إشَعْيا 1:11 - الكتاب المقدس بالعربي الدارجي هنا تشاد

¹¹ اللّٰهْ قَالْ: «ضَحَايَاكُو الْكَتِيرِينْ دَوْل، نِسَوِّي بَيْهُمْ شُنُو؟ كَفَانِي مِنْ الضَّحَايَا الْمُحَرَّقِينْ هَنَا كُبْشَانْكُو وَ شَحَمْ عَجَّالْكُو. أَيْوَى، دَمّ تِيرَانْكُو وَ حُمْلَانْكُو وَ تُيُوسْكُو كُلَ، مَا نَرْضَى بَيَّهْ.

إشَعْيا 1:11 Referenca të Kryqëzuara

عَمُوس 5:21

«أَنَا اللّٰهْ نَكْرَهْ وَ نَابَى كُلِّ عِيدْ التِّعَيُّدُوهْ لَيِّ. وَ مَا نَرْضَى بَيَّهْ كَنْ تِلِمُّوا وَ تِعَيُّدُوهْ.

1 صَمُوِيل 15:22

وَ صَمُوِيلْ قَالْ: «اللّٰهْ يَفْرَحْ بِضَحَايَا مُحَرَّقِينْ وَ بِضَحَايَا آخَرِينْ وَلَّا؟ وَلَّا يَفْرَحْ كَنْ تِطِيعْ كَلَامَهْ؟ أَشَانْ كَنْ تِطِيعَهْ، دَا أَفْضَلْ مِنْ الضَّحَايَا وَ كَنْ تَسْمَعْ كَلَامَهْ، دَا أَفْضَلْ مِنْ شَحَمْ الْكُبَاشْ.

إرْمِيا 6:20

شُنُو نِسَوِّي بِاللُّبَانْ الْجِبْتُوهْ مِنْ سَبَأ وَلَّا بِالرِّيحَةْ الْحَلُوَّةْ الْجِبْتُوهَا مِنْ بَعِيدْ؟ أَنَا مَا نِدَوْر ضَحَايَاكُو الْمُحَرَّقِينْ وَ كُلَّ ضَحَايَاكُو، أَنَا مَا نَرْضَى بَيْهُمْ.»

إشَعْيا 66:3

«وَ لَاكِنْ الْيَدْبَحْ تَوْر ضَحِيَّةْ، هُو مِثِلْ الْيَكْتُلْ إِنْسَانْ. وَ الْيِقَدِّمْ غَنَمَايْ ضَحِيَّةْ، هُو مِثِلْ الْيَكْسِرْ رَقَبَةْ كَلِبْ. وَ الْيِقَدِّمْ هَدِيَّةْ هَنَا دَقِيقْ، هُو مِثِلْ الْيِقَدِّمْ هَدِيَّةْ دَمّ هَنَا خِنْزِيرْ وَ الْيِحَرِّقْ بَخُورْ، هُو مِثِلْ الْيَعَبُدْ صَنَمْ. النَّاسْ دَوْل عَزَلَوْا دَرِبْهُمْ وَ بِمُحَرَّمَاتْهُمْ دَوْل، هُمَّنْ فَرْحَانِينْ.

مِيخا 6:7

هَلْ اللّٰهْ يَقْبَلْ ضَحَايَا هَنَا آلَافْ الْكُبْشَانْ؟ وَلَّا يَقْبَلْ هَدَايَا هَنَا دِهِنْ كَتِيرْ مِثِلْ أَلْمِي الْوَادِي؟ هَلْ نِقَدِّمْ وِلَيْدِي الْبِكِرْ فِي شَانْ عِصْيَانِي؟ وَلَّا نِقَدِّمْ وِلَيْد صُلْبِي فِي شَانْ ذَنْبِي؟

مَلاخِـي 1:10

أَخَيْر تِسِدُّوا بِيبَانْ بَيْتِي أَشَانْ مَا تِقَبُّضُوا نَارْ فِي مَدْبَحِي لِتِقَدُّمُوا ضَحَايَا بَلَا فَايْدَةْ! أَنَا مَا نَرْضَى بَيْكُو وَ مَا نَقْبَلْ مِنْ إِيدَيْكُو أَيِّ ضَحِيَّةْ.» وَ دَا، اللّٰهْ الْقَادِرْ بَسْ قَالَهْ.

أمْثال 15:8

ضَحِيَّةْ الْعَاصِيِينْ، اللّٰهْ يِحَرِّمْهَا وَ صَلَاةْ الْعَدِيلِينْ، اللّٰهْ يَقْبَلْهَا.

زَبُور 50:8

مَا بِسَبَبْ ضَحَايَاكُو أَنَا نُلُومْكُو أَشَانْ ضَحَايَاكُو الْمُحَرَّقِينْ قَاعِدِينْ قِدَّامِي دَايْماً.

أمْثال 21:27

ضَحِيَّةْ الْعَاصِي اللّٰهْ حَرَّمْهَا. وَ كَنْ يِقَدِّمْهَا بِنِيَّةْ فَسْلَةْ، مَا تَبْقَى حَرَامَةْ زِيَادَةْ وَلَّا؟

مَتَّى 9:13

أَمْشُوا أَقْرُوا وَ أَفْهَمَوْا كَلَامْ اللّٰهْ الْبُقُولْ: <نِدَوْر الرَّحْمَةْ زِيَادَةْ مِنْ الضَّحَايَا.> أَنَا مَا جِيتْ أَشَانْ نِنَادِي الصَّالِحِينْ لَاكِنْ جِيتْ لِنِنَادِي الْمُذْنِبِينْ لِلتَّوْبَةْ.»

زَبُور 51:16

إِنْتَ مَا تِدَوْر نَدْبَحْ ضَحِيَّةْ. حَتَّى كَنْ نِقَدِّمْ لَيْك ضَحِيَّةْ مُحَرَّقَةْ كُلَ، إِنْتَ مَا تَقْبَلْهَا.

إرْمِيا 7:21

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «شِيلُوا ضَحَايَاكُو الْمُحَرَّقِينْ وَ لِمُّوهُمْ مَعَ لَحَمْ ضَحَايَاكُو الْآخَرِينْ وَ آكُلُوهْ إِنْتُو.

مَتَّى 22:4

وَ الْمَلِكْ رَسَّلْ عَبِيدْ آخَرِينْ وَ قَالْ لَيْهُمْ: ‹قُولُوا لِلنَّاسْ الْعَزَمْتُهُمْ: ”دَاهُو، أَنَا جَهَّزْت الْأَكِلْ خَلَاصْ. تِيرَانِي وَ عَجَّالِي الْعَدِيلِينْ دَبَحْتُهُمْ وَ كُلَّ شَيّءْ جَاهِزْ. تَعَالُوا لِلْعَازُومَةْ.“›

عَدد 7:45

وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

زَبُور 40:6

إِنْتَ مَا دَوَّرْت وَ لَا ضَحِيَّةْ وَ لَا هَدِيَّةْ وَ لَاكِنْ فَتَحْت أُدْنَيِّ لِنَفْهَمْ. إِنْتَ مَا طَلَبْت ضَحَايَا مُحَرَّقِينْ وَ لَا ضَحَايَا لِكَفَّارَةْ الذَّنِبْ.

أمْثال 21:3

طَبِّقِينْ الْحَقّ وَ الْعَدَالَةْ أَخَيْر لِلّٰهْ مِنْ قَدِّمِينْ الضَّحَايَا.

إشَعْيا 58:2

لَاكِنْ كُلِّ يَوْم هُمَّنْ يِفَتُّشُونِي أَنَا وَ يِدَوْرُوا يَعَرْفُوا دُرُوبِي مِثِلْ أُمَّةْ التِّطَبِّقْ الْعَدَالَةْ وَ مَا خَلَّتْ شَرِيعَةْ إِلٰـهَّا وَ مِثِلْ يِدَوْرُوا مِنِّي شَرِيعَةْ عَادِلَةْ وَ يِرِيدُوا يِقَرُّبُوا لَيِّ.

هُوشَع 6:6

وَ مَحَبِّتْكُو نِدَوْرهَا زِيَادَةْ مِنْ الضَّحَايَا. وَ كَنْ تَعَرْفُونِي، دَا أَخَيْر لَيِّ مِنْ الضَّحَايَا الْمُحَرَّقِينْ.

عَمُوس 5:22

حَتَّى كَانْ قَدَّمْتُوا لَيِّ ضَحَايَا مُحَرَّقِينْ وَ هَدَايَا هَنَا دَقِيقْ كُلَ، مَا نَقْبَلْهُمْ. وَ كَنْ قَدَّمْتُوا لَيِّ ضَحَايَا سَلَامَةْ مِنْ عَجَّالْكُو السُّمَانْ كُلَ، مَا نَجْعَلْهُمْ.

حَقَّاي 2:14

وَ حَقَّاي رَدَّ لَيْهُمْ وَ قَالْ: «دَاهُو كَلَامْ اللّٰهْ: ‹الشَّعَبْ دَا وَ الْأُمَّةْ دِي، كُلُّهُمْ مِثِلْ دَا قِدَّامِي أَنَا. وَ كُلَّ خِدْمَةْ إِيدَيْهُمْ وَ أَيِّ شَيّءْ الْيِقَدُّمُوهْ لَيِّ كُلَ نِجِسْ.

زَكَرِيَّا 7:5

«قُولْ لِكُلَّ شَعَبْ الْبَلَدْ وَ لِرُجَالْ الدِّينْ: ‹وَكِتْ صُمْتُوا وَ حِزِنْتُوا فِي الشَّهَرْ الْخَامِسْ وَ السَّابِعْ، وَ دَا مِنْ مُدَّةْ 70 سَنَةْ، صِيَامْكُو دَا لَيِّ أَنَا وَلَّا؟

هُوشَع 8:13

هُمَّنْ يِقَدُّمُوهُمْ لَيِّ ضَحَايَا وَ يَاكُلُوا اللَّحَمْ وَ لَاكِنْ أَنَا اللّٰهْ مَا نَقْبَلْ ضَحَايَاهُمْ. نِذَّكَّرْ خَطَاهُمْ وَ نِعَاقِبْهُمْ بِسَبَبْ ذُنُوبْهُمْ. خَلِّي يِقَبُّلُوا مَصِرْ!

عَمُوس 4:5

وَ حَرُّقُوا خُبْزَةْ بَلَا تَوَّارَةْ هَدِيَّةْ شُكُرْ وَ فَاشُرُوا بِالْهَدَايَا التِّقَدُّمُوهُمْ لِلّٰهْ بِنِيِّتْكُو. وَ دَا بَسْ الشَّيّءْ الْيَعَجِبْكُو إِنْتُو، يَا بَنِي إِسْرَائِيلْ.» وَ دَا كَلَامْ اللّٰهْ الرَّبّ.