إشَعْيا 1:13 - الكتاب المقدس بالعربي الدارجي هنا تشاد

¹³ وَقُّفُوا مَا تِجِيبُوا لَيِّ بَتَّانْ ضَحَايَاكُو الْمَكْرُوهِينْ وَ بَخُورْكُو دَا مُحَرَّمْ لَيِّ! وَقُّفُوا ضَحَايَاكُو هَنَا أَوَّلْ يَوْم فِي كُلِّ شَهَرْ وَ هَنَا كُلِّ يَوْم سَبْت وَ مَلَمَّاتْكُو أَشَانْ أَنَا مَا نَقْبَلْ الْفَسَالَةْ فِي مَلَمَّاتْكُو الْخَاصِّينْ.

إشَعْيا 1:13 Referenca të Kryqëzuara

إشَعْيا 66:3

«وَ لَاكِنْ الْيَدْبَحْ تَوْر ضَحِيَّةْ، هُو مِثِلْ الْيَكْتُلْ إِنْسَانْ. وَ الْيِقَدِّمْ غَنَمَايْ ضَحِيَّةْ، هُو مِثِلْ الْيَكْسِرْ رَقَبَةْ كَلِبْ. وَ الْيِقَدِّمْ هَدِيَّةْ هَنَا دَقِيقْ، هُو مِثِلْ الْيِقَدِّمْ هَدِيَّةْ دَمّ هَنَا خِنْزِيرْ وَ الْيِحَرِّقْ بَخُورْ، هُو مِثِلْ الْيَعَبُدْ صَنَمْ. النَّاسْ دَوْل عَزَلَوْا دَرِبْهُمْ وَ بِمُحَرَّمَاتْهُمْ دَوْل، هُمَّنْ فَرْحَانِينْ.

مَلاخِـي 1:10

أَخَيْر تِسِدُّوا بِيبَانْ بَيْتِي أَشَانْ مَا تِقَبُّضُوا نَارْ فِي مَدْبَحِي لِتِقَدُّمُوا ضَحَايَا بَلَا فَايْدَةْ! أَنَا مَا نَرْضَى بَيْكُو وَ مَا نَقْبَلْ مِنْ إِيدَيْكُو أَيِّ ضَحِيَّةْ.» وَ دَا، اللّٰهْ الْقَادِرْ بَسْ قَالَهْ.

مَتَّى 15:9

سُجُودْهُمْ لَيِّ بَاطِلْ وَ كُلَّ تَعْلِيمْهُمْ دَا وَصَايَا النَّاسْ بَسْ.>»

حِزْقِيال 20:39

«وَ لَيْكُو إِنْتُو، يَا بَنِي إِسْرَائِيلْ، دَاهُو اللّٰهْ الرَّبّ قَالْ: ‹خَلِّي أَيِّ نَادُمْ يَمْشِي يَعَبُدْ أَصْنَامَهْ! وَ لَاكِنْ بَعَدْ دَا، خَلِّي أَيِّ نَادُمْ يَسْمَعْنِي. وَ تِحْتَرُمُوا أُسْمِي الْمُقَدَّسْ وَ بَتَّانْ مَا تِقَدُّمُوا هَدَايَاكُو لِأَصْنَامْكُو.

لُوقا 11:42

«يَا الْفَرِيزِيِّينْ، الْعَذَابْ يَرْجَاكُو أَشَانْ إِنْتُو مُنْكَرِبِينْ فِي الْعُشُرْ لَحَدِّي تَنْطُوا لِلّٰهْ مِنْ النَّعْنَاعْ وَ الْكَمُّونْ وَ أَيِّ نَبَاتْ هَنَا الْحَرَارْ الْيُقُمّ فِي حَوْشكُو. وَ لَاكِنْ إِنْتُو نِسِيتُوا الْعَدَالَةْ وَ مَحَبَّةْ اللّٰهْ! أَوَّلْ شَيّءْ، وَاجِبْ تِسَوُّوا الْأَشْيَاءْ الْمُهِمِّينْ دَوْل وَ بَتَّانْ مَا تَنْسَوْا كَلَامْ الْعُشُرْ.

يُوِيل 2:15

أَضُرْبُوا الْبُوقْ فِي صَهْيُون وَ خَصُّصُوا يَوْم هَنَا صِيَامْ وَ قَرُّرُوا مَلَمَّةْ خَاصَّة.

مَراثِي إرْمِيا 2:6

هُو خَرَبْ زَرِيبْتَهْ مِثِلْ زَرِيبَةْ هَنَا جِنَيْنَةْ وَ اللّٰهْ دَمَّرْ بَكَانَهْ هَنَا الْمَلَمَّةْ. وَ فِي صَهْيُون، هُو نَسَّاهُمْ يَوْم الْعِيدْ وَ يَوْم السَّبْت. وَ مِنْ شِدَّةْ غَضَبَهْ، هُو أَبَاهُمْ لِلْمُلُوكْ وَ رُجَالْ الدِّينْ.

أفَسُس 4:30

مَا تِحَجُّوا بِكَلَامْ فَسِلْ أَشَانْ الْكَلَامْ الْفَسِلْ يِزَعِّلْ الرُّوحْ الْقُدُّوسْ الْاللّٰهْ نَزَّلَهْ فَوْقكُو. هُو الْوَسِمْ الْاللّٰهْ يِأَكِّدْ بَيَّهْ كَدَرْ يَفْدَاكُو مَرَّةْ وَاحِدْ فِي الْيَوْم الْأَخِيرْ.

1 كُرُنْتُس 11:17

وَ لَاكِنْ فِي الشَّيّءْ الْبُخُصّ الْكَلَامْ الْهَسَّعْ نِحَجِّي فَوْقَهْ، أَنَا مَا فَرْحَانْ بَيْكُو مَرَّةْ وَاحِدْ أَشَانْ وَكِتْ تِلِمُّوا فِي مَلَمَّةْ الْمُؤمِنِينْ، الْفَسَالَةْ كَتِيرَةْ مِنْ الْخَيْر.

يُوِيل 1:14

خَصُّصُوا يَوْم هَنَا صِيَامْ وَ قَرُّرُوا مَلَمَّةْ خَاصَّة. لِمُّوا الشُّيُوخْ وَ كُلَّ سُكَّانْ الْبَلَدْ فِي بَيْت اللّٰهْ إِلٰـهْكُو وَ كَوْرُكُوا لَيَّهْ.

أمْثال 21:27

ضَحِيَّةْ الْعَاصِي اللّٰهْ حَرَّمْهَا. وَ كَنْ يِقَدِّمْهَا بِنِيَّةْ فَسْلَةْ، مَا تَبْقَى حَرَامَةْ زِيَادَةْ وَلَّا؟

زَبُور 78:40

عِدَّةْ مَرَّاتْ، هُمَّنْ عِصَوْه فِي الصَّحَرَاء وَ غَضَّبَوْه فِي بَكَانْ جَفَافْ.

1 أخبار 23:31

وَ يِقَدُّمُوا لِلّٰهْ كُلَّ الضَّحَايَا الْمُحَرَّقِينْ هَنَا كُلِّ يَوْم السَّبْت وَ أَوَّلْ يَوْم فِي كُلِّ شَهَرْ وَ كُلِّ عِيدْ. وَ دَا حَسَبْ الْعَدَدْ الْمُحَدَّدْ لَيْهُمْ فِي الشَّرِيعَةْ الْهُمَّنْ تَابْعِينْ لَيْهَا دَايْماً قِدَّامْ اللّٰهْ.

خُروج 12:16

وَ فِي الْيَوْم الْأَوَّلْ وَ الْيَوْم السَّابِعْ، تِلِمُّوا مَلَمَّةْ خَاصَّةْ لِتَعَبُدُونِي. وَ فِي الْأَيَّامْ دَوْل، مَا تَخْدُمُوا إِلَّا تِسَوُّوا أَكِلْ لِنُفُوسْكُو بَسْ.

فِلِبِّي 1:15

صَحِيحْ، وَاحِدِينْ مِنْهُمْ قَاعِدِينْ يِبَشُّرُوا بِالْمَسِيحْ وَ دَا، أَشَانْ يَحْسُدُونِي وَ يِخَاصُمُونِي لَاكِنْ آخَرِينْ يِبَشُّرُوا بِنِيَّةْ عَدِيلَةْ.

عَدد 10:2

«سَوِّي لَيْك بُرُنْجِي إِتْنَيْن مَدْقُوقِينْ مِنْ فُضَّةْ لِتِنَادِي بَيْهُمْ مُجْتَمَعْ بَنِي إِسْرَائِيلْ وَكِتْ يِلِمُّوا أَوْ وَكِتْ يِسِيرُوا حَسَبْ مُعَسْكَرَاتْهُمْ.

إشَعْيا 66:23

وَ أَوَّلْ يَوْم فِي كُلِّ شَهَرْ وَ فِي كُلِّ يَوْم السَّبْت، كُلَّ النَّاسْ يَجُوا يَسْجُدُوا قِدَّامِي. وَ دَا، اللّٰهْ بَسْ قَالَهْ.

هُوشَع 2:11

وَ نِوَقِّفْ فَرَحْهَا هَنَا أَيِّ عِيدْ وَ هَنَا أَوَّلْ يَوْم فِي كُلِّ شَهَرْ وَ هَنَا كُلِّ يَوْم سَبْت وَ هَنَا كُلِّ عَازُومَةْ.

لاوِيِّين 26:31

وَ نِسَوِّي مُدُنْكُو خَرَابْ وَ بَكَانَاتْ الْمُقَدَّسِينْ فَاضِيِينْ وَ مَا نُشُمّ الرِّيحَةْ التِّحَرُّقُوهَا لِرِضَايِ.

2 مُلوك 4:23

وَ رَاجِلْهَا سَأَلْهَا وَ قَالْ: «مَالَا تِدَوْرِي تَمْشِي لَيَّهْ الْيَوْم؟ الْيَوْم وَ لَا عِيدْ هَنَا أَوَّلْ يَوْم فِي كُلِّ شَهَرْ وَ لَا يَوْم السَّبْت.» وَ هِي قَالَتْ لَيَّهْ: «عَافَيْ بَسْ.»

أمْثال 7:14

«تَعَالْ، عِنْدِي لَحَمْ فِي الْبَيْت أَشَانْ الْيَوْم، دَبَحْت ضَحِيَّةْ السَّلَامَةْ الْعَاهَدْت بَيْهَا اللّٰهْ.