إشَعْيا 1:21 - الكتاب المقدس بالعربي الدارجي هنا تشاد

²¹ كِكَّيْف الْمَدِينَةْ الْأَمِينَةْ بِقَتْ شَرْمُوطَةْ؟ أَوَّلْ هِي مَلَانَةْ بِالْعَدَالَةْ. أَيْوَى، أَوَّلْ الْعَدَالَةْ سَاكْنَةْ فَوْقهَا لَاكِنْ هَسَّعْ سَاكْنِينْ فَوْقهَا كَتَّالِينْ دِمَمْ.

إشَعْيا 1:21 Referenca të Kryqëzuara

رُؤية 11:8

وَ جَنَازَاتْهُمْ مُدَفِّقِينْ فِي الشَّارِعْ فِي الْمَدِينَةْ الْكَبِيرَةْ. وَ أَسَامَيْهَا بِمَثَلْ سَدُومْ وَ مَصِرْ وَ دَا الْبَكَانْ الْكَتَلَوْا فَوْقَهْ رَبُّهُمْ عِيسَى فِي الصَّلِيبْ.

رُؤية 11:2

لَاكِنْ مَا تِقَاوِسْ الْفَضَايْ الْبَرَّانِيَّةْ هَنَا بَيْت الْعِبَادَةْ. دَا خَلِّيهْ أَشَانْ اللّٰهْ سَلَّمَهْ لِلْأُمَمْ الْمَا مُؤمِنِينْ وَ هُمَّنْ يِفَجُّقُوا الْمَدِينَةْ الْمُقَدَّسَةْ مُدَّةْ 42 شَهَرْ.

عِبْرَانِيِّين 12:22

لَاكِنْ الْحَجَرْ الْإِنْتُو جِيتُوا قِدَّامَهْ، هُو جَبَلْ صَهْيُون الْقَاعِدَةْ فَوْقَهْ مَدِينَةْ اللّٰهْ الْحَيّ. وَ هِي مَدِينَةْ الْقُدُسْ السَّمَاوِيَّةْ. جِيتُوا قِدَّامْ الْمَلَائِكَةْ الْمَا يِنْحَسْبُوا مِنْ الْكَتَرَةْ اللَّامِّينْ لِلْإِحْتِفَالْ.

أعمال الرُسُل 7:52

وَيْن النَّبِي الْجُدُودْكُو مَا تَعَّبَوْه؟ هُمَّنْ كَتَلَوْا الْأَنْبِيَاء الْبَلَّغَوْا لَيْهُمْ بِجَيَّةْ عَبْدَهْ الصَّالِحْ الْمَسِيحْ وَ وَكِتْ الْمَسِيحْ جَاءْ خَلَاصْ، إِنْتُو خُنْتُوهْ وَ كَتَلْتُوهْ!

لُوقا 13:34

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ الْجِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

زَكَرِيَّا 8:3

وَ دَاهُو اللّٰهْ قَالْ: «أَنَا نِقَبِّلْ فِي جَبَلْ صَهْيُون وَ نَسْكُنْ بَتَّانْ فِي أُسُطْ مَدِينَةْ الْقُدُسْ. وَ مَدِينَةْ الْقُدُسْ يِنَادُوهَا مَدِينَةْ الْأَمَانْ. وَ جَبَلْ اللّٰهْ الْقَادِرْ يِنَادُوهْ الْجَبَلْ الْمُقَدَّسْ.»

هُوشَع 11:12

«قَبِيلَةْ أَفْرَايِمْ حَوَّقَتْنِي بِكِدِبْ، أَيْوَى، بَنِي إِسْرَائِيلْ حَوَّقَتْنِي بِغَشّ. وَ لَاكِنْ بَنِي يَهُوذَا يَمْشُوا وَرَايِ وَ عِنْدُهُمْ أَمَانْ لَيِّ أَنَا الْقُدُّوسْ.»

إرْمِيا 3:1

وَ دَاهُو كَلَامْ اللّٰهْ: «كَنْ رَاجِلْ طَلَّقْ مَرْتَهْ وَ الْمَرَةْ دِي مَشَتْ أَخَدَتْ رَاجِلْ آخَرْ، هَلْ رَاجِلْهَا الْأَوَّلْ دَا، يَقْدَرْ يِقَبِّلْهَا وَلَّا؟ هَلْ هِي مَا أَنَّجَّسَتْ مِثِلْ الْأَرْض النَّجَاسِتْهَا مَا عِنْدَهَا عِلَاجْ؟ يَا مَدِينَةْ الْقُدُسْ، إِنْتِ أَشَّرْمَطْتِ مَعَ نَاسْ كَتِيرِينْ. هَسَّعْ دَا، تَقْدَرَيْ تِقَبِّلِي لَيِّ أَنَا وَلَّا؟

إشَعْيا 48:2

يِنَادُوكُو نَاسْ الْمَدِينَةْ الْمُقَدَّسَةْ الْمُتَوَكِّلِينْ عَلَيْ إِلٰـهْ بَنِي إِسْرَائِيلْ وَ هُو أُسْمَهْ اللّٰهْ الْقَادِرْ.

إشَعْيا 5:7

أَشَانْ جِنَيْنَةْ اللّٰهْ الْقَادِرْ، هِي ذُرِّيَّةْ بَنِي إِسْرَائِيلْ. وَ نَاسْ يَهُوذَا، هُمَّنْ مَقَنْ الْهُو يِحِبَّهْ. بِعَشَمْ هُو يَرْجَى مِنْهُمْ الْعَدَالَةْ وَ لَاكِنْ لِقِي الظُّلُمْ. هُو يَرْجَى مِنْهُمْ الصَّلَاحْ وَ لَاكِنْ سِمِعْ صِرَاخْ الْمَظْلُومْ.

زَبُور 48:8

الْحَجَّوْا لَيْنَا بَيَّهْ، أَنِحْنَ شِفْنَاهْ فِي مَدِينَةْ اللّٰهْ الْقَادِرْ، فِي مَدِينَةْ رَبِّنَا. الرَّبّ يِثَبِّتْهَا إِلَى الْأَبَدْ. وَقْفَةْ.

زَبُور 48:1

اللّٰهْ هُو عَظِيمْ وَ وَاجِبْ لَيَّهْ الْحَمْد فِي مَدِينَةْ إِلٰـهْنَا، فِي جَبَلَهْ الْمُقَدَّسْ.

زَبُور 46:4

وَ لَاكِنْ فِيَّهْ بَحَرْ الرُّجُولَهْ يِفَرُّحُوا مَدِينَةْ الرَّبّ، الْمَدِينَةْ الْمُقَدَّسَةْ مِنْ كُلَّ مَسَاكِينْ اللّٰهْ الْعَالِي.

نَحَمْيا 11:1

وَ كُبَارَاتْ الشَّعَبْ سَكَنَوْا فِي مَدِينَةْ الْقُدُسْ وَ الْبَاقِي مِنْ شَعَبْهُمْ قَاعِدِينْ فِي حِلَّالْهُمْ. وَ سَوَّوْا أَمْ عِيَيْدَاتْ أَشَانْ 10 فِي الْمِيَةْ مِنْ الشَّعَبْ يَمْشُوا يَسْكُنُوا فِي مَدِينَةْ الْقُدُسْ وَ 90 فِي الْمِيَةْ كَمَانْ يَقْعُدُوا فِي حِلَّالْهُمْ.

2 أخبار 19:9

وَ أَمَرَاهُمْ وَ قَالْ: «سَوُّوا خِدْمِتْكُو بِخَوْف مِنْ اللّٰهْ وَ بِأَمَانْ وَ بِقَلِبْ وَاحِدْ.

2 صَمُوِيل 8:15

وَ دَاوُدْ مَلَكْ فِي كُلَّ بَلَدْ إِسْرَائِيلْ. وَ حَكَمْ فِي كُلَّ شَعَبَهْ بِالْحَقّ وَ الْعَدَالَةْ.

رُؤية 17:1

وَ فِي الْبَكَانْ دَا، وَاحِدْ مِنْ السَّبْعَةْ مَلَائِكَةْ الْعِنْدُهُمْ السَّبْعَةْ كِيسَانْ جَاءْ لَيِّ وَ قَالْ: «تَعَالْ، نِوَصِّفَكْ الْعِقَابْ الْجَايِ فِي الشَّرْمُوطَةْ الْمَعْرُوفَةْ الْجَالْسَةْ أَمْبَيْنَاتْ بُحُورْ كَتِيرِينْ.

إشَعْيا 1:22

يَا مَدِينَةْ الْقُدُسْ! فُضِّتْكِ مَلَانَةْ بِالْوَسَخْ وَ خَمَرْكِ السَّمَحْ مُخَلْبَطْ بِأَلْمِي.

إشَعْيا 59:3

أَشَانْ إِيدَيْكُو مُلَطَّخِينْ بِالدَّمّ وَ أَصَابِعْكُو بِالْخَطَا. خُشُومْكُو يِكَلُّمُوا بِالْكِدِبْ وَ لِسْنَيْكُو يِخَالُوا بِالْغَشّ.

إشَعْيا 59:14

بَيْدَا، الْحَقّ كَسْكَسْ وَرَاءْ وَ الْعَدَالَةْ وَقَفَتْ بَعِيدْ. الصَّحِيحْ يِتَّرْتَعْ فِي الشَّوَارِعْ وَ الْأَمَانْ مَا يَقْدَرْ يَجِي.

إشَعْيا 59:15

الْحَقّ بِقِي مَا فِيهْ وَ الْيِبَعِّدْ مِنْ الْفَسَالَةْ يَبْقَى غَنِيمَةْ!» اللّٰهْ شَافْ الْعَدَالَةْ وَدَّرَتْ وَ هُو غِضِبْ.

هُوشَع 2:5

أَمُّهُمْ أَشَّرْمَطَتْ. أَيْوَى، هِي الْوِلْدَتْهُمْ أَلْغَطَّتْ بِالْعَيْب وَكِتْ قَالَتْ: ‹أَنَا نَجْرِي وَرَاءْ صُدْقَانِي الْيَنْطُونِي أَكِلْ وَ أَلْمِي وَ صُوفْ غَنَمْ وَ قُمَاشْ وَ دِهِنْ وَ شَرَابْ.›

حَبَقُوق 1:4

وَ أَشَانْ دَا، مَا طَبَّقَوْا شُرُوطْ التَّوْرَاةْ وَ الْعَدَالَةْ أَبَداً مَا تِنْشَافْ. وَ الْعَاصِي قِدِرْ فِي الصَّالِحْ وَ أَشَانْ دَا بَسْ، الشَّرِيعَةْ بِقَتْ عَوْجَةْ.

إشَعْيا 26:10

لَاكِنْ كَنْ يِحِنُّوا فِي الْعَاصِي، هُو مَا يِلْعَلَّمْ الْعَدَالَةْ. فِي بَلَدْ الْحَقّ كُلَ، هُو يِسَوِّي الْفَسَالَةْ وَ مَا يِشِيفْ عَظَمَةْ اللّٰهْ.