْ مِثِلْ الشَّرْمُوطَةْ.

إشَعْيا 45:16

وَ الْيَصْنَعَوْا الْأَصْنَامْ، كُلُّهُمْ عَايْبِينْ وَ خَجْلَانِينْ وَ كُلُّهُمْ سَوَا مَاشِينْ فِي الْخَجْلَةْ.

إشَعْيا 31:7

وَ فِي الْيَوْم دَا، أَيِّ وَاحِدْ يَابَى إِلٰـهَاتَهْ هَنَا الْفُضَّةْ وَ إِلٰـهَاتَهْ هَنَا الدَّهَبْ. أَيْوَى، دَوْل السَّوَّوْهُمْ لَيْكُو إِيدَيْكُو الْمُذْنِبِينْ.

إشَعْيا 30:22

وَ تَجْعَلَوْا مِثِلْ نِجِسْ الْفُضَّةْ الْمَسَحْتُوا بَيْهَا أَصْنَامْكُو وَ الدَّهَبْ الْمَسَحْتُوا بَيَّهْ تَمَاثِيلْكُو الْمَصْبُوبِينْ. وَ تِدَفُّقُوهُمْ مِثِلْ نَجَاسَةْ وَ تُقُولُوا: «يَلَّا! بَرَّا مِنْ هِنِي!»

إشَعْيا 42:17

لَاكِنْ الْيِتْوَكَّلَوْا عَلَيْ الْأَصْنَامْ وَ الْيُقُولُوا لِلصُّوَرْ هَنَا الْحَدِيدْ: ‹إِنْتُو بَسْ إِلٰـهَاتْنَا›، هُمَّنْ دَوْل يِقَبُّلُوا وَرَاءْ وَ يَلْقَوْا الْعَيْب.»

هُوشَع 4:19

خَلَاصْ، الرِّيحْ تِشِيلْهُمْ فِي جَنَاحَيْهَا وَ ضَحَايَاهُمْ يِجِيبُوا لَيْهُمْ الْعَيْب.