إشَعْيا 1:28 - الكتاب المقدس بالعربي الدارجي هنا تشاد

²⁸ الْعَاصِيِينْ وَ الْمُذْنِبِينْ يِدَّمَّرَوْا سَوَا وَ الْأَبَوْا اللّٰهْ، يِكَمُّلُوا.

إشَعْيا 1:28 Referenca të Kryqëzuara

زَبُور 1:6

أَشَانْ طَرِيقْ الصَّالِحِينْ، اللّٰهْ يَحْفَضَهْ وَ لَاكِنْ طَرِيقْ الْهَوَانِينْ، فِي الضَّلَامْ يِوَدِّرَهْ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

إشَعْيا 30:13

وَ خَلَاصْ، الْخَطَا دَا يَبْقَى لَيْكُو مِثِلْ خُرْمَةْ فِي دُرْدُرْ طَوِيلْ التِّسَوِّيهْ أَعْوَجْ وَ فِي رَمْشَةْ عَيْن، يَقَعْ!

أيُّوب 31:3

الدَّمَارْ مَا وَاجِبْ لِلنَّادُمْ الْمُجْرِمْ وَلَّا؟ وَ الْمَصِيبَةْ مَا تَقَعْ فِي الْيِسَوِّي الشَّرّ وَلَّا؟

2 بُطْرُس 3:7

وَ بِكِلْمَةْ اللّٰهْ بَتَّانْ السَّمَاوَاتْ وَ الْأَرْض الْقَاعِدِينْ حَالِيّاً مَضْمُومِينْ أَشَانْ يَرْجَوْا النَّارْ. اللّٰهْ قَاعِدْ يَحْفَضْهُمْ لَحَدِّي يَوْم الْحِسَابْ الْيَهْلَكَوْا فَوْقَهْ النَّاسْ الْفَسْلِينْ.

1 تَسَلونِيكِي 5:3

وَكِتْ النَّاسْ قَاعِدِينْ يُقُولُوا: «عِنْدِنَا الصِّحَّةْ وَ السَّلَامْ»، فِي الْوَكِتْ الْمِثِلْ دَا بَسْ، الْهَلَاكْ يَضْرُبْهُمْ عَجَلَةْ مِثِلْ الطَّلَقَةْ تَجِي عَجَلَةْ لِلْمَرَةْ الْغَلْبَانَةْ. مَا مُمْكِنْ يِنْبَلْصُوا.

إشَعْيا 66:24

وَ وَكِتْ يَمُرْقُوا، يِشِيفُوا جَنَازَاتْ النَّاسْ الْقَمَّوْا ضِدِّي. وَ الدُّودْ الْيَاكُلْهُمْ مَا يُمُوتْ وَ النَّارْ التَّحْرِقْهُمْ كُلَ مَا تُمُوتْ وَ يَبْقَوْا مَثَلْ مُخِيفْ لِكُلَّ النَّاسْ.»

إشَعْيا 65:11

«وَ لَاكِنْ إِنْتُو الْآخَرِينْ، أَبَيْتُونِي أَنَا اللّٰهْ. وَ نِسِيتُوا بَيْتِي بَكَانْ الْعِبَادَةْ فِي جَبَلِي الْمُقَدَّسْ. إِنْتُو قَدَّمْتُوا أَكِلْ لِإِلٰـهْ قَادْ وَ كَاسْ الْخَمَرْ لِصَنَمْ مَنَاةْ.

إشَعْيا 50:11

وَ كَنْ لَيْكُو إِنْتُو كُلُّكُو الْأَوْقَدْتُوا نَارْ وَ سَوَّيْتُوا مَشَاهِيبْ، يَلَّا أَمْشُوا فِي ضَيّ نَارْكُو وَ فِي أُسُطْ مَشَاهِيبْ الْإِنْتُو أَوْقَدْتُوهُمْ! اللّٰهْ يِسَوِّيكُو تُمُوتُوا فِي التَّعَبْ!

أمْثال 29:1

الرَّاجِلْ الْفَكَّوْا أَدَانَهْ وَ قَاعِدْ يِقَوِّي رَاسَهْ، يِنْرَحِكْ مَرَّةْ وَاحِدْ وَ بَتَّانْ مَا يَلْقَى عِلَاجْ.

زَبُور 125:5

وَ لَاكِنْ النَّاسْ الْيِشِيلُوا الدَّرِبْ الْأَعْوَجْ، أَطْرُدْهُمْ، يَا اللّٰهْ، مَعَ النَّاسْ الْيِسَوُّوا الشَّرّ. وَ جِيبْ السَّلَامْ لِبَنِي إِسْرَائِيلْ!

زَبُور 104:35

وَ خَلِّي الْمُذْنِبِينْ يِكَمُّلُوا مِنْ الْأَرْض وَ الْعَاصِيِينْ يَبْقَوْا مَا فِيهُمْ. يَا نَفْسِي! أَحْمُدِي اللّٰهْ! الْحَمْدُ للّٰهْ!

زَبُور 92:9

أَشَانْ دَاهُو عُدْوَانَكْ، يَا اللّٰهْ! دَاهُو عُدْوَانَكْ قَاعِدِينْ يِدَّمَّرَوْا وَ الظَّالِمِينْ يِشِتُّوا!

زَبُور 73:27

أَشَانْ الْيِبَعُّدُوا مِنَّكْ يِدَّمَّرَوْا وَ إِنْتَ تَهْلِكْ أَيِّ وَاحِدْ الْيَابَاكْ.

زَبُور 37:38

وَ لَاكِنْ الْعَاصِيِينْ يِدَّمَّرَوْا سَوَا وَ مُسْتَقْبَلْ سِيَادْ الْفَسَالَةْ مَا فِيهْ.

زَبُور 9:5

إِنْتَ هَدَّدْت الْأُمَمْ وَ دَمَّرْت الْعَاصِيِينْ. وَ قَشَّيْت أُسُمْهُمْ دَايْماً وَ إِلَى الْأَبَدْ.

زَبُور 5:6

يَا اللّٰهْ! إِنْتَ تِدَمِّرْ الْكَدَّابِينْ وَ كَتَّالِينْ الدِّمَمْ وَ الْغَشَّاشِينْ، تَجْعَلْهُمْ مِثِلْ مُحَرَّمِينْ.

1 أخبار 28:9

«وَ إِنْتَ، يَا وِلَيْدِي سُلَيْمَانْ، أَعَرِفْ اللّٰهْ رَبّ أَبُوكْ وَ أَعَبُدَهْ بِكُلَّ قَلْبَكْ وَ بِنِيَّةْ مُخْلِصَةْ. أَشَانْ اللّٰهْ يَكْشِفْ قَلِبْ الْإِنْسَانْ وَ يَعَرِفْ الْفِكِرْ هَنَا أَيِّ نَادُمْ. وَ كَنْ إِنْتَ تِفَتِّشَهْ، هُو يِخَلِّيكْ تَلْقَاهْ. وَ لَاكِنْ كَنْ أَبَيْتَهْ كَمَانْ، هُو كُلَ يَابَاكْ إِلَى الْأَبَدْ.

1 صَمُوِيل 12:25

وَ كَنْ سَوَّيْتُوا الْفَسَالَةْ، تَهْلَكَوْا إِنْتُو وَ مَلِكُّو كُلَ!»

إشَعْيا 1:4

الْعَذَابْ لِلْأُمَّةْ الْمُذْنِبَةْ أَيْوَى، لِلْأُمَّةْ الشَّايْلَةْ الْخَطَا! إِنْتُو ذُرِّيَّةْ النَّاسْ الْفَسْلِينْ، عِيَالْ الْمُدَمَّرِينْ! إِنْتُو أَبَيْتُوا اللّٰهْ أَيْوَى، أَبَيْتُوا قُدُّوسْ إِسْرَائِيلْ وَ قَبَّلْتُوا وَرَاءْ.

إشَعْيا 24:20

الْأَرْض تِتَّرْتَعْ مِثِلْ السَّكَّارِي وَ تِنْهَزَّ مِثِلْ عِلِّيَّةْ فِي الرِّيحْ. عِصْيَانْهَا يَبْقَى لَيْهَا تَقِيلْ وَ هِي تَقَعْ مَرَّةْ وَاحِدْ مَا تَقْدَرْ تُقُمّ.

إشَعْيا 33:14

وَ فِي صَهْيُون الْمُذْنِبِينْ رَجَفَوْا وَ الْكُفَّارْ أَنْبَهَتَوْا وَ يُقُولُوا: «يَاتُو مِنِّنَا يَقْدَرْ يَقْعُدْ فِي النَّارْ التَّحْرِقْ؟ وَ يَاتُو يَقْدَرْ يَقْعُدْ فِي الْجَمُرْ الدَّايِمْ؟»

إشَعْيا 50:1

وَ دَاهُو اللّٰهْ قَالْ: «صَحِيحْ أَنَا طَرَدْت أَمُّكُو. وَيْن مَكْتُوبْ الطَّلَاقْ؟ وَ لِيَاتُو أَنَا بِعْتُكُو لِنِكَفِّي دَيْنِي؟ أَعَرْفُوا! بِسَبَبْ خَطَاكُو بَسْ، بَاعَوْكُو وَ بِسَبَبْ عِصْيَانْكُو، طَلَّقَوْا أَمُّكُو.

إشَعْيا 58:2

لَاكِنْ كُلِّ يَوْم هُمَّنْ يِفَتُّشُونِي أَنَا وَ يِدَوْرُوا يَعَرْفُوا دُرُوبِي مِثِلْ أُمَّةْ التِّطَبِّقْ الْعَدَالَةْ وَ مَا خَلَّتْ شَرِيعَةْ إِلٰـهَّا وَ مِثِلْ يِدَوْرُوا مِنِّي شَرِيعَةْ عَادِلَةْ وَ يِرِيدُوا يِقَرُّبُوا لَيِّ.

إشَعْيا 66:17

«وَ النَّاسْ الْيِخَصُّصُوا نُفُوسْهُمْ وَ يِطَّهَّرَوْا لِيَدْخُلُوا فِي الْجِنَيْنَاتْ لِيَمْشُوا يَعَبُدُوا الصَّنَمْ الْقَاعِدْ أُسُطْ، هُمَّنْ دَوْل الْيَاكُلُوا لَحَمْ الْخِنْزِيرْ وَ الْفَارْ وَ كُلَّ شَيّءْ نِجِسْ مَرَّةْ وَاحِدْ، هُمَّنْ دَوْل كُلُّهُمْ يِدَّمَّرَوْا!» وَ دَا كَلَامْ اللّٰهْ.

إرْمِيا 17:13

يَا اللّٰهْ! إِنْتَ عَشَمْ إِسْرَائِيلْ وَ كُلَّ الْيَابَوْك، الْعَيْب يِغَطِّيهُمْ. وَ الْيِبَعُّدُوا مِنَّكْ كَمَانْ يِلْعَاقَبَوْا أَشَانْ هُمَّنْ أَبَوْا عَيْن أَلْمِي الْحَيَاةْ وَ دَا إِنْتَ اللّٰهْ.

إرْمِيا 44:12

وَ نِشِيلْ الْفَضَّلَوْا مِنْ بَنِي يَهُوذَا، هُمَّنْ الْوَجَّهَوْا عَلَيْ بَلَدْ مَصِرْ وَ مَشَوْا لِيَسْكُنُوا فَوْقهَا. هُمَّنْ دَوْل كُلُّهُمْ أَنَا نِكَمِّلْهُمْ فِي مَصِرْ. يُمُوتُوا بِالْحَرِبْ وَ الْجُوعْ وَ يِكَمُّلُوا تَكْ مِنْ الضَّعِيفْ لَحَدِّي الْقَادِرْ. وَ يَبْقَوْا مَلْعُونِينْ وَ مُخِيفِينْ وَ النَّاسْ يَلْعَنَوْهُمْ وَ يِعَيُّبُوهُمْ.

هُوشَع 14:9

خَلِّي الْحَكِيمْ يَفْهَمْ الْأَشْيَاءْ دَوْل وَ خَلِّي الْفَاهِمْ يَعَرِفْهُمْ. أَشَانْ دَرِبْ اللّٰهْ عَدِيلْ الْفَوْقَهْ الصَّالِحِينْ يُرُوغُوا وَ الْعَاصِيِينْ يِتَّرْتَعَوْا.

2 أخبار 21:10

وَ التَّمَرُّدْ هَنَا بَلَدْ أَدَوْم ضِدّ حُكُمْ يَهُورَامْ قَاعِدْ لَحَدِّي الْيَوْم. وَ فِي الْوَكِتْ دَا، حِلَّةْ لِبْنَةْ كُلَ أَتْمَرَّدَتْ ضِدّ حُكُمْ يَهُورَامْ أَشَانْ هُو أَبَى اللّٰهْ رَبّ جُدُودَهْ.

2 أخبار 28:6

وَ فِي يَوْم وَاحِدْ، فَقَحْ كَتَلْ 120 000 رَاجِلْ مِنْ مَمْلَكَةْ يَهُوذَا كُلُّهُمْ رُجَالْ فَحَلِينْ. وَ دَا أَشَانْ هُمَّنْ أَبَوْا اللّٰهْ رَبّ جُدُودْهُمْ.

2 أخبار 28:23

هُو قَاعِدْ يِقَدِّمْ ضَحَايَا لِإِلٰـهَاتْ مَدِينَةْ دِمَشْق الْهَزَمَوْه وَ قَالْ فِي نَفْسَهْ: «إِلٰـهَاتْ مَلِكْ بَلَدْ أَرَامْ فَزَعَوْا نَاسْهُمْ. كَنْ مِثِلْ دَا، أَنَا كُلَ نِقَدِّمْ لَيْهُمْ ضَحَايَا أَشَانْ يَفْزَعَوْنِي.» وَ لَاكِنْ دَا سَبَّبْ دَمَارْ لَيَّهْ هُو وَ لِكُلَّ بَنِي إِسْرَائِيلْ.

أيُّوب 34:26

هُو يَضْرُبْهُمْ فِي بَكَانْ الْعَاصِيِينْ الْيِعَاقُبُوهُمْ فَوْقَهْ قِدَّامْ كُلَّ النَّاسْ.

أيُّوب 34:27

وَ دَا أَشَانْ هُمَّنْ بَعَّدَوْا مِنَّهْ وَ مَا تَابَوْا دُرُوبَهْ،

إشَعْيا 64:6

وَ كُلِّنَا بِقِينَا مَا طَاهِرِينْ وَ كُلَّ شَيّءْ النِّسَوُّوهْ عَدِيلْ بِقِي مِثِلْ خَلَقْ مُنَجَّسْ بِدَمّ الْحَيْض. وَ أَنِحْنَ كُلِّنَا يِبِسْنَا مِثِلْ وَرَقْ الشَّدَرْ الدَّفَّقْ وَ خَطَايَانَا شَالَوْنَا مِثِلْ الرِّيحْ.